رواية هشاشة قلب الفصل الخامس والثلاثون بقلم العباديه
ڪل ليلة اتسلقُ أعلىٰ قمة فې الشوق ،
ٲُنـادي عـــلـيـكَ بـمـڪبـرات الـدمـو؏ ،∞
~~~~~~~~~~~~~~~~~~~~~~~~~
ثُرىٰ . . .
رديت عليه إجاني صوته يرعد رعد ويخووف :-
- ارتاااحيييتتييي هسسسه ارتاحيييتييي فهمميينني شداازه شمصخمممه ؟؟
- شنووو؟
- الصووور الدازتهننن شنننننه ؟؟؟؟
- هنه صورنه
- ادرررري صوووورنه شنننه ووينهههنننن؟؟
- صورنه الي بالألبوم الصغير
- كلههههن؟؟
- اي
- طاح حظج !!!
- شنوووو؟؟؟
غلط عليه !! ظليت صافنه .. رأساً دمعتي نزلت وأنهضمت .. سده بوجهي واني كلمته تتردد ببالي !! يغلط عليه؟ اول تالي !؟
متت قهر لاتعشيت ولا حطيت لگمة بحلگي بس مدمعه وأتصفن .. نمت من وكت او بالأحرىٰ تظاهرت النوم بس شبعت بچي جوه الغطه ومخدتي شهدت على دموعي .
ثاني يوم ماداومت مالي خلگ ابدد النوب قوگ ماغلط عليه اروح اشوفه يمكن اسويلي كارثه .. اجت امي تتطمن عليه كتلهه مااروح.
والله ماادري شنو ذني اهلي كله الضيم عليهم اول شي ضيم تقوى وهيه اني كلما امي تشوفني ضايجه تظل تلوب عليه واني مااگدر اتظاهر فرحانه .. القهر ينخر بروحي نخر.
كمت الصبح وي أمي وفدك نظفت وياهن وحاولت ألهي روحي بغير أشياء والهي تفكيري بس وين عقلي كله وياه .. طبخت الغده وتغدينه .. الساعه بالـ1 إجت تقوى من الدوام تلهث وفحطانه بدلت واجت كالت
تقوى.. اني بعد مااتحمل راح اگول لاإسماعيل عليه
- منو؟
تقوى.. شبيج ثريا شبيججج يعني منو؟؟
- ها ها اي شبيه
تقوى.. شبيه يعني لازگلي
- اي وشنو شسويتي
تقوى.. انتِ ماجاي تجمعين خل اسكت احسللي
- بعد أحسن
تقوى.. يااا تخبلتي رسمي اكيد
هزت إيدهه وراحت هوَ اني روحي ماطايقتهه .. كعدنه نتغده وشربنه چاي وبلشت تقوى تشكي لااسماعيل :-
تقوى.. اسماعيل اني مليت شوفلي حل تره والله تعبت يااخي
اسماعيل.. شكو شبيج
تقوى.. السيد مايعوفني بحالي لازگلي يعني الكاه كاعد يم المدير بالشركه ودك سوالف والگاه گدامي يم السكرتير والگاه من اريد اطلع وكلما يشوفني يلزگ الا يحجي وياي يريدني ارجع اني ماعوّلي اشرد من ضيم اخواته اروح ارجعله؟
اسماعيل.. شنووو من شوكت هالحجي؟؟
تقوى.. من اول ماداومت
اسماعيل.. وليش ماحجيتي ماكلتي؟؟
تقوى.. مو كلت هسه يفك ياخه مني يمل ويروح بس ماله نية يمل ولا إله نية يعوفني
اسماعيل.. هسه اخابرره العب بيه لعب
تقوى.. اي يااخي مليتت
رحت جبتله موبايله واتصل عليه
اسماعيل.. اكلك حبيبي فك ياخه عن اختي احسللك لاتشوف شي مايعجبك
- مرتي اريد ارجعهه
اسماعيل.. قصدك طليقتك ولو تموت بعد مانرجعهه الك قابل مضحين ببتنه ف لاتحاول ببلاش
- كلشي تريدون اسويلهه
عاط بي
اسماعيل.. مانريد منك شي بس فك عنهه ياخه يااخي جاي تگلك مااريدك مااريدك لزگه شنوو
ظل يصيح عليه وعصبي سده منه وظل يصيح على تقوى وحذرهه أي شي يسويلهه تگلله هاف يتكرر وياهه هالموقف والنوب ينزلهه بالشارع شيكولون عليهه الناس مايكولون هذا طليقهه .
.
بالليل خابرتهه نهى وظلن يسولفن واني اباوعلهه .. اريد مثل قبل نرجع كلنه نسولف حتى مشتاقتلهه اني شجاني سويت هيج هوَ الصوچ صوچي والغلط غلطي .
تقوى تسولف وياهه شويه وباوعت بيه كالت
تقوى.. اي اي يمي من مساع
كملت تسولف شويه واجت تركض حطت الموبايل على إذني
تقوى.. احجي احجي
- شنو
تقوى.. نهى تحاجيج
- مارريد
نهى.. ثُرىٰ الووو وينج
تقوى.. احجي يختي
- الوو ها نهى
نهى.. شلونج ثُرىٰ
- زينه الحمد لله وانتِ
نهى.. مو زينه .. مشتاقتلج
سكتت
نهى.. ثُرىٰ اني وين ادري راح يصير هيج
ظليت ساكته ولا نطقت كلمه
نهى.. ثُرىٰ فدوه لخاطري احجيلج شي تره گوه مصبره روحي المفروض انتِ تتصلين بيه وتعتذرين لان رزلتيني بس كلت ميخالف جانت بحالة عصبيه ومقهورة من زوجهه
- شنو شأحچي؟؟ نهى الغلط مني ادري المفروض مااراسل واسد الموضوع بس هذا اكل بعقلي وسحب لساني بإستفزازه لان يريد يسولف هاي يمكن طريقة معروفه عند الشباب يسحبون بيهه لسنة البنات بس اني وين ادري
نهى.. هم صدگ انتِ وين تدرين قابل حاجيه وي ولد قبل بس هسه الموضوع انتهى وانتِ حاولي تصالحين ماهر لان صاير ماينطاق بس عصبي ووجهه مايگصه الطبر حتى الضحكه غابت عن ملامحه
- حقه ماألومه هسه شفكر بيه اوف نهى لاتكريني والله جاي أموت من القهر
نهى.. الله يهديه ان شاء الله
- ان شاء الله
سديته منهه مرتاحه نوعاً ما انو رجعنه نتحاچه اني ونهى بقه بس ضيمي الأكبر ماهر ..
ثاني يوم داومت ولكيت مجموعة بنات ويانه كل سنه .. صاحتني وحده من عدهن .. سألتني :-
- اكلج انتِ خطيبة الدكتور ماهر؟؟
- لا زوجته
- اها زوجته حلو بس ممبين عليكم
- اي لان بالكليه طالبه ودكتور ماعبالك متزوجين
- ههههه علينه وبالبيت تعال قريني وشكم سؤال على كم فرع
- ههههه لا والله
- دگعدي اكعدي يمنه
كعدت يمهن بس البنيه قائدتهن شكلهه مو راحه ابدد ولبسهه اوڤر ومطلعه نص شعرهه .. هيَ التأمر وتنهى عبالك خدامات عدهه .. كعدتني يمهه ودگ سوالف لاخلت اصلهه لاخلت اخوانهه لاعشيرتهه كلهه جابتهه يمي وتسولف وياي .
هنه ذني ويانه بس مانتقربلهن لان بس سوالف ومايدرسن وباخير السنه نتفاجئ ناجحات ودرجاتهم زينه .
دخلنه للقاعه ولزكن الا تگعدين يمنه بمجموعتنه .. رحت من يم فاطمه وكعدت يمهن بالأخير .. ظلن يسولفن طول المحاضره اني انزعجت ردت اكوم واصلاً ماركزت بشي .. بس لازگات كلما اريد اروح يكولن ظلي يمنه بعد شويه واني استحي النوب .
كلت هيَ بس هاليوم خل اجرب اكعد يمهن .. ظلينه بكل محاضره اني يمهن .. لما وصلت محاضرته .. دخل باوع بكرسيي فارغ .. ظل يدور بعيونه لما لمحني بالأخير عصر عيونه حيل وخنزر .
ظل يشرح كمل محاضرته وطلع .. طلعنه بالممرات نسولف .. هوَ جان بالقاعه اليمنه يعني من يمر يمر من يمنه .
اني جنت بالطرف .. هوَ مر من يمي بمشيته همس بعصبيه بدون مايوگف ولا يباوع بيه "تعاي ورايه بسرعه" كمل مشيته وراح .
اني ترخصت من عدهن ورحت لمكتبه .. دخلت لكيته كاعد ع الكرسي ويهز بيه بعصبيه .. اجيت وكعدت ع الكرسي كتله :-
- ها ماهر صحتني ؟
- اااإستتااذذ !
صفنت أستاذ ؟ عود كولي استاذ .. هــه حتى هوَ گام يگول مثلي إستاذ مو دكتور .
كبسته كتله :-
- احمم ها دكتور ؟
إبتسم تك خد وحچه بنبرة إستهزاء
- شنو هالشله الجديده اليوم تمشين وياهه ؟؟
- شنو شبيهه؟
- هاي السوالف بطليهه صرتي مرة إلىٰ متىٰ أعلم بيج اني ؟؟
- شنو شمسويه
عصب ونتر
- اسسمممعييي هاي الشله تعوفيهههههه فهمتتي تعوفيههه ماإلي خلگ مشكله جديده تره آخر مشكله بعدني محالهه خلي ع الاقل تعدي فترة وسويلج مشكله جديده
دمعت وحچيت بصوت مخنوگ بالعبرة :-
- هسه شمسويه اني؟؟ هنه صاحني يسألن بيه
- اذا بعد شفتج كاعددده بالأخير شرط اطردج من القاعه كلههه
- شنو تطردني اصلاً اني بعد مااگعد بالأخير
- اي عفيه عود اكعدي حبابه
صفنت شو عبالك جاي يحاجي ابنه الصغير .. خليت وكمت عيوني مدمعه .. رجعت لمكاني ومن يحچن وياي مااحچي وياهن واتذكر بس بكلماته يطردني شنو قاعته ويطردني .. ظلت كلمته تاكل بگلبي واجتني هاي البطرانه تسأل بيه :-
- اكلج ثُرىٰ دكتور ماهر هم يحب الدولمه؟
- وشعلييجج بيه انتِ .. اذا يحبهه لو لا انتِ شكووو؟
- ياا شبيج
- شوو وخري عنيي ماإلي خلگج
عفتهه ومشيت اني القهر ياكل بيه وذني يريدن واحد زاهيتله الدنيا .. كمل اليوم ورجعت للبيت .. حضرنه الغده وظلينه نتغده .
من خلصنه اجتمعنه مثل يوميه وظلينه نفضفض بلشت تقوى تسولفلي
تقوى.. اليوم هم اجه ولعب بيه لعب يكلي :-
- تروحين تكولين لااخوج نسيتي أيامنه نسيتي سعادتنه سويه بس اهلي الخربو حياتنه وكتلج اطلعج بغير محافظه ليش تذليني اكثر من هذا الذل تعبت اني ارحميني
تقوى.. مااريد ارجعلك اني شفت الموت بين عيوني انتَ المفروض ترحمني مو اني الارحمك .. عوفني يااخي عووفني
- مااعوووفج والله مااعوفجج حب حياتي انتِ اني شوكت خاب غيرج؟؟ بكلبي ولا وحده غيرج تريديني اضحي بيج واني ماعندي ولا واحد بالدنيا شفت وياه راحتي الشفتهه وياج
تقوى.. بس اني ماارتاحيت وياك وهسه باي
خليته ورحت يريد يرجعني واني ماجاي اگدر كلما اشوفه أتذكر من جنت بين ايديهن ويخنكن بيه شفت الموت بعيوني
مروه.. تقوى جاي يگلچ اعزللج بخارج المحافظه اذا هيج ارجعي يعني ترتاحون لااخواته ولا اهله شنو تاليتج تبقين طول عمرج هيج الى متى؟؟ كبرتي عجزتي منو الج؟ خلي ع الاقل ابنج بكبرتج سند الج ولامنية نسوان الإخوة
تقوى.. ماادري احس گلبي ملچوم خليني أرتاح فترة يلا افكر ارجعله افككرر مو أكيد
مروه.. فكري عمي فكري منو لازمچ
ظلينه نسولف لما تعبنه ونمنه .. مر اليوم عادي
ثاني يوم داومت ومن دخللنه للمحاضره باوعت عليه مثل يوميه اتفحص كل جزء بيه لما عيوني تشبع شوف .. اشو وصلت لاإيده واشوفلك نازع الحلقه !! يممه گلبي طار !! راح اموت من الحرگه ! ليش نازعه؟؟
طول المحاضره آني انشال وانرگع ليش نازعهه ؟؟ راح اتخبل شنو معناهه عود راح اطلگج لو شنو؟
خلص شرح المحاضره واني طرت وراه ؟ فتحت باب المكتب ودخلت بدون حتى ماادگ الباب هوَ من شافني دخلت هيج بدون سابق أنذار خزرني ونتر :-
- إكو شي يسموه باب من تدخلين تدگيه
نترت بصوت عالي وصوتي مخنوك بالعبرة اريد ابچي وعيوني مقرقره دموع :-
- ماهر وين حلقتك؟؟
رفع إيده باوع بيهه وعكد حاجبه مستغرب ! باوعلي شاف ملامحي غاضبه وازأر احس وجهي صار حااار .
كال :-
- اني نازعهه !
- شنو نازعهه؟؟ ليش؟
- بكيفي شنو ليش
- ماهرر شنو بكيفك ليش نازع الحلقه
- كتلجج بكيفي اني نزعتهه مااريد اخليهه بإيدي دتضايقني
- هيج حلقتي تضايقك؟؟
- اي تضايقني
نزلت دمعتي واعصابي إنهارت بس ابچي
- اذا انتَ تضايقك اني هم تضايقني وهسه انزعهه
- جربي تسويهه وشوفي شيصير
- هيَ شنوو اجرب يعني بس انتَ نازعهه واني مايحقلي انزعهه؟؟
خزرني بغضب غمضت وظليت ابجي همست :-
- حرام عليك الجاي تسويه بيه اني ماخنتك والله رزلته بس طفه الموبايل وماراحت .
- حراااام ؟؟ ههههه حرام عليه؟ حلوه هاي مال حرام عليه؟؟ وها هاي المواضيع أجليهه كز بالجامعه تحچين بيهه ولا بمكتبي
گمت اشهگ وهوَ يباوعلي مستغرب وبنفس الوكفه والملامح الجامده.
اني مليت من الحچي .. كتله :-
- عادي انزعهه الحلقه سوي اليريحك وخليني عند اهلي كل واحد بجهه .. ادري بيك تريدني أمل من عندك واطلب الطلاگ بس مااطلبه انتَ طلگ عود
خليت ومشيت اريد اطلع سمعت نترته بصوت هامس :-
- نسيتهه
رجعت عليه
- ها شنو نسيتهه؟
- من غسلت نزعتهه وبقت على المغسله ف لتظلين تفسرين بكيفج
ابتسمت بفرح ومشيت .. خلي نساهه ولا يريد يطلگ همزين ماخلاني بدوامة التفكير يمكن لو ماگايللي اظل افكر للصبح وتنبت عشر شيبات براسي .
رجعت للبيت وداخلي يحوس اريد اعرف شنو سالفة الصور رحت خابرت موج واني متحضره للمصيبه .
- موج موج كولي شكو ليش ماهر خابرني ع الصور ؟
موج.. لعد مكالج؟
- لا ماكال
موج.. لج اجتي جنات لبيتنه ابتزته بالصور تگولله انشرهن كلهن اذا متتزوجني بس والله ضحك عليهه ضحك اول مره بحياتي اشوف ماهر هيج يضحك
- ليش
موج.. يضحك ع تفكيرها وع علقها الصغيرون هههههه عقلهه مال زعاطيط
- جا ليش خابرني معصب
- لج مو انتِ ترفسين بالبطن كل الصور بيهن لبسج فاضح وهيَ ماخذ الموضوع بجد وكالتله بالليل تلكاهن بكل كروب ع الفيس بس هوَ سحبهه من إيدهه وطلعهه لبره وحچوا
- يااا شحچو؟
موج.. ماعرف
- جا هسه شيصبرني اريد اعرف شحچو
موج.. هيَ ابتزته واكيد ماهد لكه طريقه ياخذ الصور من عدهه
- خاف تزوجهه
موج.. يااا ههههه لا ميسويهه ماهر ميتزوجهه لان يكرهههه كره الأعمىٰ
- اي ادري بي
موج.. لعد تطمني بس اكيد شاف طريقه تغنيه عن الفضيحه وتصرف بيهه ماهر محد يكدر يوكعه لو مو جنات ف لتخافين
- يمه طمنتيني الله يطمنج
سديته منهه مرتاحه اكيد ماهر تصرف وياهه ..
استمرت الايام وماهر ماكو لاخبر ولا وصية اليوم صارلي 40 يوم وهوَ نفس قساوته وجموده ومن آخر موقف بعد ماحچه وياي شي .. اليوم اجتنه مشاية شيوخ على تقوى السيد جايبهه حتى بدون مايگول اسماعيل ظل صافن بين الشيوخ ومحتار شيگول .. مايكدر ينطي كلمه بين العشاير ف گالهم خل نشوف رأيهه يلا ننطيكم كلمه .
اجه على تقوى كالههه وهيَ ظلت مصفصفه شتكول محتاره بين عقلهه وگلبهه .. بالليل اجت نهى تركض تقنع بتقوى وماكو تريد ترجعهه لرجلهه .. وتقوى ساعه تكول اي ساعه تكول لا بعدهه مامتخذه قرار .. مروه كالتلهه هم ارجعي وانطيناهه آرائنا وظلت بكيفهه.
الصبح كالت قرارهه لااسماعيل هاي هيه ترجع .. آني ضجت لان على الهبطه الي كلبي هبطههه مايستاهل نرجعهه إله وتقوى من تحب تدلل وتنطيه ماي عيونهه .. وهوَ مدللته دلال هل من عافته تعذب وكام مايطيق البيت لان هيَ مابيه .
كعدنه اليوم كله نسوي تغيير بشكلهه .. واني هم منتظره اليوم اليجي بيه عليه .
خلصتهه كله اتقيئ واتشهى أكلات .. كرهت اكلات جنت اموت عليهن وامي تگلي حامل واني مااريد اواجه نفسي بالحقيقه .
آخر شي أُمي گالتلي ناخذج تحللين .. ماقبلت كتلهه جيبيلي منزلي .. كالت :-
- خايبه ليش غبيه نروح للمختبر حتى تخابرينه وتگليله رايحه احلل مال حمل حتى من يسمع بالحمل بلكي يفرح والله يحنن گلبه عليچ .
هم فكرت بيهه وكلتلهه اي نروح للمختبر .. للظهر خابرته من موبايل أمي .. عدت الاتصال مرتين يلا رد .. عود ثگيل
- الوووو هلو ماهر شلونك؟
- تمام
- اني اريد اطلع
- وين؟؟
- نروح للمختبر
- ليش؟؟
- شنو ليش غير احلل
- تحليل حمل
صفن شويه حسيته مصدوم
- حمل !!
- اي حمل اني اشك بنفسي حامل واريد اتأكد
سكت. لمدة ثواني .. كلتله :-
- الوو ماهر تسمعني؟
- اي اي داسمع
- اروح لو لا؟
- بيش الساعه تروحون؟؟
- بالـ4
- تمام لعد اني اجيكم تحظرو
- خاف نتعبك
- مابيهه تعب
- ماشي
- مع السلامه
- الله وياك
سديته منه وبداخلي فرحه بلكي حامل يارب احس صوته تفاجئ .. وهوَ يموت ع الاطفال
العصر بدلت ولبست عباية احاول بكل وسيلة إرضاءه والله يساعدني .. اتصل على الموبايل مال امي خليتهه هيَ تجاوب .. سلم عليهه وكالهه يلا اطلعو اني بالباب .
طلعناله وامي كعدت يمه واني وره امي سلمت عليه وهوَ اكلهه اكل بالسلام .. طول الطريق اباوع بعيونه مشتاقه لملامحه مشتاقه لكل تفصيل بيه .. راح اموت على شوفته ماتوقعته بهالقساوه وكدر يفاركني كل هالمده هاي لو اني يومين وصالحته.
وصلنه للمختبر سويت تحليل هوَ نزل ويانه وظل بالانتظار ولا كعد ظل واكف وبس يهز برجله بعادته هاي كتلني بيهه اتخبل منهه .
شويه وصاحو بإسمنه راح هوَ استلمه وكالتله النتيجه حامل !
اجه وجهه فرحان ومبتسم .. باوعلي بفرح ولأول مره تجي عينه بعيني هز راسه مبتسم وتقدم علينه كال :-
- مبرووك
امي ردت عليه واني هم ضحكت فرحانه .. من رجعنه بالطريق كال :-
- عيني ام اسماعيل تسمحولنه نرجع حلالنه لو لا؟
امي ضحكت وكالتله :-
- انتَ كلتهه بعد حلالك
طرت من الفرح .. ظليت اكمز بگلبي .
وصلنه للبيت وكال بالليل اجي عليج اخذج .. لميت ملابسي كلهه وطايره فرح وخابرت تقوى ناصبه عليهه ..
- وجهج خير عليه لو راجعه من زمان اثاري جنتي مخليتني وياج ونيسه .
ظلينه نسولف ورحت حضرت روحي بالليى اجه عليه ظل كاعد يمنه يسولف وي الولد فهمهم انو عنده ظروف وماكدر يجي عليه وطلع حجته بالشغل ولفلف السالفه من يمه حتى اني ظليت صافنه .. شويه وكال يلا نروح .
طلعتله مبدله ومتشيكه على آخر حبايه شافني صفن واخذ الجنطه من ايدي وطلعنه .
صعدت يمه بالسياره وطول الطريق ماحچه شي عكس توقعاتي انو راح يخبصي باافرح ويظل يسولف وياي .
وصلنه للبيت وهوَ حتى كلمة شلونج ماكال .. تلگتني ام ماهر بالوجه المعفوس ونظرات الحقد الشايلتهن بعيونهه كاارثه .. دخلت وهوَ صعد واني ظليت كاعده بالصاله عود مشتاقتلهم ولازم اسلم .
اخر شي ام ماهر عاطت بيه
ام ماهر.. المن باقيه هنا مكابلتني فوتي لحكي رجلج هوَ اني اتخبل منج ومكابله وجهي دفوتي
مشت من يمي ودفعتني من متني واني كاعده وراحت لغرفتهه .. انهضمت وكمت رحت للغرفه وراه .
دخلت للغرفه لكيتهه مغيرهه وجديده تختلف عن ذيج اختلاف تام وحلوة .
حطيت ملابسي بالكاع وظليت واكفه هوَ متمدد ع الجربايه ولازم موبايله من وكفت حتى ماباوعلي .
تقربت من يمه :-
- ماهر بشنو سكتت جنات؟
باوعلي بنظرات مافسرتهه شنو سكت شويه وجاوب.
- انسي هالموضوع بعد اقفلي نهائيا
وعصيتُك ثم رأيت عفـوك واسـعـاً
وعـلـيَّ سِــتـرك دائـمـاً .. مسـبــولِ
فلك المحامد والمدائح في الثـنـاء
يامـن هـوَ .. المقصود والمـسـؤول
ٰ
~~~~~~~~~~~~~~~~~~~~~~~~~
ثُرىٰ . . .
ظليت صافنه بوجهه شنو يعني أغلق الموضوع نهائياً !! خاف صدگ تزوجهه؟! لا لا مايتزوجهه اصلاً تلعب روحه منهه .. بس الفضول مايگعد رجعت سألته :-
- ماهر تزوجتهه؟؟
باوعلي ورفع حاجبه :-
- يعني اني من اگول سدي الموضوع تفتحيه ليش؟؟
- يعني تزوجتهه؟
- عجييبب
- ماهرر اي لو لا؟؟ مو غلطت معناتهه تعيش حياتك بكيفك بدون ماتشاركني اني مررتك .. انتَ مو تكول الحياة الزوجيه مشاركه وواحد مايضم ع الثاني اشو ماجاي اشوف مشااركه اني ادري بروحي غلطت من ضميت عليك وماطبقت هالشي بس انتَ طبقه ووگلييي تزوجتهه لو لا؟؟
- لا لااا .. لج اني انزل مستواي لهاي القذارة واتزوجهه؟؟ ششايفتني مقابيلج مگررن؟
- چا شلون سكتتهه؟
- بطريقتي
- اي شنوو طريقتك
- لج بابا هاي فد وحده ادبسززز كم مليون وتسكت .. بس گلتلهه اسفرج للخارج وانطيج كم مليون طارت من الفرح عوزهه بس تبوس إيدي ..والصور كلهن حذفتهن وإضافه لزمت عليهه مستمسك يگعدهه ع الحديده ف انتِ لتخافين مو الببالج ابددداً بس تحاول تستفزني بالصور خاف مسويه نسخ رأساً تلگه روحهه بالسجن
خله وطلع معصب ودمه يغلي من الحرگه بس طاريهه گلب وجهه گلاب وخلاه يصير عصبي
ارتاحيت من كال هالحچي هيَ عوزهه بس يطلع متزوجهه حتى اتخبل .. هسه لازم أبلش أصالحه .
ظليت انتظره يرجع يصعد بس ماصعد .. نزلت لگيته بالصاله كاعد على فلم ومتمدد مخلي رجليه على الطبله وحاط إيديه وره راسه ويباوع .. رحت سويت شاميه وحضرت كرزات جبتهن اريد احطهن ع الطبله بس رجليه مامخليات مكان هوَ يباوع عليه أكلني أكل بنظراته واني محتاره وين اخليهن .. همست :-
- بس شويه رجليك
- هاا اي
نزّل رجليه وحطيتهن .. كعدت يمه وسألته على الفلم :-
- حلو هذا الفلم لو لا؟
- اذا مو حلو ليش داباوعه
- ههههه مو اكو انواع مااحبهن مثل الرعب وذني مالات المافيا
- احلى شي هنه ذني
- ماحبهن
- لعد خنطلع اليوم فلم رعب
- لا لا والله اخاف
ابتسم تك خد وطلّع فلم يضحّك .. خلصتهه ضحك من بداية الفلم لما خلص وكلما اضحك هوَ يباوعلي مبتسم ومن انتبهله يدور وجهه بسرعه .
لنص الفلم رفع إيديه ظل يتمعصر ويتثاوب باوعلي :-
- متنعسين
- لا غير اكمل الفلم
- لعد اني رايح انام
وگف طگگ رگبته وعصر ايديه اني كمت رأساً طفيت التلفزيون وصعدت وراه .
نام واني بصفه ظليت أحوس اريد تغمض عيني ماكو .. اخر شي كال :-
- متنامين شبيج
- ماانعس
- غمضي وثبتي جسمج لتحوسين وانتِ تغفين
نمت بس ماكو .. آخر شي سحبني لحضنه وثبتني بإيديه حسيت روحي انجعصت
- ماهررر انجعصت
- هههههه دروحي مو مال حضن
حررني من حضنه گوه تنفست بويه هسه يلا كدرت اتنفس .
ثاني يوم الصبح كعدت من وكت حضرت ملابسه وسويت الريوگ كملت كلشي وصعدت گعدته كعد دخل سبح وبدل واني هم بدلت ونزلنه تريگنه بهدوء وكملنه طلعنه اول ماصعدنه بالسياره كال :-
- ماوصيج بعد
- هاا عليمن
- أي تصرف غير لائق مااريد كل النهيتج منه لتسويه
- اي
وصلنه اني وياه للجامعه وظليت كاعده بمكاني مااريد أي تصرف يزعجه ع الأقل خليني أكسبه .. اخذتلي شويه ونفسي بدت تلعب .. صخام بويهي وين أروح هسه آني ؟
كمت للحمامات تقيئت حسيت روحي تريد تطلع عيوني تدمع لوحدهه ونعست حيل .. خابرته
- الوو ماهرر الحكلي
- شبيج شصاير؟؟
- راح اموت تعال رجعني
- ثُرىٰ شبيججج
