رواية علي اليتيم الفصل الرابع بقلم جمانه السعيدي
علي...كان هذا اللقاء بداية الشرارة الحب
بينا اذا اكول كلشي بيها يعجبني ابد ماابالغ
هادئه وحنينه وذكيه ومتفهمه
بس عدها شويه غيره
لا مو شويه هوووووواي
ما تقبل احجي وياا اي وحده وتموت اتموت من مهدي
اذا احجي عنه كدامها تتخبل
حتى تدعي علي الله ياخذه
اكيد هذا الشي يزعجني لان مهدي صديق عمري
ويفرحني بنفس الوقت
لان احسها تحبني حب حقيقي
مهدي نفس الشي هم يدعي عليها يكول منيين طلعتلي هاي القزمه خربت صداقتنا
حاشره نفسها بكل سالفه تريدك بس الها
ماكو سياره تدعمها واخلص منها
علي....لا تدعي عليها هاي حبيبتي
مهدي...ميخالف انشاء الله تفقد الذاكره واتنساك
زين هيج يعني ما تموت تبقى عايشه بس تفقد الذاكره
حتى ترجع صداقتنا مثل قبل
ماكو بيها طرف ثالث
جمانه السعيدي
نجحنا من المرحله الاولى ونتقلنا للمرحله الثانيه
اتلاثتنا اني وريحانه ومهدي
طول العطله كنا نتواصل بلتليفون اكثر شي نحجي بلخدمه بليل
صح الانترنيت نزل بلعراق بس اني بعدني ما ساحب خط
ضروفي ما تسمح
بس مرات اروح اكنك يم مهدي شويه وارجع
علي....صباح الخير
ريحانه...صباح الخير البارحه اتاخرت اتصل عليك وماكو
علي...تليفوني طفا شحن وماعندي رصيد
ومهدي اجا طلعنا اني ويااا
ريحانه...هم مهدي يمتى الله ياخذه واخلص منه
علي...مااقبل تحجين علي
ريحانه....شريجتي مهدي
راسا اجا مهدي
مهدي ...سمعت اسمي
ريحانه...اي طبعا لازم تكون ثالثنا
مهدي...انتي شبيج منو يمج ترا انتي صار سنه من تعرف
عليج علي واني اعرفه من سنبين
ريحانه...اي كافي انت مؤبد لو حكم اعدام
مهدي... خويه هاي ما تفيدك عوفها اني ازوجك اختي
على الاقل اضمن نبقى سوا ومحد يدعي عليه
ريحانه....ههه ضحكتني اختك اكيد تشبهك
مهدي....احلى منج بس هو ماعندا ذوووق
علي...شلون هسه كل يوم نتعارك
مهدي...مليقه حيه
علي....لا مو هيج
ربحانه...اني حيه لو انت المسموم
مهدي....علي انتضرك من تخلص هاي لغوه تعال
ربحانه....هاااي لغوه عليه شكد همجي
علي...روح خويه خلصنا اني اجي وراك
ربحانه...لا ماتروح ويااا
مهدي....اي مو هو بكيفج
علي....مهدي خلصنا روح اني اجي وراك
جمانه السعيدي
راح مهدي وهيه غمته
ريحانه...روح بلا رجعه الله ياخذك
علي...انتي ليش شاده وياااا شتريدبن منه
ريحانه....اكرها انت ما شايف نفسك كلمه والثانيه مهدي
شنو متعجب بي هسه هو نمونه
علي...مهدي ماكو منه عوفي اليوم عدنا امتحان محضره
ريحانه...نص نص تعال نراجع اني وياك
قبل الفاينل الاخير اتفقنا اني وريحان بس نكمل
اتقدملها وخطبها حتى لا تروح مني بس الزواج شويه يتأخر الحد مااكون نفسي
اني فعلا اخاف تروح مني اتمنى هذا الحب يبقى للابد
علي....بس تخلص الامتحانات اجي اتقدملج
ريحانه....انشاء الله اني اصلا منتضره هذا اليوم بفارغ الصبر
علي...خوما عدكم شروط هواي
ربحانه....حتلو طلبو عليك شروط اني اساعدك
شوف مفتاح الرفض والقبول كله بيد الولد
اذا الولد شافك وحبك اعتبر كلشي تمام واذا قفل
بعد هاي هي ايس
علي...الله يستر انشاء الله يقبل لاتكولين هيج
ربحانه....بما ان اني الوحيده على ٣ ولد اني مدلله
وعلاقتي كلش قويه وياا بابا وأعتقد مراح يرفضلي طلب
علي...بطلت
ريحانه...ليش الله يستر
علي...وحيده ومدلله يعني راح تطلعين كلبي
ريحانه....زعلت شنو اطلع كلبك غير انت حبيبي
اذا ماادلع عليك على منو ادلع
علي...من هسه تسمعين الكلام فهمتي لو لا
ربحانه...هااا طلع سي السيد الي بداخلك شو تسمعين الكلام غيرها هاي الكلمه وكول نتناقش ونوصل الحل
علي...ولله اخاف من كلمة نتناقش هاي معناها طريق ملتوي حتى تاخذين الشي الي تردي
ربحانه...مااستاهل
علي...حبيبتي تستاهلين اني بس عندي طلب واحد
ريحانه....عيوني
علي...سلامات عيونج امي امي اهم شي بحياتي
شوفي لو خيروني هاي الدنيا بكفه وامي بكفه
اختار امي لان ماعندي غيرها
اني ابوي ميت واني زغير اصلا ما شفته ولا اذكره
حتى صوره ماعندي اله
امي ما قبلت تزوج وبقت عايشه علمودي
اذا تردين حبنا يستمر طول العمر
اهم شي امي ترضا واني اخليج فوك راسي
اعيشج اميره
جمانه السعيدي
ريحانه....اني هيج آمنت مستقبلي مادام اتحب امك وفي الها والتربيتها اكيد راح تكون وفي وياي
احب امك واحبك
علي...واني احبج واحب ابوج الي خلفج علمودي
ربحانه....بس ماأحب مهدي ياخذك مني
علي.. هم رجعنا المهدي اني الصراحه مااكدر اعوف
مهدي مهدي اخوي اني ماعندي خوان
مهدي صديق حقيقي اليه مستحيل اعوفه
ربحانه....ياربي وين اشرد منه النوب كاعد يتغازل بي كدامي
وين صايره هاي
علي...حبيبي انتي حبج غير
ريحانه....حبيبي انت الي غير عن كل الناس
بدينا بلامتحانات وهاي اخر شي بعد راح نتخرج
وكلمن يبدي حياته العمليه
حياة الدراسه خلصت بااخر يوم امتحانات
اخذت ريحانه وياي للبيت حتى تتعرف على امي
طبعا هنا كم مره يحجن سوا بلتليفون
بس ما متعرفه وحده على الثانيه وجه الوجه
جمانه السعيدي
امي من شافته شكد فرحت بيها
امي...هله بريحانه الحلوه
ريحانه...فدوه الكلبج خاله حبيبتي
امي...يمتى تجين وتنورين بيتنا
ريحانه...البيت منور بيكم
تغدينا ورجعته للشقه هي وبنات ثنيين ماجرات شقه قريبه على الجامعه وكاعدات بيها
هي كانت محضره جنطها
ووياها ثنيبن بنات من منطقتهم
اجرن تكسي تاخذهن كبل البيوتهن
ودعته ورجعت للبيت
قررت ادور شغل على الاقل من اتقدم واطلب ايدها
عندي شغل علما يطلع التعيين
من ابوها يسئلني تشتغل اجاوب اي اشتغل مو عطال بطال
كنا نتواصل اني وياها بلتليفون كل ليله
اما بالنهار ادور شغل شكد بقيت ادور شغل
مستعد اشتغل اي شي بس شغله محترمه
الحد مالكيت شغل عن طريق ولد صديقي
عدهم محل مواد تجميل جمله قريب على السوق العربي
الولد يشتغل هناك وشغلني ويااا ينطيني عشرين بليوم
والاكل عليهم
الشغل من السبعه الصبح للاربعه العصر
كنت اروح بلخط وارجع بلخط تقريبا اصرف الفين مواصلات والباقي انطيهن الامي
امي قررت تسحب سلفه على راتبها علمود المهر
اذا تمت الخطبه على خير
بقينا منتضرين النتائج
بعد شهر ونص تقرببا طلعت النتائج طلعنا احنا الثلاثه ناحجين
مهدي اشتغل وياا عمه عدهم محل أدوات احتياطيه مال سيارات
كل يوم بليل نلتقي اني وياا وكل واحد يحجي للثاني عن يومه شلون خلص
جمانه السعيدي
بقت اهم خطوه نروح نتعرف على أهل ريحانه
بلبدايه تعارف
طبعا هي حجت كلشي عني وعن علاقتنا الامها
وامها دبرت هاي الخطوه خطوه التعارف والخطبه
وبعدين اذا صار اتفاق نتقدم ونخطب
حددنا اليوم الي نروح بي البيتهم
طبعا بيتهم بلحله
اتصلت عليه وحددنا يوم اخذت امي ورحت عليهم
وصلنا الببتهم ماشاء الله بيت فخم وسيارات حديقه ثنيين بلباب الله يستر عليهم
مااخفي عليكم خفت مستواهم المادي مبين توب
واني الحد هاي اللحظه كاعد بخرابه
وادفع ايجار واشغل ب٢٠ الف بلببوم
كمت اقدم رجل واخر رجل
حسيت امي مثل الي ارتبكت من شافت بيتهم
دكينا الباب طلع اخوها الزغير رحب بينا
ولد شاب عمره ١٦ سنه
امي دخلت جوا يم النسوان
واني دخلت بلاستقبال ابوها رحال شيخ معدل
كشخه ضخم لا بس دشداشه وعكال
شكله كلش هيبه الشوارب يوكف عليهن الصكر
وإخوانها ثنيبن وولد شباب احد ٢٥ وواحد ٣٠
لا بسين دشاديش بيض
رحبو بيه احلى ترحيب
بس الصراحه اني كنت ما مرتاح
بيتهم فخم والأثاث راقي اني ووين وهمه ووين
جابو الضيافه حايربن شجايبين
بعد السلام والترحيب
علي...اني جاي حتى نتعرف واذا صار قبول اتقدم البتكم المصون ريحانه
ابوها...والنعم منك اهلا وسهلا
امبين انت ابن اصول انت شفناك وإنشاء الله الي بي الخير يقدمه رب العالمين
بس اريد اهلك عمامك عشريتك نتعرف عليهم
احنا مراح ناسبك بس انت
احنا راح اناسب اهلك ومن الأصول تجي الزلم تكعد هنا
ونحجي بكلشي
هاي جيتك على العين والراس واحنا عدنا معلومات عنك
وماعدنا مشكله بهاي الخطبه
بس يجون اهلك وعمامك حتى نحط النقط فوك الحروف
