رواية الوجه الاخر للحقيقه الفصل الرابع بقلم جمانه السعيدي
حجي عداي...طلعت كوثر من غرفة التحقيق وهي شايله ابنها بس شافها حميد وكف
حميد....هاااا خلصتي
كوثر....باوعت على حجي عداي وكالت الله على الظالم
انشاء الله حوبتي تطلع
ولله ياخذلي حقي من هاي الناس الي ماتخاف الله
حجي عداي...طلعو هي وحميد واني دخلت على الضابط
حجي عداي...هااا حضرة الضابط
الضابط...البنيه تكول ابني يشبهني وهذا ابن اثير وانت ماعندك اي دليل ينفي هذا الكلام
كانت تحجي بثقه عاليه وابد ما خايفه
حجي عداي...واني مصمم على هاي الدعوه هذا الطفل مو حفيدي واطلب منك تتخذ الاجرائات القانونيه
اني مستعد اصرف اخر فلس املكه حتى ارجع حق اثير
هاي الانسانه بلا ضمير
اني اصلا اشك هي ورا مقتل ابني بس بلاول اريد اثبت هذا الطفل مو حفيدي وبعدين اطلع كلشي من خشمها
مراح اخليها تتهنى بكل هذا الخير
لو يبقى يوم واحد من عمري راح اثبت هذا الطفل مو حفيدي
الضابط...خلاص نحدد يوم الثلاثاء من الأسبوع الجاي يروح وياكم محظر ويااا كتاب من الشرطه وترحون البغداد
حتى تسووون تحليل DNA
حجي عداي...اني حاظر باي وقت
الضابط...تكدر تروح بس عوف رقم تليفونك حتى ابلغك بلموعد قبل يوم
حجي عداي...شكرا تعبتك وياي
الضابط...لا هذا شغلي
جمانه السعيدي
رجع حجي عداي للبيت وحجا كلشي الزوجته
ام اثير....بعد اثير راح وكلشي مايفيد
حجي عداي....اثير راح بس اني موجود لازم ارجعله اعتباره
ام اثير...هاي ملعبه الي ما صانت الملح والزاد وقدرة زوجها راح تخاف منك
حجي عداي....الظالم مراح يطول ضلمه اله يوم ويوكع
صدكي راح توكع بشر اعمالها
رب العالمين يكول بسم الله الرحمن الرحيم
ولكم في الحياة قصاص يااولي الألباب
صدق الله العظيم
وكوثر لازم توكع بيوم من الايام وتأخذ جزاءها العادل
جمانه السعيدي
اما بلنسبه الكوثر اتصلت على اخوها وحجتله كلشي صار وياها
اليوم الي بعده اجا اخو كوثر حتى يحجي وياا حجي عداي
حجي عداي...اتصلت على ليلى اطمن عليها لان ام زوجها حالتها الصحيه تعبانه وماتكدر تجي حتى نشوفها
رحنا اني وامها مرتين عليها بهاي الفتره البيت زوجها
حتى نشوفها بس ما حجينا شي عن موضوع كوثر كدامها
مهما يكون عيالها غربه ومااريد تطلع علينا سمعه قبل لا نتاكد من هذا الموضوع
اتصلت اطمن عليها ثاني يوم بعد مااشتكيت على كوثر
حجي عداي...شلونج بابا
ليلى...الحمد لله تمام
حجي عداي...شلون صارت عمتج
ليلى....محمود دز جايلها علاج من برا صح كلف علينا هواي بس وضعها هواي احسن
حجي عداي... بابا محتاجه فلوس ادزلج
ليلى...لا الحمد لله خيرك مغركنا
حجي عداي......يعني راح تجينا قريبا
ليلى.. انشاء الله لان اشتاقيتلكم وكلبي طك عليكم
بهاي الاثناء حجي عداي جاي بحجي وياا ليلى راسا اندكت الباب قوي
حجي عداي....ياااستار شكووو من رخصتج بابا اشوف الباب
ليلى بقت بقلق تريد تعرف شكوووو
ماقفلت الخط والحجي نسا الخط مفتوح
الحجي...منو
اخو كوثر...اني افتح الباب
الحجي فتح الباب هااا خير ليش تكسر بلباب
اخو كوثر...بله ما تستحي مو عيب عليك حجي وهله يله
وعليك العتب
ترا كوثر عرضك سمعتها من سمعتكم
امانه عدكم كوثر
احنا لوما نثق بيك مااامانها يمك
تالي عمرك جاي ادور سوالف مابيها حظ جان استحيت
شلون تقدم عليها دعوه
انت من كل عقلك تطعن بنسب هذا الطفل
ابمكان ما تحمد ربك وتشكره ابنك ازوج اول مره وكلشي ما حصل وبعدها من ازوج كوثر الله رزقه بهذا الطفل
هسه انت جاي تطعن بي جمانه السعيدي
شراح تكول من يكبر شلون راح تفسرله هذا الشي
حجي عداي...هذا الطفل مو حفيدي ولو يبقى يوم واحد بعمري لازم اكشف هذا الشي
اخو كوثر....الله لايوفقك رجال جبير وسوالفك مابيها حظ
روح الله لايبارك بيك
اسمع اختي راح تسوي التحليل بس اقسم قسم
اذا طلع هذا الطفل ابن اثير
راح اكاومك وافرج عليك امة محمد
دار وجا وراح وحجي عداي دخل للبيت وطبك الباب
ام اثير...شبي هذا تخبل بمكان مايطم عار اخته جاي يتهدد علينا بس ربك راح يكشفهم انشاء الله وحق اثير ما يضيع ابد
هنا ليلى سمعت كلشي لان التليفون بقى مفتوح
قفلت الخط ورجعت اتصلت على اهلها
ليلى...شكووو شصاير هذا منو وليش هيج يصيح
حجي عداي.. ماكو شي انتي بقيتي على الخط
ليلى...احجي بابا شكووو فهمني
حجي عداي...اني متأكد هذا الطفل مو ابن اثير وهاي الحيه لعبة علينا
لان نسخه من زوجها الحالي
ليلى... انت اشتكيت عليهم
حجي عداي...اي حق اثير لازم يطلع
.ليلى......اني راح اجيكم اريد افتهم كلشي
حجي عداي.....لا بابا عمتج مريضه
ليلى....لا صارت احسن يومين وارجع
حجي عداي...اهلا وسهلا
ثاني يوم اجت ليلى حتى تبقى وياا اهلها بهاي المحنه
اني ليلى بت حجي عداي ماكو غيري راح يحجيلكم الحقيقه
اني اكثر وحده جنت قريبه من كوثر واعرف كل تصرفاتها
كوثر من اجت حتى تكعد بيتنا علمود الدراسه
اني اكثر وحده فرحت بوجودها
لان اختي ازوجت قبل سنتين والبيت صار مو حلو وخالي
فرحت بيها رغم اني قبل ابد ماشايفتها
حضرت غرفتي وانطيتها خانه من كنتوري وابوي جابلها سرير تنام علي
حتى ملابسي كنت اكوللها اي شي يعجبج لا تستأذنين
اخذي والبسي بكيفج
لان الصراحه انقهرت عليها ملابسه عاديات وقليلات
البنيه كانت منبهره بعيشتنا بوضعنا بااكلنا
من تكعد على الغده تكووول حيل انتم كل يوم هلكد تطبخون اصناف
من ابوي ينطيها مصرف تبقى متعجبه
لان ابوي ينطيها اكثر من المصرف الي اجيبه من بيت اهلها
كلشي بلنسبه الها كان فوك ما توقعت
واكثر من ما تحلمت
من تتصل بيت اهلها تبقى تحجي عنا وعن ببتنا وعن الفلوس وعن الخير والاكل
مره سمعتها بلصدفه تحجي وياا امها
اني كنت برا الغرفه اجيت ادخل وسمعتها تحجي
كوثر...مااجي شسوي جايه انتي شايفه الخير
شايفه الاكل لو البيت اني لو بيدي اخلي عمو عداي يتبناني وابقه هنا عايشه بيتهم
وماارجع للفكر انتم معيشيني بنقص تعاي شوفي الخير
ليلى...اني ماكنت مركزه وياها لان هي خطاره بس تخلص الجامعه راح ترجع البيت اهله
حقه اذا جانت عايشه بفكر وتشوف هذا ااخير
طبيعي تكون هاي ردة فعلها
اني جبيره وعاقله وبت خير مو من الطبيعي اوكفلها على الكلمه
صح هي جانت تحسد بينا وخاله عبنها على كلشي بحياتنا
بس هم مايصير احاسبها
عدت المرحله الاولى والبنيه رجعت بيت اهلها
اني كلشي ماحجيت كدام اهلي
لان الموضوع ما يستاهل
اجت المرحله الثانيه وبدت كوثر تطلب من ابوي مصرف بلسانها
وكانما اخذت على هذا الوضع
تعتبر عدنا فلوس هواي وهي الها حق تاخذ من هاي الفلوس
طبعا ابوي ابد ماكان يقصر وياها يكول خطيه تشوف الطالبات وتريد مثلهن
اساعدها في سبيل الله جمانه السعيدي
بهاي المرحله بلذات كوثر دخلت بعلاقه وياا واحد وياها بلجامعه
كانت تبقى تحجي ويااا اليل كله
كلما اكعد بليل الكاها لازمه التليفون وتكتب
طبعا عادي جدا عادي
اني شنو دخلي اغلب البنات بلجامعه تدخل علاقات
الموضوع طببعي
مره دخلت للحمام وتليفونها رسايل وحده ورا الثانيه
من طلعت من ااحمام
ليلى...عيني الحب خبص الجوووو
راسا هي لزمت التليفون كامت تقرأ وتضحك
ليلى...تحبي
كوثر...منو
ليلى....هذا الي حرك الجو رسايل
كوثر...ماادري هسه احنا مجرد اصدقاء ومااعرف الجاي شنووو
ليلى...ديري بالج اتاكدي من مشاعرج بلاول
وتاكدي هو يستاهل هذا الحب
كوثر...لا تخافين عليه العبه والاعب عشره مثله
كل الوقت هي وياا يامكالمات يارسايل
مره دخلت اخذ شغله من الغرفه
سمعتها تحجي ويااا كانت عصبيه حيل
هلكد ماعصبيه مااهتمت اني موجوده
جان اسمعها تكوله
كوثر...انت تضحك عليه ليش خليتني اتعلق بيك
اني كتلك من البدايه على وضعي لا تلعب بمشاعري
ليلى...ماعرف هو شرد عليها
كوثر ... وين الحب بلموضوع
ليلى...صارت عصبيه اكثر
كوثر....بعد خلاص انتهى كلشي بينا لا تحاول تقرب عليه
راسا قفلت التليفون وكامت تنفخ
ليلى...شبيج لا اضوجين
كوثر...حيوان مو بشر
ماقبلت تحجيلي اي شي واني تقريبا فهمت اكو مشكله بينهم جبيره
عفته وطلعت
بهاي المرحله بدت المشاكل بين اثير وزوجته
على فكره اثير عقيم
وزوجته عافته علمود الاطفال
رغم هو كان يحبها يموت عليها
بس هي انسانه راقيه فضلت تنفصل عنه بدون ما تجرحه
او تخونه
شكرا لزيارتكم عالم روايات سكيرهوم
