رواية مازلت عذراء الفصل الرابع بقلم جمانه السعيدي
من خلصت متوسطه بهاي السنه صار السقوط سنة ٢٠٠٣
وهنا وضع العراق كله تغير
بعد السقوط بست اشهر سمعنا عقيل طالع للخارج
طبعا مسافر ايجوز صار شهرين أو اتلاثه واهله مايعرفون
منا لمن وصل وبدأ يضبط اموره يله دزلهم خبر
كل عمره يتصرف من عقله
وماياخذ رائي احد اي شي يعجبه يسوي
كانت عاجبته فكرة السفر والحريه
اني من سمعت فرحت همزين خلصت منه كون مايرجع بعد
دخلت اعداديه وكانت هاي المرحله مميزه بلنسبه اليه
كنت احس نفسي كبرت
وصرت أنثى حقيقيه احلامي وافكاري اختلفت اختلاف جذري
رغم كنت أتعرض للتحرش من اطلع للمدرسه ومن ارجع
بس اني ثابته وماتهزني هاي السوالف
يعني اكو ولد يسمعوني كلام وغزل
لان اني صرت جبيره ومميزه وحلوه اعرف البس واهتم بنفسي
وأهم شي اريد احافظ على وعدي الجدي
ومااريد ثقة ابوي بيه تنهز مره ثانيه
لان علاقتي وياا باقيه على شعره واني احاول اثبت هاي الشعره ومااريدها تنكطع
جمانه السعيدي
بس احب أوضح شي عقيل رافض فكرة الزواج مني
وكارهني
كان رافض فكرة الارتباط هاي
وخاصه مني وكانما يريد يعاقبني
لان يحس اني جذبت بموضوع الاغتصاب حتى اورطه
رغم هو كان نيته يغتصبني ويضيع مستقبلي
كان معاند بموضوع زواجنا وهذا الشي اجا من مصلحتي
الحد ماوصلت صف سادس اعدادي
اكو بنيه كانت وياي صديقتي كلش ومقربه مني
خطبه ابن خاله طبعا يحبه وهي تحبه
وبدت اجهز العرسه بس تخلص امتحانات السادس تزوج
المهم هاي البنيه وضحتلي شي مهم كلش
اني ماعندي اي فكره عن الزواج غير البس والمكياج
الحد مايوم كعدنا اني وياها
وكان الموضوع عن نيشان الزواج اقصد نشيان العذريه
هبه....شنو هذا النيشان
إقبال....نيشان العذريه
هبه....شنو العذريه
إقبال....هاي شبيج هبه معقوله ماتعرفين
هبه...لا مااعرف شنو فهميني
لمن بدت تدخل بالتفاصيل وتحجي اني انصدمت من كلامه
وبقيت افكر بكلام امي
وكلام كل البنات اقاربنا
وليش امي بذيج الساعه فحصت ملابسي الداخليه
وليش امي من شافت الدم خافت
بس ليش امي خافت
اني ماصار وياي هذا الكلام الي جاي تحجي عنه اقبال
عقيل ماقرب عليه
واني بعدني بنيه
جمانه السعيدي
تخبلت بيومها اريد الدوام يخلص بسرعه حتى اروح اكول الامي انتم فاهمين غلط
عقيل ماغتصبني بيومها ولا قرب عليه
وهاي الخطوبه لازم تتفركش
اني بعدني بنيه ومن حقي أرفض عقيل
اني مااربده
اريد الدوام يخلص ماكووو
كاعده على اعصابي ليش الوقت هلكد صار طويل
اخر درسين كلشي مافهمت منهن بس اباوع للساعه اريد الوقت يخلص بسرعه
بس خلص اخر درس مانتضرت صديقاتي طلعت للبيت ركض امشي بسرعه
وكانما اكتشفت شي مهم
وهو فعلا مهم هاي المعلومه بيه خلاصي من عقيل
بس وصلت شمرت الجنطه وصحت ماما وينج ماما
صوتي كلش عالي
امي...شبيج ليش صوتج عالي
هبه...ماما اني بنيه عقيل ماقرب عليه
امي...اش لا يسمعج ابوج شذكرج بهاي السالفه
هبه...انتي بس اسمعيني اني اليوم يله عرفت انتم شنو قصدكم
بس اني بعدني بنيه وعقيل ماقرب عليه
صح هو نيته كانت يغتصبني بس ماكدر عليه اني
ضربته ونهزمت
امي...انتي شنو تغشمين نفسج اني شفت الدم بعيني
هبه...هذا الدم طلع حيظ
اني اليوم فرحانه لان عرفت الحقيقه انتي لازم تصدكيني وتحجين الابوي
ابوي لازم يقتنع ويشيل فكرة زواجي من عقيل من باله
فدوه يمه اني مااريد ازوج عقيل
رحمه الاهلج ساعديني
انتي بس فهمي ابوي الحقيقه عقيل ماقرب عليه اني بعدني بنيه
جمانه السعيدي
امي....اسكتي ولا تحجين بهذا الموضوع اني ماصدكت ابوج سكت ونسا السالفه
هبه...شلون نسا السالفه وهو وجدي كل شويه دازين على عمي
خل يجي عقيل يزوج هبه
امي...اني مو اكول اسكتي سدي الموضوع
بعدين حتلو كلامج صح
انتي بعد بعيون كل الناس بنيه معيوبه اكيد عقيل ياخذج
لان اذا عقيل مااخذج
راح تبقين على كلبي طول العمر
سمعتج بعد صارت على كل السان والناس ماتصدك تلكه سالفه موزينه تبقى تحجي بيه
اسكتي ولا تفتحين هذا الموضوع مره ثانيه
جمانه السعيدي
هبه...يمه ليش ماتساعديني اني مو بتج ولله اني بنيه وعقيل ماكدر يقرب عليه
رحمه الاهلج ساعديني ابوس ايدج فهمي ابوي الحقيقه
امي....اسكتي ليش تردين تفتحين هذا الموضوع مره ثانيه
عود من يقرب عرسكم الله كريم هو الولد وين طالع للخارج ومنو يكول راح يرجع
هبه.. مااريد ابقه معلكه هيج فدوه
امي...شلون اليوم مانخلص امشي بدلي ملابسج
شكد جنت فرحانه لان فهمت الحقيقه بس امي كسرت واهسي
شنو عقيل اني مااريد عقيل
رحت الغرفتي سديت الباب وكعدت ابجي
ليش لازم ابقى اتعاقب على خطء غير مقصود مني طول العمر
ليش يضيع مستقبلي وياا عقيل
عقيل مو رجال ولا كد اامسوليه
شلون راح اكدر اخلص نفسي من هبج مصيبه
اذا امي اقرب وحده اليه مامصدكتني
شلون باقي الناس راح تصدكني
امي كان ردها بارد وحسيته مامهتمه ابد مااهتمت
تسئل ودور على الحقيقه
اذا امي ماتساعدني منو يساعدني
سكتت وحاولت اتناسى الموضوع مادام عقيل بعيد اني بخير
شديت حيلي وكمت اقرا ليل نهار اريد اطلع من السادس
والحمد لله رب العالمين ماضيع تعبي طلعت معدل زين
بس بسبب الكليات الاهليه
والقبولات الخرافيه انقبلت كلية تربيه
كلية تربيه حكوميه
بديت اجهز نفسي حتى اداوم
هاي صدك المرحله المختلفه الحقيقيه بحياتي
شخصيتي مختلفه وطموح اكبر
كل هاي الفتره عقيل مانزل للعراق بس يتصل على اهله
وبكل مره يتصل جدي يأكد على عمي
لازم عقيل يرجع يصلح غلطه ويزوج هبه
امي تسمع كل هاي السوالف ساكته وماتحاول تساعدني ابد
ليش لان تخاف من ابوي
تخاف من ابوي لا يصير عصبي بس ماتخاف على مستقبلي يضيع وياا عقيل
عمي كل مره يطلب من عقيل يرجع للعراق
عقيل يرفض يرجع
اكيد يرفض لكا الحريه واي شي يعجبه يسوي بدون حسيب او رقيب
وأهم شي النسوان والمحرمات كله كدامه
بعد ليش يرجع للعراق
اني اتمنى مايرجع ابد ولا اشوف خلقته
شكرا لزيارتكم عالم روايات سكيرهوم
