رواية كيد الرجال الفصل الرابع بقلم جمانه السعيدي
سحر....ولله جاي اكرها بعيشته اريدا يعوف البيت
ويعوفني ماكووو
كلشي مااشتغل ولا اسوي اي شي بلبيت
اريدا يعوفني يكرهني يطلكني حتة اخلص منه
مااعرف شنو من بشر
لا يزهك لا يمل من يدخل ومن بطلع اخلق مشكله
بس ماعندا احساس
لازك مااعرف شلون اتصرف ويااا
لطيف...من سمعت كلامها اجاني احساس غريب
شايفين من تضرب حديدا بجاكوج قوي سامعين الصدأ
احس هذا الصوت كام يضرب بعقلي
صدا صوت كلبي صدا صوت خيبة الامل وصل العقلي
كمت مااكدر اتحرك
كلبي يكول لا هاي مو سحر الي تحجي هيج
وعقلي يكول لا هي جاي تخونك
اكو حراره صعدت من جسمي الراسي
صدكوني لو اشرح منا للصبح مااكدر اوصلكم احساسي
بذيج اللحظه
مجموعة احساسيس هجمت عليه مره وحده
وجع على ضلم على موت على خيبة امل على صدمه
على الم على هزيمه
مااعرف اعبر عن شعوري
رجليه شبيهن كامن يرجفن
مو اني الي لازم ارجف
اني مو غلطان حتى ارجف ولا خاين حتى مااكدر اوكف على رجليه
هي هاي سحر الي تحجي عليه
لو وحده غيرها
عقلي انشل بهاي اللحظه حسيت كلشي وكف
حياتي كلها وكفت بهاي اللحظه
جمعت كل قوتي ودخلت عليه
بس شافتني ارتبكت نزلت التليفون
سحر....هاا اجيت ماحسيت بيك
لطيف...اي اجيت
اخذت تليفونها نزلت من الجربايه
سحر...اني تعبانه راح انام الجهال اليوم دوخوني
اذا جوعان عدنا جبن وخبز
واكو خيار بلثلاجه اني رايحه انام
طلعت من الغرفه
وكانما كلشي مامسويه مستمره تمثل عليه
مااعرف اني ليش سكتت بهاي اللحظه ليش بقيت ساكت
ليش ماصرخت عليه
ليش ماضربتها
ليش بقيت واكف بمكاني
جمانه السعيدي
تعرفون ليش لان مااكدر اصدك
مومعقوله سحر تحب واحد ثاني وتفضله عليه
بعد كل هذا التعب الي تعبته عليها
بعد كل هذا الدلال كنت متوقع راح تسويلي تمثال
على حجم التضحيه الي ضحيتها علمودها
شنو الخطء الي اني ارتكبته
لان حبيتها لان ماارفضلها طلب اريد اعرف شنو المشكله
كعدت على الجربايه واحس بركان يغلي داخلي
ليش اريد اعرف ليش هذا السوال تعبني
لا اكدر انام ولا اكدر اكعد ولا اكل ولا اشرب
فقدت الاحساس هاي الصدمه اكبر صدمه تعرضت الها بحياتي
ساعه واني اتكلب مثل السمجه وطلعوها من الماي
محتار احجي اضربها اموتها اطردها اطلكها
بس ذني كلهن مراح يشفن غليلي منها
اذااطلكها راح تكول اطلع برا البيت بيتي والجهال
زغار يعني الحضانه الها
راح اطلع منا بطرك هدومي
اصير مضحكه الأمة محمد
معقول اني بعد هذا العمر كله اخسر كلشي
عمري وصحتي وسمعتي وفلوسي وبيتي وجهالي
لا ولله ياسحر
الي نوخذ بلحيله يرجع بلحيله
وراح اشوف منو الأشطر ومنو الي راح يضحك بلاخير
الذي يضحك اخيرا يضحك كثيرا
لازم اهدء احاول اجمع افكاري لازم الكه خطه
ارجع بيها كلشي
لازم اضبط نفسي واسيطر على مشاعر الغضب بداخلي
رحت الغرفة الجهال شفتها نايمه
اخذت فونها ورجعت الغرفتي
مثل ماتوقعت بي رمز
جمانه السعيدي
جربت عيد ميلادها غلط
عيد زواجنا غلط عيد ميلاد جهالنا انفتح
تمام دخلت على البرامج
اكو عدها كروب داخله علي حتى تتعرفةعلى الناس الشبعانه اي واحد ناشر صورته وهو مسافر
لو عندا سياره فخمه ادزله طلب
عدها اكثر من خمسه تحجي وياهم
كل واحد داخلته بقصه شكل
هي مضلومه وزوجوها غصب وزوجها يعذبها
وماتكدر تكمل ويااا
زوجها حارمها من كلشي
مسكينه مالها احد يساعدها
تريد واحد شبعان يشجعها حتى تطلك ويتكفل بحياتها الجديده
بس الضاهر كل هذول مابيهم واحد شبعان حتى
تتمسك بي
وتطلب منه يغير حياتها
صورت كل الكروبات الي داخله بيها
وكل برامج التواصل الي منزلتها
واتس انستا ماسنجر تلي
حفضت الاسم الي تنزل بي بلكروبات
رجعت التليفون المكانه صارت الدنيا مغرب واني ماطالع من البيت اتصل عليه محمد
محمد...وينك كلت اتغدا واجي شو ماكو
لطيف...تعبان شويه مااكدر اجي اعذرني
محمد...خيرك اجي اخذك للمستشفى
لطيف...لا كلشي تمام تسلم
جمانه السعيدي
توضيت وصليت وهي بعدها نايمه بدلت ملابسي وطلعت
طلعت بس مااعرف وين اروح ومنيبن ابدي
قبل جان اكو شك بكلبي شويه ممكن اكون غلطان
بس بعد ماشفت بعيني خيانتها
لا السالفه ماينسكت عليه ابد
لازم اتحرك بسرعه بس بنفس الوقت بدقه وحذر
كلشي اخذتا مني لازم يرجع
تطلع من البيت بلثوب الي اجت بي
هو هذا استحقاقه ماتستاهل الخير الي عايشه بي
وين اروح والمن احجي وشلون راح اكدر اسيطر على نفسي واني احجي
اريد واحد ثقه يساعدني
اريد واحد يفهمني اربد واحد عقله وواعي يستوعب مصيبتي
امشي واني محتار
مثل الضايع افتر بدون مااعرف طريقي وين
الحد مااذكرت واحد
صديق قديم جان وياي بلمدرسه كلش ثقه
ذكي ولماح وفاهم بس صار فتره ماشايفه وين
طلعت تليفوني دورت لكيت رقمه
من اول رنه رد عليه
علي.... هلو اخوي هلو ضلعي ووين هلغيبه مشتاقلك
لطيف... محتاجك كانت هاي اول كلمه نطقت بيها
علي...الله يستر شكووو احجي
لطيف...محتاجك محتاج اكعد احجي وياك
عندي مشكله واريدك تساعدني حتى احله
علي.. انت وين اجيك هسه تلكاني يمك
لطيف...اني اريد اجيك إذا مااحجي وباك هسه اتخبل
تعبان اريد اموت
علي...الله يستر شبيك خوفتني
انت تغيب كل هاي الفتره وهسه تتصل عليه حتى تخوفني
لطيف...جايك هسه
شكد جنت احس نفسي قوي وعلى أساس متماسك
بس وصلت وشفته واكف بلباب
حضنته وكمت ابجي
لا مو عبالكم دموعي تنزل عادي
لا كمت ابجي مثل بجي الثكلا
يعني مثل بجي واحد فاقد شخص عزيز علي ومجاي يكدر يصدك الخبر
انهاريت حاضنه واعيط من كل كلبي
علي...يمعود اسكت شبيك ابوك مات احجي
فهمني امك ماتت
ليش هيج تبجي شصاير كل عمري ماشايفك بهاي الحاله
اسكت خل افتهم
دخلنا البيتهم واني مستمر ابجي
اني مو شخصيتي ضعيفه ابد بس احبها حب حقيقي
واليوم صدمتني بتصرفها هذا
كعدت علي راح جابلي مي شربت
هو ساكت واني ساكت هو خطيه يخاف يسئلني
خاف ارجع ابجي مره ثانيه
فات اكثر من ربع ساعه وهو كاعد وساكت واني هم ساكت
لطيف.. خانتني
علي...منو
لطيف...سحر
علي...زوجتك
لطيف...ماكو واحد بهاي الدنيا يحب زوجته بكدي
علي...ميخالف تصير
لطيف...اتصير وياا كل الناس بس وياي لا
انت ماتعرف اني شلون احبها شلون اعاملها شلون احب
ارضيها حتلو على حساب نفسي
علي...وبعدين
لطيف...طلعت عدها علاقات وياا هواي شباب
اريد اعرف ليش تخوني شنو تقصيري وياها
علي... ايجوز هي طبعها خاينه
لطيف...كالت اريد فلوس اجيب الراتب اخذ منا بس مصرف انطيها الباقي اكول اني شسوي بلفلوس هنا الها
كالت سجل البيت باسمي
علي. لا الله عليك سجلت البيت باسمها
لطيف... يابيت انت تحجي صدك لو تطلب روحي ماابخل عليها لو عيوني هم تاخذهن
غركت بلدين علمودها بس حتى هي تفرح
طلعت عدها مشكله بلحمل
ابد ماحسستها بشي لان هي عندي تسوا كلشي
تالي طلعت تكرهني
اني اكو شي متعبني اذا انسان تحبه وضحي علمودا
بالغالي والرخيص
ليش ينكر ليش ينسى شوف سحر لو ادور الدنيا كلها
ماتلكه واحد يحبها بكدي
علي. .... منك الصوج
لطيف ... اي رحمه الاهلك اريد اعرف مني الصوج ليش
شكرا لزيارتكم عالم روايات سكيرهوم
