رواية بيت جدي الفصل الرابع بقلم جمانه السعيدي
علي...انباع بيت جدي انباع البيت الي لمنا سنيين
انباع البيت ابو البركه
كل واحد اخذ حصته وبدا حياته من جديد
نبدي باابوي وين خله حصته
امي...احنا حصتنا نشتري بيها قطعة ارض لان ماتكفي نشتري بيت
ابوي...اي هو هم هيج
امي.... الفلوس الي جمعتهم من شغلك نبني بيهن
ووين مايوصلنا بلبناء ميخالف نبقى نجمع ونبني عليهن
لمن يكمل بيتنا
علي...فعلا ابوي اشترا قطعة ارض ٢٠٠ متر وبدينا نزل مواد بناء ونبني كدرنا بلمبلغ الي جامعته امي
نبني طابق اول بس بناء بدون اي شي
فقط طابوق صعدنا للسكف
من بعدها امي بدت تسوي سلف هي الي تجمع السلفه
وتأخذ اول اسم تنطي الابوي حتى يكمل بيتنا
بقينا تقريبا سنتين يله كمل بيتنا
وكدرنا ننتقل نسكن بي
بيتنا يخبل كلش حلو ومرتب
هسه نجي العمي عماد
عماد اشترا بيت ١٢٥ متر مبني قديم قديم كلش
هاي عود مو بس فلوس الورث هو مجمع كم فلس وزوجته باعت ذهبها
يله كدرو يشترون هذا البيت جمانه السعيدي
اما عمي اسعد اهل زوجته انطوها حصتها من بيت ابوها
جمعهن واشترا بيت ١٠٠ متر طابق واحد بس مبني جديد
نرجع العمي صلاح عمي صلاح اخذ حصته ضمها وكعد وياا عمي عماد
هنا ٣ اشهر وزوجت عمي كالت مااريده بلبيت
لو هو لو اني البيت زغير وهو ماخذ الصاله نايم كل النهار لاشغل ولا عمل
وبليل يرجع سكران مو اخذ حصته ليش كاعد وياي
عمو عماد هم جان ضايج منه حيل
عماد...صلاح شوفلك مكان وروح اكعد بي
صلاح...وين اروح
عماد...مشكلتك اخذت حصتك شوفلك مكان
صلاح... افه عليك تعوف اخوك علمود زوجتك ولك اني اخوك
عماد.... اخوي اطلع اشتغل كون نفسك شنو راح تبقى كاعد على كلبي العمر كله
حصتك عندك افتح مشروع اشتغل اني بيتي زغير
كوه مكفينا اني وعائلتي
وريحة البيت موطيبه بسبك جكاير وشرب
اطلع مااريدك بيتي تريد تجيني خطار هله بيك
بس تكعد بيتي لا مااقبل روح الله وياك
طلع عمو صلاح من بيت عمو عماد وراح البيت اسعد
بيت اسعد زغير وطابق واحد
بس شافته زوجت اسعد تخبلت
دخل عليهم شايل ملابسه بايده هي عرفت هو جاي يكعد وياهم
زوجت اسعد....شوف اسعد صلاح جايب ملابسه وجاي
اذا يريد يكعد يمنا اني اعوفلك البيت واطلع
صلاح اخذ حصته بعد شنو جاي يشاركني بيتي
اسعد...لا شنو يكعد ويانا اني مااقبل عطال بطال وسكير
ماله مكان بيتنا جمانه السعيدي
اسعد راح كعد وياا صلاح
اسعد...هااا خير هاي شنو الملابس
صلاح...هذا الساقط عماد طردني من بيته هم شايف هيج
وهاي زوجته عود بت عمي هي الي ماتريدني
اسعد...اي وانت جاي تكعد بيتي
صلاح...وين اروح غير انت اخوي
اسعد...لا ولله ماتكعد عدنا ابد بيتنا زغير وما يتحمل نفر زياده
اخذ ملابسك وروح
صلاح...وين اروح غير انتم اخوتي
اسعد...اخوتك خوما تكعد على كلبنا ماشاء الله انت صحه وعافيه روح اشتغل افتح مشروع بهاي الفلوس
ازوج كون اسره انت شنو نهايتك بس فهمني
صلاح...ولكم شبيكم كلكم ماتردوني وين اروح
عماد وانت وذاك فاضل زوجته كورها وكوري وين اروح غير انتم اهلي
اسعد...روح ازوج كون اسره اشتغل هذا الشرب مايفيدك
محد راح يتحملك
طلع عمو صلاح زعلان من بيت عمي اسعد
خوانه كلهم مايردو ونسوانهم ماتريده
اخذ فلوسه وجنطته وطلع البغداد من هاي اللحظه بعد كلشي ماعرفنا عن صلاح
وين راح شلون عايش ويامنو ساكن شلون مدبر نفسه
محد يعرف صلاح قاطعنا كلنا
صارت الاحداث وسقطت بغداد بيد الامريكان
بهاي الفتره بغداد صارت أخطر منطقه بلعراق
حتى أهل بغداد اغلبهم انهزمو منها
ماكو امان والعصابات انتشرت بكل مكان والقتل والتسليب
كثر
رغم كل هذا عمي صلاح مانعرف كلشي عنه
بعده بغداد لو طلع منها ووين راح
انقتل بلاحداث لو عايش محد يعرف مكانه
وهو ابد مافكر يتواصل ويانا مره ثانيه
عمامي كانو يكولون اكيد مات بهاي الاحداث
لو عايش جان رجع لان بغداد صارت غير صالحه للسكن
مشت الدنيا واحنا شبه نسينا عمو صلاح
وبعد محد يذكره
جمانه السعيدي
علي...بعد مااستقرينا بيتنا وبعد السقوط تحديدا
اقصد بعد مااستقر الوضع
ابوي كام يشتغل خير من الله
انفتحت أبواب الرزق واشترا سيارة حمل ثانيه بلبدايه شغل بيها سايق ثقه ينطي نسبه من الوارد
الحد مااني كبرت وكمت اكدر اصعد سياره واسوق
طبعا بلعطله مو بلمدرسه
كبرت وكمت اكدر اسوق واخذ كراوي اشتغل خير من الله
رجعنا اشترينا بعد سياره ثالثه
قرر ابوي يفتح مشروع يشغل بي الفلوس
فتح انشائيه وكلشي نزل بيها
رمل حصو طابوك كاشي سمنت
واحنا عدنا السيارات يعني الحمل ما يكلفنا شي
واذا اكو كروه اني اطلع بيها
منا لمن خلصت معهد وتخرجت وهنا اني لزمت الشغل كله
ابوي يعتمد عليه بكلشي
اني المسؤل عن كل العمل
طبعا الفضل الاول الرب العالمين الي باركلنا بهذا الرزق
اخواتي الكبار ازوجن ثنيينهن
بقيت بس اني وسحر وامي وابوي بلبيت
سنة ٢٠١٦ بدا ابوي يتعب طبعا السياقه تعب
وهو من بعد السقوط صار يشتغل ليل نهار حتى يحسن وضعنا
تدهورت حالة ابوي الصحيه حيل
مابقيت مستشفى ولا دكتور يعتب عليه
حتى اخذته الايران
بس بدون فايده نهاية سنة ٢٠١٦ مات ابوي
كان أصعب شي مر عليه بحياتي
لان هو موبس ابوي هو اخوي وصديقي ومعلمي وأهلي كلهم
بعمره ماقسى عليه بعمره ماا سمعني كلمه مو حلوه
يعاملني احلى معامله
واني زغير يسئلني وياخذ رائي بكل شغله يسويها
كنت اني وياا مثل شخص واحد
ابد مااضم شي علي ولاهو يضم شي عليه
كل يوم يعلمني على الدنيا وعلى الناس وعلى الشغل
عافني وحدي تعبت حيل وعفت الشغل اكثر من شهر مااكدر اوصل المكان العمل ومااشوف ابوي بي
بس عمامي ادخلو وبدو يحجون عليه
لا تعوف شغلك ابوك تعب يله كدر يوصل الهذا الحال
لا اضيع كلشي من ايدك
بقو يلحون عليه
عمو اسعد اجا واخذني بايده المكان العمل
وبقى كاعد وياي منا لمن خلص الشغل
يومين وهو يجي ياخذني للعمل ويرجعني للبيت
كان صعب عليه اجاوز كلشي واشتغل وحدي بعد ماكنا اني وابوي ابد ما نتفارك
ناكل ونشرب ونطلع سوه
جمانه السعيدي
الف رحمه على روحه زرع بداخلي رجال كد المسؤليه
على فكره عمي صلاح ابد ماحضر فاتحة ابوي
ومااعرف اذا كان يعرف ابوي مات لو لا
لان احنا الحد هاي اللحظه مانعرف اي شي عنه
المهم رجعت اشتغل شلت كل المسؤوليه وحدي
بس اني كدها
لان من اني زغير اشتغل ويا ابوي
بعد سنه من وفاة ابوي امي بدت تلح عليه بموضوع الزواج
بس اني احس نفسي بعدني ما مستعد
او بعدني ما ملتقي بانسانه الي كلبي يريدها
سنة ٢٠١٧ شهر الثامن اجانا خبر من عمي صلاح
طلع عايش ما ميت هههه
اجا عليه عمو اسعد
اسعد....هلو ابوحسين شلونك
علي...هله عمي شلونك تفضل تفضل هله بيك
اسعد... اني موجاي اكعد بس حبيت اكلك البارحه وصلنا خبر من صلاح
علي...عمي صلاح ليش هو عايش
اسعد...اي عايش البارحه وصلنا خبر بيد ولد سايق
من منطقتنا صلاح متعرض الحادث داهسته سياره
وباترين رجله
اهل الولد الي دهسه يردون اهله يكعدون للحق وياهم
حتى يفصلونه
علي....اي
اسعد...اني وعمك عماد قررنا نروح باجر عليهم تجي ويانا
علي...اي اجي وياكم ليش لا
اسعد.. بارك الله بيك
علي...هو عمي وين ساكن
اسعد...عمك من عافنا وراح طاح على ناس حموله واخذ بتهم ازوج
صار ١٧ سنه اول ما طلع منا وصار عنده ٣ بنات
قبل أربع اشهر اني عرفت هاي المعلومات عنه
من واحد ساكن بغداد وشايف صلاح ومسولف علي
علي...هااا زين ولله مزوج وصايره عنده اسره
اسعد....احسن ماجان هنا لاشغل ولا عمل ولا يعرف ليله من نهاره
علي...اكيد احسن
اسعد...باجر نطلع ويا صلاة الصبح
علي...تمام راح تلكوني حاضر ومنتظركم
شكرا لزيارتكم عالم روايات سكيرهوم
