رواية المتشردة والغيور الفصل الثالث بقلم مرج البحر
ﺭﻳﺎ ........ ﻧﻤﺖ ﻋﻠﻰ ﺍﻟﺠﺮﺑﺎﻳﺔ ﻣﺎﻟﺖ ﻣﺎﻣﺎ ﺍﻧﻲ ﻭﻳﺎﻫﺎ ﺑﺲ ﻫﻲ ﻣﺎ ﻧﺎﻣﺖ ﺍﺳﻤﻌﻬﺎ ﻇﻠﺖ ﺗﺒﭽﻲ ﻭﻣﻄﻠﻌﺔ ﺻﻮﺭﺓ ﺑﺎﺑﺎ ﺑﺎﻟﺘﻠﻔﻮﻥ ﻭﺗﺸﻜﻴﻠﻪ ﻋﻠﻰ ﺍﺧﻮﺍﻧﻲ ﻭﻋﻠﻰ ﺍﻟﺴﻮﻭ ﺑﻴﻨﺎ ﺍﻧﻲ ﻭﺍﻣﻲ ﻣﺎﺍﺩﺭﻱ ﻭﻏﻔﻴﺖ ﻭﻓﺰﻳﺖ ﻋﻠﻰ ﺻﻮﺕ ﻭﺍﺣﺪ ﻳﻮﻥ
ﻋﺒﺎﻟﻲ ﺍﺗﺤﻠﻢ ﻟﻤﻦ ﺣﺴﻴﺖ ﺍﻳﺪ ﻣﺎﻣﺎ ﺿﺮﺑﺘﻨﻲ ﺍﻧﻲ ﺟﻨﺖ ﻣﻨﻄﻴﺘﻬﺎ ﻇﻬﺮﻱ ﺩﺭﺕ ﻭﺟﻬﻲ ﻻﻣﻲ ﺍﻟﺼﻮﺕ ﻣﻨﻬﺎ ﺑﺲ ﺿﻠﻤﺔ ﻛﻠﺸﻲ ﻣﺎ ﺍﺷﻮﻑ ﻛﻤﺖ ﻓﺘﺤﺖ ﺍﻟﻜﻠﻮﺏ ﻭﺷﻔﺖ ﺍﻣﻲ ﻋﺎﻭﺟﺔ ﺣﻠﻜﻬﺎ ﻭﻗﺎﺑﻀﺔ ﺍﻳﺪﻳﻬﺎ ﻗﻮﻱ ﻭﺻﺎﻳﺮﺓ ﻣﺜﻞ ﺍﻟﺨﺸﺒﺔ
ﺍﺭﺗﻌﺒﺖ ﻭﺭﺟﻒ ﻛﻠﺒﻲ ﺑﺴﺮﻋﺔ ﺻﺮﺧﺖ ﺑﺼﻮﺕ ﻋﺎﻟﻲ ﻭﻃﻠﻌﺖ ﺍﺭﻛﺾ ﻭﻻﻛﺎﻧﻲ ﺳﻴﻒ ﻣﺨﺮﻭﻉ ﻭﻳﺮﻛﺾ ﻣﻦ ﺻﻮﺗﻲ ﻛﻮﺗﻠﻪ ﺳﺴﻴﻒ ﺱ ﺳﻴﻒ ﻡ ﻡ ﻣﺎﻣﺎ ﻣﺎ ﻣﺎﺍﻋﺮﻑ ﺷﺒﻴﻬﺎ ﺍﻟﺤﻚ ﺍﻟﺤﻚ
ﻫﻮ ﺩﺧﻞ ﻣﻦ ﺷﺎﻓﻬﺎ ﻫﻴﺞ ﺍﺣﺘﺎﺭ ﺷﻴﺴﻮﻱ ﺭﻛﺾ ﻟﻠﺴﻴﺎﺭﺓ ﻭﺻﺎﺡ ﻋﻠﻰ ﺟﻤﺎﻧﺔ
ﺳﻴﻒ ......... ﺟﻤﺎﻧﺔﺓﺓﺓﺓ ﺑﺴﺮﻋﺔ ﺧﺎﺑﺮﻱ ﺑﺎﺳﻞ ﺑﺴﺴﺴﺴﺮﻋﺔ
ﺭﻳﺎ ....... ﻇﻠﻴﺖ ﻛﺎﻋﺪﺓ ﻭﺧﺎﻳﻔﺔ ﻣﻦ ﺍﻟﻤﻨﻈﺮ ﺍﻟﺸﻔﺘﻪ ﻭﺧﺎﻳﻔﺔ ﻋﻠﻰ ﺍﻣﻲ ﻛﻌﺪﺕ ﺑﺎﻟﺰﺍﻭﻳﺔ ﺳﻴﻒ ﻣﻮ ﺭﺟﺎﻝ ﻭﻗﻮﻱ ﻛﺪﺭ ﻳﺸﻴﻞ ﻣﺎﻣﺎ ﻭﺧﻼﻫﺎ ﺑﺎﻟﺴﻴﺎﺭﺓ ﻭﻃﻠﻊ ﺑﻴﻬﺎ ﻟﻠﻤﺴﺘﺸﻔﻰ ﻭﺟﻤﺎﻧﺔ ﺍﺗﺼﻠﺖ ﻋﻠﻰ ﺑﺎﺳﻞ ﻭﻛﺎﻟﺘﻠﻪ
ﻭﻣﻦ ﻛﻤﻠﺖ ﺍﺗﺼﺎﻝ ﻭﻱ ﺑﺎﺳﻞ ﺭﺟﻌﺖ ﻟﻐﺮﻓﺘﻬﺎ ﺑﺲ ﺳﻤﻌﺘﻬﺎ ﻛﺎﻟﺖ ﺣﺠﺎﻳﺔ ﺧﻠﺘﻨﻲ ﺍﺳﻮﻱ ﺷﻲ ﺑﻌﻤﺮﻱ ﻣﺎ ﺗﻨﺪﻣﺖ ﻻﻥ ﺳﻮﻳﺘﻪ ﻛﺎﻟﺖ
ﺟﻤﺎﻧﺔ ........ ﺍﻓﻔﻔﻔﻒ ﻫﺴﺔ ﻛﻌﺪﺗﻮﻧﺎ ﺗﺎﻟﻲ ﺍﻟﻠﻴﻞ ﻭﺑﻌﺰ ﻧﻮﻣﺘﻨﺎ ﻋﻠﻤﻮﺩ ﻋﺠﻮﺯ ﺧﻠﺼﺎﻧﺔ ﺭﻭﺣﻬﺎ ﺩﺧﻠﻮﻫﺎ ﺗﻤﻮﺕ ﻭﺗﻠﺤﻚ ﻫﺬﺍﻙ ﺍﻟﺸﺎﻳﺐ
ﺭﻳﺎ ........ ﻛﻤﻠﺖ ﻛﻼﻣﻬﺎ ﻭﻓﺎﺗﺖ ﺑﻐﺮﻓﺘﻬﺎ ﺍﻧﻲ ﻛﻤﺖ ﺍﻓﻮﺭ ﻭﺍﻧﻲ ﻓﺎﻗﺪﺓ ﻋﻠﻰ ﺍﻣﻲ ﻭﻣﺮﻋﻮﺑﺔ ﻣﻦ ﻣﻨﻈﺮ ﻣﺎﻣﺎ ﻛﻤﺖ ﻭﺍﻧﻲ ﻃﺎﺑﻜﺔ ﺍﺳﻨﺎﻧﻲ ﻭﺩﻣﻮﻋﻲ ﻣﺎﻟﻴﺔ ﻭﺟﻬﻲ ﻓﺘﺤﺖ ﺑﺎﺑﺎ ﻏﺮﻓﺘﻬﺎ ﺷﻔﺘﻬﺎ ﻧﺎﻳﻤﺔ ﻋﻠﻰ ﺍﻟﺠﺮﺑﺎﻳﺔ
ﺭﺣﺘﻠﻬﺎ ﺑﻜﻞ ﻣﺎ ﺑﮕﻠﺒﻲ ﺣﺮﮔﺔ ﺳﺤﺒﺘﻬﺎ ﺑﺎﻟﮕﺎﻉ ﻭﺭﻛﻌﺖ ﺭﺍﺳﻬﺎ ﺑﺎﻟﭽﺮﺑﺎﻳﺔ ﺑﺲ ﻣﺎ ﺍﺟﺔ ﺍﻟﻀﺮﺑﺔ ﺑﺎﻟﺨﺸﺐ ﻻ ﺍﺟﺖ ﺑﻔﺮﺍﺵ ﺍﻟﺠﺮﺑﺎﻳﺔ ﻫﻲ ﻣﺎﻛﺪﺭﺗﻠﻲ ﻻﻥ ﺍﻧﻲ ﺳﺎﺣﺒﺔ ﺷﻌﺮﻫﺎ ﻗﻮﻱ ﻭﻫﻲ ﺑﺲ ﺗﺼﺮﺥ ﻭﺍﻧﻲ ﺍﺳﺤﺐ ﺑﻜﻞ ﺣﺮﮔﺔ ﮔﻠﺒﻲ ﻭﺍﺻﻴﺢ ﻋﻠﻴﻬﺎ ﺍﺷﺪ ﻋﻠﻰ ﺷﻌﺮﻫﺎ ﻭﺍﺿﺮﺏ ﺑﻴﻬﺎ ﺭﺍڜﺪﻳﺎﺕ ﻭﻫﻲ ﺻﺎﺭﺕ ﻣﺜﻞ ﺍﻟﻨﻌﺠﺔ ﺑﻴﻦ ﺍﻳﺪﻳﺔ ﺑﺲ ﺳﺤﺒﺘﻨﻲ ﻣﻦ ﺭﺟﻠﻲ ﻭﻭﻛﻌﺖ ﺑﺲ ﻣﺎﺗﺄﺫﻳﺖ
ﻫﻲ ﺻﺎﺭﺕ ﻣﺜﻞ ﺍﻟﺮﺟﺎﻝ ﺍﻟﻴﻌﺎﺭﻙ ﻛﻌﺪﺕ ﻋﻠﻰ ﺑﻄﻨﻲ ﻭﻇﻠﺖ ﺗﻀﺮﺏ ﺑﻴﺔ ﺭﺍڜﺪﻳﺎﺕ ﻭﺍﻧﻲ ﺍﺣﺮﻙ ﺟﺴﻤﻲ ﺍﺭﻳﺪﻫﺎ ﺗﻮﺧﺮ ﻣﻨﻲ ﻣﺎﻛﻮ ﺟﻬﺎﻟﻬﺎ ﻛﻌﺪﻭ ﻳﺒﭽﻮﻥ ﺧﺎﻳﻔﻴﻦ ﻟﻤﻦ ﭬﻴﺎﻥ ﺑﻨﺘﻬﺎ ﻧﺰﻟﺖ ﻣﻦ ﺳﺮﻳﺮﻫﺎ ﻭﻭﻛﻌﺖ ﻻﻥ ﻫﻲ ﻃﻔﻠﺔ ﻣﺎﻛﺪﺭﺕ ﺗﻤﺸﻲ ﻫﻲ ﻛﺎﻣﺖ ﻟﺒﻨﺘﻬﺎ ﻭﺍﻧﻲ ﺭﻛﻀﺖ ﻟﻐﺮﻓﺔ ﻣﺎﻣﺎ ﻭﻗﻔﻠﺖ ﺍﻟﺒﺎﺏ ﻋﻠﻴﺔ
ﺍﻧﻲ ﺗﺼﺮﻓﺎﺗﻲ ﻛﻠﻬﺎ ﺗﺪﻝ ﻋﻠﻰ ﺍﻧﻪ ﺍﻧﻲ ﻃﻔﻠﺔ ﺍﺧﺎﻑ ﻣﻦ ﺧﻴﺎﻟﻲ ﻫﺴﺔ ﺗﻜﻮﻟﻮﻥ ﺍﻧﺘﻲ ﺑﻨﻴﺔ ﻣﺮﺍﻫﻘﺔ ﻭﺑﻤﺠﺘﻤﻊ ﻣﻨﻔﺘﺢ ﻭﻛﺬﺍ ﻻ ﻭﺍﻟﻠﻪ ﺍﻧﻲ ﺧﻮﺍﻓﺔ ﺧﻮﻓﻲ ﻭﺗﺼﺮﻓﺎﺗﻲ ﻛﻠﻬﺎ ﻣﺜﻞ ﺍﻟﻌﻤﺮﻫﺎ 9 ﺳﻨﻮﺍﺕ ﻣﻮ 16 ﺳﻨﺔ
ﺍﻟﻤﻬﻢ ﺩﺧﻠﺖ ﻟﻐﺮﻓﺔ ﻣﺎﻣﺎ ﺍﺧﺘﻨﻜﺖ ﻣﻦ ﺍﻟﺒﭽﻲ ﻭﻻﻥ ﺣﺒﺴﺖ ﺍﻟﻨﻔﺲ ﻣﻦ ﭼﺎﻧﺖ ﺟﻤﺎﻧﺔ ﺗﻀﺮﺏ ﺑﻴﺔ ﺭﺍڜﺪﻳﺎﺕ ﻇﻠﻴﺖ ﺍﺗﻨﻔﺲ ﺑﺴﺮﻋﺔ ﺍﺧﺘﻨﻜﺖ ﻭﺍﺣﺲ ﺻﺎﺭﺕ ﺭﺟﻔﺔ ﺑﺠﺴﻤﻲ ﻭﺩﺧﺖ
ﺑﺴﺮﻋﺔ ﻃﻠﻌﺖ ﺍﻟﺒﺨﺎﺥ ﻣﻦ ﺟﻨﻄﺘﻲ ﻣﺎﻝ ﺍﻟﻤﺪﺭﺳﺔ ﻭﺑﺨﻴﺖ ﺑﺤﻠﻜﻲ ﻳﺎﻟﻠﻪ ﺍﺭﺗﺎﺣﻴﺖ ﻭﻛﺪﺭﺕ ﺍﺗﻨﻔﺲ ﺑﺲ ﻛﻞ ﺟﺴﻤﻲ ﺧﺪﺭ ﻭﺩﺧﺖ ﻭﺗﻤﺪﺩﺕ ﺑﺎﻟﻜﺎﻉ ﻭﻟﻤﻴﺖ ﺭﺟﻠﻴﺔ ﻟﺼﺪﺭﻱ ﻭﻇﻠﻴﺖ ﺍﺑﭽﻲ ﻻﻥ ﺻﺎﺭﺕ ﻣﻘﺎﺑﻴﻠﻲ ﺻﻮﺭﺓ ﺑﺎﺑﺎ
ﻭﺑﺒﺎﻟﻲ ﻣﺎﻣﺎ ﻭﺍﺑﭽﻲ ﻭﺍﺷﻬﻚ ﻭﻟﻜﻢ ﺍﻧﻲ ﺍﻟﻤﺪﻟﻠﺔ ﻫﻴﺞ ﻳﺼﻴﺮ ﺑﻴﺔ ﻟﻴﺶ ﻳﺎﻧﺎﺱ ﻳﺎﻋﺎﻟﻢ ﺻﺪﻙ ﻟﻮ ﻛﺎﻟﻮ ﺍﻟﺪﻻﻝ ﺑﺲ ﻋﻨﺪ ﺍﻣﺞ ﻭﺍﺑﻮﺝ ﺍﻭﻭﻭﻭﻑ ﻳﺎﺩﻻﻝ ﺍﻻﻫﻞ ﻭﺍﻟﻠﻪ ﻣﺎﻛﻮ ﻣﻨﻪ
ﻏﻔﻴﺖ ﻭﺍﻧﻲ ﺑﺎﻟﻜﺎﻉ ﻭﻋﻴﻮﻧﻲ ﻋﻠﻰ ﺻﻮﺭﺓ ﺑﺎﺑﺎ ﻭﺍﻋﺎﺗﺒﻪ ﺑﮕﻠﺒﻲ ﻟﻠﺼﺒﺢ ﻃﻠﻌﺖ ﻣﻦ ﺍﻟﻐﺮﻓﺔ ﺟﺎﻧﺖ ﺍﻟﺴﺎﻋﺔ ﺏ 9 ﺍﻟﺼﺒﺢ ﺷﻔﺖ ﺳﻴﻒ ﻛﺎﻋﺪ ﻭﻫﺬﻳﺞ ﺍﻟﺤﻴﺔ ﺗﺘﺴﻤﻢ ﺑﺲ ﻃﻠﻌﺖ ﺍﺟﺔ ﺳﻴﻒ ﻭﮔﻒ ﻛﺪﺍﻣﻲ ﻭﻛﺎﻝ
ﺳﻴﻒ ....... ﺷﺒﻴﺞ ﺳﺖ ﺭﻳﺎ ﺷﻮ ﻃﺎﻟﻊ ﻟﺴﺎﻧﺞ
ﺭﻳﺎ ........ ﻣﺎﻣﺎ ﻭﻳﻦ
ﺳﻴﻒ ........ ﺍﺩﺑﺴﺰ ﻣﻦ ﺍﺣﺠﻲ ﻭﻳﺎﺝ ﺍﺣﺠﻲ ﻋﺪﻝ ﻭﻣﺎﺗﻐﻴﺮﻳﻦ ﺍﻟﺴﺎﻟﻔﺔ
ﺭﻳﺎ ........ ﺿﺮﺑﻨﻲ ﺭﺍڜﺪﻱ ﻛﻮﺗﻠﻪ ﺷﺒﻴﻚ ﺳﻴﻒ ﺷﺴﻮﻳﺘﻠﻚ
ﺳﻴﻒ ......... ﺍﺩﺏ ﺳﺰ ﺷﻠﻮﻥ ﺗﻤﺪﻳﻦ ﺍﻳﺪﺝ ﻋﻠﻰ ﺟﻤﺎﻧﺔ ﻫﺎﺍﺍﺍ ﺍﻧﺘﻲ ﻃﺎﻳﻠﺔ ﺍﻳﺪﺝ ﻭﻳﻨﺮﺍﺩﻟﻬﺎ ﻛﺺ ﻭﺍﻧﻲ ﺍﻋﻠﻤﺞ ﻣﻨﺎ ﻭﻫﻴﺞ ﻓﻮﺗﻲ ﺑﺴﺮﻋﺔ ﺟﻴﺒﻴﻠﻲ ﺍﻟﻔﻠﻮﺱ
ﺭﻳﺎ ....... ﻳﺎﻓﻠﻮﺱ
ﺳﻴﻒ ........ ﺍﻟﻔﻠﻮﺱ ﺍﻟﻌﺸﺮ ﻣﻼﻳﻴﻦ ﺍﻟﺒﺎﺭﺣﺔ ﺍﻧﻄﻴﺘﺠﻴﺎﻫﻦ
ﺭﻳﺎ ....... ﻣﺎﺍﺩﺭﻱ ﺑﻴﻬﻦ ﻭﻳﻦ
ﺑﺲ ﻛﻮﻟﺖ ﻫﻴﺞ ﻟﺰﻣﻨﻲ ﻣﻦ ﺷﻌﺮﻱ ﻛﻤﺖ ﺍﺑﭽﻲ ﻭﺍﺻﺮﺥ ﻣﻦ ﻭﺟﻊ ﺷﻌﺮﻱ ﻭﺟﻤﺎﻧﺔ ﺗﻜﻮﻝ
ﺟﻤﺎﻧﺔ ......... ﺣﻴﻞ ﻭﻳﺎﻫﺎ ﺳﻴﻒ ﻻﺗﻘﺼﺮ ﺑﻴﻬﺎ
ﺳﻴﻒ ......... ﺍﻟﻔﻠﻮﺱ ﻭﻳﻦ ﺍﺩﺑﺴﺰ
ﺭﻳﺎ ......... ﻣﻮﻭﻭﻭ ﻋﻨﺪﻳﻴﻲ ﻭﺧﺮﺭﺭ ﻣﻮ ﻋﻨﺪﻱ ﻋﻨﺪ ﻣﺎﻣﺎ ﻭﺧﺮﺭﺭ ﺍﺍﺍﺍﺍﻱ ﺷﻌﺮﻱ
ﺳﻴﻒ ........ ﻟﺞ ﻭﻳﻦ ﺍﻟﻔﻠﻮﺱ ﻳﻌﻨﻲ ﻣﺎﻣﺎ ﺗﺮﻳﺪ ﻋﻼﺝ ﻣﻨﻴﻦ ﺍﺟﻴﺒﻠﻬﺎ ﻫﺎﺍﺍﺍ
ﺭﻳﺎ ......... ﻭﺍﻧﻲ ﺷﻤﺪﺭﻳﻨﻲ ﻫﻲ ﺿﻤﺘﻬﻦ
ﺳﻴﻒ ......... ﺑﺎﻟﻘﺮﺃﻥ ﺭﻳﺎ ﺍﺫﺍ ﺍﻋﺮﻑ ﺍﻟﻔﻠﻮﺱ ﻋﻨﺪﺝ ﺑﺎﻟﻘﺮﺃﻥ ﺍﻋﺪﻣﺞ ﻭﺍﺩﻓﻨﺞ ﺍﻓﺘﻬﻤﺘﺘﺘﺘﻴﻴﻴﻲ
ﺭﻳﺎ ........ ﻭﻟﻰ ﻟﻐﺮﻓﺘﻪ ﻭﻫﻮ ﻳﻌﻴﻂ ﻭﻳﺘﻮﻋﺪ ﻭﻳﺴﺐ ﻭﺍﻟﺤﻴﺔ ﻣﺎﻟﺘﻪ ﻟﺤﻜﺘﻪ ﻛﻮﺗﻠﻪ ﺑﻜﻠﺒﻲ ﺍﻟﻘﺮﺃﻥ ﺷﺎﻟﻚ ﻫﻮ ﺍﻧﺖ ﺗﻌﺮﻑ ﺍﻟﻘﺮﺃﻥ ﺑﺲ ﺧﻔﺖ ﺍﺫﺍ ﻋﺮﻑ ﺍﻟﻔﻠﻮﺱ ﻋﻨﺪﻱ ﺷﻠﻮﻥ ﻭﺍﻟﻠﻪ ﻳﻤﻮﺗﻨﻲ ﻫﺬﺍ ﻳﻤﺸﻲ ﻭﺭﺍﺀ ﺷﻮﺭ ﺯﻭﺟﺘﻪ ﺍﻟﻠﻪ ﻻﻳﻮﻓﻘﻜﻢ ﻣﺎﺑﻴﻜﻢ ﺧﻴﺮ ﻻ ﺍﻧﺖ ﻭﻻ ﻫﺬﺍﻙ
ﺩﺧﻠﺖ ﻟﻐﺮﻓﺔ ﻣﺎﻣﺎ ﺑﺎﭼﺮ ﺗﺒﺪﻱ ﺍﻣﺘﺤﺎﻧﺎﺗﻲ ﻭﺍﻧﻲ ﻛﻠﺸﻲ ﻣﺎﻛﻮ ﺍﺭﻳﺪ ﺍﻓﺘﻬﻢ ﻣﺎﻛﻮ ﻭﻣﺎﻣﺎ ﻛﻠﺸﻲ ﻣﺎﺍﻋﺮﻑ ﺷﺼﺎﺭ ﺑﻴﻬﺎ ﻟﻮ ﻣﻨﻮ ﻳﻤﻬﺎ ﻟﺰﻣﺖ ﺟﻨﻄﺘﻲ ﻇﻠﻴﺖ ﺍﮔﻠﺐ ﺑﺎﻟﻜﺘﺎﺏ ﻛﻠﺸﻲ ﻣﺎﻗﺮﻳﺖ ﻇﻠﻴﺖ ﻛﺎﻋﺪﺓ ﺑﻐﺮﻓﺔ ﻣﺎﻣﺎ ﻟﻠﻌﺼﺮ ﺣﺘﻰ ﻟﻠﻐﺪﺍﺀ ﻣﺎﻃﻠﻌﺖ ﻭﻫﻮ ﺍﺧﺬ ﺍﻟﺤﻴﺔ ﻭﺟﻬﺎﻟﻬﺎ ﻭﺭﺍﺣﻮ ﺗﺰﻗﻨﺒﻮ ﺑﺮﺓ
ﻟﻠﻴﻞ ﻭﺍﻧﻲ ﺣﺘﻰ ﻣﻼﺑﺴﻲ ﻣﺎﻝ ﺍﻟﻤﺪﺭﺳﺔ ﻣﺎﺍﺩﺭﻱ ﺑﻴﻬﻦ ﻭﻳﻦ ﺻﻌﺪﺕ ﻟﻐﺮﻓﺘﻲ ﺩﻭﺭﺗﻬﻦ ﻟﻜﻴﺘﻬﻦ ﻣﻄﻌﺠﺎﺕ ﻭﻳﺤﺘﺎﺟﻦ ﻛﻮﻱ ﺍﻭﻭﻭﻭﻑ ﻭﻳﻨﺞ ﻣﺎﻣﺎ ﻛﻠﺸﻲ ﻣﺎ ﺍﻋﺮﻑ ﺍﻣﻲ ﻫﻲ ﺗﺴﻮﻳﻠﻲ ﻛﻠﺸﻲ ﻧﺰﻟﺖ ﻏﺴﻠﺖ ﺍﻟﻤﻼﺑﺲ ﻭﻧﻜﺘﺘﻬﻦ ﺣﺘﻰ ﻳﺒﻴﻨﻦ ﻣﻜﻮﻳﺎﺕ
ﺭﺣﺖ ﻟﻠﻐﺮﻓﺔ ﻣﺎﻟﺖ ﺍﻣﻲ ﺷﻔﺖ ﺟﻤﺎﻧﺔ ﺍﻟﺤﻴﺔ ﻣﺨﻠﻴﺔ ﺭﺍﺳﻬﺎ ﺑﺎﻟﻜﻨﺘﻮﺭ ﻭﻣﺪﺭﻱ ﺷﺘﺪﻭﻭﺭ ﻛﻮﻟﺘﻠﻬﺎ ﺷﺘﺪﻭﺭﻳﻦ
ﺟﻤﺎﻧﺔ ........ ﻭﻳﻦ ﺧﻠﻴﺘﻲ ﺍﻟﻔﻠﻮﺱ
ﺭﻳﺎ ........ ﻭﺍﻧﺘﻲ ﺷﻌﻠﻴﺞ ﺑﺎﻟﻔﻠﻮﺱ
ﺟﻤﺎﻧﺔ ........ ﺍﻣﺞ ﺗﺮﻳﺪ ﺯﻗﻨﺒﻮﺕ ﻣﻨﻴﻦ ﻧﺠﻴﺒﻠﻬﺎ
ﺭﻳﺎ ....... ﺯﻗﻨﺒﻮﺕ ﺑﺒﻄﻨﺞ ﻻﺗﺤﺠﻴﻦ ﻋﻠﻰ ﻣﺎﻣﺎ ﺍﻓﺘﻬﻤﺘﻲ ﺍﻟﻠﻪ ﻻﻳﻮﻓﻘﭽﻦ ﻏﻴﺮﺗﻦ ﺍﺧﻮﺍﻧﻲ ﻋﻠﻴﻨﺎ ﺑﺲ ﺍﻟﻠﻪ ﻳﺸﻮﻑ ﻭﺍﻻ ﻣﺎ ﻳﺠﻲ ﻳﻮﻡ ﻭﺗﻮﻛﻌﻦ ﺑﺸﺮ ﺍﻋﻤﺎﻟﺠﻦ ﺍﻟﻠﻪ ﻳﺸﻮﻑ ﻭﻳﺴﻤﻊ ﻭﺍﻛﺪ ﻳﺎﺧﺬ ﺣﻘﻲ ﻭﺣﻖ ﺍﻣﻲ ﻣﻨﭽﻦ
ﻋﺎﻓﺘﻨﻲ ﻭﻃﻠﻌﺖ ﺑﺲ ﻗﺒﻞ ﻻﺗﻄﻠﻊ ﺩﻓﻌﺘﻨﻲ ﻣﻦ ﭼﺘﻔﻲ ﻭﻃﺒﻜﺖ ﺍﻟﺒﺎﺏ ﻭﺭﺍﻫﺎ ﻳﺎﺭﺑﻲ ﺷﻠﻮﻥ ﺷﺄﺳﻮﻱ ﺍﺭﻳﺪ ﺍﻣﻲ ﻳﺎ ﺍﻟﻠﻪ ﻳﺎﺭﺑﻲ ﺩﺧﻴﻠﻚ ﻭﺍﻟﻠﻪ ﻛﻠﺒﻲ ﻧﺎﺭ ﻋﻠﻴﻬﺎ ﺭﺣﺖ ﻟﺴﻴﻒ ﺑﻐﺮﻓﺘﻪ ﻛﻮﺗﻠﻪ ﺳﻴﻒ
ﺳﻴﻒ ...... ﻧﻌﻢ
ﺭﻳﺎ ......... ﻣﺎﻣﺎ ﻭﻳﻦ ﻭﺷﻠﻮﻧﻬﺎ ﻭﺷﻨﻮ ﻭﺿﻌﻬﺎ
ﺳﻴﻒ ....... ﺑﺎﻟﻤﺴﺘﺸﻔﻰ ﻭﺿﺎﺭﺑﺘﻬﺎ ﺟﻠﻄﺔ ﺑﺎﻟﺪﻣﺎﻍ ﻭﻫﺴﺔ ﺣﺎﻟﺘﻬﺎ ﻣﺴﺘﻘﺮﺓ ﺑﻌﺪ ﻋﻨﺪﺝ ﺷﻲ
ﺭﻳﺎ ...... ﻣﻨﻮ ﻳﻤﻬﺎ
ﺳﻴﻒ ........ ﻣﺤﺪ
ﺭﻳﺎ ........ ﺻﺪﻙ ﺗﺤﺠﻲ ﻣﺎﻣﺎ ﻭﺣﺪﻫﺎ ﻟﻴﺶ ﺳﻴﻒ ﻟﻴﺶ ﻫﻲ ﻣﻮ ﺍﻣﻜﻢ ﻟﻴﺶ ﻫﻴﺞ ﻭﺍﻟﻠﻪ ﺣﺮﺍﻡ ﻋﻠﻴﻜﻢ ﺷﺴﻮﻳﻨﺎﻟﻜﻢ ﺳﻴﻒ ﻭﻟﻜﻢ ﺑﺪﻝ ﻣﺎﻧﻠﺘﻢ ﻭﻧﻮﺍﺳﻲ ﺑﻌﺾ ﻭﻧﻮﻛﻒ ﻭﻱ ﻣﺎﻣﺎ ﻫﻴﺞ ﺗﺘﺼﺮﻓﻮﻥ ﺷﻨﻮ ﺍﻧﺘﻮ ﺗﺮﺩﻭﻫﺎ ﺗﻤﻮﺕ
ﺳﻴﻒ ....... ﺭﻳﺎ ﺍﻣﺸﻲ ﻭﻟﻲ ﺗﺮﻯ ﺭﺍﺳﻲ ﻳﻮﺟﻌﻨﻲ ﻣﺎﻟﻲ ﺧﻠﻚ
ﺭﻳﺎ ...... ﺭﺣﺖ ﻟﻐﺮﻓﺔ ﻣﺎﻣﺎ ﻇﻠﻴﺖ ﺍﺑﭽﻲ ﺻﺪﻙ ﺍﻟﺠﺎﻱ ﻳﺼﻴﺮ ﻭﻳﺎﻧﺎ ﻣﺎﺟﺎﻱ ﺍﻋﺮﻑ ﺍﺣﻨﺔ ﻧﻔﺴﻨﺎ ﺍﻟﻌﺎﺋﻠﺔ ﺍﻟﺠﺎﻧﺖ ﻣﺘﻤﺎﺳﻜﺔ ﻭﻛﻠﻬﺎ ﺗﺤﺐ ﺑﻌﺾ ﻟﻮ ﺟﺎﻥ ﻛﻞ ﺍﻟﺤﺐ ﺍﻟﺒﻴﻨﺎﺗﻨﺎ ﻣﺰﻳﻒ ﻭﺗﻤﺜﻴﻞ ﺍﻭﻭﻭﻑ ﻳﺎ ﺑﺎﺑﺎ ﻭﺍﻟﻠﻪ ﻣﻮﺗﻚ ﻛﺴﺮﻧﺎ
ﻛﻌﺪﺕ ﺍﺑﭽﻲ ﺍﻧﺤﺮﻣﺖ ﻣﻦ ﺑﺎﺑﺎ ﻭﻫﻮ ﻣﺎﺑﻲ ﺷﻲ ﺑﺎﺑﺎ ﺟﺎﻥ ﻃﺎﻟﻊ ﻟﻠﻤﺤﻞ ﻣﺜﻞ ﻛﻞ ﻳﻮﻡ ﺑﺲ ﺗﻌﺐ ﻭﺭﺟﻊ ﻟﻠﺒﻴﺖ ﻭﺍﺧﺘﻨﻚ ﻭﺍﺧﺬﻭ ﻟﻠﻤﺴﺘﺸﻔﻰ ﻭﺑﺲ ﻭﺍﺻﻠﻴﻦ ﻣﺘﻌﺎﺭﺽ ﻭﻛﺎﻝ ﺟﻴﺒﻮﻟﻲ ﻧﻐﻢ ﻭﺭﻳﺎ ﻭﻣﺎﺕ ﻗﺒﻞ ﻻ ﺍﻭﺻﻞ ﻭﺍﺷﻮﻓﻪ ﻭﺍﻭﺩﻋﻪ ﻭﻫﺴﺔ ﻣﺎﻣﺎ ﻣﺎ ﺍﻋﺮﻑ ﺷﻨﻮ ﻭﺿﻌﻬﺎ ﻭﻣﺎﺍﺩﺭﻱ ﻣﺎﺗﺖ ﻭﺍﻟﻠﻪ ﺍﻟﻌﻈﻴﻢ ﻣﺎﺍﺳﺎﻣﺤﻬﻢ ﻳﺮﺩﻭﻥ ﻳﺤﺮﻣﻮﻧﻲ ﻣﻦ ﺍﻣﻲ
ﻓﻜﺮﺓ ﺍﻛﻮﻡ ﻭﺍﻧﻄﻲ ﺍﻟﻔﻠﻮﺱ ﻟﺴﻴﻒ ﺣﺘﻰ ﻳﺎﺧﺬﻧﻲ ﻟﻤﺎﻣﺎ ﻭﺣﺘﻰ ﻣﺎﻣﺎ ﺗﺘﻌﺎﻟﺞ ﻭﻻ ﻧﻈﻞ ﺑﻤﻨﻴﺘﻬﻢ ﺻﺎﺭﺕ ﺍﻟﺴﺎﻋﺔ ﺏ 10 ﺑﺎﻟﻠﻴﻞ ﻭﺍﻧﻲ ﺍﺑﭽﻲ ﻃﻠﻌﺖ ﻟﻠﺼﺎﻟﺔ ﻣﺎﺍﺳﻤﻊ ﺑﺲ ﺻﻮﺕ ﺍﻟﻀﺤﻚ ﻣﺎﻝ ﺟﻤﺎﻧﺔ
ﺭﺟﻌﺖ ﺑﺪﻟﺖ ﻣﻼﺑﺴﻲ ﻟﺒﺴﺖ ﺑﻨﻄﺮﻭﻥ ﻧﻴﻠﻲ ﻏﺎﻣﺾ ﻋﺒﺎﻟﻚ ﺍﺳﻮﺩ ﻭﻟﺒﺴﺖ ﻗﻤﻴﺺ ﺍﺳﻮﺩ ﻟﻠﺮﻛﺒﺔ ﺭﻓﻌﺖ ﺷﻌﺮﻱ ﺑﻘﺮﺍﺻﺔ ﻭﺍﺧﺬﺕ ﺗﻠﻔﻮﻧﻲ ﻭﻋﻨﺪﻱ ﻓﻠﻮﺱ ﻫﻢ ﺍﺧﺬﺗﻬﻦ ﻣﻦ ﺟﻨﻄﺘﻲ ﻭﻃﻠﻌﺖ ﺑﺪﻭﻥ ﻣﺎﻳﺪﺭﻭﻥ
ﻃﻠﻌﺖ ﻭﻇﻠﻴﺖ ﺍﻣﺸﻲ ﺍﺟﺮﺕ ﺗﻜﺴﻲ ﺑﺲ ﻣﺎ ﺍﻋﺮﻑ ﺍﻣﻲ ﻳﺎﻣﺴﺘﺸﻔﻰ ﺑﺲ ﻛﻮﻟﺖ ﻳﻤﻜﻦ ﺑﻨﻔﺲ ﺍﻟﻤﺴﺘﺸﻔﻰ ﺍﻟﺨﻠﻮ ﺑﺎﺑﺎ ﺑﻴﻬﺎ ﺑﺲ ﻣﺎﺍﻋﺮﻑ ﺷﻨﻮ ﺍﺳﻤﻪ ﻇﻠﻴﺖ ﺍﺗﺬﻛﺮ ﺍﻟﻄﺮﻳﻖ ﻭﺍﺩﻟﻲ ﺍﺑﻮ ﺍﻟﺘﻜﺴﻲ ﻃﺒﻌﺎ ﺍﺟﺮﺕ ﺭﺟﺎﻝ ﭼﺒﻴﺮ ﺧﻔﺖ ﺍﺻﻌﺪ ﻭﻱ ﺷﺒﺎﺏ ﺍﺑﻮ ﺍﻟﺘﻜﺴﻲ ﻛﺎﻝ
ﺍﻟﺮﺟﺎﻝ ....... ﻋﻤﻮ ﺍﻧﺘﻲ ﻭﻳﻦ ﺭﺍﻳﺤﺔ
ﺭﻳﺎ ......... ﺧﻨﻜﺘﻨﻲ ﺍﻟﻌﺒﺮﺓ ﻛﻮﺗﻠﻪ ﺑﺼﻮﺕ ﻣﺨﻨﻮﻙ ﻭﻋﻴﻮﻧﻲ ﻣﻠﻴﺎﻧﺔ ﺩﻣﻊ ﻛﻮﺗﻠﻪ ﻟﻤﺎﻣﺎ
ﺍﻟﺮﺟﺎﻝ ........ ﻋﻤﻮ ﻟﻌﺪ ﺍﻣﺞ ﻭﻳﻦ
ﺭﻳﺎ ......... ﺑﺎﻟﻤﺴﺘﺸﻔﻰ
ﺍﻟﺮﺟﺎﻝ .......... ﻳﺎﻣﺴﺘﺸﻔﻰ
ﺭﻳﺎ ........ ﻣﺎﺍﻋﺮﻑ ﺍﺳﻤﻬﺎ
ﺍﻟﺮﺟﺎﻝ ....... ﻟﻌﺪ ﺷﻠﻮﻥ ﺗﺮﻭﺣﻴﺖ
ﺭﻳﺎ ......... ﺍﻧﺪﻝ ﺍﻟﻄﺮﻳﻖ ﺍﺩﻟﻴﻚ ﻭﻭﺻﻠﻨﻲ
ﺍﻣﺸﻲ ﻭﺍﺩﻟﻲ ﺑﺎﻟﺮﺟﺎﻝ ﺑﻨﺺ ﺍﻟﻄﺮﻳﻖ ﻫﻮ ﻋﺮﻑ ﺍﻟﻤﺴﺘﺸﻔﻰ ﻭﺍﺧﺬﻧﻲ ﺍﻟﻪ ﻣﻦ ﻧﺰﻟﺖ ﺍﻧﻄﻴﺘﻪ ﻛﺮﻭﺓ ﺑﺎﻟﻜﻮﺓ ﺍﺧﺬ ﻣﻨﻲ ﺩﺧﻠﺖ ﻟﻠﻤﺴﺘﺸﻔﻰ ﻋﺒﺎﻟﻚ ﻃﻔﻞ ﻭﺩﺧﻞ ﻣﻜﺎﻥ ﻣﺎﻳﻌﺮﻓﺔ ﻇﻠﻴﺖ ﺑﺲ ﺍﺑﺎﻭﻉ ﺑﺎﻟﻮﺟﻮﻩ ﻛﻠﺸﻲ ﻣﺎﺍﻋﺮﻑ ﺧﻔﺖ ﺷﻮﺭﻃﻨﻲ ﻭﻃﻠﻌﺖ ﻣﻦ ﺍﻟﺒﻴﺖ ﺩﻣﻌﺖ ﻋﻴﻮﻧﻲ
ﻣﻨﻮ ﺍﻟﺰﻣﺔ ﻭﺍﺳﺄﻟﻪ ﻳﻜﻮﻝ ﺍﻧﻲ ﻣﺮﺍﺟﻊ ﺭﺣﺖ ﻟﻼﺳﺘﻌﻼﻣﺎﺕ ﺳﺄﻟﺖ ﻛﻮﻟﺖ ﻟﻠﺒﻨﻴﺔ ﺍﻣﻲ ﺿﺮﺑﺘﻬﺎ ﺟﻠﻄﺔ ﺟﺎﺑﻮﻫﺎ ﻳﻤﻜﻢ؟
ﻫﻲ ﺿﺤﻜﺖ ﻭﻱ ﺍﻟﻮﻟﺪ ﺍﻟﻴﻤﻬﺎ ﻛﺎﻟﺖ
ﺍﻟﺴﻜﺮﺗﻴﺮﺓ ........ ﺣﺒﻴﺒﺘﻲ ﻧﺺ ﺍﻟﻌﺮﺍﻕ ﻣﻀﺮﻭﺏ ﺟﻠﻄﺔ ﺷﺒﻴﺞ ﺍﻧﺘﻲ
ﺭﻳﺎ ....... ﺍﻓﺘﺸﻠﺖ ﻭﺻﺎﺭ ﻭﺟﻬﻲ ﺍﺣﻤﺮ ﻭﺍﺣﺲ ﻭﺟﻬﻲ ﻳﻄﻠﻊ ﺣﺮﺍﺭﺓ ﻭﺍﺟﻴﺖ ﺍﺑﭽﻲ ﻛﻮﻟﺘﻠﻬﺎ ﺍﻣﻲ ﺍﺳﻤﻬﺎ ﻧﻐﻢ ﺳﺮﺍﺝ ﺍﻟﻔﺠﺮ ﺟﺎﺑﻮﻫﺎ ﻫﻨﺎ ﺷﻮﻓﻴﻠﻴﺎﻫﺎ
ﺍﻟﺴﻜﺮﺗﻴﺮﺓ ........ ﺣﺒﻴﺒﺘﻲ ﺍﻧﺘﻲ ﺷﺎﺭﺑﺔ ﺷﻲ ﺟﺎﻳﺔ ﺗﺴﺄﻟﻴﻦ ﻭﺍﻧﺘﻲ ﺍﻣﺞ ﻣﺎﺗﺪﺭﻳﻦ ﺑﻴﻬﺎ ﻭﻳﻦ ﻏﻴﺮ ﺗﻌﺮﻓﻴﻦ ﺑﻴﺎﻣﺴﺘﺸﻔﻰ ﻫﻲ
ﺭﻳﺎ ....... ﺍﺣﺘﺎﺭﻳﺖ ﺷﺄﺳﻮﻱ ﺍﺑﺎﻭﻉ ﺍﻟﻮﻟﺪ ﺍﻟﻜﺎﻋﺪ ﻳﻢ ﺍﻟﺴﻜﺮﺗﻴﺮﺓ ﺑﺲ ﻳﺄﺷﺮ ﺑﺤﻮﺍﺟﺒﻪ ﻭﻳﻐﻤﺰ ﺧﻔﺖ ﻛﻮﻟﺘﻠﻬﺎ ﻋﻔﻴﺔ ﺑﺲ ﺷﻮﻓﻴﻠﻴﺎﻫﺎ ﺑﻠﻜﻲ ﺟﺎﻳﺒﻬﺎ ﻫﻨﺎ
ﺍﻟﺒﻨﻴﺔ ﺩﻭﺭﺕ ﻛﺎﻟﺖ
ﺍﻟﺴﻜﺮﺗﻴﺮﺓ ....... ﻧﻐﻢ ﺳﺮﺍﺝ ﺳﻌﻴﺪ ﻣﻮ
ﺭﻳﺎ ........ ﺍﻱ ﺍﻱ ﺍﻱ ﻫﻲ ﻣﺎﻣﺎ ﻋﻔﻴﺔ ﻭﻳﻨﻬﺎ
ﺍﻟﺴﻜﺮﺗﻴﺮﺓ ........ ﺗﻠﻜﻴﻬﺎ ﺑﺎﻟﻄﺎﺑﻖ ﺍﻟﺮﺍﺑﻊ ﺑﺎﻟﺮﺩﻫﺔ ﺭﻗﻢ ........
ﺭﻳﺎ ....... ﺍﻣﺸﻲ ﻭﺍﺳﺄﻝ ﺻﻌﺪﺕ ﺑﺎﻟﻤﺼﻌﺪ ﻭﻣﻦ ﺻﻌﺪﺕ ﻟﻠﻄﺎﺑﻖ ﺍﻟﺮﺍﺑﻊ ﻇﻠﻴﺖ ﺍﺳﺄﻝ ﻭﺍﺩﻭﺭ ﻟﻤﻦ ﻟﻜﻴﺖ ﺍﻟﺮﺩﻫﺔ ﺩﺧﻠﺖ ﺍﺑﺎﻭﻉ ﺑﺎﻟﻮﺟﻮﻩ ﻫﻮﺍﻱ ﻧﺴﻮﺍﻥ ﻭﻛﻞ ﻭﺣﺪﺓ ﻳﻤﻬﺎ ﺍﻟﻤﺮﺍﺟﻌﻴﻦ ﻭﺍﻟﻤﺮﺍﻓﻘﻴﻦ ﺍﻓﺘﺢ ﺍﻟﺒﺮﺩﺍﺕ ﺍﻟﺒﻴﻨﻬﻢ ﻭﺍﺫﺍ ﻣﻮ ﺍﻣﻲ ﺍﻋﺘﺬﺭ ﻭﺍﻣﺸﻲ ﻭﺍﺑﭽﻲ ﻟﻜﻴﺖ ﻣﺎﻣﺎ ﺑﺄﺧﺮ ﺳﺮﻳﺮ ﺑﺎﻟﺮﻫﺔ ﻟﻜﻴﺘﻬﺎ ﺩﺍﻳﺮﺓ ﻭﺟﻬﻬﺎ ﻟﻠﺸﺒﺎﻙ
ﺭﻛﻀﺖ ﻭﺣﻈﻨﺘﻬﺎ ﻭﻇﻠﻴﺖ ﺍﺑﭽﻲ ﻭﺍﻋﺎﺗﺒﻬﺎ ﻻﻥ ﻋﺎﻓﺘﻨﻲ ﺍﺳﻤﻌﻬﺎ ﺗﻮﻥ ﺭﻓﻌﺖ ﺭﺍﺳﻲ ﺍﻣﻲ ﺗﺒﭽﻲ ﺑﺲ ﻣﺎﺗﻜﺪﺭ ﺗﺘﺤﺮﻙ ﻛﻮﻟﺘﻠﻬﺎ ﺷﺒﻴﺞ ﻣﺎﻣﺎ ﻣﺎﻣﺎ ﻓﺪﻭﺓ ﻻﺗﺨﻮﻓﻴﻨﻲ ﻋﻠﻴﺞ ﻓﺪﻭﺓ
ﺍﻣﻲ ﻣﺎﺗﺤﺠﻲ ﺑﺲ ﺗﻮﻥ ﺭﻛﻀﺖ ﺍﺩﻭﺭ ﻋﻠﻰ ﺩﻛﺘﻮﺭﺓ ﻭﺍﻣﺸﻲ ﻭﺍﻛﺴﺮ ﺑﺄﺻﺎﺑﻌﻲ ﻭﻣﺎﺍﻋﺮﻑ ﺍﺩﻭﺭ ﻟﻜﻴﺖ ﺩﻛﺘﻮﺭﺓ ﻛﻮﻟﺘﻠﻬﺎ ﻋﻔﻴﺔ ﺗﻌﺎﻟﻲ ﺷﻮﻓﻲ ﻣﺎﻣﺎ ﺷﺒﻴﻬﺎ
ﺍﻟﺪﻛﺘﻮﺭﺓ ....... ﺷﺒﻴﻬﺎ
ﺭﻳﺎ ....... ﻣﺎﺍﻋﺮﻑ ﻣﺎﺗﺤﺎﭼﻴﻨﻲ ﺑﺲ ﺗﺒﭽﻲ ﺗﻌﺎﻟﻲ ﺷﻮﻓﻴﻬﺎ ﺍﻟﻠﻪ ﻋﻠﻴﺞ ﺩﻛﺘﻮﺭﺓ
ﺍﻟﺪﻛﺘﻮﺭﺓ ...... ﺣﺒﻴﺒﺘﻲ ﺷﻜﺪ ﻋﻤﺮﺝ ﺍﻧﺘﻲ
ﺭﻳﺎ 16....... ﺳﻨﺔ
ﺍﻟﺪﻛﺘﻮﺭﺓ ....... ﻳﻮﻭﻭﻭ ﺣﺒﻴﺒﺘﻲ ﺷﺘﺴﻮﻳﻦ ﻫﻨﺎ ﺑﻌﺪﺝ ﺻﻐﻴﺮﺓ
ﺭﻳﺎ ........ ﺍﻣﻲ ﻣﺮﻳﻀﺔ ﻋﻔﻴﺔ ﺗﻌﺎﻟﻲ ﺷﻮﻓﻴﻬﺎ
ﺍﺟﺖ ﺍﻟﺪﻛﺘﻮﺭﺓ ﻭﻳﺎﻱ ﺍﺧﺬﺗﻬﺎ ﻟﻤﺎﻣﺎ ﻃﻠﻌﺖ ﺩﻛﺘﻮﺭﺓ ﺧﻔﺮ ﺟﺎﻧﺖ ﺍﻟﺴﺎﻋﺔ ﺏ 12 ﻭﺍﻧﻲ ﻃﻠﻌﺖ ﻣﻦ ﺍﻟﺒﻴﺖ ﺏ 10 ﺍﻛﻴﺪ ﻣﺎﻳﻔﺘﻘﺪﻭﻧﻲ ﻫﺴﺔ ﺭﺣﻨﺎ ﻟﻤﺎﻣﺎ ﺍﻟﺪﻛﺘﻮﺭﺓ ﻣﻦ ﺷﺎﻓﺖ ﻣﺎﻣﺎ ﻭﺷﺎﻓﺖ ﺍﻟﻄﺒﻠﺔ ﺍﻟﻤﻌﻠﻜﺔ ﺑﺎﻟﺴﺮﻳﺮ ﻗﺮﺃﺗﻬﺎ ﻭﻇﻠﺖ ﺗﻠﻌﺐ ﺑﺤﻠﻜﻬﺎ ﺑﻌﺪﻳﻦ ﻟﻤﺖ ﺷﻔﺎﻳﻔﻬﺎ ﻛﺎﻟﺖ
ﺍﻟﺪﻛﺘﻮﺭﺓ ....... ﻟﻴﺶ ﺑﺲ ﺍﻧﺘﻲ ﻭﻳﺎﻫﺎ ﻳﻌﻨﻲ ﻣﺎﻋﻨﺪﺝ ﺍﻛﺒﺮ ﻣﻨﺞ
ﺭﻳﺎ ........ ﻋﻨﺪﻱ ﺑﺲ ﻟﻼﺳﻒ ﻣﺎﻣﻬﺘﻤﻴﻦ ﻻﻣﻬﻢ
ﺍﻟﺪﻛﺘﻮﺭﺓ ........ ﺣﺒﻴﺒﺘﻲ ﺻﺎﻳﺮ ﻋﻨﺪﻫﺎ ﺷﻠﻞ ﻧﺼﻔﻲ ﻳﻌﻨﻲ ﻣﺎﺗﺤﺮﻙ ﺍﻳﺪﻫﺎ ﺍﻟﻴﺴﺮﻯ ﻭﺭﺟﻠﻬﺎ ﻭﻣﺎﺗﺤﺠﻲ ﺑﺲ ﺍﻥ ﺷﺎﺀ ﺍﻟﻠﻪ ﺑﺎﻟﻌﻼﺝ ﺗﺼﻴﺮ ﺯﻳﻨﺔ
ﺭﻳﺎ ....... ﺻﻔﻨﺖ ﺑﻮﺟﻪ ﺍﻟﺪﻛﺘﻮﺭﺓ ﻭﻓﺎﺗﺤﺔ ﻋﻴﻮﻧﻲ ﺑﺲ ﻭﺍﻟﻠﻪ ﺑﺪﻭﻥ ﻣﺎﺍﺭﻣﺶ ﻧﺰﻟﻦ ﺩﻣﻮﻋﻲ ﻫﻲ ﺑﺲ ﺍﻣﻲ ﺍﻟﻴﺔ ﻣﺎﺍﻛﺪﺭ ﺑﺪﻭﻧﻬﺎ ﻫﻮ ﺑﺎﺑﺎ ﺻﺎﺭﻟﻪ ﺷﻬﺮﻳﻦ ﺍﻧﻀﺮﺑﺖ ﻭﺍﻧﻬﺎﻧﻴﺖ ﻭﻛﻠﺸﻲ ﺻﺎﺭ ﺑﻴﺔ ﺷﻠﻮﻥ ﻟﻮ ﺭﺍﺣﺖ ﻣﺎﻣﺎ ﻳﻤﻜﻦ ﻳﺰﻭﺟﻮﻧﻲ ﻟﺸﺎﻳﺐ ﻭﻳﺨﻠﺼﻮﻥ ﻣﻨﻲ
ﺭﺟﻌﺖ ﻟﻠﺮﺩﻫﺔ ﻻﻥ ﻃﻠﻌﺖ ﻭﻱ ﺍﻟﺪﻛﺘﻮﺭﺓ ﺑﺮﺓ ﺭﺟﻌﺖ ﻟﻤﺎﻣﺎ ﺷﻔﺘﻬﺎ ﺗﺒﺎﻭﻋﻠﻲ ﻭﻋﻴﻮﻧﻬﺎ ﺗﺼﺐ ﻭﺍﻧﻲ ﺍﺑﺎﻭﻋﻠﻬﺎ ﻭﺍﺑﭽﻲ ﻛﻮﻟﺘﻠﻬﺎ ﻣﺎﻣﺎ ﺻﺪﻙ ﺗﺮﺩﻳﻦ ﺗﻌﻮﻓﻴﻨﻲ ﻟﻴﺶ ﻣﺎﻣﺎ ﻟﻴﺶ ﻋﻔﻴﺔ ﻻﺗﺴﻮﻳﻦ ﻣﺜﻞ ﺑﺎﺑﺎ
ﺭﺣﺖ ﻭﺧﻠﻴﺖ ﺭﺍﺳﻲ ﻋﻠﻰ ﺍﻳﺪﻫﺎ ﻭﺍﺑﭽﻲ ﻭﻫﻲ ﺑﺲ ﺗﺒﺠﻲ ﻛﻮﻟﺘﻠﻬﺎ ﻣﺎﻣﺎ ﺭﺍﺡ ﺍﺑﻴﻊ ﺍﻟﺬﻫﺐ ﻭﺍﻧﻄﻲ ﻛﻞ ﺍﻟﻔﻠﻮﺱ ﻟﺴﻴﻒ ﻭﺑﺎﺳﻞ ﺣﺘﻰ ﻳﺴﻔﺮﻭﺝ ﻭﻳﻌﺎﻟﺠﻮﺝ ﻫﻲ ﻇﻠﺖ ﺗﺄﺷﺮ ﺑﺄﻳﺪﻫﺎ ﺍﻟﻴﻤﻨﻰ ﻻ ﻻ ﺑﻌﺪﻳﻦ ﺍﺷﺮﺗﻠﻲ ﻋﻠﻰ ﺗﻠﻔﻮﻧﻲ ﻛﻮﻟﺘﻠﻬﺎ ﺍﻳﻴﻲ ﺟﺎﻳﺒﺘﻪ ﻫﻲ ﺍﺷﺮﺗﻠﻲ ﺍﻃﻠﻌﻪ ﻭﺍﻧﻄﻲ ﺍﻟﻬﺎ ﺍﻧﻄﻴﺘﻪ ﺍﻟﻬﺎ ﻫﻲ ﻛﺘﺒﺘﻠﻲ
ﻧﻐﻢ ..... ﺭﻳﺎ ﺩﻳﺮﻱ ﺑﺎﻟﺞ ﺍﻟﺼﻨﺪﻭﻙ ﻳﻮﻛﻊ ﺑﻴﺪ ﺍﺧﻮﺍﻧﺞ ﺩﻳﺮﻱ ﺑﺎﻟﺞ ﻫﺬﺍ ﺣﻘﺞ ﺍﻧﻲ ﻣﺎﺩﺍﻳﻤﺘﻠﺞ ﺻﺪﻛﻲ ﺭﺍﺡ ﺍﻣﻮﺕ ﺑﺲ ﺍﻧﺘﻲ ﻣﻨﻮ ﺍﻟﺞ ﺍﺫﺍ ﻭﻛﻊ ﺍﻟﺼﻨﺪﻭﻙ ﺑﻴﺪﻫﻢ ﺑﻌﺪ ﻣﺎ ﺍﻣﻮﺕ ﺭﺍﺡ ﺯﻭﺟﻮﺝ ﺍﺣﺘﻔﻈﻲ ﺑﺎﻟﺼﻨﺪﻭﻙ ﻫﺬﺍ ﺑﻲ ﻓﻠﻮﺱ ﻭﺫﻫﺐ ﻳﻌﻴﺸﺞ ﻻﻥ ﺭﺍﺡ ﻳﺨﻠﻮﺝ ﺑﺎﻟﻈﻴﻢ ﺑﻌﺪﻱ
ﺭﻳﺎ ........ ﻣﺎﻣﺎ ﻋﻔﻴﺔ ﻻﺗﻌﻮﻓﻴﻨﻲ ﻋﻔﻴﺔ ﺑﭽﻴﺖ ﻭﺍﻣﺴﺢ ﺩﻣﻮﻋﻲ ﻣﺜﻞ ﺍﻟﻄﻔﻠﺔ ﺍﻟﻤﻜﺴﻮﺭ ﺧﺎﻃﺮﻫﺎ ﻛﻮﻟﺘﻠﻬﺎ ﻭﺍﻧﻲ ﺍﺷﻬﻚ ﻣﺎﻣﺎ ﻛـ ﻛـ ﮔﻮﻣﻲ ﺍﻧﺘﻲ ﻭﺻﻴﺮﻱ ﺯ ﺯ ﺯﻳﻨﺔ ﻭﺗﻌﺎﻟﻲ ﻧـ ﻧـ ﻧﻌﻴﺶ ﻭ ﻭﺣﺪﻧﺎ ﻻﺗﺨﻠﻴﻨﻲ ﻣﺎﻣﺎ ﻋﻔﻴﺔ ﻻﺗﺨﻠﻴﻨﻲ
ﻣﺎﻣﺎ ﺩﺍﺭﺓ ﻭﺟﻬﻬﺎ ﻭﺑﻘﺖ ﺗﺒﭽﻲ ﺑﻌﺪﻳﻦ ﻛﺘﺒﺘﻠﻲ ﺑﺎﻟﺘﻠﻔﻮﻥ
ﻧﻐﻢ ....... ﻟﺞ ﺍﻧﻲ ﻣﺎﺍﻋﻴﺶ ﺍﺧﻮﺍﻧﺞ ﺟﺎﺑﻮﻧﻲ ﻭﺷﻤﺮﻭﻧﻲ ﻫﻨﺎ ﺣﺘﻰ ﻣﺎﻛﻠﻔﻮ ﻧﻔﺴﻬﻢ ﻳﺴﺄﻟﻮﻥ ﻭﻟﺞ ﺷﻠﺘﻬﻢ ﺗﺴﻊ ﺍﺷﻬﺮ ﺑﺒﻄﻨﻲ ﻭﺳﻬﺮﺕ ﻋﻠﻴﻬﻢ ﺍﻟﻠﻴﺎﻟﻲ ﻭﻫﻢ ﻋﺎﻓﻮﻧﻲ ﻭﻣﺸﻮ ﻭﻣﺎ ﺳﺄﻟﻮ
ﺭﻳﺎ ....... ﻣﺎﻣﺎ ﺳﻴﻒ ﻛﻤﺸﻨﻲ ﻣﻦ ﺷﻌﺮﻱ ﻭﺿﺮﺑﻨﻲ ﻭﺟﻤﺎﻧﺔ ﻇﻠﺖ ﺗﻜﻔﺦ ﺑﻴﺔ ﻣﺎﻣﺎ ﻻﺗﻌﻮﻓﻴﻨﻲ ﻭﺍﻟﻠﻪ ﺍﻣﻮﺕ ﻭﻳﺎﺝ ﻭﺍﻟﻠﻪ ﻣﺎﻣﺎ ﺭﺍﺳﻲ ﻟﺤﺪ ﺍﻻﻥ ﻳﺄﺫﻳﻨﻲ
ﻫﻨﺎ ﺑﻌﺪ ﻣﺎﺗﺤﻤﻠﺖ ﺍﻧﻔﺠﺮﺕ ﺑﺎﻟﺒﭽﻲ ﻭﻛﻤﺖ ﺍﺑﭽﻲ ﺑﺼﻮﺕ ﻋﺎﻟﻲ ﺍﻟﻨﺎﺱ ﺍﻟﺒﺎﻟﺮﺩﻫﺔ ﻛﻠﻬﺎ ﻇﻠﺖ ﺗﺒﺎﻭﻉ ﻋﻠﻴﻨﺎ ﺍﻣﻲ ﺗﻮﻥ ﺑﺼﻮﺕ ﻋﺎﻟﻲ ﻭﺗﺒﭽﻲ ﻭﺍﻧﻲ ﻣﺨﻠﻴﺔ ﺍﺩﻳﺔ ﻋﻠﻰ ﻭﺟﻬﻲ ﻭﺍﺑﺠﻲ ﺑﺼﻮﺕ ﻋﺎﻟﻲ
ﻇﻠﻴﺖ ﻟﻞ 1 ﻛﺎﻋﺪﺓ ﻳﻢ ﻣﺎﻣﺎ ﺑﺎﻻﺧﻴﺮ ﻫﻲ ﻛﺘﺒﺘﻠﻲ
ﻧﻐﻢ ....... ﺭﻳﺎ ﻛﻮﻣﻲ ﺭﺟﻌﻲ ﻟﻠﺒﻴﺖ ﺑﺎﭼﺮ ﻋﻨﺪﭺ ﺍﻣﺘﺤﺎﻥ
ﺭﻳﺎ ........ ﻣﺎﻣﺎ ﻣﺎ ﺍﺭﻳﺪ ﺍﻋﻮﻓﺞ
ﻧﻐﻢ ....... ﺍﻛﻮﻟﻠﺞ ﻫﻢ ﺣﺴﻮ ﻋﻠﻴﺞ ﻣﻦ ﻃﻠﻌﺘﻲ
ﺭﻳﺎ ........ ﻻ ﻣﺎﻣﺎ ﭼﺎﻧﻮ ﺑﻐﺮﻓﺘﻬﻢ ﻭﻣﺎﺣﺴﻮ ﻋﻠﻴﺔ
ﻧﻐﻢ ........ ﺍﺫﺍ ﺭﺟﻌﺘﻲ ﻫﺴﺔ ﻭﻣﺎﻣﻔﺘﻘﺪﻳﻨﺞ ﻻ ﺗﺨﻠﻴﻬﻢ ﻳﺤﺴﻮﻥ ﺍﻧﺘﻲ ﭼﻨﺘﻲ ﺑﺮﺓ ﻣﺎﺷﻲ
ﺭﻳﺎ ....... ﻣﺎﻣﺎ ﻣﺎﺍﺭﻳﺪ ﺍﻋﻮﻓﺞ ﻋﻔﻴﺔ
ﻧﻐﻢ ...... ﺭﻳﺎ ﻋﻨﺪﺝ ﺍﻣﺘﺤﺎﻥ ﻻﺯﻡ ﺗﻤﺘﺤﻨﻴﻦ ﺍﻣﺸﻲ ﺭﺟﻌﻲ ﻭﺍﻧﻲ ﺍﻃﻴﺐ ﻣﻦ ﺍﺷﻮﻑ ﺷﻬﺎﺩﺗﺞ ﻭﺍﺭﻳﺪﺝ ﺗﺸﺪﻳﻦ ﺣﻴﻠﺞ ﻭﺑﻌﺪ ﻻﺗﻄﻠﻌﻴﻦ ﻭﺣﺪﺝ ﻻﻳﺼﻴﺮﻟﺞ ﺷﻲ ﻻ ﺳﺎﻣﺢ ﺍﻟﻠﻪ ﻭﻻﺗﺨﺎﻓﻴﻦ ﻋﻠﻴﺔ ﺭﺍﺡ ﺍﺗﺼﻞ ﻋﻠﻰ ﺻﺪﻳﻘﺘﻲ ﻫﻲ ﺗﺠﻴﻨﻲ ﺍﺫﺍ ﺍﺣﺘﺎﺝ ﺷﻲ
ﺭﻳﺎ ........ ﻣﺎﺍﻛﺪﺭ ﺍﻛﺴﺮ ﻛﻠﻤﺔ ﻟﻤﺎﻣﺎ ﻛﻤﺖ ﺑﺴﺘﻬﺎ ﻭﺍﺧﺬﺕ ﺗﻠﻔﻮﻧﻲ ﻣﺎﻗﺒﻠﺖ ﺗﺨﻠﻲ ﻳﻤﻬﺎ ﻭﻭﻋﺪﺗﻬﺎ ﺍﺟﻴﻬﺎ ﻣﺮﺓ ﺛﺎﻧﻴﺔ ﻭﻃﻠﻌﺖ ﺍﺑﭽﻲ ﻭﺍﻣﺴﺢ ﺑﺪﻣﻮﻋﻲ ﻭﺍﻟﻨﺎﺱ ﺗﺒﺎﻭﻋﻠﻲ ﻭﺍﻧﻲ ﺍﺧﺎﻑ ﻣﻨﻬﻢ ﻣﻦ ﻳﺒﺎﻭﻋﻮﻟﻲ ﻫﻴﺞ
ﻛﻮﻟﺘﻠﻜﻢ ﺍﻧﻲ ﺷﻜﺮﺓ ﻭﺷﻌﺮﻱ ﺍﺻﻔﺮ ﻭﺑﻴﻀﺔ ﻛﻠﺶ ﻭﻣﻦ ﺍﺧﺠﻞ ﻟﻮ ﺍﺑﭽﻲ ﺍﺻﻴﺮ ﻋﺒﺎﻟﻚ ﺗﺮﻛﻴﺔ ﻭﺍﻟﻌﺎﻟﻢ ﻛﻠﻬﺎ ﺗﻈﻞ ﺗﺒﺎﻭﻋﻠﻲ ﻃﻠﻌﺖ ﺑﺴﺮﻋﺔ ﻣﻦ ﺍﻟﻤﺴﺘﺸﻔﻰ ﺻﻮﺭﺕ ﻻﻓﺘﺔ ﺍﻟﻤﺴﺘﺸﻔﻰ ﺣﺘﻰ ﺍﺣﻔﻆ ﺍﺳﻤﻪ
ﻭﻃﻠﻌﺖ ﺍﺩﻭﺭ ﻋﻠﻰ ﺳﻴﺎﺭﺓ ﻭﻫﺎﻱ ﺍﻟﺸﺒﺎﺏ ﻛﻠﻬﺎ ﺗﻄﺒﻚ ﺳﻴﺎﺭﺍﺗﻬﺎ ﻭﺍﺻﻌﺪﻱ ﻭﺷﺘﺮﺩﻳﻦ ﺑﺲ ﺍﻃﻠﺒﻲ ﻭﺷﻜﺪ ﺗﺮﺩﻳﻦ ﻧﻨﻄﻴﭻ ﻭﺍﺣﻨﺔ ﻧﺮﻳﺤﺞ( ﻋﺬﺭﺍ ﻋﻠﻰ ﺍﻟﻠﻔﻆ ) ﻭﺍﻧﻲ ﺍﺑﭽﻲ ﻭﺍﻟﻠﻪ ﺧﺎﻳﻔﺔ ﺍﻧﻲ ﺑﻨﻴﺔ ﻭﺣﻘﻲ ﺍﺧﺎﻑ ﻋﻠﻰ ﻧﻔﺴﻲ ﻭﺍﻣﺸﻲ ﻭﺍﻟﺴﺎﻋﺔ ﺏ 1 ﻭﻧﺺ ﺑﺲ ﺍﻟﺸﻮﺍﺭﻉ ﻋﺒﺎﻟﻚ ﺻﺒﺢ ﺑﻌﺪ ﺍﺭﺑﻴﻞ ﻭﺍﻳﺎﻡ ﺭﻣﻀﺎﻥ ﺷﺘﺼﻴﺮ
ﺑﺎﻟﻜﻮﺓ ﻟﻜﻴﺖ ﺭﺟﺎﻝ ﻣﺘﻮﺳﻂ ﺍﻟﻌﻤﺮ ﺍﺟﺮﺗﻪ ﺑﺲ ﺧﺎﻳﻔﺔ ﻧﻈﺮﺍﺗﻪ ﻣﻮ ﺷﻲ ﻛﻞ ﺷﻮﻱ ﻭﺑﺎﻭﻉ ﺑﺎﻟﻤﺮﺍﻳﺔ ﻟﻮ ﻳﺪﻳﺮ ﻭﺟﻬﻪ ﻳﻨﻄﻴﻨﻲ ﻛﻠﻨﺲ ﺑﺲ ﻣﺎﺍﺧﺬ ﺍﺧﺎﻑ ﺍﻛﻮﻟﻪ ﻋﻨﺪﻱ ﺣﺘﻰ ﺳﻜﺘﺖ ﻣﺎﺑﭽﻴﺖ ﺑﻌﺪ ﻟﻤﻦ ﻭﺻﻠﺖ ﻟﻔﺮﻋﻨﺎ ﻧﺰﻟﺖ ﺍﻧﻄﻴﺘﻪ ﺍﻟﻜﺮﻭﺓ ﺍﺗﻌﻤﺪ ﻳﻄﺦ ﺍﻳﺪﻱ
ﺑﺴﺮﻋﺔ ﺳﺤﺒﺘﻬﺎ ﻭﺧﻔﺖ ﻛﺒﺮ ﻭﻻ ﺍﻟﻴﻜﻮﻝ ﻋﻤﺮﻩ ﻣﺒﻴﻦ ﺑﺎﻝ 45 ﺳﻨﺔ ﺛﻮﻝ ﺍﻱ ﻭﺍﻟﻠﻪ ﺍﻧﺪﺍﺭﻳﺖ ﺍﻣﺸﻲ ﻫﻮ ﻓﺘﺢ ﺍﻟﺠﺎﻣﺔ ﻭﺻﺎﺡ ﺑﺼﻮﺕ ﻋﺎﻟﻲ
ﺍﻟﺴﺎﻳﻖ ....... ﻫﺎﺍﺍﺍﺍ ﻻﺯﻡ ﻣﺄﺫﻳﻨﺞ ﺍﻟﻴﻮﻡ ﻭﻫﻴﺞ ﺗﺒﺠﻴﻦ ﺗﻌﺎﻟﻲ ﺍﺣﻨﺔ ﻣﺎﻧﺄﺫﻱ
ﺭﻳﺎ ....... ﻟﻌﺒﺔ ﻧﻔﺴﻲ ﻭﺭﻛﻀﺖ ﺩﺧﻠﺖ ﻟﻔﺮﻋﻨﺎ ﻭﺍﻧﻲ ﺍﺑﭽﻲ ﻭﺧﺎﻳﻔﺔ ﻭﺻﻠﺖ ﺑﻴﺘﻨﺎ ﺍﻟﺒﺎﺏ ﻣﻔﺘﻮﺡ ﻣﻦ ﻃﻠﻌﺖ ﻋﻠﻰ ﻓﺘﺤﺘﻪ ﺩﺧﻠﺖ ﺍﺑﺎﻭﻉ ﻭﺍﻣﺸﻲ ﺑﺎﻭﻋﺖ ﻣﻦ ﺷﺒﺎﻙ ﺍﻟﻬﻮﻝ ﻣﺎﻛﻮ ﺍﺣﺪ ﺑﺲ ﺷﻔﺖ ﺟﻤﺎﻧﺔ ﻃﻠﻌﺖ ﺗﻀﺤﻚ ﺑﺼﻮﺕ ﻋﺎﻟﻲ ﻫﻲ ﻭﺳﻴﻒ ﻣﻦ ﻏﺮﻓﺘﻬﻢ ﻭﺷﻔﺘﻬﻢ ﺍﺳﺘﻐﻔﺮ ﺍﻟﻠﻪ
ﺑﺪﻭﻥ ﻣﻼﺑﺲ ﺑﺴﺮﻋﺔ ﻭﺧﺮﺕ ﺣﺘﻰ ﻻ ﺍﺷﻮﻓﻬﻢ ﺍﺳﺘﻐﻔﺮ ﺍﻟﻠﻪ ﻛﻌﺪﺕ ﺑﺎﻟﺤﺪﻳﻘﺔ ﺭﺍﺳﻲ ﻳﻮﺟﻌﻨﻲ ﻣﻦ ﺍﻟﺒﭽﻲ ﺣﺴﻴﺖ ﻧﻔﺴﻲ ﺍﺣﺘﺮﻳﺖ ﻭﻋﺮﻛﺖ ﻭﺑﺪﻳﺖ ﺍﺧﺘﻨﻚ ﺍﻇﻦ ﺍﺟﺘﻨﻲ ﻧﻮﺑﺔ ﺭﺑﻮ ﺭﻛﻀﺖ ﻟﻠﻐﺮﻓﺔ ﻭﺍﺳﻤﻊ ﺻﻮﺗﻬﻢ ﺑﺎﻟﺤﻤﺎﻡ
ﺯﺍﺩﺕ ﻋﻨﺪﻱ ﺍﻟﻨﻮﺑﺔ ﻳﻢ ﺍﻟﺒﺎﺏ ﻓﺘﺤﺘﻪ ﺑﺴﺮﻋﺔ ﻭﺭﻛﻀﺖ ﻟﻠﺠﻨﻄﺔ ﺑﺨﻴﺖ ﺷﻮﻳﺔ ﺩﺧﺖ ﺑﺎﻟﻜﻮﺓ ﺷﻠﺖ ﻧﻔﺴﻲ ﻭﺗﻤﺪﺩﺕ ﻋﻠﻰ ﺍﻟﺠﺮﺑﺎﻳﺔ ﺑﺤﺬﺍﺋﻲ ( ﺗﻜﺮﻣﻮﻥ ) ﺑﻤﻼﺑﺴﻲ ﻇﻠﻴﺖ ﺩﻣﻮﻋﻲ ﺍﺣﺴﻬﺎ ﺗﺪﺧﻞ ﺑﺄﺫﻧﻲ ﻭﺍﻧﻲ ﺍﺗﺬﻛﺮ ﻣﺎﻣﺎ ﻣﺤﺬﺭﺗﻨﻲ ﻣﺎ ﺍﻃﻠﻊ ﺑﺪﻭﻥ ﺍﻟﺒﺨﺎﺥ
ﻇﻠﻴﺖ ﺩﺍﻳﺨﺔ ﻏﻤﻀﺖ ﻋﻴﻮﻧﻲ ﻭﻏﻔﻴﺖ ﻛﻌﺪﺕ ﺏ 7 ﻭﻧﺺ ﺑﺎﻟﻜﻮﺓ ﻛﻤﺖ ﺑﺲ ﻃﻔﺮﺕ ﻣﻦ ﺗﺬﻛﺮﺕ ﻋﻨﺪﻱ ﺍﻣﺘﺤﺎﻥ ﺑﺪﻟﺖ ﺑﺴﺮﻋﺔ ﻭﺷﻌﺮﻱ ﻣﺎﻇﻔﺮﺗﻪ ﻟﻔﻴﺘﻪ ﺷﻠﻮﻥ ﻣﺎﻛﺎﻥ ﺭﻛﻀﺖ ﻟﻠﺠﻨﻄﺔ ﻃﻠﻌﺖ ﺍﻟﻜﺘﺎﺏ ﻭﺍﻟﻤﺤﻔﻈﺔ ﻭﺑﺎﻟﻤﺤﻔﻈﺔ ﻓﻠﻮﺱ
ﺭﻛﻈﺖ ﺑﺪﻭﻥ ﺍﻛﻞ ﻭﻣﺎ ﻣﺮﻛﺰﺓ ﻋﻠﻰ ﺍﻟﻤﺎﺩﺓ ﻭﻻ ﻣﺴﻴﻄﺮﺓ ﺍﻟﺤﻘﻴﺮﺓ ﺟﻤﺎﻧﺔ ﻣﺎﻛﻌﺪﺗﻨﻲ ﻭﻫﻲ ﺗﻌﺮﻑ ﻋﻨﺪﻱ ﺍﻣﺘﺤﺎﻧﺎﺕ ﻭﺧﺎﻟﺘﻲ ﻣﻴﻌﺎﺩ ﺍﻣﻬﺎ ﻛﺎﻋﺪﺓ ﻭﺫﺍﺑﺔ ﺍﻟﺤﺠﺎﺏ ﻭﺗﻄﻚ ﺑﻌﻠﭽﻬﺎ ﺑﺎﻭﻋﺘﻠﻬﻦ ﺣﺘﻰ ﻣﺎﺳﻠﻤﺖ ﻛﺒﻞ ﻃﻠﻌﺖ ﻣﺴﺘﻌﺠﻠﺔ
ﺭﺣﺖ ﻟﻠﻤﺪﺭﺳﺔ ﻣﺘﺄﺧﺮﺓ ﺑﺲ ﻣﻮ ﻫﻮﺍﻱ ﻟﻜﻴﺘﻬﻢ ﻫﺴﺔ ﺩﺍﺧﻠﻴﻦ ﻟﻠﻘﺎﻋﺎﺕ ﺩﻭﺭﺕ ﻗﺎﻋﺘﻲ ﻭﺩﺧﻠﺖ ﻛﻌﺪﺕ ﺍﻧﻄﻮﻧﻲ ﺩﻓﺘﺮ ﺍﻳﺪﻱ ﺗﺮﺟﻒ ﻣﺎﺍﻛﺪﺭ ﺍﻛﺘﺐ ﺍﺳﻤﻲ ﺍﻟﻤﺪﺭﺳﺔ ﺟﺎﺑﺘﻠﻲ ﻣﺎﻱ ﻏﺴﻠﺖ ﻭﺷﺮﺑﺖ ﻫﺪﺃﺕ ﺷﻮﻳﺔ ﻭﺟﺎﺑﺘﻠﻲ ﻧﺴﺘﻠﺔ ﺍﻛﻠﺖ ﻣﻨﻬﺎ ﺷﻮﻳﺔ ﺧﻄﻴﺔ ﻳﻴﺎﻋﺪﻧﻲ ﻻﻥ ﻳﻌﺮﻓﻦ ﻇﺮﻭﻓﻲ ﻣﻦ ﺍﻟﻄﺎﻟﺒﺎﺕ
ﺍﺭﺗﺎﺣﻴﺖ ﺷﻮﻳﺔ ﻭﺑﺪﻳﺖ ﺍﻛﺘﺐ ﺑﺲ ﺷﻨﻮ ﻧﻘﻄﺔ ﺻﺢ ﻭﻋﺸﺮﺓ ﺧﻄﺄ ﺣﺴﺒﺖ ﺩﺭﺟﺎﺗﻲ ﺍﻃﻠﻊ 20 ﻣﻦ 50 ﻭﺍﻧﻲ ﺍﺣﺘﺎﺝ 10 ﺩﺭﺟﺎﺕ ﻭﺍﻧﺠﺢ ﻳﻌﻨﻲ ﺍﻃﻠﻊ 60 ﻣﻦ 100 ﺍﻭﻭﻭﻭﻑ ﻧﻌﻤﺔ ﺍﻟﻠﻪ ﻣﺮﺕ ﺍﻻﻣﺘﺤﺎﻧﺎﺕ ﻋﻠﻰ ﻫﺬﺍ ﺍﻟﻤﻨﻮﺍﻝ ﻭﺩﺭﺟﺎﺗﻲ ﻛﻠﻬﺎ ﻟﻮ 60 ﻟﻮ 50 ﻟﻮ 55
ﺧﻠﺼﺖ ﺍﻻﻣﺘﺤﺎﻧﺎﺕ ﻭﺍﻟﻴﻮﻡ ﺍﺧﺮ ﺍﻣﺘﺤﺎﻥ ﻃﻠﻌﺖ ﺻﺪﻳﻘﺎﺗﻲ ﻳﺴﻮﻟﻔﻦ ﻭﻳﻦ ﺭﺍﺡ ﻳﺮﻭﺣﻦ ﻭﻭﻳﻦ ﻳﻄﻠﻌﻦ ﻭﺍﻧﻲ ﻃﻠﻌﺖ ﺍﺟﺮﺕ ﺗﻜﺴﻲ ﻭﺭﺣﺖ ﻟﻤﺎﻣﺎ ﻟﻠﻤﺴﺘﺸﻔﻰ ﻟﻜﻴﺖ ﺑﺲ ﺑﺎﺳﻞ ﻳﻤﻬﺎ ﺑﺴﺘﻬﺎ ﻭﺳﻠﻤﺖ ﻋﻠﻰ ﺑﺎﺳﻞ ﺑﻮﺟﻪ ﺛﻜﻴﻞ ﻭﺍﻟﻠﻪ ﻣﺎﻳﺴﺘﺎﻫﻞ ﺍﺳﻠﻢ ﻋﻠﻴﻪ ﺑﺲ ﻳﺎﻟﻠﻪ ﺍﻟﺴﻼﻡ ﻻﻟﻠﻪ ﻫﻮ ﻛﺎﻝ
ﺑﺎﺳﻞ ......... ﺷﻠﻮﻥ ﺍﺟﻴﺘﻲ
ﺭﻳﺎ ......... ﺍﺟﻴﺖ ﺑﺘﻜﺴﻲ
ﺑﺎﺳﻞ ........ ﻭﺑﻜﻴﻔﺞ ﺗﺠﻴﻦ
ﺭﻳﺎ .......... ﺭﺩﺕ ﺍﺣﺠﻲ ﺍﻣﻲ ﺻﺎﺣﺖ ﺍﻣﻤﻤﻤﻢ ﻭﺷﺎﻟﺖ ﺍﻳﺪﻫﺎ ﺍﻟﻴﻤﻨﻰ ﻋﻮﺩ ﻋﻮﻓﻬﺎ
ﻃﻠﻌﺖ ﺍﻣﻲ ﻣﻦ ﺍﻟﻤﺴﺘﺸﻔﻰ ﻭﺭﺣﻨﺎ ﻟﻠﺒﻴﺖ ﺑﺲ ﻭﺻﻠﻨﺎ ﺷﻔﺖ .............
ﺣﺒﺎﻳﺒﻲ ﻫﺎﻱ ﻣﺴﺎﺑﻘﺔ ﺍﺭﻳﺪ ﺍﻟﻜﻞ ﻳﺸﺎﺭﻙ ﺑﻴﻬﺎ ﺍﺗﻤﻨﻰ ﺗﺸﺎﺭﻛﻮﻥ ﺍﻟﻤﺴﺎﺑﻘﺔ ﻫﻲ
ﺍﻟﺘﺤﺒﻮﻧﻲ ﺍﻧﻲ ﺍﻟﻜﺎﺗﺒﺔ ﻧﻮﺭﻫﺎﻥ ﺍﻟﻌﻘﺎﺑﻲ ﺷﻨﻮ ﺍﻟﺤﻠﻮ ﺑﺎﻟﻘﺼﺺ ﺍﻟﻴﺨﻠﻴﻜﻢ ﺗﺤﺒﻮﻫﺎ ﻭﺷﻨﻮ ﺍﻟﻴﻌﺠﺒﻜﻢ ﺑﺎﻟﻜﺎﺗﺒﺔ ( ﻳﻌﻨﻲ ﺑﻴﺔ ﺍﻧﻲ (😊 ﻭﻫﻞ ﻳﺎﺗﺮﻯ ﺗﺤﺒﻮﻥ ﺍﺳﻠﻮﺑﻲ ﺑﺎﻟﻜﺘﺎﺑﺔ
ﻭﺍﻟﻤﺎﺗﺤﺒﻮﻧﻲ ﺍﻭ ﺍﻟﻴﻀﻮﺟﻮﻥ ﻣﻨﻲ ﺷﻨﻮ ﺍﻟﻤﻀﻮﺟﻜﻢ ﻭﺷﻨﻮ ﺍﻟﻤﺎﺗﺤﺒﻮﻧﻪ ﺑﻜﺘﺎﺑﺎﺗﻲ ﻭﻟﻴﺶ ﺗﻀﻮﺟﻮﻥ
ﺍﻣﺎﻧﺔ ﺍﻟﻠﻪ ﻭﻣﺤﻤﺪ ﺭﺳﻮﻝ ﺍﻟﻠﻪ ﺍﺭﻳﺪ ﺭﺃﻳﻜﻢ ﺑﻜﻞ ﺻﺪﻕ ﺍﻣﺎﻧﺔ ﺍﻟﻠﻪ ﻭﺍﻟﻠﻪ ﻭﺩﺍﻋﺔ ﺟﻬﺎﻟﻲ ﻣﺎﺭﺍﺡ ﺍﺿﻮﺝ ﺑﺎﻟﻌﻜﺲ ﻳﻤﻜﻦ ﺭﺍﺡ ﻳﺘﻐﻴﺮ ﺑﻴﺔ ﺍﻟﺸﻲ ﺍﻟﻤﺎﻋﺎﺟﺒﻜﻢ ﺍﻣﺎﻧﺔ ﺍﻣﺎﻧﺔ ﺍﻟﻜﻞ ﻳﻌﻠﻖ ﻟﻠﻔﻘﺮﺗﻴﻦ
ﺍﻧﻲ ﺍﺧﺘﻜﻢ ﺍﻟﻜﺎﺗﺒﺔ ﻧﻮﺭﻫﺎﻥ ﺍﻟﻌﻘﺎﺑﻲ
