رواية المتشردة والغيور الفصل الرابع بقلم مرج البحر
ﺭﻳﺎ ....... ﻃﻠﻌﻨﺎ ﻣﺎﻣﺎ ﻣﻦ ﺍﻟﻤﺴﺘﺸﻔﻰ ﺍﻧﻲ ﻭﺑﺎﺳﻞ ﺑﺎﺳﻞ ﺑﺲ ﻳﺨﺰﺭﻧﻲ ﻻﻥ ﺟﻨﺖ ﻻﺑﺴﺔ ﻗﻤﻴﺺ ﻧﺺ ﺭﺩﻥ ﻭﺻﺪﺭﻳﺔ ﻗﺼﻴﻔﺔ ﻇﻞ ﻛﻞ ﺷﻮﻳﺔ ﻭﺩﺍﻓﻌﻨﻲ ﻭﻣﺎﻳﻜﻮﻝ ﺍﻣﺸﻲ ﻳﻜﻮﻝ ﻭﻟﻲ ﻟﻮ ﺧﻠﺼﻴﻨﻲ ﻭﻣﺎﻣﺎ ﺗﺴﻤﻌﻪ ﻭﺩﻣﻮﻋﻬﺎ ﻋﺸﺮﺓ ﻋﺸﺮﺓ ﻋﻠﻰ ﺧﺪﻫﺎ ﻭﻣﺎﺗﻜﺪﺭ ﺗﺤﺠﻲ
ﺍﺧﺬﻧﺎﻫﺎ ﻟﻠﺒﻴﺖ ﻧﺰﻟﻨﺎﻫﺎ ﺍﻧﻲ ﻭﺑﺎﺳﻞ ﻣﻦ ﺍﻟﺴﻴﺎﺭﺓ ﻭﺩﺧﻠﻨﺎ ﻟﻠﺒﻴﺖ ﺑﺲ ﺩﺧﻠﻨﺎ ﻭﺍﺷﻮﻑ ﺟﻤﺎﻧﺔ ﻭﺍﻣﻬﺎ ﻭﺍﺑﻮﻫﺎ ﻭﺍﺧﻮﺍﺗﻬﺎ ﺛﻨﻴﻦ ﻭﺍﺧﻮﺍﻧﻬﺎ ﺍﺭﺑﻌﺔ ﻭﺻﻮﺕ ﺍﻟﻀﺤﻚ ﻭﺍﺻﻞ ﻟﺒﺎﺏ ﺍﻟﺒﻴﺖ ﻋﺒﺎﻟﻚ ﻣﻠﻬﺔ
ﺑﺎﺳﻞ ﺟﺎﻥ ﻳﺪﻓﻊ ﺑﻌﺮﺑﺎﻧﺔ ﻣﺎﻣﺎ ﻋﺎﻓﻬﺎ ﻭﺭﺍﺡ ﻳﺴﻠﻢ ﻭﻣﺤﺎﺿﻦ ﻭﻳﺎﻫﻢ ﺍﻧﻲ ﻭﻣﺎﻣﺎ ﻇﻠﻴﻨﺎ ﺑﺲ ﺻﺎﻓﻨﻴﻦ ﺧﺎﻟﺘﻲ ﻣﻴﻌﺎﺩ ﻣﺎﻛﻠﻔﺔ ﻧﻔﺴﻬﺎ ﺗﻜﻮﻡ ﻭﺗﺴﻠﻢ ﻋﻠﻰ ﻣﺎﻣﺎ ﻭﻫﻲ ﻛﺎﻋﺪﺓ ﻛﺎﻟﺖ
ﻣﻴﻌﺎﺩ ...... ﺷﻠﻮﻧﺞ ﻋﻴﻨﻲ ﻧﻐﻢ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ
ﺭﻳﺎ ....... ﻣﺎﻣﺎ ﻣﺎﺗﺤﺠﻲ ﺑﺲ ﻧﺰﻟﺖ ﺩﻣﻌﺘﻬﺎ ﻭﺭﻓﻌﺖ ﺍﻳﺪﻫﺎ ﺍﻟﻴﻤﻨﻰ ﻳﻌﻨﻲ ﺍﻟﻠﻪ ﻳﺴﻠﻤﺞ ﺑﻌﺪﻳﻦ ﺍﺷﺮﺗﻠﻲ ﺣﺘﻰ ﺍﺧﺬﻫﺎ ﻟﻠﻐﺮﻓﺔ
ﺩﻓﻌﺘﻬﺎ ﻭﺍﺧﺬﺗﻬﺎ ﻟﻠﻐﺮﻓﺔ ﺍﺑﺪ ﻣﺎﺳﻠﻤﺖ ﻋﻠﻰ ﺍﺣﺪ ﺩﺧﻠﺖ ﻣﺎﻣﺎ ﻟﻐﺮﻓﺘﻬﺎ ﺑﺎﻟﻜﻮﺓ ﺧﻠﻴﺘﻬﺎ ﻋﻠﻰ ﺍﻟﺠﺮﺑﺎﻳﺔ ﻻﻥ ﻣﺎﺍﻛﺪﺭ ﻭﺍﺟﺖ ﺗﻮﻛﻊ ﻻﻥ ﻫﻲ ﻣﺎﺗﻜﺪﺭ ﺗﻌﻴﻦ ﻧﻔﺴﻬﺎ ﻭﺍﺟﺖ ﺗﻮﻛﻊ ﺑﺲ ﻫﻲ ﻛﺪﺭﺕ ﺷﻮﻱ ﺗﻌﻴﻦ ﻧﻔﺴﻬﺎ ﻭﺍﻧﻲ ﻭﻳﺎﻫﺎ ﻛﺪﺭﺕ ﺍﻧﻮﻣﻬﺎ ﻋﻠﻰ ﺍﻟﺠﺮﺑﺎﻳﺔ
ﺍﻧﻄﻴﺘﻬﺎ ﻋﻼﺟﻬﺎ ﻫﻲ ﺑﺲ ﺗﺒﭽﻲ ﻭﺍﻧﻲ ﺍﺑﭽﻲ ﻋﻠﻰ ﺑﭽﻴﻬﺎ ﺷﻔﺖ ﻋﻨﺪ ﻣﺎﻣﺎ ﻋﻼﺝ ﺑﻌﺪ ﺍﻻﻛﻞ ﻳﻌﻨﻲ ﻻﺯﻡ ﺗﺎﻛﻞ ﻃﻠﻌﺖ ﻟﺠﻤﺎﻧﺔ ﻭﺟﺎﻧﺖ ﻧﻮﺭ ﻣﻮﺟﻮﺩﺓ ﻛﻮﻟﺖ ﻟﺠﻤﺎﻧﺔ
ﺟﻤﺎﻧﺔ ﺗﻌﺎﻟﻲ ﺳﻮﻱ ﺍﻛﻞ ﻟﻤﺎﻣﺎ ﻋﻨﺪﻫﺎ ﻋﻼﺝ ﺑﻌﺪ ﺍﻻﻛﻞ ﻫﻲ ﺑﺎﻭﻋﺘﻠﻲ ﻭﺧﺰﺭﺗﻨﻲ ﻭﺑﺎﻭﻋﺖ ﻟﺴﻴﻒ ﻇﻠﻮ ﺑﺲ ﻳﺨﺰﺭﻭﻥ ﺑﻌﺪﻳﻦ ﻛﺎﻟﺖ
ﺟﻤﺎﻧﺔ ....... ﻟﻴﺶ ﻣﺎﺗﺴﻮﻳﻦ ﺍﻧﺘﻲ ﻣﺎﺗﺴﺘﺤﻴﻦ ﺗﺘﺄﻣﺮﻳﻦ ﻋﻠﻰ ﺍﻻﻛﺒﺮ ﻣﻨﺞ ﺭﻭﺣﻲ ﺍﻧﺘﻲ ﺳﻮﻱ
ﺭﻳﺎ ........ ﺑﺲ ﺍﻧﻲ ﻣﺎ ﺍﻋﺮﻑ ﺍﺳﻮﻱ ﺷﻲ ﺟﻤﺎﻧﺔ ﺑﺎﻭﻋﺖ ﻟﺴﻴﻒ ﻭﺳﻴﻒ ﺍﺷﺮﻟﻬﺎ ﺑﻌﻴﻮﻧﻪ ﺗﻜﻮﻡ ﻫﻲ ﻛﺎﻣﺖ ﻭﺿﺮﺑﺖ ﺭﺟﻠﻬﺎ ﻗﻮﻱ ﻭﺗﺘﺄﻓﺄﻑ ﺍﻧﻲ ﺭﺟﻌﺖ ﻟﻠﻐﺮﻓﺔ
ﻭﺟﻤﺎﻧﺔ ﺭﺍﺣﺖ ﺗﻄﻜﻄﻚ ﺑﺎﻟﻤﻄﺒﺦ ﻭﺗﺮﻛﻊ ﺷﻮﻳﺔ ﺟﺎﺑﺖ ﺑﻴﻀﺔ ﻃﺎﻛﺘﻬﺎ ﺑﺎﻟﻄﺎﻭﺓ ﺑﺪﻭﻥ ﺑﺼﻞ ﻭﻣﺎﺩﺍﻳﺮﺗﻬﺎ ﺑﻤﺎﻋﻮﻥ ﺟﺎﺑﺘﻬﺎ ﻣﺨﻠﻴﺘﻬﺎ ﺑﺼﻴﻨﻴﺔ ﻭﺟﺎﻳﺒﺔ ﻭﻳﺎﻫﺎ ﺻﻤﻮﻧﺔ ﻭﺭﻛﻌﺘﻪ ﻋﻠﻰ ﺍﻟﻤﻴﺰ ﻣﺎﻝ ﺍﻟﺘﻮﺍﻟﻴﺖ ﻭﻛﺎﻟﺖ
ﺟﻤﺎﻧﺔ ........ ﻫﺎﺝ ﻭﺍﻧﺘﻈﺮﻳﻨﻲ ﺷﻮﻓﻲ ﺷﺄﺳﻮﻱ ﻭﻳﺎﺝ ﺍﺩﺏ ﺳﺰ ﺗﺘﺄﻣﺮﻳﻦ ﻋﻠﻴﺔ ﺍﻧﻲ ﺍﻋﻠﻤﺞ
ﺭﻳﺎ ...... ﺷﺒﻴﺞ ﺟﻤﺎﻧﺔ ﺷﻐﻴﺮﺝ ﻣﻮ ﺟﻨﺘﻲ ﺣﺒﺎﺑﺔ
ﺟﻤﺎﻧﺔ ....... ﺍﻋﻠﻤﺞ ﺍﻟﺤﺒﺎﺑﺔ ﺷﺘﺴﻮﻱ ﺑﺲ ﻣﻦ ﻳﺮﺣﻮﻥ ﺍﻫﻠﻲ
ﺭﻳﺎ ...... ﺟﻤﺎﻧﺔ ﻃﻠﻌﺖ ﻭﺍﺟﻴﺖ ﻟﻠﺒﻴﺾ ﺍﺳﺘﻐﻔﺮ ﺍﻟﻠﻪ ﻋﺒﺎﻟﻚ ﺩﺟﺎﺟﺔ ﻣﻴﺘﻪ ﻣﻦ ﺭﻳﺤﺔ ﺍﻟﺰﻓﺮﺓ ﻟﻌﺒﺔ ﻧﻔﺴﻲ ﺑﺎﻭﻋﺖ ﻟﻤﺎﻣﺎ ﻭﺍﻟﻠﻪ ﺣﺎﻟﻬﺎ ﻳﻜﺴﺮ ﻛﻠﺐ ﺍﻟﻌﺪﻭ ﺑﺲ ﺩﻣﻮﻋﻬﺎ ﻋﻠﻰ ﺧﺪﻫﺎ ﻃﻠﻌﺖ ﺍﻟﺼﻴﻨﻴﺔ ﺭﺟﻌﺘﻬﺎ ﻟﻠﻤﻄﺒﺦ ﻭﺭﺟﻌﺖ ﻻﻣﻲ ﻫﻲ ﺍﺷﺮﺗﻠﻲ ﻋﻠﻰ ﺍﻟﺘﻠﻔﻮﻥ
ﺍﺧﺬﺗﻪ ﺍﻟﻬﺎ ﻭﺳﻨﺪﺗﻬﺎ ﺗﻜﻌﺪ ﺧﻠﺘﻪ ﻋﻠﻰ ﺭﺟﻠﻬﺎ ﻭﻛﺘﺒﺖ
ﻧﻐﻢ ...... ﺭﻳﺎ ﻣﺎﻣﺎ ﺗﻌﻠﻤﻲ ﺍﻟﻄﺒﺦ ﺍﻗﻞ ﺷﻲ ﺍﻟﺨﻔﺎﻳﻒ ﺣﺘﻰ ﻣﺎﻧﻤﻮﺕ ﻣﻦ ﺍﻟﺠﻮﻉ
ﺭﻳﺎ ...... ﺍﻣﻲ ﺗﻜﺘﺐ ﺑﺲ ﻳﻤﻜﻦ ﻫﺬﻥ ﺍﻟﻜﻢ ﻛﻠﻤﺔ ﻛﺘﺒﺘﻬﻦ ﺑﻨﺺ ﺳﺎﻋﺔ ﻻﻥ ﺑﺲ ﺗﺒﭽﻲ ﻭﺗﺸﻴﻞ ﺍﻳﺪﻫﺎ ﻭﺗﻤﺴﺢ ﺩﻣﻮﻋﻬﺎ ﺍﻧﻲ ﺷﻨﻮ ﺣﺎﻟﻲ ﻭﺍﺷﻮﻑ ﺍﻣﻲ ﻫﻴﺞ ﻋﻠﻴﻜﻢ ﺍﻟﻠﻪ ﺟﺎﻱ ﺗﺘﺨﻴﻠﻮﻥ ﺷﻨﻮ ﺟﺎﻱ ﻳﺼﻴﺮ ﺗﻌﺮﻓﻮﻥ ﺷﻨﻮ ﺍﻣﻲ ﻣﺎﺗﻜﺪﺭ ﺗﺤﺠﻲ ﻭﻻ ﺗﺘﺤﺮﻙ ﺟﺎﻱ ﺗﺤﺴﻮﻥ ﺑﺤﺠﻢ ﺍﻻﻟﻢ ﺍﻻﻧﻲ ﺑﻲ
ﻛﻮﻟﺘﻠﻬﺎ ﻣﺎﻣﺎ ﺑﺲ ﻣﺤﺪ ﻋﻠﻤﻨﻲ ﻋﻠﻰ ﺍﻟﻄﺒﺦ ﺷﻠﻮﻥ ﺍﺗﻌﻠﻢ ﺍﺣﺠﻲ ﻭﺍﺑﭽﻲ ﻭﺍﻣﺴﺢ ﺑﺪﻣﻮﻋﻲ ﺍﻣﻲ ﻛﺘﺒﺘﻠﻲ
ﻧﻐﻢ ...... ﺭﻳﺎ ﻃﻠﻌﻲ ﺑﺎﻟﺘﻠﻔﻮﻥ ﻻﻥ ﺑﺲ ﺍﻧﺘﻲ ﺗﻌﻴﻨﻴﻨﻲ
ﺭﻳﺎ ...... ﻣﺎﻣﺎ ﻭﺍﻟﻠﻪ ﻣﺎﺍﻋﻮﻓﺞ ﺍﺑﻘﻰ ﻭﻳﺎﺝ ﺑﺲ ﻻﺗﻌﻮﻓﻴﻨﻲ ﻻﻥ ﻣﺎﻋﻨﺪﻱ ﻏﻴﺮﺝ
ﻣﻦ ﻛﻮﻟﺖ ﻫﻴﺞ ﺍﻣﻲ ﻇﺎﺟﺖ ﻭﻛﺘﺒﺎ
ﻧﻐﻢ ...... ﺭﻳﺎ ﺣﺮﺍﻡ ﻻﺗﻜﻮﻟﻴﻦ ﻫﻴﺞ ﺍﻟﻠﻪ ﻣﻮﺟﻮﺩ ﻭﻫﻮ ﻳﺤﻤﻴﺞ ﻭﻳﺤﺮﺳﺞ ﻻ ﺍﻧﻲ ﺍﻓﻴﺪﺝ ﻭﻻ ﺍﺧﻮﺍﻧﺞ ﺍﻟﻴﻤﺸﻮﻥ ﻭﺭﺍﺀ ﻧﺴﻮﺍﻧﻬﻢ
ﺭﻳﺎ ....... ﻣﺎﺣﺠﻴﺖ ﻭﻱ ﻣﺎﻣﺎ ﺻﺎﺭ ﺍﻟﻈﻬﺮ ﺍﺫﻥ ﺗﻠﻔﻮﻥ ﻣﺎﻣﺎ ﻫﻲ ﻣﺴﻮﻳﺔ ﺗﻮﻗﻴﺖ ﺍﺫﺍﻥ ﻫﻲ ﻛﺘﺒﺘﻠﻲ
ﻧﻐﻢ ...... ﺭﻳﺎ ﺟﻴﺒﻴﻠﻲ ﻣﺎﻱ ﺣﺘﻰ ﺍﺗﻮﺿﻰ
ﺭﻳﺎ ........ ﻣﺎﻣﺎ ﺷﻠﻮﻥ ﺗﺼﻠﻴﻦ ﻋﻮﻓﻲ ﺍﻟﺼﻼﺓ ﻫﺴﺔ
ﻧﻐﻢ ...... ﺭﻳﺎ ﺣﺮﺍﻡ ﺷﻠﻮﻥ ﺑﻴﺞ ﻭﻟﺞ ﻣﺎﻣﺎ ﺍﻟﺼﻼﺓ ﻋﻤﻮﺩ ﺍﻟﺪﻳﻦ ﺟﻴﺒﻴﻠﻲ ﻣﺎﻱ ﻭﺑﻌﺪﻳﻦ ﺍﺳﻮﻟﻔﻠﺞ
ﺭﻳﺎ ...... ﺟﺒﺖ ﻣﺎﻱ ﻟﻤﺎﻣﺎ ﻭﺧﻠﻴﺘﻬﺎ ﺗﺘﻮﺿﻰ ﺑﺲ ﺍﻧﻲ ﺍﺻﺒﻠﻬﺎ ﻣﺎﻱ ﻭﻫﻲ ﺗﺘﻮﺿﻰ ﺑﺄﻳﺪ ﻭﺣﺪﺓ ﻭﺍﺫﺍ ﻣﺎﺗﻜﺪﺭ ﺑﺄﻳﺪﻫﺎ ﺍﻟﺜﺎﻧﻴﺔ ﺍﻧﻲ ﺍﻣﺴﺤﻠﻬﺎ ﻭﺍﺻﺒﻠﻬﺎ ﻣﺎﻱ ﺑﻌﺪﻳﻦ ﺳﻨﺪﺗﻬﺎ ﻭﺟﺒﺘﻠﻬﺎ ﺗﺮﺑﺔ ﻣﻦ ﺍﻟﻤﺠﺮ ﻣﺎﻟﺘﻬﺎ ﻭﻫﻲ ﻇﻠﺖ ﻛﺎﻋﺪﺓ ﻭﺗﺤﺠﻲ ﺑﻜﻠﺒﻬﺎ ﻭﺍﺫﺍ ﺭﺍﺩﺕ ﺗﺴﺠﺪ ﺗﺨﻠﻲ ﺍﻟﺘﺮﺑﺔ ﻋﻠﻰ ﻛﺼﺘﻬﺎ
ﻭﺍﻟﺤﺮﻛﺎﺕ ﺗﺴﻮﻳﻬﻦ ﺑﻌﻴﻨﻬﺎ ﻭﺻﻠﺖ ﻭﺍﻧﻲ ﺑﺲ ﺍﺑﺎﻭﻉ ﺍﻛﻮﻝ ﺑﻜﻠﺒﻲ ﻫﻴﺞ ﻓﻀﻞ ﺍﻟﺼﻼﺓ ﻋﻈﻴﻢ ﻭﻫﻴﺞ ﻫﻲ ﻣﻬﻤﺔ ﺣﺘﻰ ﻣﺎﻣﺎ ﻭﻫﻲ ﺑﻬﻴﺞ ﺣﺎﻟﺔ ﻭﺗﺼﻠﻲ ﺧﻠﺼﺖ ﻣﺎﻣﺎ ﺻﻼﺓ ﻭﻟﺰﻣﺔ ﺍﻟﺘﻠﻔﻮﻥ ﻭﻛﺘﺒﺖ
ﻧﻐﻢ ........ ﺭﻳﺎ ﺭﺍﺡ ﺍﻛﺘﺒﻠﺞ ﻭﺻﻴﺔ ﻭﺭﺍﺡ ﺍﻛﻮﻟﻠﺞ ﻛﻢ ﺷﻐﻠﺔ ﺗﻔﻴﺪﺝ ﺑﺲ ﺭﺍﺡ ﺍﺗﺄﺧﺮ ﻭﺍﻧﻲ ﺍﻛﺘﺐ ﺍﻧﺘﻲ ﺍﻃﻠﻌﻲ ﺍﺳﺒﺤﻲ ﻭﺑﺪﻟﻲ ﻭﺗﻌﺎﻟﻲ ﻋﻠﻰ ﻣﺎﺍﻛﺘﺐ
ﺭﻳﺎ ....... ﻛﻮﻟﺘﻠﻬﺎ ﻣﺎﺷﻲ ﻣﺎﻣﺎ
ﻃﻠﻌﺖ ﺍﻟﺒﻴﺖ ﻓﺎﺭﻍ ﻳﻤﻜﻦ ﺍﻧﻜﻠﻌﻮ ﻭﺑﻴﺖ ﺳﻴﻒ ﺍﻛﻴﺪ ﻫﻢ ﻃﺎﻟﻌﻴﻦ ﻟﻮ ﻣﻌﺰﻭﻣﻴﻦ ﻟﻮ ﻳﺘﻐﺪﻭﻥ ﺑﺮﺍ ﺍﻟﺒﻴﺖ ﻳﻨﻜﻂ ﻭﺳﺦ ﻭﺍﻟﻤﻮﺍﻋﻴﻦ ﻣﺎﻝ ﻋﺸﺎﺀ ﺍﻟﺒﺎﺭﺣﺔ ﺗﺴﻤﻤﺖ ﻫﻲ ﻭﺳﻴﻒ ﻭﻣﺨﻠﻴﺘﻬﻦ ﻭﺭﻳﻜﻬﻢ ﻣﺎﻝ ﺍﻟﻴﻮﻡ ﺑﺎﻗﻴﺔ ﺍﻟﻤﻮﺍﻋﻴﻦ ﻋﻠﻰ ﻣﻴﺰ ﺍﻻﻛﻞ ﺣﺘﻰ ﺻﺎﻳﺮﺓ ﺭﻳﺤﺔ ﺑﺎﻟﻤﻄﺒﺦ
ﻃﻠﻌﺖ ﻻﻥ ﺻﺪﻙ ﻟﻌﺒﺔ ﻧﻔﺴﻲ ﺻﻌﺪﺕ ﻓﻮﻙ ﺟﺒﺘﻠﻲ ﻣﻼﺑﺲ ﻣﻦ ﻏﺮﻓﺘﻲ ﻭﻧﺰﻟﺖ ﺳﺒﺤﺖ ﺟﻮﺓ ﺻﺪﻛﻮ ﻭﻱ ﻛﻞ ﻗﻄﺮﺓ ﻣﺎﻱ ﺗﻨﺰﻝ ﻋﻠﻰ ﺭﺍﺳﻲ ﻋﺸﺮ ﺩﻣﻌﺎﺕ ﻳﻨﺰﻟﻦ ﻣﻦ ﻋﻴﻨﻲ ﻭﻟﻜﻢ ﺍﻟﻠﻪ ﺍﻛﺒﺮ ﺷﻜﻠﺐ ﺣﻴﺎﺗﻨﺎ ﺍﺭﻳﺪ ﺍﺳﺘﻮﻋﺐ ﺍﻟﺠﺎﻱ ﻳﺼﻴﺮ ﺣﻘﻴﻘﺔ ﻟﻮ ﺣﻠﻢ ﺷﻬﺮﻳﻦ ﺑﺲ ﺷﻬﺮﻳﻦ ﻫﻴﺞ ﺻﺎﺭ ﺑﻴﻨﺎ ﺍﺧﻮﺍﻧﻲ ﺍﻭﻭﻭﻭﻑ ﻳﺎﺍﺧﻮﺍﻧﻲ ﻃﻠﻌﻮ ﻋﻠﻰ ﺣﻘﻴﻘﺘﻬﻢ ﻭﻧﺴﻮﺍﻧﻬﻢ ﺍﻟﻤﺎﻳﺨﺎﻓﻦ ﺍﻟﻠﻪ
ﻇﻠﻴﺖ ﻛﺎﻋﺪﺓ ﺑﺎﻟﺤﻤﺎﻡ ﻭﺍﺑﭽﻲ ﺷﻠﻮﻥ ﺑﻴﺔ ﺍﺫﺍ ﺗﻤﻮﺕ ﻣﺎﻣﺎ ﻇﻠﻴﺖ ﺍﺩﻋﻲ ﺍﻟﻠﻪ ﻳﻄﻮﻝ ﻋﻤﺮ ﺍﻣﻲ ﻭﻳﺸﺎﻓﻴﻬﺎ ﺍﻟﻲ ﻃﻠﻌﺖ ﻣﻦ ﺍﻟﺤﻤﺎﻡ ﻋﻴﻮﻧﻲ ﻣﻨﻔﺨﺎﺕ ﻭﺣﻤﺮ ﻭﺍﺣﺲ ﺣﺮﺍﺭﺓ ﺗﻄﻠﻊ ﻣﻨﻬﻦ ﻭﺍﺭﺍﺳﻲ ﻋﺒﺎﻟﻚ ﻧﻔﺎﺧﺔ ﻭﻳﻨﻔﺨﻮﻫﺎ ﺍﺣﺴﻪ ﺻﺎﺭ ﺷﻜﺒﺮﻩ ﻣﻦ ﺍﻟﺒﭽﻲ
ﻭﺧﺸﻤﻲ ﺍﺣﻤﺮ ﻭﻻﻓﺔ ﺷﻌﺮﻱ ﺑﺎﻟﺨﺎﻭﻟﻲ ﺭﺣﺖ ﻟﻤﺎﻣﺎ ﺷﻔﺘﻬﺎ ﺗﻜﺘﺐ ﻭﺗﺒﭽﻲ ﻛﻤﻠﺖ ﺍﺷﺮﺗﻠﻲ ﺍﻗﺮﺃ ﺍﺧﺬﺕ ﺍﻟﺘﻠﻔﻮﻥ ﺷﻔﺘﻬﺎ ﻛﺎﺗﺒﺔ
ﻧﻐﻢ ...... ﺭﻳﺎ ﻣﺎﻣﺎ ﺣﺒﻴﺒﺘﻲ ﺍﻧﻲ ﺑﻌﻤﺮﻱ ﻏﻠﻄﺖ ﻏﻠﻄﺔ ﻭﻫﻲ ﻣﺎﺧﻠﻴﺘﺞ ﺗﻠﺘﺰﻣﻴﻦ ﺑﺪﻳﻨﺞ ﺭﻳﺎ ﺣﺒﻴﺒﺘﻲ ﺧﻠﻲ ﺍﻳﻤﺎﻧﺞ ﺑﺮﺑﺞ
ﺻﻠﻲ ﻣﺎﻣﺎ ﺍﻧﻲ ﻣﺎﺍﻛﺪﺭ ﺍﻋﻠﻤﺞ ﺍﻟﺼﻼﺓ ﺑﺲ ﻫﺬﺍ ﺍﻻﻧﺘﺮﻧﺖ ﻭﻃﻠﻌﻲ ﺍﺣﻜﺎﻡ ﻭﻃﻠﻌﻲ ﺗﻌﻠﻴﻢ ﻭﺍﺗﻌﻠﻤﻲ ﺍﻟﺼﻼﺓ ﺍﺗﻌﻠﻤﻲ ﺩﻳﻨﺞ ﻣﺎﻣﺎ ﺻﺪﻛﻲ ﻟﻮ ﺍﻟﺪﻧﻴﺎ ﻛﻠﻬﺎ ﺗﻮﻛﻒ ﺿﺪﺝ ﻭﺭﺑﺞ ﻭﺍﻛﻒ ﻭﻳﺎﺝ ﺍﻧﺘﻲ ﺍﻟﺮﺍﺑﺤﺔ ﺍﺗﻘﻲ ﺍﻟﻠﻪ ﻳﺎﺑﻨﺘﻲ ﻭﺧﻠﻴﺞ ﻭﺍﻋﻴﺔ ﻭﻓﺎﻫﻤﺔ ﺍﻧﺘﻲ ﻃﻠﻌﻲ ﻣﻮﺍﻗﻊ ﻋﻦ ﺍﻟﺼﻼﺓ ﻭﺷﻮﻓﻲ ﻭﺭﺍﺡ ﺗﻘﺘﻨﻌﻴﻦ ﻣﻦ ﻧﻔﺴﺞ
ﺭﻳﺎ ﺧﺎﻑ ﺍﻣﻮﺕ ﻣﺎﺍﺭﻳﺪﺝ ﺗﻤﺸﻴﻦ ﺑﺪﺭﺏ ﺍﻟﺨﻄﺄ ﻻﺗﺴﻮﻳﻦ ﻛﻮﻟﺸﻲ ﻳﻜﻮﻟﻮﻧﻪ ﺍﻟﺞ ﻻﺗﺪﻭﺭﻳﻦ ﺭﺿﺎ ﺍﻟﻌﺎﻟﻢ ﺩﻭﺭﻱ ﺭﺿﺎ ﺍﻟﻠﻪ ﻻﺗﻜﻮﻟﻴﻦ ﺧﻞ ﺍﻟﺒﺲ ﻫﻴﺞ ﺣﺘﻰ ﺍﻟﻨﺎﺱ ﺗﺮﺿﻰ
ﻭﻻﺗﻜﻮﻟﻴﻦ ﻣﺎﺍﺻﻠﻲ ﻻﻥ ﺍﻟﻨﺎﺱ ﻣﺎﺗﺼﻠﻲ ﻭﻻﺗﺘﺮﻛﻴﻦ ﺍﻟﺼﻴﺎﻡ ﻻﻥ ﻭﺍﺟﺐ ﺍﺩﺭﻱ ﻫﺎﻱ ﺍﻟﺸﻐﻼﺕ ﻣﺘﺄﺧﺮﺓ ﻛﻮﻟﺘﻠﺠﻴﺎﻫﺎ ﺑﺲ ﺳﺒﻖ ﻭﺣﺬﺭﺗﺞ ﻭﻧﺼﺤﺘﺞ ﺑﺲ ﻣﺎﺍﺧﺬﺗﻲ ﺑﻜﻼﻣﻲ
ﺭﻳﺎ ...... ﺍﻗﺮﺃ ﻭﺍﺑﭽﻲ ﺑﻌﺪﻳﻦ ﻓﺘﺤﺖ ﻧﺖ ﻭﺗﻌﻠﻤﺖ ﺷﻠﻮﻥ ﺍﮔﻠﻲ ﻃﻤﺎﻃﺔ ﻭﺑﻴﺾ ﺍﺣﻠﻔﻠﻜﻢ ﺑﺪﺍﻋﺔ ﺑﺎﺑﺎ ﻣﺎﺍﻋﺮﻑ ﺍﻃﺒﺦ ﻛﻠﺸﻲ ﻣﺎﺍﻋﺮﻑ ﺣﺘﻰ ﭼﺎﻱ ﻣﺎﺍﻋﺮﻑ ﺍﺳﻮﻱ ﺣﺘﻰ ﺗﻨﻀﻴﻒ ﻣﺎﺍﻋﺮﻑ
ﺭﺣﺖ ﺳﻮﻳﺖ ﻃﻤﺎﻃﺔ ﻭﺑﻴﺾ ﺑﺲ ﺷﻨﻮ ﻋﻴﺎﻁ ﻭﺑﭽﻲ ﻭﺍﻧﺠﺮﺣﺖ ﺍﻳﺪﻱ ﺑﺎﻟﺴﭽﻴﻨﺔ ﺍﻟﻤﻬﻢ ﻣﺎﻛﺪﺭﺕ ﺍﺳﻮﻳﻬﺎ ﻋﺪﻟﺔ ﺑﺲ ﺭﻫﻤﺖ ﺑﻌﺪﻳﻦ ﻟﻜﻴﺖ ﺧﺒﺰ ﻭﺻﻤﻮﻥ ﺣﻤﻴﺘﻪ ﻭﺍﺧﺬﺕ ﺍﻟﻐﺪﺍﺀ ﻟﻤﺎﻣﺎ ﺑﺲ ﻣﺎﻛﺪﺭﺕ ﺗﺎﻛﻞ ﻻﻥ ﻣﺎﺗﻜﺪﺭ ﺗﺤﺮﻙ ﻓﻜﻬﺎ
ﺍﺣﺘﺎﺭﻳﺖ ﺷﺄﻭﻛﻠﻬﺎ ﺍﺩﺭﻱ ﺷﻮﺭﺑﺔ ﺑﺲ ﻣﺎﺍﻋﺮﻑ ﻭﺍﺫﺍ ﻫﺴﺔ ﺍﺗﻠﻌﻢ ﻣﻨﺎ ﻟﺒﺎﭼﺮ ﻣﺎﺍﻛﻤﻠﻬﺎ ﻃﻠﻌﺖ ﺑﺎﻻﻧﺘﺮﻧﺖ ﻣﻮﺍﺩ ﺍﻟﺸﻮﺭﺑﺔ ﻋﺒﺎﻟﻲ ﻫﻮﺍﻱ ﻃﻠﻌﻦ ﺑﺲ ﻋﺪﺱ ﻭﺷﻌﺮﻳﺔ ﻭﻣﻠﺢ ﻭﻣﺎﻱ ﺍﺧﺬﺕ ﻋﺪﺱ ﻭﺷﻌﺮﻳﺔ ﻭﺩﺯﻳﺘﻬﻦ ﻟﺠﺎﺭﺗﻨﺎ ﺍﻡ ﻭﻋﺪ ﺧﻮﺵ ﻣﺮﺓ ﻭﺣﺒﺎﺑﺔ ﻭﺳﺎﻛﻨﺔ ﻭﺣﺪﻫﺎ ﺍﻧﻄﻴﺘﻬﺎ ﺍﻟﻤﻮﺍﺩ ﻭﻛﻮﻟﺘﻠﻬﺎ ﻣﺎﺍﻋﺮﻑ ﻭﺳﻴﻒ ﻣﺴﺎﻓﺮ ﻫﻮ ﻭﻋﺎﺋﻠﺘﻪ
ﺧﻄﻴﺔ ﻫﻲ ﺍﻟﻤﺮﺓ ﻣﺎﻛﺎﻟﺖ ﺷﻲ ﻭﺍﺻﻼ ﻣﺎﻗﺒﻠﺖ ﻋﻠﻴﺔ ﻻﻥ ﻣﺎﺧﺬﺗﻠﻬﺎ ﺍﻟﻌﺪﺱ ﻭﺍﻟﺸﻌﺮﻳﺔ ﺍﻟﻤﻬﻢ ﺭﺟﻌﺖ ﻟﻠﺒﻴﺖ ﻋﺰﻟﺘﻪ ﻭﻃﻠﻌﺖ ﺍﻟﻤﻜﻨﺴﺔ ﻛﻨﺴﺘﻪ ﻭﻣﺴﺤﺖ ﺍﻟﻘﻨﻔﺎﺕ ﻭﺍﻟﺴﺒﻠﺖ ﻳﻌﻨﻲ ﻫﺎﻱ ﺍﻟﻐﺮﺍﺽ ﻛﻠﻬﺎ ﻧﻀﻔﺘﻬﺎ ﻭﺭﺣﺖ ﻟﻠﻤﻄﺒﺦ
ﻃﻠﻌﺖ ﺯﺍﻫﻲ ﺧﻠﻴﺘﻪ ﺑﻜﺎﺳﺔ ﭼﺒﻴﺮﺓ ﻭﺧﻠﻴﺖ ﻣﺎﻱ ﺑﺲ ﻣﻦ ﻓﺘﺤﺖ ﺍﻟﺤﻨﻔﻴﺔ ﻓﺘﺤﺖ ﺍﻟﺤﺎﺭ ﻭﻣﺎﺍﺩﺭﻱ ﻭﻧﺰﻝ ﺍﻟﺤﺎﺭ ﻋﻠﻰ ﺍﻳﺪﻱ ﻭﺣﺮﮔﻨﻲ ﻋﻄﺖ ﺑﺼﻮﺕ ﻋﺎﻟﻲ ﻭﻟﺰﻣﺖ ﺍﻳﺪﻱ ﻭﻋﺼﺮﺗﻬﺎ ﻋﻠﻰ ﺑﻄﻨﻲ ﻭﺻﺤﺖ ﺍﺍﺍﺍﺍﺍﺍﺧﺦ ﺍﻭﻭﻭﻑ ﻳﺎﺭﺑﻲ
ﺭﺟﻌﺖ ﻓﺘﺤﺖ ﺍﻟﻤﺎﻱ ﻭﻏﺴﻠﺖ ﻣﻮﺍﻋﻴﻦ ﺑﺲ ﺍﻳﺪﻱ ﺍﺫﺗﻨﻲ ﻣﻦ ﻳﻠﻮﺣﻬﺎ ﺍﻟﻤﺎﻱ ﻋﺒﺎﻟﻚ ﻓﺪ ﺷﻲ ﻳﻜﺮﺻﻬﺎ ﻛﻤﻠﺖ ﻏﺴﻞ ﻣﻮﺍﻋﻴﻦ ﺍﻧﺪﻙ ﺍﻟﺒﺎﺏ ﺭﺣﺖ ﻓﺘﺤﺘﻪ ﻃﻠﻌﺖ ﺧﺎﻟﺔ ﺍﻡ ﻭﻋﺪ ﻣﺴﻮﻳﺔ ﺟﺪﺭ ﻣﺎﻝ ﺷﻮﺭﺑﺔ ﭼﺒﻴﺮ
ﺍﺧﺬﺕ ﺍﻟﺠﺪﺭ ﻭﺗﺸﻜﺮﺕ ﻣﻨﻬﺎ ﻭﺩﺧﻠﺖ ﺍﺧﺬﺕ ﺑﻜﺎﺳﺔ ﻟﻤﺎﻣﺎ ﻭﺭﺣﺖ ﻟﻠﻐﺮﻓﺔ ﻟﻜﻴﺘﻬﺎ ﻻﺯﻣﺔ ﺍﻟﺴﺒﺤﺔ ﻭﺗﺴﺒﺢ ﻭﻛﻠﺘﻬﺎ ﺍﻟﺸﻮﺭﺑﺔ ﺑﺲ ﺑﺎﻟﻜﻮﺓ ﻻﻥ ﻣﺎﺗﻜﺪﺭ ﺗﺎﻛﻞ ﻭﺍﻧﻄﻴﺘﻬﺎ ﻋﻼﺟﻬﺎ ﻭﻧﺎﻣﺖ ﺟﺎﻥ ﺍﻟﺠﻮ ﺻﻴﻒ ﻭ 15 ﺭﻣﻀﺎﻥ ﻛﻤﺖ ﻣﻦ ﺍﻟﺠﺮﺑﺎﻳﺔ ﺍﺧﺬﺕ ﺍﻟﻤﻮﺍﻋﻴﻦ ﻏﺴﻠﺘﻬﻦ
ﻭﺭﺟﻌﺖ ﺍﺧﺬﺕ ﺗﻠﻔﻮﻧﻲ ﻭﺗﻤﺪﺩﺕ ﺑﺎﻟﻜﺎﻉ ﻣﺎﻣﺎ ﻧﺎﻣﺖ ﻻﻥ ﺍﻟﻌﻼﺝ ﺑﻲ ﻣﻬﺪﺃ ﻭﺍﻧﻲ ﺗﻤﺪﺩﺕ ﺑﺎﻟﻜﺎﻉ ﺣﺘﻰ ﻻ ﺍﺯﻋﺞ ﻣﺎﻣﺎ ﻻﻥ ﺍﺫﺍ ﻛﺎﻋﺪﺓ ﻭﺍﺗﻤﺪﺩ ﺍﻇﻞ ﺍﺗﺤﺮﻙ ﻫﻮﺍﻱ ﺍﻟﻤﻬﻢ ﻧﺰﻟﺖ ﺑﺎﻟﻜﺎﻉ ﻃﻠﻌﺖ ﺗﻌﻠﻴﻢ ﺍﻟﺼﻼﺓ ﻭﺍﺣﻜﺎﻡ ﻭﻛﻠﺸﻲ ﺑﺲ ﻣﻦ ﺷﻔﺖ ﺍﻟﻔﺪﻳﻮﺍﺕ ﻭﻋﺮﻓﺖ ﻛﻞ ﺍﺣﻜﺎﻡ ﺍﻟﺼﻼﺓ ﻭﺷﻨﻮ ﻓﻀﻞ ﺍﻟﺼﻼﺓ ﻇﻠﻴﺖ ﺑﺲ ﺍﺑﭽﻲ ﺍﻧﻲ ﺷﻤﺴﻮﻳﺔ ﺑﻨﻔﺴﻲ
ﻇﻠﻴﺖ 5 ﺳﺎﻋﺎﺕ ﺍﻧﻲ ﻓﻴﺪﻳﻮ ﻳﺠﺮ ﻓﻴﺪﻳﻮ ﻃﻠﻌﺖ ﻋﻦ ﺍﻟﺼﻼﺓ ﻭﻋﻦ ﺍﻟﺼﻴﺎﻡ ﻭﺑﺎﻻﺧﺺ ﺷﻬﺮ ﺭﻣﻀﺎﻥ ﺗﻨﺪﻣﺖ ﻓﺎﺗﻨﻲ 15 ﻳﻮﻡ ﻣﻦ ﻫﺬﺍ ﺍﻟﺸﻬﺮ ﺍﻟﻔﻀﻴﻞ ﻭﻫﻢ ﻃﻠﻌﺖ ﻋﻦ ﺍﺣﻜﺎﻡ ﺍﻟﺘﻘﻠﻴﺪ ﻭﻗﻠﺪﺕ ﻣﺮﺟﻊ
ﻭﻃﻠﻌﺖ ﻋﻦ ﺍﻟﺤﺠﺎﺏ ﻭﺣﺘﻰ ﻋﻦ ﺍﻻﻏﺎﻧﻲ ﻭﺻﺪﻛﻮ ﺗﻨﺪﻣﺖ ﻣﻦ ﻋﺮﻓﺖ ﺍﻻﻏﺎﻧﻲ ﺣﺮﺍﻡ ﻭﺍﻧﻲ ﺍﺳﻤﻌﻬﻦ ﻋﺎﻫﺪﺕ ﺭﺑﻲ ﺑﻌﺪ ﺍﺗﺤﺠﺐ ﻭﺍﺻﻠﻲ ﻭﺍﻗﻀﻲ ﺍﻟﺼﻼﺓ ﻭﺍﻟﺼﻴﺎﻡ ﺍﻟﻌﻠﻴﺔ ﻭﺍﺗﺮﻙ ﺷﻜﻮ ﺷﻲ ﺣﺮﺍﻡ
ﻟﻞ 5 ﻛﻌﺪﺕ ﻣﺎﻣﺎ ﻭﺍﻧﻲ ﻛﻌﺪﺕ ﻳﻤﻬﺎ ﻭﺍﺳﻮﻟﻒ ﻭﻳﺎﻫﺎ ﻭﻫﻲ ﺑﺲ ﺗﻬﺰ ﺑﺮﺍﺳﻬﺎ ﻭﺍﻓﺮﻛﻠﻬﺎ ﺍﻳﺪﻫﺎ ﻭﺭﺟﻠﻬﺎ ﻭﺍﻛﻮﻟﻠﻬﺎ ﺷﻨﻮ ﻃﻠﻌﺖ ﺑﺎﻟﻴﻮﺗﻴﻮﺏ ﻭﺷﺘﻌﻠﻤﺖ ﻭﺷﻨﻮ ﺭﺍﺡ ﺍﺳﻮﻱ ﻫﻲ ﺷﻮﻳﺔ ﺍﺭﺗﺎﺣﺖ ﻇﻠﻴﻨﺎ ﻧﺴﻮﻟﻒ ﺍﻟﻰ ﺍﻥ ﺳﻤﻌﻨﺎ ﺻﻮﺕ ﺍﻻﺫﺍﻥ ﻣﺎﻝ ﺍﻟﻤﻐﺮﺏ
ﻛﻤﺖ ﺗﻮﺿﻴﺖ ﻭﺟﺒﺖ ﻣﺎﻱ ﻟﻤﺎﻣﺎ ﻫﻢ ﺳﺎﻋﺪﺗﻬﺎ ﺗﻮﺿﺖ ﻭﺍﻧﻲ ﻟﺒﺴﺖ ﻭﺷﺎﺡ ﺍﻟﺼﻼﺓ ﻭﺗﻮﺟﻬﺖ ﻟﺮﺑﻲ ﻛﻤﺖ ﺍﺻﻠﻲ ﻭﺩﻣﻮﻋﻲ ﻭﺣﺪﻫﺎ ﺗﻨﺰﻝ ﺍﺭﻳﺪ ﺍﺳﻴﻄﺮ ﻣﺎﺍﻛﺪﺭ ﺍﺑﭽﻲ ﺧﺎﻳﻔﺔ ﻣﻦ ﺍﻟﻠﻪ ﺑﺎﭼﺮ ﻳﻌﺎﻗﺒﻨﻲ ﻋﻠﻰ ﺍﻫﻤﺎﻟﻲ ﻟﺼﻼﺗﻲ
ﻛﻤﻠﺖ ﺻﻼﺓ ﻭﺍﻟﻠﻪ ﺍﺑﺎﻭﻉ ﺧﺸﻤﻲ ﺍﺣﻤﺮ ﻭﻋﻴﻮﻧﻲ ﺣﻤﺮ ﻭﻣﻨﻔﺨﺎﺕ ﻟﻤﻴﺖ ﺍﻟﻤﺼﻼﻳﺔ ﻭﺳﻴﻒ ﻭﺟﻤﺎﻧﺔ ﻭﺟﻬﺎﻟﻬﻢ ﻣﺎﻛﻮ ﻛﻤﺖ ﺣﻤﻴﺖ ﺍﻟﺸﻮﺭﺑﺔ ﻟﻤﺎﻣﺎ ﻭﺍﺧﺬﺗﻠﻬﺎ ﺑﻜﺎﺳﺔ ﻭﺍﻟﺒﺎﻗﻲ ﻇﻤﻴﺘﻬﺎ
ﻫﻢ ﺑﺎﻟﻜﻮﺓ ﺷﺮﺑﺖ ﺍﻟﺸﻮﺭﺑﺔ ﻭﺷﺮﺑﺘﻬﺎ ﻋﺼﻴﺮ ﺑﺮﺗﻘﺎﻝ ﻃﺒﻴﻌﻲ ﻭﺍﻧﻄﻴﺘﻬﺎ ﻋﻼﺟﻬﺎ ﻭﻣﺪﺩﺗﻬﺎ ﻭﻇﻠﺖ ﺗﺒﺎﻭﻉ ﻟﻠﺘﻠﻔﺰﻳﻮﻥ ﻭﺍﻧﻲ ﻛﺎﻋﺪﺓ ﺍﻟﻌﺐ ﺑﺎﻟﺘﻠﻔﻮﻥ ﻛﻤﺖ ﺍﻃﻠﻊ ﻃﺒﺦ ﺣﺘﻰ ﺍﺗﻌﻠﻢ
ﻭﺗﻠﻌﻤﺖ ﻫﻮﺍﻱ ﺷﻐﻼﺕ ﻟﻠﺴﺎﻋﺔ ﺏ 9 ﺷﻔﺖ ﻣﺎﻣﺎ ﻏﺎﻓﻴﺔ ﻛﻤﺖ ﻋﺪﻟﺖ ﻧﻮﻣﺘﻬﺎ ﻭﺫﺑﻴﺖ ﺷﺎﻟﻬﺎ ﻭﻭﺟﻬﺖ ﺍﻟﺴﺒﻠﺖ ﻋﻠﻴﻬﺎ ﻭﻏﻄﻴﺘﻬﺎ ﺑﭽﺮﭼﻒ ﺧﻔﻴﻒ ﻭﺭﺟﻌﺖ ﺍﺩﻭﺭ ﺑﺎﻟﻴﻮﺗﻴﻮﺏ ﻟﻤﻦ ﺻﺎﺭﺕ ﺍﻟﺴﺎﻋﺔ ﺏ 12 ﺳﻤﻌﺖ ﺑﺎﺏ ﺍﻟﺒﻴﺖ ﺍﻧﻔﺘﺢ ﻭﺻﻮﺕ ﺳﻴﻒ ﻭﺟﻤﺎﻧﺔ
ﻋﺮﻓﺘﻬﻢ ﺭﺟﻌﻮ ﻃﻠﻌﺖ ﻟﻜﻴﺘﻬﻢ ﻳﺮﺩﻭﻥ ﻳﺪﺧﻠﻮﻥ ﻟﻐﺮﻓﺘﻬﻢ ﻛﻮﺗﻠﻪ ﺳﺴﻴﻒ
ﺳﻴﻒ ...... ﻧﻌﻢ
ﺭﻳﺎ ....... ﺍﺭﻳﺪ ﺍﺣﺠﻲ ﻭﻳﺎﻙ
ﺳﻴﻒ ....... ﺧﻴﺮ ﺷﻌﻨﺪﺝ
ﺭﻳﺎ ........ ﺳﻴﻒ ﻟﻴﺶ ﻣﺎﺗﺮﺍﺟﻌﻮﻥ ﺑﻤﺎﻣﺎ ﻟﻴﺶ ﻣﺎﺗﺸﻮﻓﻮﻟﻬﺎ ﺩﻛﺘﻮﺭ ﺷﺎﻃﺮ ﻳﻌﺎﻟﺠﻬﺎ ﻟﻴﺶ ﻣﺎﺗﺒﻠﺸﻮﻥ ﻭﻳﺎﻫﺎ ﺑﻌﺎﻟﻌﻼﺝ ﺍﻟﻄﺒﻴﻌﻲ
ﺳﻴﻒ ....... ﺭﻭﺣﻲ ﻧﺎﻣﻲ ﺭﻳﺎ ﺭﻭﺣﻲ ﻧﺎﻣﻲ ﺍﻧﺘﻲ ﻣﺘﺤﻠﻤﺔ ﺑﺎﺑﺎ ﺍﻟﺪﻛﺘﻮﺭ ﻛﺎﻝ ﺣﺎﻟﺘﻬﺎ ﻣﺄﻳﻮﺱ ﻣﻨﻬﺎ ﻣﺎﺍﻟﻬﺎ ﺍﻱ ﻋﻼﺝ
ﺭﻳﺎ ...... ﻟﻴﺶ ﺍﻧﺘﻮ ﺍﺧﺬﺗﻮﻫﺎ ﻟﺪﻛﺘﻮﺭ ﻭﻛﺎﻟﻠﻜﻢ ﻫﻴﺞ ﺍﻋﺘﻤﺪﺗﻮ ﻋﻠﻰ ﻛﻼﻡ ﺍﻻﻃﺒﺎﺀ ﺍﻟﺒﺎﻟﻤﺴﺘﺸﻔﻰ ﺣﺮﺍﻡ ﻋﻠﻴﻜﻢ ﺳﻴﻒ ﻫﺎﻱ ﺍﻣﻜﻢ ﺑﺎﭼﺮ ﺗﺤﺘﺎﺟﻮﻥ ﺩﻋﺎﺋﻬﺎ
ﺳﻴﻒ ....... ﺻﺎﻳﺮﺓ ﺗﻨﻄﻴﻦ ﻣﻮﺍﻋﺾ ﻭﺣﻜﻢ ﻣﺎﻋﺮﻓﺘﺞ
ﺭﻳﺎ ......... ﺳﻴﻒ ﺷﺒﻴﻜﻢ ﺷﻐﻴﺮﻛﻢ ﻭﻟﻜﻢ ﺷﺴﻮﻳﻨﺎﻟﻜﻢ ﺍﻧﺘﻮ ﻭﻧﺴﻮﺍﻧﻜﻢ ﺷﺒﻴﻜﻢ ﺷﻜﻠﺒﻜﻢ ﻋﻠﻴﻨﺎ ﻣﻌﻘﻮﻟﺔ ﺟﻨﺘﻮ ﺗﻨﺘﻈﺮﻭﻥ ﻣﻮﺕ ﺑﺎﺑﺎ
ﺳﻴﻒ ...... ﺷﺒﻴﻨﺎ ﺷﺴﻮﻳﻨﺎﻟﺠﻦ ﺭﻳﺎ ﻻﺗﺨﻠﻴﻨﻲ ﺍﺟﻲ ﺍﻃﻴﺢ ﺣﻈﺞ ﻭﻟﻲ ﺍﻃﻠﻌﻲ ﺑﺮﺓ
ﺭﻳﺎ ...... ﻃﻠﻌﺖ ﻟﻤﺎﻣﺎ ﺷﻔﺘﻬﺎ ﻧﺎﻳﻤﺔ ﻃﻔﻴﺖ ﺍﻟﻜﻠﻮﺏ ﻭﺗﻤﺪﺩﺕ ﺑﺼﻔﻬﺎ ﻣﺎﺍﺟﺎﻧﻲ ﻧﻮﻡ ﻓﻜﺮﺓ ﻛﻮﻟﺖ ﺷﻠﻮﻥ ﺑﻴﺔ ﺍﻟﻤﻮﺕ ﺣﻖ ﻭﻛﻠﻨﺎ ﻧﻤﻮﺕ ﺍﺫﺍ ﻣﺎﺗﺖ ﻣﺎﻣﺎ ﺷﻠﻮﻥ ﺑﺴﺮﻋﺔ ﻛﻮﻟﺖ ﻻ ﻻ ﺍﻛﻴﺪ ﻣﺎﻣﺎ ﺭﺍﺡ ﺗﻄﻴﺐ ﺍﻛﻴﺪ ﺭﺍﺡ ﺗﻜﻮﻡ ﻭﺗﺘﻌﺎﻓﻰ ﻣﺎﺗﻌﻮﻓﻨﻲ ﺍﻳﻲ ﻫﻲ ﺗﺤﺒﻨﻲ
ﻇﻠﻴﺖ ﻟﻠﺴﺤﻮﺭ ﺍﻧﻲ ﻛﺎﻋﺪﺓ ﻭﺍﻓﻜﺮ ﺑﻌﺪﻳﻦ ﻛﻤﺖ ﻭﺷﺮﺑﺖ ﻣﺎﻱ ﻭﺍﻣﺴﻜﺖ ﺍﻧﺘﻈﺮﺕ ﺍﻻﺫﺍﻥ ﻳﺄﺫﻥ ﻣﺎﻣﺎ ﻛﻌﺪﺕ ﺟﺒﺘﻠﻬﺎ ﻣﺎﻱ ﻭﺳﺎﻋﺪﺗﻬﺎ ﺗﺘﻮﺿﺊ ﻭﺟﺒﺘﻠﻬﺎ ﻗﺮﺃﻥ ﻭﻇﻠﺖ ﺗﻘﺮﺃ ﻭﺍﻧﻲ ﻧﻌﺴﺖ ﻇﻠﻴﺖ ﻻﺑﺴﺔ ﻭﺷﺎﺡ ﺍﻟﺼﻼﺓ ﻭﻛﺎﻋﺪﺓ ﺍﻏﻔﻲ ﻳﻤﻬﺎ ﺍﻟﻰ ﺍﻥ ﺍﺫﻥ ﻛﻤﺖ ﺻﻠﻴﺖ ﺍﻧﻲ ﻭﻣﺎﻣﺎ ﻭﻧﻤﻨﺎ ﺛﻨﻴﻨﺎ
ﻛﻌﺪﺕ ﺍﻟﺼﺒﺢ ﺏ 10 ﻣﻴﺘﺔ ﻣﻦ ﺍﻟﻨﻌﺎﺱ ﺑﺲ ﻛﻌﺪﺕ ﻋﻠﻰ ﺣﺮﻛﺔ ﻣﺎﻣﺎ ﺷﻔﺘﻬﺎ ﺗﺮﻳﺪ ﺗﺮﻭﺡ ﻟﻠﺤﻤﺎﻡ ( ﺗﻜﺮﻣﻮﻥ ) ﺑﺎﻟﻜﻮﺓ ﺳﻨﺪﺗﻬﺎ ﻭﻛﻌﺪﺗﻬﺎ ﺑﺎﻟﻜﺮﺳﻲ ﺍﻟﻤﺘﺤﺮﻙ ﻭﺍﺧﺬﺗﻬﺎ ﻟﻠﺤﻤﺎﻡ ﻃﺒﻌﺎ ﻭﺭﺍﺩﺕ ﺗﺴﺒﺢ ﺧﻠﻴﺘﻠﻬﺎ ﻛﺮﺳﻲ ﻭﻛﻌﺪﺗﻬﺎ ﻭﻓﺘﺤﺖ ﻋﻠﻴﻬﺎ ﺍﻟﻤﺎﻱ ﻭﺳﺒﺤﺘﻬﺎ ﻭﺍﺳﻮﻟﻒ ﻭﻳﺎﻫﺎ ﻭﺍﻧﻜﺖ ﺣﺘﻰ ﺗﻀﺤﻚ ﻭﻫﻲ ﺑﺲ ﺗﺘﺒﺴﻢ
ﻧﺸﻔﺘﻬﺎ ﻭﺳﺎﻋﺪﺗﻬﺎ ﺗﺒﺪﻝ ﻭﻃﻠﻌﺘﻬﺎ ﻟﻠﻐﺮﻓﺔ ﺍﻟﺒﻴﺖ ﻫﺪﻭﺀ ﺍﺻﻼ ﻣﺎﺍﺷﻮﻓﻬﻢ ﻳﻜﻌﺪﻭﻥ ﺑﺎﻟﺒﻴﺖ ﻟﻮ ﺑﺮﺓ ﻟﻮ ﻧﺎﻳﻤﻴﻦ ﺩﺧﻠﺖ ﻣﺎﻣﺎ ﻟﻠﻐﺮﻓﺔ ﻭﻧﺸﻔﺘﻠﻬﺎ ﺷﻌﺮﻫﺎ ﻭﻣﺸﻄﺘﻠﻬﺎ ﻭﺧﻠﻴﺘﻠﻬﺎ ﻋﻄﺮ ﻣﻦ ﻛﻤﻠﺖ ﻛﻮﻟﺘﻠﻬﺎ ﺻﺮﺗﻲ ﻋﺮﻭﺱ ﻭﺿﺤﻜﺖ ﻫﻲ ﺟﺎﺑﺖ ﺍﻳﺪﻱ ﺧﻠﺘﻬﺎ ﻋﻠﻰ ﺧﺪﻫﺎ ﺍﻧﻲ ﺑﺴﺘﻬﺎ
ﻭﻛﻌﺪﺕ ﺍﻃﻠﻌﻠﻬﺎ ﺗﺤﺸﻴﺶ ﻭﻫﻲ ﺗﻀﺤﻚ ﺷﻮﻱ ﺍﻏﻴﺮ ﻧﻔﺴﻴﺘﻬﺎ ﻭﺍﻧﻲ ﻧﻔﺴﻴﺘﻲ ﺯﻓﺖ ﻧﻄﻠﻊ ﻣﻘﺎﻟﺐ ﻭﻧﻀﺤﻚ ﺭﺣﺖ ﺳﻮﻳﺘﻠﻬﺎ ﺭﻳﻮﻙ ﺣﻤﻴﺖ ﺍﻟﺤﻠﻴﺐ ﻭﺟﺒﺖ ﺻﻤﻮﻥ ﻭﺭﺟﻌﺖ ﻃﺒﻌﺎ ﻟﺒﺴﺖ ﺣﺠﺎﺏ ﻣﻦ ﻣﺎﻣﺎ ﻫﻲ ﻓﺮﺣﺖ ﻣﻦ ﺷﺎﻓﺘﻨﻲ ﻟﺒﺴﺘﻪ
ﺍﻟﻤﻬﻢ ﺟﺒﺖ ﺻﻤﻮﻥ ﺍﻧﻲ ﺻﺎﻳﻤﺔ ﺑﺲ ﻟﻤﺎﻣﺎ ﺧﻠﻴﺖ ﺍﻟﺤﻠﻴﺐ ﺑﻜﻼﺹ ﭼﺒﻴﺮ ﻭﺧﻠﻴﺘﻪ ﺑﺼﻴﻨﻴﺔ ﻭﻱ ﺍﻟﺼﻤﻮﻥ ﻭﺍﺧﺬﺗﻪ ﻛﻤﺖ ﺍﺧﻠﻲ ﺍﻟﺼﻤﻮﻥ ﺑﺎﻟﺤﻠﻴﺐ ﻟﻤﻦ ﺗﻤﻮﻉ ﺍﻟﺼﻤﻮﻧﺔ ﻛﻠﺶ ﻳﺎﻟﻠﻪ ﺍﻧﻄﻴﻬﺎ ﻟﻤﺎﻣﺎ ﻭﺷﺮﺑﺘﻬﺎ ﺣﻠﻴﺐ ﻭﺍﻧﻄﻴﺘﻬﺎ ﻋﻼﺝ
ﻣﺮﺕ ﺍﻻﻳﺎﻡ ﻭﺍﻧﻲ ﻣﻬﺘﻤﺔ ﺑﻤﺎﻣﺎ ﺳﻴﻒ ﻭﺑﺎﺳﻞ ﻳﺠﻮﻥ ﻳﺴﺄﻟﻮﻥ ﻋﻠﻰ ﻣﺎﻣﺎ ﻭﺑﻮﺳﻮﻫﺎ ﺑﺮﺍﺳﻬﺎ ﻭﻳﻄﻠﻌﻮﻥ ﻻ ﺍﺧﺬﻭﻫﺎ ﻟﻄﺒﻴﺐ ﻭﻻ ﻋﺎﻟﺠﻮﻫﺎ ﻭﺑﻠﻴﻠﺔ ﺍﻟﻘﺪﺭ ﻃﻠﻌﺖ ﺍﻋﻤﺎﻟﺔﻟﻴﻠﺔ ﺍﻟﻘﺪﺭ ﻭﻇﻠﻴﺖ ﻟﻠﺴﺤﻮﺭ ﺍﺻﻠﻲ ﻭﺍﺩﻋﻲ ﻟﻤﺎﻣﺎ ﻭﺑﺎﺑﺎ ﺑﻴﻮﻣﻬﺎ ﺍﺧﺘﻨﻜﺖ ﻣﺮﺗﻴﻦ ﻭﺍﺟﺘﻨﻲ ﻧﻮﺑﺔ ﺭﺑﻮ ﻣﻦ ﻛﺜﺮ ﻣﺎﺑﭽﻴﺖ
ﻭﺑﺎﻟﻌﻴﺪ ﺍﻭﻭﻭﻭﻑ ﻳﺎﻟﻌﻴﺪ ﺷﺒﻌﻨﺎ ﺑﭽﻲ ﺍﻧﻲ ﻭﻣﺎﻣﺎ ﺣﺎﻇﻨﺘﻬﺎ ﻭﻫﻲ ﺗﺒﭽﻲ ﺑﺼﻮﺕ ﻋﺎﻟﻲ ﻭﺍﻧﻲ ﻭﻳﺎﻫﺎ ﻃﺒﺦ ﻣﺎﺍﻋﺮﻑ ﺑﺲ ﺗﻌﻠﻤﺖ ﺷﻐﻼﺕ ﻳﻌﻨﻲ ﺍﺳﻮﻱ ﻃﻤﺎﻃﺔ ﻭﺑﺘﻴﺘﺔ ﺑﺎﺫﻧﺠﺎﻥ ﻫﻴﺞ ﻳﻌﻨﻲ ﺍﮔﻠﻲ ﺑﺲ ﺷﻨﻮ ﺍﻟﺪﻫﻦ ﻳﻄﻔﺮ ﻋﻠﻴﺔ ﻭﺍﻧﻲ ﺑﺲ ﺍﺻﺮﺥ
ﻭﻣﻦ ﺍﺳﻮﻱ ﺍﻟﺒﺼﻞ ﺗﻨﺠﺮﺡ ﺍﻳﺪﻱ ﺑﺎﻟﺴﭽﻴﻨﺔ ﻭﺗﻌﻠﻤﺖ ﺍﺳﻮﻱ ﺷﻮﺭﺑﺔ ﻻﻥ ﺑﺲ ﺍﻟﺸﻮﺭﺑﺔ ﺗﻜﺪﺭ ﺗﺎﻛﻠﻬﺎ ﺳﻴﻒ ﻭﺑﺎﺳﻞ ﺷﻮﻱ ﺣﻦ ﮔﻠﺒﻬﻢ ﻋﻠﻰ ﻣﺎﻣﺎ ﻭﺍﺧﺬﻭﻫﺎ ﻟﻄﺒﻴﺐ ﺍﺧﺼﺎﺋﻲ ﺑﺲ ﺷﻨﻮ ﺑﺲ ﻳﻜﺘﺒﻮﻥ ﻋﻼﺟﺎﺕ ﻛﻠﺸﻲ ﻣﺎﻛﻮ
ﺑﺎﺳﻞ ﺍﺟﺔ ﮔﻌﺪ ﻋﻨﺪﻧﺎ ﺑﺎﻟﻔﻮﻙ ﻭﺷﺴﻮﻥ ﺑﻴﺔ ﻧﻮﺭ ﻭﺟﻤﺎﻧﺔ ﺑﺲ ﻳﻌﻴﻄﻦ ﻭﺍﻳﺪﻫﻦ ﻃﺎﻟﺖ ﻛﺎﻣﻦ ﻳﻀﺮﺑﻨﻲ ﻭﺍﻧﻲ ﻟﻮ ﺍﺭﺩﻫﻦ ﻟﻮ ﺍﺳﻜﺖ ﻭﺍﺧﻮﺍﻧﻲ ﻳﻌﺎﺭﻛﻮﻧﻲ ﺍﺫﺍ ﺍﺣﺠﻲ ﻭﻱ ﻧﺴﻮﺍﻧﻬﻢ ﺑﺲ ﺍﺑﺪ ﻣﺎﻳﻘﺒﻠﻮﻥ ﺍﺷﺘﻐﻞ ﻧﺴﻮﺍﻧﻬﻢ ﻫﻲ ﺗﺸﺘﻐﻞ
ﻣﻦ ﻳﺸﻮﻓﻮﻧﻲ ﺍﺷﺘﻐﻞ ﻳﻈﻮﻥ ﻳﺤﺠﻮﻥ ﻭﻣﺎﻳﻘﺒﻠﻮﻥ ﺣﻴﺮﻭﻧﻲ ﻫﻢ ﺯﻳﻨﻴﻦ ﻟﻴﺶ ﺗﻐﻴﺮﻭ ﻭﺑﻌﻴﺪ ﺍﻻﺿﺤﻰ ﺫﺑﺢ ﺳﻴﻒ ﺿﺤﻴﺔ ﻟﺒﺎﺑﺎ ﻭﺍﻧﻄﺎﻫﺎ ﻟﻠﻔﻘﺮﺍﺀ ﺍﺧﻮﺍﻧﻲ ﺗﻌﺠﺒﻮ ﻋﻠﻴﺔ ﻣﻦ ﺷﺎﻓﻮﻧﻲ ﺗﺤﺠﺒﺖ ﺑﺲ ﻣﺎﺣﺠﻮ ﺷﻲ ﺍﻟﻰ ﺍﻥ ﺑﺪﺍ ﺍﻟﺪﻭﺍﻡ
ﻭﺍﻧﻲ ﻻﺯﻡ ﺍﺩﺍﻭﻡ ﺧﺎﻣﺲ ﻣﺎﻣﺎ ﺻﺎﺣﺖ ﻟﺴﻴﻒ ﻭﺑﺎﺳﻞ ﻭﻛﺘﺒﺘﻠﻬﻢ ﺑﺎﻟﺘﻠﻔﻮﻥ
ﻧﻐﻢ ....... ﺍﺧﺬﻭ ﺍﺧﺘﻜﻢ ﺟﻴﺒﻮﻟﻬﺎ ﻣﻼﺑﺲ ﻟﻠﻤﺪﺭﺳﺔ
ﺳﻴﻒ ........ ﻭﺍﻟﻠﻪ ﻫﻲ ﻋﻠﻰ ﺑﺎﻟﻲ ﺑﺲ ﻓﻠﻮﺱ ﻣﺎﻋﻨﺪﻱ ﻫﺎﻱ ﺍﻟﻔﺘﺮﺓ
ﺭﻳﺎ ....... ﻟﻮ ﺫﺍﺑﺤﻨﻲ ﻭﻻ ﺣﺎﭼﻲ ﻫﺎﻱ ﺍﻟﺤﭽﺎﻳﺔ ﻻﻥ ﻫﻮ ﻗﺒﻞ ﻳﻮﻡ ﺍﺧﺬ ﺟﻤﺎﻧﺔ ﻭﺍﻟﺠﻬﺎﻝ ﻭﺍﺷﺘﺮﻭ ﻣﻼﺑﺲ ﺑﺎﺳﻞ ﻛﺎﻝ
ﺑﺎﺳﻞ ........ ﻻ ﻋﻠﻴﻤﻦ ﺍﻧﻲ ﺍﺷﺘﺮﻟﻴﻠﻬﺎ ﺟﻬﺰﻱ ﻧﻔﺴﺞ ﺑﺎﺟﺮ ﺍﺧﺬﺝ ﻻﻥ ﻣﺎﻋﻨﺪﻱ ﺩﻭﺍﻡ
ﺭﻳﺎ ...... ﻫﺰﻳﺘﻠﻪ ﺭﺍﺳﻲ ﺟﺎﻥ ﺍﻟﻮﻗﺖ ﻟﻴﻞ ﻫﻢ ﺭﺍﺣﻮ ﻭﺍﻧﻲ ﻧﻤﺖ ﺑﻌﺪ ﻣﺎﺗﻄﻤﻨﺖ ﻋﻠﻰ ﻣﺎﻣﺎ ﻧﺎﻳﻤﺔ
ﻛﻌﺪﺕ ﺍﻟﺼﺒﺢ ﻭﻣﺜﻞ ﻛﻞ ﻳﻮﻡ ﺳﺒﺤﺖ ﻣﺎﻣﺎ ﻭﺷﻔﺖ ﺍﻇﺎﻓﺮﻫﺎ ﻃﻮﺍﻝ ﻗﺮﺿﺘﻬﻦ ﻭﻣﺸﻄﺖ ﺷﻌﺮﻫﺎ ﻫﺬﺍ ﻛﻠﻪ ﻭﺍﻧﻲ ﺍﺳﻮﻟﻒ ﻭﻳﺎﻫﺎ ﻭﺍﺿﺤﻜﻬﺎ ﺣﺘﻰ ﺍﻏﻴﺮﻟﻬﺎ ﺟﻮ ﻻﻥ ﺩﺍﺋﻤﺎ ﻣﻜﺘﺄﺑﺔ ﻛﻤﻠﺖ ﺭﺣﺖ ﺳﺒﺤﺖ
ﻭﺳﻮﻳﺖ ﺍﻛﻞ ﺍﻟﻲ ﻭﻻﻣﻲ ﻻﻥ ﺳﻴﻒ ﻭﺯﻭﺟﺘﻪ ﺑﺪﻭﺍﻣﺎﺗﻬﻢ ﻭﻧﻮﺭ ﺑﺪﻭﺍﻣﻬﺎ ﻭﺟﻬﺎﻟﻬﻢ ﺑﺮﻭﺿﺎﺗﻬﻢ ﺑﺲ ﺑﺎﺳﻞ ﻓﻮﻙ ﺑﻐﺮﻓﺘﻪ ﻇﻠﻴﺖ ﺑﺲ ﺍﻧﻲ ﻭﺍﻣﻲ ﻭﻫﺬﺍ ﺍﻟﻔﺮﺍﻍ ﻳﺨﻠﻴﻨﻲ ﺍﺗﺬﻛﺮ ﺍﻻﻳﺎﻡ ﺍﻟﺠﻨﺖ ﻋﺎﻳﺸﺘﻬﺎ ﺑﻮﺟﻮﺩ ﺑﺎﺑﺎ ﻭﺍﺑﭽﻲ ﻟﻮ ﺍﺭﻭﺡ ﺍﺳﻮﻟﻒ ﻟﻤﺎﻣﺎ ﻟﻮ ﺍﻃﻠﻊ ﻭﺻﻔﺎﺕ ﻃﺒﺦ ﻭﺍﺗﻔﺮﺝ
ﻟﻠﻌﺼﺮ ﻧﺰﻝ ﺑﺎﺳﻞ ﻛﺎﻝ
ﺑﺎﺳﻞ ....... ﻳﺎﻟﻠﻪ ﺭﻳﺎ ﺟﻬﺰﻱ ﻧﻔﺴﺞ ﺣﺘﻰ ﺍﺧﺬﺝ ﻟﻠﺴﻮﻙ
ﺭﻳﺎ ..... ﻣﺎﺷﻲ
ﺭﺣﺖ ﺑﺪﻟﺖ ﻟﺒﺴﺖ ﻗﻤﻴﺺ ﻃﻮﻳﻞ ﺍﺳﻮﺩ ﻭﺑﻨﻄﺮﻭﻥ ﺍﺳﻮﺩ ﻭﺟﺒﺖ ﺷﺎﻝ ﻣﻦ ﻣﺎﻣﺎ ﺍﺳﻮﺩ ﺍﻧﻲ ﻣﺎﻟﺒﺲ ﻗﺮﺍﺻﺔ ﭼﺒﻴﺮﺓﻳﻌﻨﻲ ﺍﻟﺒﺴﻪ ﻫﻴﺞ ﺑﺲ ﺍﻟﻔﺔ ﺯﻳﻦ ﻣﺎﺍﺧﻠﻲ ﺭﮔﺒﺘﻲ ﻟﻮ ﺷﻌﺮﻱ ﻃﺎﻟﻌﺎﺕ
ﺭﺣﺖ ﻟﻠﺴﻮﻙ ﺑﺲ ﺍﻧﻲ ﻭﺑﺎﺳﻞ ﺍﺷﺘﺮﺍﻟﻲ ﺻﺪﺭﻳﺔ ﺑﺲ ﻃﻮﻳﻠﻪ ﺍﻧﻲ ﻛﻮﺗﻠﻪ ﻭﺍﺷﺘﺮﻳﺖ ﻗﻤﻴﺺ ﻭﺷﺎﻝ ﻭﺍﺷﺘﺮﻳﺖ ﺟﻨﻄﺔ ﻟﻮﻥ ﻧﻴﻠﻲ ﺣﻠﻮﺓ ﻭﺍﺷﺘﺮﻳﺖ ﺍﺣﺬﻳﺔ ( ﺗﻜﺮﻣﻮﻥ ) ﺛﻨﻴﻦ ﻟﻮﻥ ﻧﻴﻠﻲ ﻭﺍﺑﻴﺾ
ﻭﺍﺷﺘﺮﺍﻟﻲ ﺩﻓﺎﺗﺮ ﻭﻗﺮﻃﺎﺳﻴﺔ ﻭﺍﺷﺘﺮﺍﻟﻲ ﻛﻠﺸﻲ ﺍﺣﺘﺎﺟﻪ ﺧﻄﻴﺔ ﺷﻜﺪ ﻳﺼﻴﺮﻭﻥ ﺣﻨﺎﻥ ﻣﻦ ﻳﺒﺘﻌﺪﻭﻥ ﻋﻦ ﻧﺴﻮﺍﻧﻬﻢ ﺍﺻﻼ ﺣﺘﻰ ﻧﻮﺭ ﺯﻭ?
شكرا لزيارتكم عالم روايات سكيرهوم
