رواية خواطر رجل الفصل الرابع بقلم جمانه السعيدي
ياسر... نجحت اول خطوه وجبته كبالي
بعد لازم أقنعه تحبني ونتزوج من اشوفه كاعده كبالي احس نفسي محضوظ طيرت مهند ومرام بقت اليه
ثاني يوم جهزتله مكتب كبال غرفتي
الصبح بلمحكمه والعصر نداوم سويه بلمكتب
شويه شويه بدت تتعود على الشغل
وكامت تعرف شنو واجباته
اجت وحده عدها قضية طلاك زوجه سكير ويعرف عليه نسوان ويعنفه وحسيته محرجه تحجي كل التفاصبل
ياسر...مرام من رخصتج
اجت وكفت كبالي تفضل
ياسر.. ممكن تكتبين كل التفاصيل الخاصه الي راح تحجيهن اللج ست وفاء لان احسه محرجه مني
مرام...تمام تفضلي وياي ست وفاء
فعلا كانت دقيقه بكلشي واي عمل اكله كملي
تكمله على أكمل وجه
زاد إعجابي بيه اكثر واكثر
اغلب الوقت الكه نفسي جاي اباوع عليه وصافن بملامحه
مرات تنتبهلي حسيته تعرف اني جاي اركز عليه
بس هي ثكيله بشكل وابد ما تتجاوب وياي
بحيث اني بقيت وقت طويل واني متردد افتح وياها اي موضوع غير مواضيع العمل
جمانه السعيدي
الحد ماعرفت عيد ميلادها بالصدفه من احمد
وقررت اسويله مفاجئه
كان عيد ميلادها يوم الخميس وهي كانت موجوده
العصر بلمكتب وبليل اهله احتفلو بعيد ميلادها
احمد دزلي كم صوره من الحفله
يوم الجمعه كنت حاجز كيكه طلعت من وكت رحت جبته
واشتريتله ساعه موديل حديث كلش حلوه
وصلت قبلهم هي واحمد
اتصلت على أحمد من يدخل للمكتب يغمض عيونه
لان محضرله مفاجئه
بس وصلو للمكتب احمد....اوكفي مرام غمض عيونها
مرام....شكو ليش غمضت عيوني
احمد ...ادخلي اكو مفاجئه محضره اللج ياسر
دخلت وهي ماده ايدها ليكدام خاف اكو شي كدامه حتى لا تعثر
ياسر...اني اجرئت وكمشت ايدها وكتله ممنوع تفتحين عيونج سحبته من ايدها
ودخلته المكتب احمد فتح عيونها
بس شافت الكيكه ابتسمت
مرام...هاي اليه
ياسر.. تستاهلين اكثر من هاي المفاجئه
طلعت الهديه وفتحته
مرام... لا هيج هواي عليه
ياسر....ماتغلى عليج الغالي للغالي
حسيته انحرجت اخذته وكالت شكرا استاذ كلك ذوق
كطعنا الكيكه واكلنا منه والباقي وزعنا على أصحاب المكاتب القريبه علينا
بيومه حسيت بسعاده مو طبيعيه وحسيت اول حاجز بينا انشال واكو امل نقرب من بعض
بحكم العمل يصير حديث بينا ومرات ناقش بعض المواضيع والقضايا الي تجينا
اغلب الوقت نجيب اكل وناكل سوا بلمكتب
ومرات من اطلع اتعمد اخذها وياي بحجت اتسجل بعض المعلومات
لو بحجه تحجي ويااا النسوان
بدت العلاقه بينا تصير احسن
يعني نحجي بمواضيع عامه نحجي بكلشي اله موضوعنا ماحجينا بي ابد
جمانه السعيدي
بدت تحس اني مهتم بيه لان مجاي اكدر اخفي مشاعري
عيوني فاضحتني
واي احد يشوفني شلون اتعامل وياها يعرف اني احبه
ومتعلق بيه
قررت افاتح احمد بموضوع الخطوبه
اي اريد اخطبه ونتزوج لان بعد مااكدر اتحمل اشوفه
كدامي واخفي مشاعري اكثر
وهاي كانت أول غلطه غلطته بهاي العلاقه
البنيه ماصار كم شهر من انفصلت وبعدها عايشه الصدمه
واني اريدها كبل تحبني وانتزوج
كان المفروض انطيه وقت اطول تحبني وتتعرف عليه
ثاني يوم بلمحكمه طلبت من احمد نحجي
احمد...خير شكووو
ياسر. اكو موضوع مهم اريد احجي وياك بي
احمد...قلقتني احجي شصاير
ياسر ...بس تخلص هاي القضيه نطلع نتغدا برا واحجي وياك
الساعه ١٢ونص خلصت اخر قضيه عدنا وطلعنا
كعدنا بالمطعم نتغدا
ياسر.. بصراحه وبدون لف ودوران اني اريد اتقدم واطلب ايد مرام
احمد....استغربت تخطب مرام
ياسر...الصراحه اني معجب بيه من زمان من اول مره شفته
بس من عرفت مخطوبه ابتعدت عنه
وهسه هي مامرتبطه. واني أولى بيه
وواعدك راح احافظ عليه
احمد....انت فاجئتني بس تصدك مراح الكه واحد احسن منك ياخذه اذا عليه اني موافق
بس الرائ الاخير اله واهلي لازم يعرفون
اريد اطلب منك طلب
ياسر...اكيد اطلب انت اخوي وعزيز عليه
احمد...اذا مرام رفضت اوعدني خوتنا وصداقتنا مراح تخرب ابد راح نبقى مثل مااحنا تمام
ياسر.. اكيد تمام وكلشي قسمه ونصيب بس انت اكثر واحد تعرفني وتعرف اخلاقي ومرام ماتعرفين بكدك
وكلمتين منك بحق اخوك راح تقلب الوضع كله
احمد...اكيد انت تستاهل كل خير وصدك اني راح اكون فرحان اكثر منكم ثنيينكم بهذا الزواج
اني راح احجي وياها وارجعلك الخبر النهائي
