رواية دار الايتام الجزء الثالث (اللقاء المنتظر) الفصل الرابع
الوحده في بعض الاحيان هي الأفضل لكثير من المواقف
ولكن لا يصح ان ننكر ان الصحبه الصادقه هي الافضل علي الإطلاق
فبعض الاشخاص لا يكتمل اليوم إلا بدونهم. ولا نستطيع أن نعبر عن سعادتنا إلا بقرب من نحبهم ونشتاق لهم.فليس هناك أفضل من أن نجتمع كل نهاية أسبوع معاً ونزيل بهذه الجَمعة كل رواسب عالقة في نفوسنا من ضغط الحياه.
...............
زهره...احكي يا ستي شوفتي ايه.
عشق...بصوا هو حلم ملغبط ومش راكب علي بعضه وفي حجات مش ماشيه علي بعضها. حلمت اني روحت الشركه لوحدي ودخلت علي ليل المكتب اول ما شافني أبتسم وقام من علي الكرسي عشان يجيلي.
لف من وراء المكتب وقبل ما يقرب مني لقيت الأرض بتتفتح
وهو بيرجع لورا فضل يرجع لحد ما بقي مش عارف يروح فين الارض بتتفتح اكتر وانا بصرخ عشان مش عارفه الحقه مداله ايدي وهو مادد ايده بس مش عارفين نمسك بعض وفجأه لقيتكم جيتوا علي صوتي و قفتوا جمب الباب و بدأتوا كلكم تنادوا علي ليل وفجأه اتحول المكان مبقيناش واقفين في المكتب كنا واقفين علي شاطئ وليل واقف وسط البحر و حواليه دوامه كبيره بتسحب وهو بيعافر وانا بصرخ وانتوا ماسكنى بعدتكم عني وجريت علي البحر وفضلت احاول أمدله ايدي وقبل ما أمسكه
لقيت ليل بيصحيني وقمت مفزوعه ولما سألني اتحججت قولتله كابوس بس مش فكراه
تمارا....🙄ابقي اتغطي كويس وانتي نايمه ياعشق.
عشق...احترمي نفسك انا بتكلم جد انا والله خايفه يا تمارا.
تمارا...يابت احنا مش كنا خلصنا من الاحلام دي بقالنا فتره عادي يا عشق حلم غريب زي اي حلم ومش شرط يتحقق.
نور...انا بقيت أتشائم من الاحلام كلها حلو او وحش.
زهره...اطمني يا عشق متقلقيش اكيد اللي حصل امبارح مع مجهود الحفله وقبلها بكام يوم مكناش بنقعد كل ده اكيد عمل ضغط علي عقلك اطمني يا حبيبتي ان شاء الله مفيش اي حاجه هتحصل.
عشق....انا قولت لليل كده وحاولت بيني وبين نفسي اني اقنع نفسي بكده فعلا بس يابنات اللي حصل مش سهل علي فكره انتوا فاهمين يعني ايه حد يدخل الشركه يعتدي علي الامن ويطلع علي مكتب ليل يزرع فيه قنبله دي مش حاجه بسيطه او سهله انتوا ازاي مستهونين باللي حصل.
نور...مين قالك اننا مستهونين باللي حصل احنا عارفين ان اللي حصل مش سهل يا عشق بس احنا لسه محدش فينا عارف حاجه حتي امبارح لما رجعوا انا مخدتش من نوح جمله مفيده.
عشق...ده اللي هيجنني يا نور ليل مقالش حاجه مهمه والمشكله ان هدوءه وكلامه العادي ده قالقنى اكتر بيتعامل كأن مفيش اي حاجه حصلت وانا مش عابزه افضل ازن عليه ولا عايزه احسسه اني قلقانه اوي عشان ميتوترش اكتر.
تمارا...انتوا هتقلقوني ليه بقي جاسر كمان كان بيتعامل عادي جداً وفعلا انا حساهم كلهم بيتعاملوا بلامبالاه او بيحاولوا يبانوا كده عشان احنا منخافش
زهره...ان شاء الله خير يابنات وبأذن الله اللي عمل كده يتمسك ونخلص بقي من الصداع ده .
عشق...يارب ان شاء الله خير.
تمارا...وانتي ابوس دماغك بلاش تحلمي تاني ولو مضطره تخطفي حلم عالسريع بلاش تاخدينا معاكي الله يرضي عنك الاول كنا بنتسحل معاكي عادي الوقت احنا معانا عيال.
ضحكوا كلهم علي تمارا وغيروا الموضوع.
...........
اتصل بدر علي دياب وهو راجع في الطريق عشان يبلغه ان كل حاجه تمام ولقاله الشقه اللي عايزها.
دياب....باشا
بدر...ديبوووو واحشني ياصاحبي
دياب....🙄لحقت اوحشك ما انا مكلمك من شويه.
بدر....تصدق انا راجل مش مظبوط و خساره فيك اللي عملته عشانك يلا اتكل علي الله واعتبر حوار الشقه ده ملغى ولما تبقي تيجي ابقي دور بنفسك بقي .
دياب...بضحكه عاليه استني بس يا جدع ميبقاش خلقك ضيق كده بهزر معاك.
بدر...ناس مابتجيش غير بالعين الحمرا🤨
دياب....حقك عليا يا عم قولنا طمني عملت ايه.
بدر....كله تحت السيطره عيب عليك انا بدر الخياط😎
دياب...انا قولت محدش هيسعفني غيرك.
بدر...ياعم انا في الخدمه ديماً😉
دياب...حبيبي يا باشا طيب قولي فين و ايجارها كام
بدر...فين دي انت اول ما توصل القاهره هتكلمني وهقابلك وهوديك بنفسي إنما كام دي لو قولتلك اكيد مش هتلعتهم الوقت انت جاي بكره وبعدين عموما انا والله ما عارف إيجارها كام لما تيجي ابقي أسأل صاحبها بنفسك ليل السيوفي رجل الأعمال صاحب مجموعه السيوفي للحديد والصلب اكيد تسمع عنه.
دياب...اه طبعا بس ده ماله ومال حوار الشقه .
بدر...لما تيجي علي خير هحكيلك كل حاجه ان شاء الله المهم انت جاي امته بكره ان شاء الله.
دياب...هتحرك كده علي العصر عشان مجيش بليل.
بدر....توصل بالسلامه يا صاحبي وهتنور القاهره.
دياب....منوره بأهلها يا حبيبي.
بدر...طيب اسيبك انا بقي عشان لو بتعمل حاجه
دياب...ابداً انا في الطريق رايح لأنس عشان اسلم عليه قبل ما أمشي لان بكره مش هيبقي في وقت.
بدر...تمام يا صاحبي اسيبك الوقت.
دياب....سلام يا باشا.
بدر...سلام يا ديبو.
..........
بعد مده مش كبيره وصل بدر الڤيلا.
بدر...مساء الفل ايه الروايح الحلوه اللي تفتح النفس دي.
نوني...مساء النور يا حبيبي ده انا عملالكم شويه اكل انا وسيله هتاكلوا صوابعكم وراها.
بدر...تسلم ايدكم يا حبيبتي هي فين صحيح.
نوني....خلصنا وطلعت قالت تاخد شاور وتلبس لحد ما يجوا وانا خدت شاور وخلصت قولت انزل احضر براحه كده القاعده بره.
بدر....ما انا قولتلك ميت مره يا نوني اجيبلك شغاله تريحك من التعب ده انتي وسيلا.
نوني...تعب ايه بس هو انا ورايا حاجه أدينى بسلى نفسي وبعدين سيلا مش بتسبنى وانت عارف رأيي في حوار الشغاليين دول انا بحب اعمل الاكل بايدي بحب طول ما انا واقفه اتسلي وانضف علي مزاجي واهو كل شهر بتيجي البنت اللي بتنضف تقلب الڤيلا كلها وبصراحه البنت نضيفه جداً وتنضيفتها دي بتقعد فتره علي ما الدنيا تتبهدل.
بدر....انا مش هسلك معاكي يا نوني في موضع الشغاله ده ابداً دماغك ناشفه زي ابنك بالظبط
نوني...بضحك كويس انك عارف ان دماغك ناشفه.
بدر...بحب ربنا يخليكي ليا ويديكي الصحه يا حبيبتي امسكي بقي الشنط دي جبتلكم حلويات ومكسرات يعني لزوم السهره
نوني...طب وجبت ليه انا عملت
بدر...مش مشكله زياده الخير يا نوني انا هطلع اخد شاور بقي و أجهز قبل ما العصابه تيجي وهنزل اظبط معاكي المكان بره
نوني...طيب يا حبيبي.
..............
طلع بدر الاوضه بتاعته ملاقاش سيلا عرف انها لسه بتاخد دش من صوت المايه.
لمح علي السرير غيار ليه مجهزاه سيلا ابتسم❣️
شويه وسمع صوت المايه أتقفل عرف انها خلصت راح وقف جمب الباب براحه. ثواني والباب اتفتح خرجت سيلا وهي لافه فوطه علي جسمها و فوطه علي شعرها
وفجأه حست بحد بيحضنها من ضهرها صرخت سيلا بفزع.
بدر...يالهوي عالسرينه اللي مشغلاها علي طول دي جرستينا😂😂
سيلا...حرام عليك يابدر وقفت قلبي.
بدر...سلامت قلبك يا قلبي وحشتيني.
سيلا...انت كمان وحشتني ايه اللي أخرك كده.
بدر....ابداً جبت شويه حجات و دياب كلمني وانا رايح المشوار بتاعي وقاللي انه نازل القاهره بكره ومحتاج شقه مفروش ضروري عشان لما يجي هو ومراته وبنته ميتبهدلوش.
سيلا...هو مش انت قولت انه هيتنقل هنا يعني المفروض يدور علي سكن ليه بقي بيجيب مفروش.
بدر....حوار السكن ده محتاج وقت وبعدين ميتفعش حد يجبله حاجه علي ذوقه هو يجي هو ومراته ويدور براحته وطبعا مش عايز يقعد في فندق عشان ميحسوش انهم مش علي راحتهم.
سيلا...طيب ولاقيتله.
بدر...اه كله تمام الحمد لله
سيلا...الحمد لله يا حبيبي طيب يلا ادخل خد شاور وانا مجهزالك طقم حلو.
بدر...طيب ما تيجي اقولك علي موضوع كده في السريع.
سيلا...🤨🤨 إتلم يابدر الناس زمانهم جايين خليني اخلص بدل والله اصوت و أنادي نوني انت حر.
بدر...انتي بتهددينى 🤨
سيلا...اه واخلص بقي😡
بدر...يا ساتر صنف قلاب😒
ضحكت سيلا عليه وهو رايح ياخد لبسه و بيتكلم في سره.
سيلا...سَمعاك علي فكره😂😂
.........
ريم... يا ابني ارحمني حرام عليك بطل زن شويه انت طالع نكدى كده لمين طول اليوم عياط ونكد😭 ارحمني شويه عايزه ألبس و أجهز نفسي
فضل كريم مكمل عياط وصريخ وشد في هدومه.
ريم...انت بتطلع من هدوك كمان لا هتعمل فيها مجنون انا مفيش أجن مني والله اخرجك تقعد في الجنينه لوحدك و اسيبك تعيط وادخل اكمل لبسي عادي.
وفضل كريم مكمل وصله العياط والزن.
ريم...انت مش هتسكت صح😒
حيث كده بقي تعالي اوديك لأبوك اللي لبس ونزلويقعد تحت يتفرج علي التلفزيون وحاطت علي قلبه مراوح ده😒
شالت ريم كريم ونزلت بيه تحت لقت يوسف نايم علي الكنبه ورايح في النوم.
ريم...😳نهارك مش فايت يا يوسف انت لبست عشان تنزل تنام هنا قربت ريم بخطوات سريعه وهي شايله كريم وعلي ملامحها معالم الغضب.
ريم...يوسف ..يوسف
يوسف😴😴😴😴
ريم....يوسسسسسسسسسف
قام يوسف مفزوع وقف مره واحده.
يوسف..ايه في ايه الواد ماله.
ريم...الواد ماله انت يومك مش فايت يا يوسف انت نمت علي نفسك وسايبني انا محتاسه فوق
ومش عارفه ألبس.
يوسف...الله يخربيتك وبيت جنانك يا شيخه حد يصحي حد كده.
ريم....معلش حقك عليا قلقت منام جنابك🤨 انت بتهرج يا يوسف انت قايم من النوم متأخر ايه اللي نيمك تاني
يوسف....مش عارف والله حاسس اني مش عارف افوق يمكن عشان مشربتش قهوه انهارده.المهم انتي واقفه كده ليه متلبسي عشان منتأخرش.
ريم...معلش قولت اقعد العب شويه مع كريم😒
يوسف...وده وقت لعب يا ريم هنتأخر.
ريم...انا بتريق طبعا انا مش عارفه ألبس من ابنك وانت لبست و ظبطت نفسك ونزلت هنا نمت وهو نازل زن ونكد مش راضي يسكت اتفضل بقي شيله لحد ما اخلص.
يوسف...بأبتسامه يلا يا حبيبتي الله يهديكى اشيل مين وانا بعرف اشيل عيال وبعدين ابنك يا حبيبتي مش زي باقي العيال بيسكت بلعبه ولا لو حتي عملتله اراجوز انا بدأت أشك في الاكل اللي بياكله تقريبا انتي بتزوديلوا جرعه النكد😒
ريم...لا يا اخويا ابنك جاي كده من عند ربنا شارب جرعه النكد كلها لوحده امسك بقي خليني اخلص
يوسف...امسك اين ياريم مش بيسكت والله.
ريم...بغضب والله يا يوسف لو ماشلت النك لا هخرج معاكم كده بهدومي.دي واجرسكم.
يوسف...😳😳 تخرجي باللانجيري يا ريم.
ريم...عشان تتبسط انت وابنك يا يوسف🤨امسسسسسك
يوسف...يا ساتر 😒 هما عشر دقايق اكتر من كده هسيبه واخرجي باللي عايزه تخرجي بيه.
ضحكت ريم ضحكه عبيطه و ادتله كريم وطلعت جري علي فوق.
يوسف...بأبتسامه لكريم امك مجنونه وانت جننتها زياده
ابتسم كريم
يوسف...الله اكبر اخيرا أبتسمت لله مانت حلو اهو وبتضحك عامل فيها خزان أحزان ليه هاا أحكيلي كده مين بس اللي مضايقك ومعصبك علي طول كده...مامي صح عشان بتصوت علي طول انا عارف.
كريم...جريريويوي.
يوسف...بضحك ايوه انا فاهم اللي بتقوله ده بس برده يا عم كيمو انت جايبلنا الكلام علي طول من امك وانا مبقتش عارف ادافع عنك
خليت رقبتي قد السمسمه كل شويه اقولها كيمو حلو كيمو جميل كيمو راجل. بزمتك دي اخلاق رجاله.
كريم..اددد اددد😀
يوسف..نعقل بقي كده يا عم كيمو انت بقيت راجل وصراحه هي معاها حق انت لا تطاق يا جدع 😒
زن زن زن افصل شويه دي ليها الجنه لا بتخليها تاكل ولا تنام ولا تاخد شاور ولا تلبس عيب كده بص احنا نتفق اتفاق رجاله انك تبطل زن شويه وليك عليا يا عم أجبلك كل اللي انت عايزه اتفقنا.
كريم...اامممممم😫😫😫😢
يوسف...يا جدع احنا لسه بنتفق مش اسلوب نقاش ده بقولك ايه تعالي نخرج نلعب بره في الجنينه
تعالي يلا بدل ما أحدفك في البيسين😒😒 كان مالي انا ومال الجنان ده ياربي 😭😭
كريم...😭😭😭😭
يوسف....لا بقولك ايه تعالي نعيط بره براحتنا😭😭😭
..............
مهاب....يلا يا سما.
سما...يلا يا حبيبي انا خلصت انا وتيمو.
مهاب...ايه القمر ده😉
سما...بأبتسامه بجد شكلي حلو
مهاب...بجد ده ايه هي المرايه اتكسرت.
سما...بضحك لا سليمه وبعدين انا عارفه اني قمر🤪
مهاب....اتغري علينا براحتك 🤨
نزلت سما ومهاب شايل تيم.
مهاب...إيه يا حاج بتتفرج علي ايه
إبراهيم....ده ماتش قديم.
مهاب...بتحب انت الماتشات القديمه.
إبراهيم....طبعا كانوا بيلعبوا احسن من الوقت بكتير.
سما....مش عايز اي حاجه مني قبل ما امشي.
إبراهيم...لا يا حبيبتي تسلميلي يارب ..بص لتيم ايه يا استاذ تيم ماشي وسايب جدو لوحده.
أبتسم تيم لإبراهيم ومدله ايده.
إبراهيم....بحب يا حبيبي تعالي.
مهاب...شوفي الجزمه ده للبس وعارف اننا خارجين وبردو بيروحله🤨
إبراهيم...بضحك وهو شايل تيم وانت مالك غيران ليه هو انت فاكر انك ممكن تضحك عليه بخروجه
سما...بضحك صراحه عنده حق تيمو متعلق بيه جداً وبصراحه انا من غير هيما مكنتش هعرف أعمل اي حاجه وبصراحه مش بحمل هم تيم خالص طول ما هيما معايا
إبراهيم...ده روح قلبي ربنا يحميه ويحفظه يارب.
مهاب...يارب يلا بينا يا عم تيمو.
إبراهيم....خلوا بالكم منه
شاله مهاب وسلموا علي إبراهيم وخرجوا وتيم بيعيط علي إبراهيم
مهاب....ادخل يا حاج يلا🤨
إبراهيم....سلام يا حبيبي متعيطتش بقي.
ركبوا العربيه وأتحركوا واخيرا عرفت سما تسكته.
..........
روكا.....طيب تمام كده يبقي كل حاجه خلصت ومش فاضل غير شويه تظبيطات بسيطه ان شاء الله بكره نبدأ نخلصها مع بعض قبل معاد العرض انا هقفل الوقت بقي عشان عندي مشوار بكره نكمل كلامنا يلا باي.
قفلت روكا مكالمه الشغل ودخلت أوضتها كان عامر واقف قدام المرايه لسه بيظبط شعره أبتسمت بحب لما شافته واقف قدامها
وقربت منه حضنته من وسطه.
روكا....ايه تكُنش عريس وانا معرفش
عامر...بأبتسامه وهو باصصلها في المرايه ومكمل تظبيط في شعره جامد انا صح😉
روكا...بضحكه مايعه ياساتر علي الغرور.
عامر....تنكري اني جامد😉
روكا....بضحك صراحه تؤ تؤ
عامر...بس تعالي هنا ايه القمر ده
روكا....جامده انا صح😉
عامر..اللـــه انتي بتردهالي🤨
روكا....تربيتك😉
عامر...تربيه.....😒
روكا....مالها🤨
عامر....قمر....وعسل ....وتجنن
ضحكت روكا بكل صوتها ولف في الوقت ده عامر وهي لسه حضناه من وسطه. لف عامر ايده علي وسطها.
عامر...بقول ايه؟؟
روكا....قووول
عامى...انا شايف يعني اننا نطنش العيال دي ونعتذرلهم بأي حاجه ونكمل سهرتنا هنا مع بعض أصل انا حاسس اني عندي شويه كلام عايز اقوله وشايف بردو ان انتي عندك شويه كلام عابزه تقوليهم😉
ضحكت روكا....والله انا معنديش مانع بس انت عارف لو عملت كده البنات ممكن يعملوا فيا انا وانت ايه مش بعيد يجوا يجيبونا من هنا.
عامر...بضحك يدوروا علي اللي يفتحلهم.
روكا....بلاش دلع ويلا أخلص بقالي كتير انا والبنات مشوفناش بعض.
عامر....ايوه بس الكلام اللي عندنا ده لازم يتقال مينفعش نسكت كده.
روكا...بدلع لا ما احنا هنتكلم و هنقول كل حاجه بس مش الوقت.
عامر....انتي شايفه كده.
روكا...امممم.
عامر...اهو بعد امممم دي انا ممكن اخطفك في اي مكان والجدع اللي يلاقينا.
روكا...بضحك لا وعلي ايه الطيب احسن يلا بقي يا عامر اخلص بلاش دلع.
عامر...ماشي يا ستي هعديها المرادي بس أعملي حسابك ان الكلام اللي عندي ده لازم يتقال لما نرجع اصل انتي عرفاني مبقدرش اخبي عليكي حاجه.
ضحكت روكا بصوت عالي وأخيرا خرجت من حصاره ليها ونزلوا مع بعض راحوا غلي بيت بدر.
............
بعد حوالي ساعه كان الكل وصل.
سيلا...بفرحه وحشتوني يا جزم
سما...انتوا اللي وحشتوني اوي والله كنت هتجنن من غيركم.
ريم...والله ما كان في حد هيتجنن غيري انا كريم الله يكرمه😒 كان داخل علي ليڤل الوحش و هيستفرد بيا و ياكلني كنت هموت من الزهق.
روكا...علي اساس يا اختي انتي وهي كنتوا بتوافقوا اوي اننا نخرج ما كل واحده فيكم كانت بتطلع بحجه وانا اللي كنت مشغوله وطالع عيني في تصميمات العرض اللي جاي كنت بتذلل ليكم عشان اقابلكم وافك معاكم شويه.
سما....والله يا روكا مش كلام انا مفتقداكم جداً بس حقيقي الأسبوعين اللي فاتوا مره تيم يتعب ومره أُنكل إبراهيم يجيليه دور برد جامد مكنتش اقدر أسيبهم ده حتي الجاليري والله قفلاه بقاله اسبوع.
روكا...يا اختي أتنيلي عليكي وعلي الجاليري بتاعك اللي محدش بيهوب ناحيته غيرنا.
سما...شايفين قلت ادبها اهي بدأت لسانها الطويل
روكا...يابت يعني اكدب .
سما...ده بأناره اللوحات اللي بتبقوا هتتجننوا عليها 😒
روكا...بنجبر بخاطرك عشان صاحبتنا وكده يعني نحبطك.
سما...طيب انا مش هرد عليكي ياست روكا وأبقي تعالي أتحايلي عليا ارسملك لوحات تعلقيها فالشركه بتاعتك.
روكا...لا يا اختي مش هتحايل وهوفر فلوسي لحاجه أهم😎
سما...شايفين جر الشكل.
سما...بضحك بس يا روكا يارخمه دي سمسمه قمر ورسمها قمرين
روكا....ايوه يا اختي طبليلها اوي.
ريم...بضحك ماهي لو مطبلتلهاش مش هتلاقي منبه غيرها يصحيها😂😂😂😂
سما....بت ياسيلا أنتي صحيح بتطبليلي عشان اصحيكي🧐
سيلا...بضحك عاجبك كده يا بوتجاز منك لله ياريم .
يوسف....لا فعلا كنتوا واحشين بعض اوي😂😂😂
سيلا....بضحك ماشاء الله ما جمع إلا أما وفق الاتنين بوتجاز خمسه شعله عايز ايا ياسي چو.
عامر.....ماهو عنده حق ناقص تجيبوا بعض من شعركم😒
روكا...خليك في حالك ياسي عامر انت والسوسه اللي جمبك احنا اصحاب في بعض متدخلوش بينا.
سما...ايوه ملكوش دعوه بينا.
ريم...حشرين اوي😒
يوسف....الحق بيتفقوا علينا.
عامر....ياعم سيبهم ربنا يهني سعيد بسعيده.
بدر....مالكم ومالهم انتوا رخمين اوي صحيح راميين ودنكم معاهم ليه.
روكا...انا عارفه يابدر رخمين اوي.
بدر....مين دول اللي رخمين انتي بتشتمي صحابي🤨
روكا...أحيه انت أتحولت🙄
مهاب...اهي قلبت اسكندراني😂
يوسف...طب والله بجد وحشتوني و وحشتني لمتنا عند نوني.
عامر....اه والله هي فين صحيح سلمت علينا وأختفت.
بدر....في المطبخ
عامر...اما اروح أرخم عليها
يوسف...خدني معاك.
روكا...بضحك تعالوا نتفرج عليهم وهما بيتروقوا.
بدر...بابتسامه فاكرين انهم هيرخموا علي نوني ميعرفوش انها هتروقك صحيح😂🙈
دخلوا مع بعض جوه وقفوا بره المطبخ.
عامر....ايه يا نوني الاكل ريحته طلعت هو اتحرق ولا ايه.
نوني....اتحرق في عينك من امته يا واد وانا بحرق اكل🤨
يوسف....ياما حرقتي اكل يانوني واحنا عشان بنحبك كنا بناكل واحنا ساكتين عشان متزعليش🙄
نوني....😳انا ياواد بحرق الامل وكمان انتوا بتجاملوني وتاكلوا طب ده انتوا عاملين زي التيران وكنتوا بتمسحوا الاطباق اقولكم خساره فيكم الاكل اللي عملته انا وسيلا ومش مأكلاكم.
يوسف...الله هي سيلا شاركتك في الاكل يعني محروق وبايظ كمان.
سيلا...قصدك ايه يا سي چو انا اكلي بايظ😳
بدر....ملكش دعوه بسيلا بدل ما أعلقك🤨
نوني...شوف يا اخويا اتحمق علي مراته وسايب امه نا انت شبههم😡
عامر...بضحك ألبس😂😂😂
مهاب...كان جاي يشمت فيكم وانتوا بتتروقوا اهو اتروق معاكم😂😂😂
بدر....بضحك اتلم انت كمان في يومك ده...بص لنوني...انا اقدر بردوا يا نوني بس انتي روقتيهم وخدتي حقك اجيب انا بقي حق الغلبانه دي.
سيلا...انت بتشحت عليا ولا بتجيب حقي😡
بدر...بضحك انا بقول نتنيل نخرج بره عشان البوم شكله مش هيعدي.
نوني....تعالي انت وهو هنا يلا تعالوا خدوا معايا الاكل.
عامر....ماعندك البنات يا نوني هيساعدوكي.
نوني....شغالين عندكم احنا ولا ايه يلا اعمل بلقمتك انت وهو😡
عامر...انتوا جايبنا تهزقونا هنا ياعم بدر ولا ايه.
بدر...بضحك معلش امسحها فيا يا صاحبي.
عامر...لا مش عشان انت صاحبي وهي امك هسكت انا ساكت بس عشان هي ست كبيره🤨
نوني...انا ست كبيره 😳كبيره في عينك حدفته نوني بالفوطه اللي كانت في ايدها.
ووقعوا كلهم من الضحك
مهاب...خلاص يا نوني هدي أعصابك دي عيال متربتش.
نوني...عندك حق العيب علي ابني انه بيصاحب الاشكال اللي زيكم😒
مهاب...بضحك الله وانا مالي يا نوني مالك بقيتي قلابه كده.
بدر...احسن مانت اتعديت من يوسف وريم وبقيت بوتجاز😒
نوني...يلا انجر انت وهو ظبطوا السفره وتعالوا خدوا الاكل
يوسف...بصوت واطي حاسس انها بعد شويه هتشغلنا أغنيه والله يا زمن
نوني....شيل وانت ساكت يا ابو نص لسان.
يوسف...حاضر يا نوني🙄
ريم...بضحك جبان😂😂 شاطره يا نوني.
يوسف...شاطره يا نوني طب ابقي شوفي مين اللي هيشيل ابنك عشان تلبسي.
نوني...انت بتهددها قدامي.
ريم...يرضيكي كده يا نوني😭
ضريتها روكا علي راسها يا اختي هي محتاجه تسخين ما تتهدي
حضروا مع بعض الاكل وهما مبسوطين من لمتهم وبدأوا ياكلوا مع بعض
وبدأ كريم في الزن كالعاده🙈
ريم....لا بقول ايه انت هتبدأ الوصله يانكد.
سيلا...حرام عليكي ده جميل.
ريم...جميل طيب خدي ياختي الجميل أشبعي بيه وانا هاكل
سيلا...هشبع بيه طبعا ده القمر بتاعي هو وتيمو.
فضل كريم يصرخ كأن في حاجه وجعاه او تعباه
سيلا...ده شكل في حاجه تعباه يا ريم ده بيعيط جامد اوي.
ريم...صدقتي بقي انه زنان ومش هيسكت.
بدر...لا بس فعلا بيعيط جامد اوي شكله تعبان.
يوسف...والله ولا تعبان ولا أي حاجه اليومين اللي فاتوا دول روحنا للدكتور بتاعه وكشف عليه قال كل حاجه فيه كويسه هو بس اللي زنان.
روكا....هو ايه الهبل ده مفيش طفل زنان بطبعه كده اكيد في حاجه بتوجعه غيروا الدكتور وأتكدوا من واحد واتنين غيره
رسم...انتي هتقلقيني ليه.
روكا...مش بقلقك بس عياطه مش طبيعي يا ريم بيعيط جامد بجد يابنتي انا مفيش مره كلمتك و مكانش بيعيط وقلبه واجعه.
نوني...طيب هاتيه ياسيلا كده
سيلا....اتفضلي يا نوني
شالته نوني وفضلت تمسك في ايده ورجله وبطنه وضهره وتضغط عليهم وتطمن انه مفيش حاجه بتوجعه.
بدر....بتعملي ايه يا امي
نوني...بشوفه يا حبيبي احسن يكون في وجع في عضمه او حد شاله غلط بس هو بيعيط مش عارفه افهم ايه اللي واجعه
ريم...بحزن صدقوني مفيش فيه حاجه هو من وقت ما تولد وهو كده بجد.
سما....انتي خسيتي خالص يا ريم وشكلك باين عليه الإجهاد بصراحه الله يكون في عونك انا بقول علي تيم زنان وأُنكل إبراهيم مريحني منه بس بصراحه هو مش زي كريم.
ريم...انا أسفه والله ياجماعه قلبت دماغكم ونكدت عليكم في الاكل
بس انت ا بجد كنتوا واحشني ونفسيتي كانت زي الزفت من العياط ده كان لازم أشوفكم.
نوني...ايه اللي انتي بتقوليه ده ياريم يعني هو انتوا مكنتوش عيال.
روكا...انتي عبيطه يا ريم ده بيبي يا ماما لسه هيتم سنه يعني لسه صغير.
سيلا...متبقيش أوڤر يا رخمه هما الاطفال بيبقوا زنانين كده وهما صغيرين.
يوسف....بحزن علي ريم فكي بوزك ده بدل والله ما اقوم أضربه
ريم...هو ناقص زن.
قام عامر وقف
عامر ... الحمد لله هاتيه كده يا نوني.
ريم....عامر كمل أكلك.
عامر...انا شبعت والله الحمد لله بس هجرب كده يمكن يسكت
روكا...ده علي اساس ان كلنا مش عارفين نسكته انت اللي هتسكته
عامر...ياستي هجرب هي جات عليا وبعدين صعبان عليا بجد عياطه ده قلبه وجعه هاتي يا نوني.
نوني...أمسك يا حبيبي سمي عليه.
عامر...بسم الله شاله عامر وبعد عن السفره وهو بيتحرك بيه.
ايه يابابا مالك بس مين مزعلك
أهدي يا حبيبي فضل يطبطب علي ضهره وهو واخده في حضنه
وبيكلموا براحه ششششش بااااس بااااس يا كيمو اهدي.
عامر...كملوا أكلكوا كلي ياريم
ريم...اكل ايه بس.
عامر...ياستي كلي انا كلت والله يلا كملي بس.
قرأله قرآن وخرج بيه في الجنينه
عشان يبعد بصوته عنهم و يعرفوا ياكلوا خرج بره في الهواء وفضل رايح جاي بيه وهو في حضنه وبدأ يهدي تماما وفضل نايم في حضنه لكن وهو صاحي.
عامر...بإبتسامه انت سكت شوفت بقي وانت ساكت كده حلو ازاي ايه القمر والسكر ده ماشاء الله
كيمو...امموووادادا.
عامر....انت فاهمني صح مالك بقي يا صاحبي مين اللي مزعلك البت ريم ولا الواد يوسف الرخم
قول متخافش انا عارف أنهم ميتعاشروش.
ابتسم كريم وقرب أيده من وش عامر وفضل يلعب في دقنه
عامر...بإبتسامه سيب دقني ايه عجباك
كريم...اممم
عامر...عجباك😂 طيب ايه رأيك تاخدها.
خرجت روكا في الوقت ده.
روكا...بإبتسامه ايه ده ما احنا بنضحك وحلوين اهو عملت فيه ايه.
عامر...ولا حاجه أتكلمنا بس كلام رجاله ملكيش دعوه بيه انتي.
روكا.....بإبتسامه بقي كده ياسي عامر قربت من كريم بقولك ايه يا كيمو متسمعش كلام أُنكل عامر وملكش دعوه بكلام الرجاله بتاعه خالص عشان ده بتاع بنات
عامر...متصدقهاش يا صاحبي ده انا غلبان اوي وهي اللي ظلماني
روكا....صدقني يا كيمو ابعد عنه خالص احسن يعملك مشاكل مع بابي.
عامر...بضحك لا ياشيخه ده ابوه صايع.
يوسف من وراهم...ماله ابوه مقطع في فروته ليه🤨
عامر...بضحك😂😂اهو زي القط جه ينط عجبك كده فضحتنا.
ريم...ايه ده الله ده سكت
بدر...تصدق ليك مستقبل
عامر...يا ابني اصل الحنيه دي من عند ربنا مش محتاجه مجهود
ريم...انت عملتله ايه انا فكرته نام والله.
عامر...والله ما عملتله اي حاجه فضلت رايح جاي بيه شويه وسكت وقعدنا مع بعض قاعده رجاله وهو فهم غلطته خلاص.
يوسف...والنبي قاعده الرجاله دي قعدتها معاه قبل ما نيجي ومفيش فايده.
عامر... هو انت هتجيب نفسك ليا طب انت مهزق
ضحكت ريم وروكا.
يوسف...😏😏😏عجبتكم اوي
مش هرد عليك انا محترم.
عامر...ماشي يا عم المحترم يتفع بقي تاخديه ياست ريم عشان أشرب سيجاره.
ريم...طبعا ده بعد اللي عملته ده انا تحت امرك
عامر...طب يلا الله يرضي عنك اعمليلي فنجان قهوه
ريم...😏😏لا انت هتاخد عليا عشان سكته شويه مش راحه قول لمراتك.
عامر...شايفه صاحبتك
روكا...معلش يا بيبي اصلها واطيه😒
سيلا...بس متتخانقوش انا جيت اهو بالقهوه.
بدر..بابتسامه تسلم ايدك.
عامر...🙄🙄🙄حنين
بدر...😒خليك في حالك لو خايف علي وشك
عامر...ياعم بهزر انت خلقك ضيق كده ليه😂😂
مهاب...😂😂😂الجبن سيد الأخلاق.
بدأ كريم يعيط تاني
روكا...بعصبيه انا يابت مش فاهمه هو انتوا الواد ده خاطفينه😡
فطسوا كلهم من الضحك عليها
روكا...بضحك لا والله في حاجه غريبه الواد بيجي في ايدها هي وجوزها يعيط
ريم...بضحك والله ابداً وبعدين هو سكت مع جوزك يا اختي صدفه بس هو ميقدرش يستغني عن النكد
مهاب....طيب اديهوله كده تاني.
عامر...لا مش واخده خليه يقرفها مش مرضيتش تعمل القهوه
ريم...والنبي يا عامر
عامر...ابداً بعينك لو كنتي قدمتي السبت كان زمانك لقيتي الاحد
ريم...طب انا اسفه خلاص أعتبرني عيله وغلطت.
يوسف...ماتشيل ياعم الواد انتي هتتحايلي عليه.
بدر...قلبه مات يوسف
عامر...لا ده هيتحاسب الوقت بعد ما اشيع جثته😒
يوسف...بضحك انا يا قلبي ده انت الحته الشمال
عامر...جيب ورا انت ومراتك هاتي الواد والله خساره فيكوا
جريت ريم عليه ادتله كريم
ثواني بسيطه ورجع سكت
يوسف...بضحك لا كده في حاجه مش تمام وبدأت اشك فيك😂
مهاب...بضحك هو انت صحيح بتعمل للواد ايه.
بدر...انا رأيي خدوا ابنكم مش مهم يعيط بس يبقي في حضنكم 😂😂😂
عامر...ماتتلم يا حيلتها انت وهو 🤨🤨🤨
روكا...بضحك اصل غريبه انه بيسكت معاك يا عامر😂😂
عامر...بشك انت ياض الله يخربيت عقلك خليتهم شكوا فينا انت بتسكت معايا ليه😂😂😂
سما....حرام عليكوا شككتوا في نفسه مش كفايه بيسكته
مهاب...فين تيم
سما....نام جوه
مهاب...انتي حطاه فين احسن يعيط ومنسمعهوش
سما...لا ما انا كنت خايفه من كده بس نوني طلعت جابتله بطانيه وفرشتهاله علي الارض عشان لو صحي ميقعش نايم جوه قريب من الباب متقلقش.
مهاب...طيب تمام.
سيلا...فين نوني
سما...جايه ورايا اهي جات
نوني....ايه ده عرفت تسكته
عامر...عيب عليكي يا نوني احنا جامدين اوي.
روكا...بقولكم ايه صحيح عرض الأزياء يوم الجمعه الجايه يعني كمان اسبوع أياك حد فيكم يطلع بمشوار اظن كلنا اجازه يعني مش هقبل اعذار
ريم...لو عامر هيجي انا هاجي عشان اضمن ان كريم هيسكت
🙄🙄
عامر... ليه ان شاء الله هو انا الناني بتاع جنابكم🤨
روكا....اسكت بقي...تعالي يا ريم وهو معانا طبعا يقدر ميجيش🤨
عامر....مقدرش طبعا يا قلبي😉
بدر....بصوت واطي لكن مسموع عيني عليكي يارجوله.
عامر...سامعك يا بدر وحط لسانك في بقك.
بدر...بإبتسامه جميله انا أتكلمت😂
نوني....صحيح يا روكا في سؤال ديماً عايزه أسألهولك وبنسي
روكا...خير يا نوني.
نوني...انتي ليه مش بتفكري تعملي عرض للمحجبات انا ليا ناس اصحابي وبناتهم محجبات وسألوني كذا مره عن التصاميم بتاعتك.
سما...بضحك روكا ومحجبات طب ازاي.
روما...ومالها روكا يا ظريفه.
ريم...هو ايه اللي مالها روكا انتي يابت مالك ومال المحجبات صحيح😂😂
نوني....عشان مش محجبه يعني وتصميماتها جريئه بس عادي علي فكره المفروض انها ترضي جميع الازواق.
روكا...والله يا نوني انا فكرت في الموضوع ده كتير وعندي كام تصميم فعلا كنت بعملهم علي الورق وبركنهم لكن عمري ما نفذت
بصراحه اخاف احسن أفشل
خصوصا ان فعلا دي حاجه بعيده عني.
سيلا....بس انتي شاطره يا روكا بيتهيألي لو ركزتي هتعرفي.
نوني...جربي مش هتخسري اي حاجه حتي لو هتحطي تصميم ولا اتنين وسط التصاميم بتاعتك يعني كا تجربه تجربي بيها نفسك.
روكا....بإبتسامه تغكير انتي حمستيني يا نوني للفكره بجد
مع اني كنت قلقانه منها.
نوني...بالعكس مفيش قلق ولا حاجه جربي يا روكا انا واثقه فيكي وفي شغلك وعارفه انك هتطلعي حاجه تعمل بروباجاندا.
سما....بس لو تقصدي العرض الجاي يا نوني اكيد مش هتلحق ده فاضل اسبوع.
نوني...والله انا شايفه انه بجملت التعب لسه فاضل أسبوع لو قدرت تعمل تصميمين بس عالاقل هتلحق خصوصا انها بتقول في تصاميم ركناها يعني تقدر من بكره تشتغل عليهم والتيم اللي معاها هيقدر يخلصها.
ريم...والله انا شايفه انها فكره حلوه لو قدرتي تنفذيها يبقي تمام بس لو حاسه انك ممكن تكروتيها يبقي بلاش خليها العرض اللي بعده تكوني خدتي وقتك.
روكا....بتفكير طيب سيبوها بظروفها وانا بكره كده هشوف انا تقريبا التصاميم كلها خلصت وجاهزه يعني مفيش شغل كتير الاسبوع ده كله بروڤات وبس.
سيلا....خلاص شوفي نفسك كده بكره
روكا...إن شاء الله.
مهاب...صحيح يابدر نسيت أسألك عملت ايه مع ليل السيوفي.
بدر....ولا حاجه فهمته كل اللي حصل واديته الميداليه بس شكله مصدوم.
عامر....معرفش مين اللي عمل كده بردوا.
بدر....بيقول مش قادر يشك في اي حد بس واضح من كلامه ان في حاجه قلقاه وطلب مني حراسه صحيح.
مهاب....حراسه ايه انا اسمع انه ماشي بأسطول
بدر...والله ماعارف هو حتي مقالش عايز قد ايه ولا عايز للشركه بس ولا حراسه شخصيه كمان.
عامر...عارفين اني اشتغلت مع ليل السيوفي من حوالي ست سنين
يوسف....لا ياشيخ
عامر..اه والله كنا بنفذ مشروع في الشركه أتعاقدنا علي كومباوند والحديد كان تبع الشركه عنده بس الموضوع ده بقاله كتير اوي
عارفه هو وابن عمه جاسر
بدر...طيب ومكملتش معاه تاني ليه.
عامر...لا عادي والله هما محترمين جداً و بيحبوا شغلهم بجد وهما في شغلهم علامه ورقم واحد بس علي حسب الشغل اللي بيجيلك الفلوس بتحكمك تختار مين تشتغل معاه مع ان الشغل معاهم كانوا وشه حلو عليا جداً
مهاب....انا اسمع فعلا انهم ملتزمين جداً وبتوع شغل.
عامر...فعلاً
بدر...صحيح يا مهاب نسيت اقولك دياب جاي بكره.
مهاب...لا ياشيخ ده مجنون ده ولا ايه كده علي طول مقالش ليه طيب.
بدر...هو مكانش عارف انه جاي بكره كان عامل حسابه علي اخر الأسبوع بس معرفش غير رأيه ليه
مهاب....طيب و هيقعد فين هو لقي ڤيلا.
بدر....لا لسه كان عايزني اشوفله اي شقه مفروش يقعد فيها هو ومراته وابنه لحد ما يستقر ويشوف حاجه كويسه وصراحه اللي خدمني في الحوار ده ليل السيوفي
مهاب...وليل ايه دخله في الحوار ده عنده ڤيلا للإيجار ولا يه.
بدر...لا خالص انا اتكلمت معاه بالصدفه ولقيته بيقولي طلبك عندي وعرفت انه عنده برج في الزمالك وروحت معاه ووراني شقه حلوه جداً تقريبا فيها كل اللي هو هيحتاجه الفتره دي مجهزه بالكامل يعني يادوب يحطوا هدومهم وبس وانا بلغت دياب.
مهاب....طيب كويس والله.
يوسف...بضحك انا حاسس اني انا عامل زي الاطرش في الزفه معرفش مين الناس دي طب ليل و سامع عنه بس معرفهوش ايه دياب ده كمان انتوا بقيتوا تعرفوا ناس من ورانا ولا ايه🤨 لا بقولك ايه انا بغير😒
بدر....إتلهي تغير ايه دياب صاحبي يا ابني وشريكي في شركه الحراسه ما انت عارفه.
يوسف...بضحك وربنا ما اعرفه انا عارف ايوه ان في حد اسمه دياب وانت مشاركه بس عمري ما شوفته
بدر....اهو جاي بكره يا اخويا وابقي اتعرف عليه براحتك
عامر...اما كمان معرفهوش المره ولا المرتين اللي جه فيهم القاهره وقابلته مشوفتهوش.
بدر....هو بيجي يخلص مصلحه ويسافر عشان مراته وبنته محدش فيكم شافه غير مهاب فعلا.
مهاب...يلا يجي بالسلامه ان شاء الله انت هتروحله
بدر....اول ما يوصل طبعاً هكون في أنتظاره عشان اديله المفتاح و اعرفه الشقه يا ذكي.
مهاب...ايوه صح نسيت.
بدر...وان شاء الله عايز ابقي اعزمه وبالمره مراته تتعرف علي البنات عشان هي هنا متعرفش حاجه خالص.
روكا...علي الله بس تكون حد لذيذ كده وشبهنا.
بدر....اهو اتعرفوا انتوا بقي عليها.
فضلوا يتكلموا مع بعض ويهزروا و يضحكوا .
لكن كان في اتنين علي قد ضحكهم و هزارهم جواهم حاجه و جعاهم..وأولهم كانت روكا
اللي كانت باصه بحزن علي عامر وهو بيتكلم و واخد كريم في حضنه بحنيه. وللحظه أتمنت انه يكون ابنها وبسرعه أتجمعت الدموع في عينها وهي مبتسمه بوجع و سرحانه في دنيا تانيه
وفي وسط ما عامر بيتكلم ويضحك و يبص عليهم عينه جات علي روكا وحس بوجعها واول ما شافته أبتسمت وهو أبتسملها
وقف روكا بسرعه قبل ما دموعها تخونها.
سما...رايحه فين ياروكا؟
روكا...بأبتسامه بتحاول تداري الوجع اللي هي حاسه بيه.
هروح أعمل فنجان قهوه حد عايز.
سيلا...أرحمي نفسك يا روكا من القهوه دي اجبلك عصير احسن
روكا....لا مش عايزه عصير انتي عارفه مليش فيه.
سيلا...طيب أعملك انا
روكا...لا شكراً بحب أعمل قهوتي بنفسي🤨
سيلا....هتندمي ده انا أستاذه
روكا مسكت السجاير بتاعتها و الولاعه ومشيت وهي بترد علي سيلا....شكرا يا اختي خلي قهوتك لسي بدر حبيب القلب.
بدر...بضحك وانا عملت ايه الوقت يا ام لسان طويل😂
روكا....بتطبلها كتير يا بدر وهي قهوتها وحشه.
ريم...بضحك اوبااا شكلك وحش يا سيلا.
سيلا....قهوتي انا وحشه يا جزمه دي قهوتي قمر صح يا بدر.
بدر...طبعاً ياقلب بدر😉
يوسف...😂😂😂اهو بدأ التطبيل.
بدر...بس يارخم.
سيلا....😏😏مش هرد عليكم انا واثقه في نفسي.
سما...يالهوي عالقمر الواثق ده يا ناس.
سيلا..حدفتلها بوسه😘
دخلت روكا المطبخ نزلت منها دمعه سريعه مسحتها بسرعه وفضلت تتنفس بهدوء عشان تحاول تسيطر علي كم المشاعر والوجع اللي جواها حطت القهوه علي النار ووقفت تكلم نفسها😔
