رواية علي ذمة اخوين الفصل الثالث بقلم جمانه السعيدي
نجلاء
كان كلام غيث وعود وبس
كل يوم ينشغل اكثر واكثر اني اعرف الشغل مهم والفلوس عصب الحياة
بس الحياة بدون لحضات تجمعنا سوا موحلوه ابد
ليث
قررت احاول اشغل وقت نجلاء واحاول أسعدها كد مااكدر
لان هي ماله ذنب وغيث مشغول عنه على طول
ليث
وينج نجلاء تعاي هذا الفلم يخبل وجبت كرزات
تعاي نشوفه اني وياج
نجلاء احسن ماكاعده وحدي خل انزل اتفرج شويه
نزلت وفعلا الفلم كلش حلوووو
خلص الفلم يله رجع غيث بس صعدنا نام لان كل النهار بلشغل وتعبان
حتى ماسئلني شلون خلصتي يومج
جمانه السعيدي
ثاني يوم بس سمعته كعد كعدت
نجلاء صباح الخيررررر
غيث صباح الخيرات ليش كعدتي اني اتريك برا
نجلاء لا اريد اذكرك اليوم موعد المراجعه مالتي
غيث اي اتصلي عليه ذكريني واني اجي اخذج
نجلاء تمام
نزل غيث واني نزلت بعده بشويه
ليث كاعد يسوي ريوك
...تعاي حماتج تحبج مثل مايكولون المصريين شلون اومليت بيض يخبل
نجلاء ليش ماعفته اني اسويلك صارت بيك ريحة طبخ
ليث هسه اسبح وتروح الريحه
شويه وطلعت خالتي وعمي من الغرفه وكعدنا نتربك كلنا
حلوه اطباعهم وحياتهم تخبل ولا عدهم بخل لو حرص
وابد ماسمعهم يحجون على الناس ولا أصحاب قيل وقلت
بس اني مامضوجني غير بعد غيث عني
مرات اعذره واكول هو هذا عمله قبل لايعرفني
ومرات اكول حرامات يخلص العمر هيج
وتفوت اللحظات السعيده وحنا بعيدين عن بعض
جمانه السعيدي
للعصر اتصلت بغيث بس رد عليه مشغول مافارغ خل
ليث لو امي تاخذج
ضجت إلى متى ابقى اني هيج ليث وخالتي محتارين
بيه
قررت مااروح للدكتوره
شويه واجت خالتي كالت اني اروح وياج
نجلاء مااروح بطلت
خالتي ام غيث لا تضوجين حبيبتي هي عياده نسائيه
هو شيسوي يروح
ماحببت اناقش خالتي ابد لان هي كلش زينه وياي
رحنا اني وياها طمنتنا الدكتوره كلشي تمام ورجعنا
بليلته رجع غيث من وكت لان يعرف نفسه غلطان
وجايبلي هديه عطر وساعه
صعد فوك لكاني كاعده
غيث هلو حبي اسف
نجلاء وشسوي باسفك هذا الطفل الاول الحمل الاول اذا مانتشارك بكلشي هسه يمته بعد تشاركني
غيث بس اني عملي مو بيدي مشكلتي يثقون بيه ومسلميني كلشي
نجلاء واني شنو مشكلتي ليش لازم اتحملك
غيث لان انتي زوجتي وحبيبتي
نجلاء اني مجاي اخذ منك بس وعود وبس بس شويه وقت اليه ماكوووو
غيث هسه اكون شركه اليه خاصه بيه وبس وساعته اتفرغ بالكامل الج
نجلاء لا توعد وعود انت ماتكدر عليه
باجر اهلي يسافرون لازم نروح نودعهم
غيث انشاء الله
نجلاء اني اروح قبلكم حتى اشوفهم وبعدين تجون وراي
حتى نوصلهم للمطار
غيث تمام
نجلاء رحت من الصبح الاهلي
ولله ماهاين عليه اودعهم ابد بس شسوي
بعد الضروف حكمت عليه
جهزو نفسهم رادو يطلعون للمطار
طيارتهم الساعه الاربعه العصر
اجا عمي وخالتي وليث حتى يودعوهم بس غيث ماكوووو
اتصلت علي
غيث اي حبيبتي جاي بلطريق
نجلاء شويه وطلعنا من البيت اهلي بسياره تكسي واني وياهم
وعمي وخالتي بسيارة ليث
اتصلت علي انطاني رفض
كلت خلاص اكيد جاي بلطريق مادام انطاني رفض
جمانه السعيدي
وصلنا للمطار وهو ماكوووو
شكد استحيت من اهلي اخر لحظه يله وصل
سلم عليهم وودعهم
اني كمت ابجي شكد صعب فراك الاهل
غيث اني راح ارجع لان عدنا طلبيه والحاويات وصلت
الحاويات سيارات الحمل يسموها حاويات تكون كبيره جدا
متت من القهر ابدال ماياخذني بحضنه ويخفف عني لا رجع للشغل يركض
ليث تصرف غيث ماعجبني ابد خطيه نجلاء
ليث تعالو نكعد بكافي ونشرب عصير نغيرجو شويه
كثر غياب غيث عني وكثرت اعذاره
مامهون عليه بس ليث
يطلعني ومن يشتري اي شي اله ناكل سوا
حتى صديقته بلكليه عرفني عليه
ويتصل بيه ونحجي اني وياها اخذت رقمي واني اخذت رقمه
اي شي احبه يجيبه اليه مااضحك اله من يدخل ليث للبيت يبقى بس ينكت ويحشش
ويطلع سوالف اشكال واللوان
كنت حاسبته اخ واكثر
نفسيته حيل حلوه
على العكس من غيث تماما
جمانه السعيدي
وصلت للولاده ومحد محتار بيه غير خالتي وليث
كمت اطلك وبيومها غيث كان بغداد
اخذتني خالتي وعمي وليث
اعيط لا تعوفوني فدوه خاله لاتعوفيني فدوه ليث لا تعوفني راح اموت
دخلوني غرقة الولاده اعيط بصوت عالي الحكولي
اطلك من الصبح للمغرب وابد ماعافوني بيومه ليث ماراح للدوام ابد علمودي
لا امي وياي ولا غيث موجود
كانت لحظات صعبه عليه
جبت ولد الحمد لله بعد نهار كامل من التعب جبت
وهم غيث ماموجود بهذا الحدث المهم بحياتي وحياته
طلعنا للبيت وبليلته غيث بات بغداد
بس ليث اتصل بي وكاله نجلاء جابت والحمد لله
اتصل بيه وماردت ارد على ابد
بس عمي احرجني وكال ردي علي خطيه كل شويه يتصل
نجلاء الووو
غيث حبيبتي مبروك والف مبروك الحمد لله على سلامتج
نجلاء الله يسلمك
غيث باجر من الصبح اني يمج تستاهلين احلى هديه
نجلاء توصل بلسلامه
ثاني يوم اجا غيث وجايب ملابس بيبي واني جايبلي كلاده ذهب
كلشي مو بعيني لو موجود لحظة الولاده تسوه الدنيا ومابيه
جمانه السعيدي
اكيد الناس من تسمع مشكلتي راح تكول انتي بطرانه معيشج احسن عيشه
بس الحياة مو بس فلوس
الحياة لحظات نتشاركه سوووو
جنت محتاجه امي واني بلنفاس امي راح تهون عليه
بس خالتي ابد ماقصرت وياي
ابني سما جده سما امير
مو طفل نازل عليهم من السما الكل مخبوص بي
اما بلنسبه الاهلي يوميه اتصل بيهم
واحجي وياهم واطمن عليهم
الحد مااجه اليوم الي غير حياتي ١٨٠ درجه
ابني صار عمره ست اشهر واني تعودت على غياب غيث
لان خالتي وعمي وليث مالين عليه الدنيا
بيوم غيث طلع البغداد كانت عنده اوراق مهم لازم يوصله الفرع الشركه بغداد
سيارته كانت عاطله بيومه ولازم يوصل البغداد
السواق بوقته مو هلكد يرحون البغداد
لان اكو اغتيالات وتسليب وسرقات
مالكه غير سايق تكسي واحد ماجرينه ثنيبن وغيث الثالث
هذا كان آخر يوم شفنا غيث بي
شكرا لزيارتكم عالم روايات سكيرهوم
