رواية رغبة ملوثة الفصل الثالث بقلم دلال عماد
"سليل"
خابرت اوس وراضيته وهوَ رضا بسـرعة ورجعنا نحجي مثـل قبل ويوميًا يراسلني او نتخابر ونسولف اتعودت كلش علي وحبيـته ابتعدت حتى عـن اهلي بحيث كلشي ماعرف عنهم بـس اكمل شغلي كُـبل اصعد على غرفتي واحجي ويا
اليـوم ع الغـدة ابـويا كـال
مروان: سليل اشو صايرة متنشافين بس بغرفتچ
نـورا: اي والله بابا صَـايرة متكعد ويانا مثـل قبـل
سليـل: هـا ماكـو شي بس عندي مسلسل وطامـسة بيهـا
ايات: ولچ لا تعمى عيـونچ مو هيج
مروان: اي بابا ميصير هيچ على عيـونچ
سليل: ان شاء الله لتخافون ماكو شي
ابو سليل: خير ان شاء الله
كملنا اكل ولمينا الصحون وغسلناهم ورحت كعدت يم اهلي حتى لا يشكون بشـي كعدنا نسولف ونضحك ونـورا جابت كيك وببسي وهاي السوالف
وكعدنا ناكل ونسولف لليل كلمن راح لغرفته واني ماصدكت على الله رحت على غرفتي كُـبل طبـعًا غرفتي وحـدي ونـورا عدها غرفة وحدها مكاعدين سويه فَـ قفـلت البـاب ولزمت الجهاز شفته محتـرك حـرك من اوس دكيت علي وكُـبل فـتح وصاح
اوس: وييينچ ماكو اليومم
سليل: والله جنت كاعدة يم اهلي لان بدو يشكون بيا
اوس: على شنو يشـكون
سليل: يكلولي ليش بس بغرفتچ وع التلفون گاعدة متطلعين وتگعدين ويانا لهـذا طلعت گعدت وياهم
اوس: اهاا هيچي السالفة عجل ديري بالج يولو
سليل بزعل: ايي وانت كُـبل صيحتت
اوس: اسـف يروحي والله مو بقصدي بس خُفت عليچ
سليل: خُفت عليا تصيح عليا هيچ
اوس: عمري انتِ انـدارر عليچ يكلبي
سليل: اممم گولها هم بغير لهجة
اوس: هههه فدوه اروحلچ
سليل: يحياتي اسم الله
اوس: يعمري انتِ اكلچ حبيبي
سليل: عيوني
اوس: اريـد اشـوفچ
سليل: وين تشوفني
اوس: دزيلي صورتچ
سليل بخوف: لا مادز لا
اوس: ليشش شبيچ
سليل: ماحب ادز صـوري لأحـد
اوس: بس اني مو اي احد اني حبيبچ
سليل: حتى لو
اوس: ماتثقين بيا يول موو
سليل: لا مو هيچ بس...
قاطعني وكال
اوس: لا ماتثقين خلف الله عليچ هاي اني حبيبچ وهيچي ماتثقين عجل لو غريب شلون
سليل: لا حبيبي مو هيچ والله
اوس: لا هيچ ونص بس اني صوچي والله
سليل: حبيبي شبيك والله مو هيچ
اوس: عجـل شنـوو
سليل: اني اخاف من هاي السوالف والله يعني اني بنية والمفروض تعذرني على خوفي
اوس: ول يالله عاذرچ عاذرچ بس انتِ هم ثقي بيا والله العظيم بس اشوفها لا احفظ ولا شي بالله الكريم اني مو هيچ لا ابتز ولا انشر
سليل: والله؟؟
اوس: اي والله العظيم
سليل: ماشي بس امانة عليك تدير بالك عليها
اوس: والله العظيم لا احفظها ولا شي تبقى بيني وبينچ السالفة، الله ياخذني اذا خليت احد يشوف شعرة منچ
سليل: لا اسـم الله عليك
اوس: ها هسة دزين لو لا
سليل: ماشي حبيبي هسة
اني مواصفاتي شگرة شعري اشقر وعيوني شهل لونهم وبيضة رحت اختاريت احلى صـورة عندي ودزيتها + بالمناسبة اني مو محجبة لا اني ولا اختي
شافها دقايق ورد
اوس: احلفچ بالله يول هاي انتِ؟
سليل: اي والله العظيم اني
اوس: يول هاي العيون من الله لو عدسات
سليل: عيوني والله
اوس: ول يالله هذا الشگار من الله لو صبغ
سليل: ههههه لا والله طبيعي
اوس: ول يخالي شهالجمـال ول يخالي اني لو ادري هيج جان اجي اكعد ببغداد اچلب بيها بيديه ورجليه
سليل: هههههههه
اوس: اني اداوم ببغداد لو ادري هيج اكو ببغداد فـلا انزل
سليل: ههههههههههههه
والله كلامـك كلش حلوو
اوس: يول يالأشگر انت الحلو فدوه رحت اني
سليل: هههه عمري انتَ
اكلك حبيبي
اوس: كولي يروحو لحبيبچ
سليل وهيا تفرك عيونها: نعست والله
اوس: اصيرلج مخدة يبعـد صماخي
سليل: هههه هاي شنوو عود تتغزل يعني
اوس: اي نعم
سليل: هههه اروح انام اني احسن
اوس: روح يا حلوو روح باچر من تكعدين حاجيني خـوش
سليل: خوش ان شاء الله
سـديته من عندهه من بعد ما ودعتـه ورحـت نـمت نـومة عـميقة
..
ومـرت الأيـام روتيـن عـادي، انـي واوس علاقتنا تخبل ويـوم عن يـوم احـب اوس واتعلق بي اكثـر واكثـر وهـسة صـار سـنة على علاقـتنا واوس كلـش حبـاب ويـاي ويحبـني وبهـاي السنـة المدارس رجـعت ويييع واني بادية اداوم صـف خامس ادبي والحمدلله ماشيـة الأمـور ومسـوية وقـت احجي بي ويا اوس ووقت ادرس بي فـ بيـووم .. راجعـة من المدرسـة سلـمت على اهلـي وغسلت وبدلت واتغديت وصعـدت ادرس درست وحضرت واجباتي ومن كملت فتحت تلفوني وراسلت اوس وجاوبني
سليل: هلوو حبيبي
اوس: هـلا حبيبي شونچ
سليل: بخير اذا انت بخير
اوس: يروحي انتي شكو ماكو اخبـار دراسـتچ
سليل: زينة الحمدلله توني خلصت.
اوس: اي عفيـة ركـزي على دراسـتچ
سليل: اي حبيبي لا تشيل هـم صدك تعال تعال
اوس: ها حبي
سليل: اكو بنية معلقتلك ومتابعتني هم منو هاي
اوس: ها هاي گرايبي ليش
سليل: داشوف ليش معلقتلك
اوس: حظريها من يمج هذولة كرايبي يريدون يعرفون اخباري
سليل: اها هيج
اوس: اي حبيبي
سليل: ماشي
گتله ماشي بس محظرتها بقيتها بحسابي مادري ليش
اوس: اگلچ حبيبي
سليل: گـول حبي
اوس: اريد اشوفچ
سليل: صـورة يعني؟!
اوس: لا حبيبي اريد نلتقي بمكان مادامني ببغداد حاليًا
سليل: لا حبيبي ماگـدر
اوس: ليش متگدرين
سليل: لا ماكدر شون اطلع وياك عيب وبعدين اهلي شون
اوس: هوَ شنو عيب وبعدين اهلچ مراح يعرفون
سليل: لا اوس سد الموضوع ماريد
اوس: هوَ شنو كل ما اگلچ على شي ماگدر ماريد ماكدر ماريد شهالحب هذا يولو
سليل: اوس ماگدر شبيك
اوس: الظاهر مالي قيمة عندچ
سليل: شهالحچي اوس انت تعرف قيمتك بالنسبة الي شنو فـ لتحچي هيـج
اوس: لا احچي شسالفة شبيچ انتِ يابا اذا هيچي كلشي لا لا هالحـب كلوو بـلااه
سليل: اوووس شتقصـد
اوس: عرفتي قصـدي كلش زيـن سليل وداعت امي اذا ماسويتي الي كتلچ علي اروح وماتشوفين وجهي بعد ولا تعرفين عني شي
سليل: اوووس شهالحجيي شبييك
اوس: اي هذا الموجود
سليل: سديته بوجهه وماجاوبته كُـبل كتبلي
اوس: تسدي بوجهي مو خووش
سليل: اي انت الي خليتني اسوي هيچ
رجع شافها ومارد ولا ترد شسالفة گووة ۿـي
بهاليـوم دمـوعي مانشـفت شبعت بجي والمخدة مالتي صارت رطبة، كرهت نفسي وكرهت اوس على تصرفه هذا، لان اثبتلي انو اني ولا شي عنده الي يحب يضحي وهوَ ابد ما داشوف من عنده تضحية
شكرا لزيارتكم عالم روايات سكيرهوم
