رواية رغبة ملوثة الفصل الرابع بقلم دلال عماد
"سليل"
كـعـدت ثـانـي يـوم لزمت جهازي شفـته ممراسلني مثـل كـل يـوم الصـبح، انقـهرت كـلش وراسـلته
لحد يلومني بذاك الوقت چنت مراهقة وكلش متعلقة بي واحبه لهذا اتخليت حتى عن كرامتي على موده
شاف ومارد اتعصبت وبقيت اراسل بي وحدة ورى الثانية لحـد مارد وكتب
اوس: ها
سليل: شنو ها صار شگد اراسل واحچي وتگلي ها
اوس: اسألي روحچ
سليل: اتنهدت وكتبتله اسفة لان سديته بوجهك بس انت جرحتني كلش بكـلامك واني احبك واموت عليك هيج تحاچيني
اوس: هاهيه مصار شي
سليل: يعني شنو
اوس: يعني انسي السالفة هاهيه لتضوجين
سليل: صدك يعني تراضينا
اوس: اي
سليل: احبك
اوس: واني هم
سليل: بقينا نحچي شويه وهوَ كـال ديروح عندهه شغل كتله تمام
راح واني بقيت اكلب بالأنستا طبعًا هاي كرايبه تشوف ستورياتي ومنشوراتي ومتفاعلة بحسابي اني بوقتها صدكت ڪلام اوس انو هيا تراقبنا وهيچ،
سديت الجهاز ونزلت جوا شافتني امي كالت
ايات بصدمة: هاي منو نزل؟
نـورا: عزا هاي من شوكت انتِ تنزلين من غرفتچ بدون مااحد يصيحچ
سليل: كولو يالله شبيكم
نـورا: غير انتِ ماتنشافين
سليل: غير ادرس واكعد شويه ع التلفون شسوي
ايات: اهتمـي بدرسچ بنتي
سليل: ان شاء الله ماما
كـعدنا نسولف ونتشاقة مـثل قـبل، واجا هم اسامة تفاجئ من شافني كاعدة وكعد يقصف بيا وارجع اقصف بي وهكـدا تستمر الحياة
...
يـوم عن يـوم احس اوس بـدأ يتغير عليا...
كلما اراسله يگول مشغول لو يتهرب مني لو يحجي كلمتين ويختـفي بـديت اضوج هواي ومن اسأله يگلي شغل لفوك راسـي حتى من ينزل من شغله يگول مشغول بشـنوو مشغـول متگلي رحت وراسلته كتله
سليل: تعال اريد احجي وياك
وراها بنص ساعة جاوب
اوس: مشغول هسا من اكمل
سليل بعصبية: گتللك تعال ماخذذ من وقتك بس شويه ووراها ويين متريدد تروح روحح
اوس: اححجي عددل يولل
سليل: شنوو هاي السوالف الجديدة هاا
اوس: يا سـوالف
سليل: صايرر تتهرب مني وكلما احاجيك تگلي مشغول مشغول وحتى من تنزل مشغول شسالفة عيني حتى رجل الأعمال واصحاب الشركات مو مثلك
اوس: استغفرالله العظيم شلون تريدني افلت لساني
سليل: لا بالله اوس احچي انتَ مليت منيي؟؟؟
اوس: بـلا هالكلام
سليل: احلفك بالله گوول مليت مني
اوس: مو قصـة مليت بس اني اشوف انـو ما نتراهم
سليل: شلون يعني
اوس: اني وياچ مانتراهم وانتِ تستاهلين واحد احسن مني
سليل: اوس ترررى والله اكتل روحي
اوس: تنجازين
انصدمت من شفت بكل برود راد عليا ولا كأنو چان يحبني! هه او يمثل انو هوَ يحبني، اتنهدت ورديت
سليل: اهاا گول هيچ من البداية
اوس: لا تضوجين بس ما تراهمنا شنسوي نبقى بس مشاكل
سليل: على فكرة ابو المشاكل ترا هاي اول مشكلة تصير بينا وانت اختلقتها بدون سبب
اوس: لا مو بدون سبب شنو اگلج تگليلي لا ..
ديكمل فـ سديته بوجهه وبدون مارد علي ولا اسمع باقي كلامه نرزفني كلش وجرحني سديت الجهاز وگعدت ابچي، بچيت بچي مباچيته بحياتي كلش انقهـرت لان جنت هواي متعلقـة بي وحابته اووووف ربييي
بعد شويه اهلي صاحوني ع الأكل گلتلهم مجوعانة وعندي درس فا تركوني... ماليا خلك لشي دموعي تنزل وماسيطر عليها اوووف ربيي شسوويت برووحي انييي
والله احببه والله
خليت ايدي على وجهي وابچي شويه وصديقتي اتصلت عليها فتحت الخط وجاوبتـها
سليل: الو
مرايـم: هلوو حبي شلونج
سليل: الحمدلله
مرايـم: سليل شبي صوتچ شكو
سليل: حچيتلها كلشي
مرايـم صديقتي المقربة كلش وهيا تعرف بعلاقتي مع اوس من البداية
مرايـم: يـا هـذا صدك يحچـي
سليل وهيا تبچي: احببه
مرايـم: اهدي يروحي شبيچ لتبچين يگلبي باعي
خليني اروح احاچي اني اشوف شبي
سليل بلهفة: صددك
مرايـم: اي اي جيبي حسابه احاچي وادزلچ سكرينات
سليل: ماشي
رحت طبيت على الانستا واخذت سكرين لحسابه ودزيته لمرايـم وگالتلي حتحاچي
كعدت انتظر وانتظر وكل شويه اكللها ها رد تگلي لا اووف يارربيي شسـويي
بـعد تقريبـاً 3 ساعات اجت مرايـم وكالتلي جاوب وحگيت ويا كمزت وگتلها دزيلي
دزتلي وريت مادزتلي
"المحادثـة"
مرايـم: السـلام عليكم
اوس: عليكم السلام ورحمة الله وبركاته
مرايـم: شلونك
اوس: الحمدلله بخير وانتِ
مرايـم: جاية احجي وياك بموضوع
اوس: اي اتفضلي
مرايـم: شـوف اخويا اني اصـير صديقة سليل المقربة او تگدر تعتبرني اختها، واني عرفت الصـار بينـكم وجاية اسألك ليش هيـچ سـويت وبدون سبب
اوس: مو بـدون سبب هيـا الـي خلتنا نـوصل لهذا الحـد
مرايـم: شـنو خلتك توصل لهذا الحد ترا هيا ماسوت شي يعني لو تطلع وياك لو تعوفها شسالفة كول اني ماحبها من البداية وجاي اتسلى بـلاا هاي السوالف
اوس: يول احجي عدل ماشتغل عند ابـوچ اني خوش، ثانيـًا هيـا ماتسـمع كـلام يعني شهالحـب لا طلعة لا شي
مرايم: قصـدك تگول شهالحب لا مكو.... لا شي مو بالله، باوع لا عبالك بنية راح استحي منك اذا انت لسانك متر اني 5 امتار خوش
اوس: هههههـاي اول مرة اشوف بنية تحچيها هيـچ
مرايـم: والله يا عيني مادام الشي يخص اختي فا اني اول وحدة اوگف كدام الي يأذيها افتهمت
اوس: ها بالله صـدك
مرايـم: چان استحيت صارلكم سـنة تحجون وتالي تضحك عليها
اوس: ههههههه يا سـنة ما صارلنا چثـير نحچي
مرايـم: ليش تچـذب لك اني من اول ما ارتبطتـو اعـرف بعلاقـتكم سوهه، ثانيًا دازتلكك صورها ديرر بالك تطلع صوورة وحدة من عندك خووش
اوس: منو چذاب؟ احچي مثل الأوادم ساكتلچ لان بنيـة لا تخليني اطلع شياطيني، وثانيًا ترى صورها ماعندي وماحافظهم اصلًا لان اني حلفتلها ماحفظ شي بوقتها فميحتاج تخربطين بالحچي وصيري ادمية واعرفي ويامن تحچين لا ادمرچ
مرايـم: خاب درروح هوَ انت شيطان اصـلًا وهاك بلوك
...
سليل: اقرة المحادثة وابچـي طلع چذااب يضحك عليا، يريد يتسلى وشبسـرععة نكرر العشرة صارلنا سـنة ومادري كم يوم احنا سوى، وتالـي هيچ اخخخ ربييي تستاهليين يا سليل تستاهلين كل الي جرالچ رحتي صدكتي بواحد نذل من ع النت
خابرتني مرايـم تواسيني وتحاول
تروح ضوجتي لكن لا فائدة بشـنوو تواسيـني؟ اني شمسـوية بروحي يا الله
سديـته من مرايـم واني دموعي تنـزل صعب شخص تحبي وتتعلقين بي ويطلع يضحـك عليچ خليت راسي ع المخدة ودموعي تاخذ مجـراها
لحد نمـت بـدون ماحـس
...
فتحـت عيـوني صفـنت ع الصـار بيـا باوعت للشبـاك شفت الدنـيا ليل لزمت التلفون شفت الساعة 8 هـاي شـكد نايـمة گـمت اتعوذت الشيطان واتوضيت وصليت ونزلت جوا كعـدت يـم اهلي سألوني شبيـه كلتلهم مريـضة شويـه امي رادت تاخذني للطبيب بس كلتلها ماكو لا تخافين شويه تعب
حسـيت بذنـب وتأنيب ضميـر من شفت اهلي شون خافو عليا واني خنـت ثقتهم ورحت حاجيت واحـد نذل ومايستاهل، شخص حقير يضحك عليا ويوهمني بالحب حتى يوگعني، رجعت حمدت ربي الف مرة لان بينه على حقيقته وما خلاني اروح ويا وتصير مصيبة الها اول مالها اخر.
بوقتها عبالي هاي هي النهاية مچنت اعرف المصيبة الي الها اول مالها اخر جايتني بالطريق.
