رواية البلطجي الفصل الرابع والاربعون 44 بقلم ولاء حامد

رواية البلطجي الفصل الرابع والاربعون  بقلم ولاء حامد

انتشر على السوشيال ميديا خبر خطوبه وحوش الاقتصاد المصري نجل رجل المال والاعمال زياد ماهر الشبراوي من شقيقه المهندس الفرعون المصري هارون احمد شافع وقد حضره عدد كبير من رموز الاقتصاد والسياسه وعدد لا حصر له من نجوم المجتمع

رهف قرت الخبر بصدمه ومره واحده زعقت بصوت عالي زياد زياد اللي كان زي الخاتم في صباعي وماشي ورايا زي ضلي يخطب دي مش هاسيبك يا زياد تتهنى بيها وكملت بجنون مش هاسيبك يا زياد تتهنى بيها اقسم بالله مبقاش رهف المالكي ان مجبتك تاني زاحف على بطنك 

دريه دخلت على صوت رهف وصراخها في ايه بتصوتي كده ليه

رهف بجنون وهي بتشد في شعرها شوفتي اللي حصل زياد وكملت بإسنان قربت تتكسر من كتر الضغط عليها زياد اللي كان زي الكلب بيجري ورايا منين ما اروح خطب ومش اي حد لا دي اخت البيئه اللي اخد مننا كل حاجه شوفتي المهزله يا مامي

دريه بحده لان طول عمرك غبيه وفقريه لاني سبق وقولتلك ان اللي زي زياد داه كنز مينفعش تفرطي فيه ولا يطلع من ايدك لانه مال وحسب ونسب وجاه وسلطه ونفوذ بس انتي طول عمرك واخده غباء اهل ابوكي 

رهف بشر انا مش هاسيبهم يتهنوا وعارفه هاعمل ايه كويس اوووي وارجعه تاني ليا

دريه هاتعملي ايه يا غبيه ما خلاص خطب وكلها كام شهر وتشوفي صور فرحهم كمان

رهف بمكر تؤ زياد بيحبني وانا عارفه هارجعه تاني ازاي واخليه يرميها زي الكلب من حياته وانا اللي هابقى فيها وبس 

دريه بلهفه طمع بجد كلامك داه بجد ولا كلام فض مجالس علشان غيرانه 

رهف تؤ انا مبغرش على حد بس زياد داه بتاعي انا لانه بيحبني ويتمني بس اشاره مني علشان يرجعلي اقعدي واتفرجي وبكره تشوفي بنفسك

دريه لو كلامك داه صحيح يبقى طاقه القدر اتفتحتلنا تاني. هنرجع هوانم ومش اي هوانم داحنا هانبقى نسايب عيله الشبراوي اللي كلمه منهم ترجع ابوكي مجال البيزنس على تقيل اوووي كمان 

رهف ابتسمت بطمع وطلعت ميني جيب وعليها تيشيرت كات وعملت ميك اب متقن وظبطت نفسها ونزلت طلبت أوبر ووصلت شركة الشبراوي طلعت بثقه وخطوات ثابته لمكتب زياد

رهف بتكبر للسكرتيره زياد موجود

السكرتيرة بصتلها بتقييم من فوق لتحت نقوله مين يا فندم 

رهف مردتش ودخلت على مكتب زياد مباشره

السكرتيرة من وراها يا فندم مينفعش كده 

زياد بصلها بصدمه ممزوجه بالاستحقار اللي بيحصل هنا يا مدام هاله 

هاله والله يا فندم لسه بسالها مين حضرتك علشان ابلغك زقتني ودخلت 

زياد شاورلها اتفضلي على مكتبك دلوقتي 

وبص لرهف باستحقار خير جايه ليه اظن داه مكان شغل محترم مش مكان للسرمحه 

رهف بصوت ناعم ايه يا زياد معقوله بتكلمني انا بالطريقه دي انا رهف رهف حبيبتك

زياد بتهكم رهف مين حضرتك انا معرفش حد بالاسم داخ ولا بعرف الأشكال دي اساسا

رهف معقوله لحقت تنساني عارفه انك اكيد زعلان مني

زياد لاء هو الأكيد ان اللي زيك ممرش في حياتي اساسا علشان انساه لان اللي زيك ملهوش مكان فيها 

رهف وهي بتحاول تستغل أنوثتها وقربت منه ومسكت جاكت البدله عارفه انك اكيد زعلان مني بس انا ندمانه لاني اكتشفت اني بعشقك مش بس بحبك وبقولهالك من قلبي انا بحبك يا زياد

زياد زقها ونفض الجاكت وانا بستحقرك يا رهف واتفضلي اطلعي بره ورجلك متخطيش الشركه دي تاني واطلعي بكرامتك بدل ما انده الأمن يرميكي بالطريقه اللي تستحقيها وهي الاهانه لان اللي زيك ميستحقش الاحترام 

رهف بإصرار عارفه ان بتقول كده من زعلك مني وانا مقدره داه وعارفه انك لسه بتحبني زي ما بحبك

زياد بتريقه ب ايه بحبك دانتي خيالك واسع اوووي شاور على الدبله اللي في ايده انا رميتك من حياتي من زمان اووي ودلوقتي خاطب ست ستك كمان بنت محترمه من بيت محترم انا خاطب الدكتوره جنى طالبه في كليه الطب مش عيله فاشله زيك شتان بينك وبينها لان مفيش وجه مقارنه اساسا بينكم ولا ينفه احطها معاكي في خانه واحده لاني جنى مؤدبه ومحترمه مش صايعه اخدت اللي تعرف قيمه الحياه وتقدرها مش واحده فاضيه وتافهه زيك واحده تعرف قيمه الزوج والاسره مش واحده متعرفش في حياتها الا الرهانات الهايفه والتافهه بني ادمه بجد مش فاضيه من جوه ومخوخه عارفه يا رهف انتي عامله زي العروسه البلاستيك منظر بس من بره وياريت حتى من البلاستيك النضيف تؤ داه من النوع الرديئ الرخيص ابو اتنين جنيه اللي مرميه على الأرصفة تتفرجي عليها وتستخسري تدفعي فيها فلوس فبتسبيها وتمشي ودلوقتي لعد ما عرفتي ردي بره وياريت متفكريش تكوني موجوده في مكان انا فيه لان وقتها مش هتلاقي مني إلا كل اللي يزعلك ويقل منك بره

طلعت رهف وهي بتغل بغيظ 

رهف وهي واقفه قدام الشركه ابتسمت بشر لما افتكرت كلمه زياد خطيبتي طالبه في كليه الطب

طلبت أوبر وراحت الجامعه بعد ما عملت سيرش على النت عند زياد وعرفت مكان الجامعه بالظبط 

دخلت الجامعه بغرور ووصلت مبي كليه الطب فضلت واقفه تتلفت في وشوش الطلبه لحد ما شافتها جايه واخوها جمبها لأنها عارفه شكلها من يوم المقابله 

قربت منها بغضب اعمى بص يا بتاعه انتي 

جنى بصتلها بإستغراب واتلفتت لزياده هو انا ليه حاسه اني شوفتها قبل كده

حسام وهو بيفرك جبهته بصوباعين وانا كمان بس فين بصراحه مش مجمع 

جنى حضرتك قصدك انا

رهف طبعا مهو مش ناقص الا انتوا كمان يا لمامه الشوارع تيجوا تتنططوا على اسيادكم 

جنى بصدمه افندم الكلام داه ليا 

رهف وهو فيه لمامه غيرك

جنى اه دي شكلها واحده دماغها رايحه منها يلا بينا يا ابني وسابتها ومشيت خطوتين

رهف وقفت وشدتها من دراعها مش بكلمك تطلعي مين علشان تمشي وتسبيني اسمعي كويس اوي الكلمتين دول زياد داه كان حبيبي وخطيبيي هو واخدك بس تسليه علشان يغيظني واغير عليه 

جنى بصت لحسام بصدمه 

ورهف بصلتهم بإنتصار انها قدرت تهز ثقتها في زياد وكملت بثبات ابقى روحي واساليه مين هي رهف بالنسبالك تعالي النادي واسألي كل الناس اللي هناك وانتي هاتعرفي انه كان بيتمنالي الرضا ارضى ووقتها هاتعرفي انك بالنسبه ليه مش أكتر من مسكن لزعله مني وفي الوقت نفسه اغير وارجعله احسلك انسحبي بكرامتك قبل ما هو يرميكي من حياته ويبقى منظرك وحش اووي خصوصا اني رجعتله 

وسابتهم ومشيت وهي على وشها ابتسامه نصر شيطانيه من منظر جنى المصدومه

حسام اهدي يا جنى خلينا نخلص محاضرتنا ونتكلم

جنى بصدمه اهدا ايه انتا سمعت دي بتقولك ايه انا مش قادره اكمل خلينا نروح

حسام طيب اهدي وخلينا نساله

جنى وهي كاتمه دموعها بصعوبه انا عايزه اروح ارجوك

حسام هز راسه وركبها العربيه طول الطريق وهي بتبص من الشباك بشرود من غير ما تنطق ولا كلمه 

حسام بخوف من حالتها اللي لاول مره يشوفها فيها طيب ما يمكن تكون كذابه

جنى مظنش دي بتتكلم بثقه وهي بنفسها قالتلي روحي اسألي يعني مش بتقول كلام من فراغ وزاد نفسه كام سبق وقالي ان كان بيحب بنت بس متفقوش وكل واحد راح من طريق

حسام يعني كان صريح من البدايه وانتي على علم بالموضوع اهو

جنى اه بس انها ترجع وتيجي بكل بجاحه للجامعه وتقول اللي قالته يبقى الموضوع ليه أبعاد اكبر مما كنت متخيلاها 

حسام طيب ما تقطعي الشك باليقين واساليه مباشره 

جنى برفض لاء محتاجه افكر مع نفسي الاول

حسام طيب نقول لهارون وهو اكيد عنده بعد نظر وخبره اكتر مننا هايقدر يتصرف بالطريقه الصح

جنى برفض قاطع ممزوج بالحده بردوا لاء متكلمش حد اظن انا مش قاصر علشان حط يرسملي حياتي ولا يحللي مشاكلي انا كل اللي محتجاه وقت علشان اقدر افهم انا كبيره بما فيه الكفايه اني اقدر اعرف انا عايزه ايه واقدر انفذه من فضلك يا حسام احترم رغبتي

حسام ماشي بس نصيحه من تؤمك اللي مشاركك نص روحك اوعي تتكلمي معاه وانتي في الحاله دي علشان وقتها هاتخسري كل حاجه لان اهم حاجه في اي علاقه هي الثقه بين الطرفين 

جنى اكيد مش هاتكلم دلوقتي خالص لاني زي ما قولتلك محتاجه افكر مع نفسي وأرجوك متجبش سيره باللي حصل لأي مخلوق

حسام استسلم تحت حاله جنى 

زياد حلص شغله ورن على جنى لانه عارف جدول محضراتها استغرب انها مردتش عاد المكالمه مره واتنين وتلاته ونفس النتيجه 

زياد باستغراب في ايه رن لرابع مره والتليفون جرس ومحدش بيرد كان قرب يتجنن في ايه بالظبط رن على حسام بخوف وقلق باين من نبره صوته ازيك يا حسام عامل ايه

حسام بضيق الحمد لله خير ياةزياد مش بعاده تكلمني يعني

زياده بقلق بصراحه برن على جنى وهي مبتردش وانا قلقان عليها اوووي مش بعاده وانا عارف ان زمانها خلصت محاضرات من اكتر من نص ساعه

حسام عنيه برقت من مدي خوفه واهتمامه بأخته قرر انه يمسك العصايه من النص لحد ما يشوف رد فعل جنى الاول خد نفس طويل بص يا زياد في حاجه حصلت بس للاسف انا مش مخول اني احكيهالك بس كل اللي اقدر اقولهولك سيب جنى لما تهدأ وافقوا اتكلموا مع بعض وافهم منها

زياد بعصبيه يعني ايه انا مبحبش الكلام بالالغاز من فضلك اتكلم معايا مباشره 

حسام والله لما صاحبه الشأن تهدأ هي هاتحكيلك بنفسها لان الأفضل تسمع منها مش من حد تاني 

زياد بحده من فضلك مش وقت كلام أنشا ولا شعارات انتا مش متخيل حالتي عامله ازاي دلوقتي وانتا بتقولي ان فيه حاجه حصلت مع خطيبتي انا معرفهاش ولا اعرف حالتها ايه دلوقتي فياريت تقدر داه وارجوك تفهمني ايه اللي حصل علشان اعرف اتصرف ولو في سوء تفاهم اقدر اوضحه ولو صدر مني تصرف زعلها اقدر اتلاشاه فيما بعد ولو اني اشك لأننا لحد امبارح كنا كويسين جدا

حسام اوكي بس ياريت الكلام داه بيني وبينك راجل لراجل جنى متعرفش عنه أي حاجه خالص 

زياد اكيد من غير ما تقول وعد اني هاسمع ومش هانطق بكلمه في ايه بقى قول على طول لان اعصابي اقسم بالله مابقت متحمله

حسام في بنت جتلنا الجماعه بصراحه حاسس اني شوفتها قبل كده بس مش فاكر الصراحه فين اتخاتقت مع جنى وقالتلها انها حبيبتك وانك خطبت جنى بس علشان تغيظها وتخليها تغير وان مل اصحابكم عارفين داه وانتا نفسك متقدرش تنكر الكلام داه وكانت بتتكلم بثقه مطلقه ان الكل يعرف ايه هي علاقه زياد ورهف 

زياد وهو كازز على اسنانه رهف يا بنت ال 

حسام الله معني كلامك داه ان انتا تعرفها

زياد طبعا اعرفها ةمش لوحدي انتا كمان تعرفها عز المعرفه

حسام انا وانا اعرف الأشكال الزباله اللي زي دي منين 

زياد الزباله دي تبقى بنت عمك حته بت صايعه كانت وخداني رهان ولما اتأكدت وملت ايدها مني احرجتني قدام كل اصحابي ومعارفي في النادي واختك على علم بالموضوع داه انا راجل يا حسام مبجيش على حد واقسملك بالله انا مخطبتش جنى علشان انساها ولا كل الهبل اللي هي قالته داه خالص 

حسام وايه اللي يثبت كلامك داه علشان اصدقه 

زياد لسبب بسيط جدا أن الحوار داه مى عليه اكتر من تلت سنين قبل ما اعرفكم او اتعامل معاكم اساسا فبعقلك كده في راجل مهما ان كان عاشق ولهان كمان هاييجي بعظ تلات سنين يخطب علشان يغيظ بنت تانيه 

حسام بصراحه لاء مش مقنعه بالمره 

زياد يبقى كده انتا سألت ورديت على نفسك ولما اختك تهدأ من العك والهبل اللي سمعته خليها تكلمني وانا كفيل أوضح ليها الموقف 

حسام ماشي والله يعينك عليها لان جنى دماغها زي فرده الجزمه القديمه 

زياد متقلقش انا بحب الصراحه واظن عارف دماغ جنى كويس وعارف انا هاقنعها ازاي سلام علشان ورايا شغل

قفل معاه وزق كل اللي على المكتب بجنون 

ماهر دخل مكتب ابنه مخضوض من صوت التكسير والتخبيط لقاه منهار وعنيه حمرا زي النار

ماهر في ايه يا زياد صوتك مسمع الشركه وقالب المكتب راس على عقب في ايه يا ابني ايه اللي حصل وصلك للحاله دي 

زياد سحب سلاحه من درج المكتب انا هاقتلها واخلص منها ومن شرها 

ماهر وهو بياخد السلاح منه في ايه تقتل ايه وتهبب ايه فهمني ايه اللي حصل وانا كفيل بالموضوع واللي غلط يتحاسب انما انا مش هاسيبك ولا هاسمحلك تضيع نفسك بعد ما صدقت ان ربنا هداك فكر في مستقبلك وفيا وفي خطيبتك 

زياد بخنقه فك اول زرارين من القميص الشيطانه اللي اسمها رهف 

ماهر بإستغراب مش دي بنت المالكي بتاع المشكله بتاع النادي 

زياد هز راسه ايوه هي الحيوانه

ماهر اهدا العصبيه مبتحلش مشكله اتكلم واحده واحده وعرفني ست قرف دي عملت ايه 

زياد رجع راسه لورا وحاول ياخد نفسه اكتر من مره علشان يهدأ 

ماهر هديت شويه 

زياد ايوه 

ماهر قولي بقى عملت ايه وصلك للحاله دي 

زياد راحت لجنى الجامعه وقلت ادبها عليها ووقعت بينا وقالتها اني واخدها تسليه علشان اغيظها 

ماهر بتفكير مين اللي قالك الكلام داه 

زياد حسام اخوها اتصلت بيه لما حرقت الفون عليها رن ومردتش

ماهر يعني رد فعل جنى انها صدقت

زياد معرفش احنا متكلمناش انا عرفت من أخوها بعد ما طلع عيني انما انا وجنى متكلمناش انا خايف اخسر جنى يا بابا بسببها

ماهر بتعقل مادام متكلمتش لسه يبقى بتفكر اهدا انتا وكل حاجه ليها حل ان شاء الله سيبك من موضوع رهف داه انا كفيل بيه وخليك ورا خطيبتك لحد ما تعرفها الحقيقه وتحل سوء التفاهم اللي بينكم داه تمام

زياد هز راسه ماشي بس اقسم بالله لو اتعرضت ليا او لجنى تاني هاقتلها ولو فيها موتي

ماهر احنا قولنا ايه اهدا واللي غلط هايتحاسب خلاص سيبني انا ومش هاتسمع عنها أي حاجه تزعلك تاني خالص 

 فاق سراج من غيبوبه دامت اكتر من شهر كامل 

مهدي بلهفه حمد الله على السلامة 

سراج وهو بياخد أنفاسه بصعوبه عايز بابا وماما ضروري يا مهدي ارجوك بسرعه

مهدي بخوف طيب الدكتور يشوفك الاول

سراج ارجوك علشان خاطري

مهدي حاضر

طلع تليفونه ورن على رفعت لو سمحت سراج فاق وعايز حضرتك وطنط دريه ضروري

رفعت قفل المكالمه ولبس هو ومراته وراحوا المستشفى بسرعه 

دريه بلهفه حمد الله على السلامه يا قلبي

سراج ودا وشه بعيد عن ايديها انا عايز اعرف انتوا عايزين مني ايه تاني مكتفتوش بكل اللي جرالي بتعالجوني بفلوس حرام زي ما ربتوني بفلوس حرام خلاص مبيقتوش تقدروا تستغنوا عنها للدرجادي  

رفعت برفض مين اللي قالك كده بس الكلام داه مش حقيقي اهدا ارجوك واسمعني 

سراج بتعب وهو بينهج سمعت سمعتكم بودني سرقتوا اختكم في عز محنتها ووجعها بدل ما تطبطبوا عليها وتهنون مصيبتها 

رفعت بتبرير الحي ابقى من الميت

سراج وهي كانت ماتت علشان تورثها بالحيا او تسرقها بالحيله زي ما سبق وعملوتها زمان

دريه مكنش عندنا حل علاجك مكلف واحنا دلوقتي غير قبل كده 

سراج بإنهيار دايما مبداء الغايه تبرر الوسيله اطلعوا بره مش عايز حد منكم حرام عليكم سيبوني في حالي ابعدوا عني

الدكتور دخل اتفضلو بره من فضلكم كده مينفعش

سراج وهو بياخد نفسه بصعوبه مش مسامحكم وفقد الوعي

الدكتور طلع الكل بره وبداء يعمله الاسعافات اللازمه

مهدي ورافت واقفين منهارين 

ورفعت ودريه قاعدين مصدومين من وضع ابنهم وكلامه 

طلع الدكتور والكل اتلف حواليه بلهفه 

الدكتور للأسف دخل في غيبوبه تانيه

مهدي بإنهيار ازاي كان فاق وانتا بنفسك قولتلي ان مؤشرات جسمه بتستجيب 

الدكتور للأسف انا حذرت من الانفعال والحاله النفسيه 

مهدي طيب هو عامل ايه

الدكتور بصلهم كلهم للأسف هو دلوقتي أمره في ايدين ربنا وحده للأسف محدش هايقدر يعمله حاجه اللي قدامه بحالته دي ايام معدوده 

مهدي اترمى على الكرسي عنيه مبترمش ورفعت حس بوجع وظريه بصراخ 

رافت بصلهم بكره بره اطلعوا بره مش عايز اشوف وش حد منكم هنا بره يلا

قعد جمب ابنه وحضنه ادعيله ان الدعاء يغير الاقدار

مهدي قلبي محروق 

رافت ان شاء الله خير ربنا احن عليه مني ومنك 

مهدي بحرقه يارب يارب 

مر يومين ومهدي ورافت ملازمين سراج اللي راقد في غيبوبه مفارقهوش في لحظات أعلن جهاز القلب عن صفير متصل

دخل الدكتور ووراه طقم التمريض جري وطلعوا مهدي بعد معاناه بره

دقايق مرت على رافت ومهدي كأنها سنين والكل عينه ثابته على باب الاوضه 

طلع الدكتور وكل ملامحه اسي ميل في الارض بمنتهي الاسى انا اسف البقاء لله 

رافت اتهبد على الكرسي وحس ان رجليه عاجزه عن انها تتحمله 

مهدي مشي زي المغيب فتح الاوضه  

ووقف قدام سرير مهدي وشال الملايه اللي مغطيه وشه بإيد بترتعش ودموعه نازله زي شلال مستمر مبيوقفش ليه ليه يا سراج كل حبايبي بيروحوا ليه هافضل في الدنيا لوحدي دانا فتحت عيني لقيتك مقاسمني حياتي ليه ليه يا رفيق عمري دانتا نصي التاني اللي قاسمني حياتي في الطفوله والشباب مش كنت بتقول اننا هانكبر ونعجز مع بعض ليه سيبتني في نص الطريق لوحدي ليه يا سراج 

حضنه بحرقه وحصره

اداره المستشفى بلغت رفعت وصل بجنون وانهيار ازاي ابني مات ازي 

رافت بصله وغمض عنيه مقدرش يرد عليه

خلصت إجراءات الدفن وخدوه وصول عليه ودفنوه

مهدي مقدرش يتحمل منظر سراج وهو نازل القبر مشي زي الشارد 

وصل الشقه عند اخته وقعد وهو دموعه نازله

ميار قعدت جمبه وطبطبت على كتفه وحد الله يا مهدي ما دايم الا وجه الله 

مهدي ونعم بالله بس الفراق بيوجع اوووي عارفه انا كرهت الدنيا وكرهت البلد دي بسبب الناس اللي فيها والظلم اللي ملناش يد فيه مبقاش باقي هنا غير كل وجع وقهره

ميار قصدك ايه 

مهدي انا عايز اسيب البلد واهاجر اسافر المهم اني ابعد 

ميار هانسيب بلدنا واهلنا وناسنا

مهدي وهو بيبص على صوره بتجمعه بسراج وعادل وعاصم وعما فين الاهل دول ما خلاص راحوا بقوا تحت التراب وبقيت انا وانتي لوحدنا مش هاستني لما نار الظلم تطولك انتي كمان او تطولني احنا مبقلناش غير بعض خلاص الدنيا صفيت علينا احنا الاتنين 

ميار عندك حق شوف انتا عايز تعمل ايه وانا معاك 

مهدي بداء ينقل نفسه فرع الشركه في السعوديه وخلص كل الإجراءات بسرعه رهيبه وحجز التذاكر

ميار وهي بتقفل الشنط مش هانقول لبابا وماما يا مهدي ولا هنسافر من غير ما يعرفوا

مهدي لا هانعدي عليهم قبل ما نطلع على المطار 

رافت وهو قاعد فوجئ بسراج وميار داخلين عليه قام بلهفه اخيرا حنيت على ابوك وجيت انتا واختك 

مهدي انا جاي اسلم عليك قبل ما اسافر لاني طالع المطار انا وميار التاكسي بره مستنينا

رافت بصدمه ايه هاتسيبني وتروح فين

مهدي مسافر فرع الشركه في السعوديه وسايب مصر بكل اللي فيها كفايه عليا وجع لحد كده مبقاش عندي طاقه خليني اخد اختي وننجى بروحنا كفايه اوي اللي حصل النضاف اللي كانوا في حياتنا ماتوا خليني اللحق نفسي انا واختي قبل ما مصيرنا يبقى زيهم صدقني يا بابا روح لأولاد اونكل احمد واطلب منهم السماح قبل فوات الأوان اوعى تعمل زي اونكل رفعت ولا طنط رقيه مفاقوش الا وهما خسرانين كل حاجه 

رافت بصله بإبتسامه غريبه على الموقف اللي هما فيه

مهدي بصلهم بحرقه ووجع وسحب اخته وسافر 

دلال بصراخ يعني ايه هاتسيبهم يمشوا يا رافت 

رافت اهدي يا دلال

دلال اهدا ايه وولادي ضاعوا من حضني خلاص مش هاشوفهم

رافت بإبتسامه رضا لاء ولادك نجوا من شر الظلم صدقيني هايتلم شملنا تاني انا واثق 

دلال قصدك ايه انتا عارف ايه ومخبيه عني 

رافت متستعجليش الأمور خلاص هانت وقريب اوي هانتلم تاني ونتجمع حوالين بعض 

ابتسم وسابها في حيرتها ودخل اوضته مكتبه طلع ومعاه ملف كبير وخد عربيته وطلع على شركة هارون 

رافت لو سمحتي البشمهندس هارون موجود 

السكرتيره ايوه في ميعاد 

رافت لاء قوليله رافت المالكي عايزك ضروري 

السكرتيرة بإحترام ثواني وهارجع لحضرتك

دخلت لهارون 

هارون بصدمه بتقولي مين

السكرتيرة قالي اسمه رافت المالكي 

هارون قوليله مشغول مش فاضي

السكرتيرة طلعت بعتذر لحضرتك هو مشغول ومش فاضي خالص

رافت قوليله انا مش هامشي الا لما اقابله حتى لو بيت هنا 

السكرتيره بصتله بحيره ودخلت تاني :يا بشمهندس مصر وبيقولك مش هايمشي حتى لو اضطر انه يبات هنا

هارون ماشي دخليه لما نشوف اخرتها ايه

دخل رافت بثبات وقعد بهدوء

هارون بغضب خير مش خالتي وخالتك واتفرقت الخالات جاينلي تاني ليه

رافت بهدوء شديد حط الملف اللي في ايده قدام هارون هارون بص للملف ورجع بنظره لرافت ايه داه 

رافت بإبتسامه بسيطه حقك 

هارون كش وشه بعدم استيعاب نعم

رافت بنفس هدوئه ومشالش الابتسامه من على وشه بقولك حقك 

هارون هز راسه لاء معلش مش فاهم ممكن توضح كلامك مين بيودي على فين كده علشان افهم

رافت افتحه وانتا تفهم 

هارون فتحه واكتر من عشر دقايق بيقلب في فيه ومع كل ورقه عنيه بتبرق اكتر من الاول قفل الملف قبل ما يكمله ايه داه معلش مش فاهم انا توهت منك 

رافت دي حكايه طويله اوووي عمرها اكتر من 17 سنه واكتر كمان

هارون احب اسمعها ولازم اسمعها مادام جيت لحد هنا وبالورق داه محتاج اعرف وافهم مش هابقى زي الاطرش في الزفه

رافت خد نفس طويل بيهيأ نفسه بيه للي جاي الحكايه بدئت لما ابوك الله يرحمه مات لما عرفت انهم سرقوا كل حاجه حاولت بشتى الطرق انا وعماد ابو عادل وعاصم الله يرحمهم طليق عمتك رقيه اننا نرجعلكم حقكم بالقانون زي ما سرقوه بالقانون بس وقتها كانوا واخدين حذرهم لان عمتك كانت محاميه وعارفه اللي فيها ومتوقعه اللي عماد هايعمله فحرفيا قفلوا على امك الله يرحمها الف باب وباب وانا ضعفت وخفت اني أبلغ علشان ميتسجنوش بعدها لما خدت قرار اني أبلغ واللي يحصل يحصل كانوا طردوكم من البيت 

هارون كل الكلام داه انا عارفه وعشته لاني كنت واعي على الدنيا 

رافت كمل وقتها عمتك ومرات عمك وعمك نفسه فضلو يزنو على دماغي انا ودلال علشان محدش يبقى احسن من حد وعماد لما لاقاني استسلمت خد عياله وسافر وسابني انا في وش المدفع يومها روحت لاحمد قبره وانا ببكي زي العيل الصغير اللي حس باليتم وقتها شوفت ابوك قدامي وهو مكسور عاهدته اني هاجيب حقكم ولو على رقبتي وبأي طريقه مهما ان كانت يومها نفضت تراب الكسره ورجعت وقلتلهم اني موافق علشان اضمن لو جزء من حقكم وطول السنين اللي فاتت دي انا فعلا مكنتش اعرفلكم طريق بس فضلت مكمل ارباح الشغل اول بأول كنت بشيلها لوحدها حتى محطيتهاش في البنك اللي الشركات بتتعامل معاه حطيتها في بنك تاني ومش بإسمي لاني كنت طول الوقت خايف انهم يكشفوني حطيتها في حساب ناس ثقه ثقتي فيهم متقلش عن نفسي

هارون بصله بإستغراب رافت فهم نظرته كانت بإسم مهدي ابني ومهدي عاملي توكيل ميعرفش غير انه علشان الشغل يمشي وبموجب التوكيل داه اول ما ظهرتوا انا نقلت كل حاجه بإسمك انتا وإخواتك 

على فكره الفلوس دي كانت كفيله تسد قرض البنك بس مع ذلك رفضت اني امد ايدي على اي قرش منهم لان داه حقك وعلى فكره انا من زمان وانا بحاول اني ارجع حقكم حتى من قبل ما اعرف بموت صابره الله يرحمها وعندك في الملف الورق اللي يثبت صدق كلامي 

هارون بصدمه اكبر من استيعابه وانتا جايلي ليه دلوقتي بعد فوات الاوان 

رافت لاني نويت اللحق اللي باقي من عمري واللم شمل عيلتي 

هارون مالهم عيلتك مش فاهم 

رافت بوجع ودموعه نزلت بعد موت الغاليين سراج وعاصم وعادل الدنيا فضيت في لحظه عرفت ان العمر اقصر من ان الناس تعيشه في حقد وكره وغل 

هارون بصله وهو مش عارف يحسم قراره

رافت انا هسافر وهاروح اسلم على أحمد واطمنه اني صونت الأمانه على قد ما قدرت وصدقني يا ابني انا ماسرقتكمش انا فضلت حارس امين على حقكم السنين اللي فاتت وكل اللي طلعت بيه هو الفيلا والعربيه بس انما باقي الفلوس عمري ما مديت ايدي عليها ومكنتش باخد الا مرتب زيي زي اي رئيس مجلس اداره كنت باخد مبلغ كويس يقضيني ويسترني انما الباقي سواء كان مشروعات سنويه او حتى شهريه كانت بتتحط في الحساب داه وعندك ورق بحسابات السنين اللي فاتت كلها 

هارون بصله وصوت تنفسه مسموع من المعركه اللي دايره جواه

رافت بترجي ينفع احضنك لآخر مره نفسي اشم فيك ريحه احمد الله يرحمه

هارون بصله بحيره 

وقبل ما يلف قام من كرسيه وفتح درعاته

رافت حضنه وتبت عليه 

هارون غمض عنيه يستمتع بإحساس افتقده من سنين احساس دفا العيله

رافت طلع من حضنه ومسح دموعه سامحني يا ابني لو كنت اتاخرت بس والله سنين وسنين وانا لا كليت ولا مليت من اني ادور عليكم 

هارون هز راسه مسامحك بس خليك متسافرش خلينا نتلم تاني ونبقى عيله زي زمان 

رافت بحزن ياريت كان ينفع ولادي سافروا وسابوني خليني اللحقهم بدل ما افقدهم واتحسر عليهم زي اللي راحوا انا بقيت راجل كبير وقلبي مليان وجع ومش حمل اني اتوجع عليهم هما كمان هما نفدوا من شر الظلم اللي حاوطهم هنا وسامح عيال عمك وعمتك هما مالهومش ذنب لما عرفوا الماضي سابونا من سنين ونجوا بروحهم بس شكل الكل نسي ان الحق جاي جاي 

هارون هز راسه براحه سافر ربنا معاك واكيد هاجي ازورك

رافت وقتها هتلاقي حضني مفتوح ليك

مشي رافت وهو مرتاح لاول مره من سنين 

الفصل الخامس والاربعون من هنا