رواية الهاويه الفصل الخامس بقلم جمانه السعيدي
نور...كنت مامصدكه الأمور مشت مثل مااريد فرحتي شكبرها
اتفقنا بلبدايه عقد شيخ ولمن يجهز نفسه يكون العرس
بس المشكله منيين يجهز نفسه
وهو ماعندا بس الراتب وطاير على النفقه ومصرفه
المهم لازم هسه نعقد شيخ
حددنا يوم المهر الجمعه الساعه ٣ العصر
احنا من عاداتنا ابو العروس يعزم كم واحد من الأقارب الجوارين على حفلة المهر
حتى موضوع الخطبه يكون بي إشهار كدام الاهل والاقارب
والكل يعرف هاي البنيه انخطبت
للعصر بيتنا انترس ناس والكل منتضر المشيه
صارت الساعه ٣ وماكو المشيه
صارت الساعه بلاربعه وهم ماكوووو
اني دخت مدري شصار بيه معقوله مايجي وابوي يتفشل كدام هاي الناس كله
صعدت الغرفتي اتصلت علي
نور....يمعود وينك بيتنا انترس ناس
راسا كام يبجي
نور... شكووو احجي
خالد....محد يقبل يجي وياي شلون
نور كمت كلني ارجف لا مومعقول فدوه خالد ابوس ايدك شلون ابوي راح يتفشل كدام الناس
فدوه لا تسوي ببنا هيج لازم تجي المشيه
راسا سد التليفون بوجهي اتصل يطلع مغلق
لا ياربي مستحيل معقوله شراح نكول للناس هاي
نزلت امشي واتخربط مامسيطره على نفسي
جمانه السعيدي
صارت الساعه بلخمسه وهو بعدا مجاي
شفت الناس كامت تطلع من بيتنا وابوي وجه صار اسود من الخجل
بقو كم واحد كاعدين
بعد ماكدرت اسيطر على نفسي مااعرف شصار بيه راسا وكعت من طولي
اجمعو اخواني وامي عليه وهمه يحاولون يرجعوني الوعي
شويه وكعدت بس مااكدر احجي
اكو غصه بكلبي مجاي اكدر اتحمل الموقف
امي وخواتي شبيج
نور...لا مابيه شي يمكن من التعب طبعا الكلمه كوه تطلع من حلكي
الساعه بلخمسه ونص اجا الشفيه وجايب وياا كم واحد من اصدقائه
كعد يطلع أعذار ويتحجج كدام ابوي
بعدين اعتذر من ابوي وباس راسه
ابوي كلبه طيب قدر الموقف وقبل اعتذاره أتفهم ضروفه
اجا اخوي كال حضري نفسج للعقد
طبعا الاتفاق نعقد وبعدين نبدي نجهز كلشي حتى الذهب بعدين
كعدت وبدا الشيخ يعقد بس ابد مامرتاحه كلبي عبالك واحد ويعصر بي ضجت بشكل مو طبيعي
اكثر يوم كنت منتضرته صار ٣ سنوات
صار اتعس يوم بحياتي
جمانه السعيدي
كملت واهلي باركولي
بعدين عقد الخالد
من خلص العقد كعدو شويه وطلعو كلهم حتى خالد وياهم
بعد ماكو ذهب ليش يبقى
هما طلعو واني تخبلت ضجت لان خليت اهلي وخاصة ابوي بهيج موقف صعب
قفلت تليفوني بليلته مااريد احجي وياا على هذا الموقف الخايس
ثاني يوم كعدت من النوم كتلهم مااريده
اني هذا الولد مااريده هسه تتصلون بي وتكللوله
كلشي انتهى اني مااريد ازوج خلاص
حاولو اهلي يقنعوني بس اني قفلت مااريده بعد
اتصل علي اخوي وكاله نور تريد تفسخ تكول مااريد ازوج بطلت
وهو تخبل شنو بطلت احنا نلعب ماكو هيج حجي
اني هسه جايكم
جاب جماعه واجا يفتهم شنو الموضوع متوقع اهلي غيرو رائيهم
مايعرف اني الي ضجت منه ومن موقفه وياي
بدا يعتذر ويبررر
خالد...شنو الموضوع
بابا...البنيه غيرت رائيه تكول مااريد ازوج
خالد...اذا على التأخير البارحه ضرف وصار غصبا عليه
يعني شي فوك طاقتي واني اعتذرت
اتصير هيج مواقف
اني مشتريه واعتبرك اهلي اني ماعندي اهل
لا تدخلون عني بهلسهوله اني مستعد الاي اعتذار تردوو
خل تجي البنيه اعتذر منه
خليه تفكر براحتها واني ماعندي مانع انتضرها العمر كله
ماطلع من البيت اله وهو مقنع ابوي واخواني بموقفه
بقه بتصل عليه واني ماارد
ويمكن دزلي الف مسج
الحد ماقررت ارد علي
نور...شتريد اني بطلت مااريد ازوج
خالد...شنو بطلتي احنا جهال جاي نلعب
نور...ماتكول النفسك هي هاي دكه تسويه بينا
خالد...مو كتلج محد يقبل يجي وياي كلهم يعرفون ابوي
ويستحون منه
قابل اني مااكيف اجيب العالم كله قابل اني شراح اخسر
نور...ولو موقف ابد مااكدر اتخطى
خالد...سماح هلمره موزين كدرت ادبر ذوله واجيبهم
ولله اني جنت بساعته بحاله بس الله بعلم بيه
والنوب انتي تردين تلغين كلشي
جمانه السعيدي
نور...اني اغمى عليه بساعته من الفشله
خالد...حبيبتي لا تصيرين انتي والزمن عليه موقف صار غصبا عني والحمد لله عدا على خير
المهم بقا يلح عليه لمن تصالحنا
اني اعترف اني كلش ضعيفه كدامه
متعلقه بي بشكل مو معقول
طولت فترت الخطوبه سنه كامله وهو كلشي مامقدملي
كلما اكله يله حضر نفسك حتى نزوج
يكول ماعندي بعدين
هاي كلمة بعدين سمعته اكثر من خمسين مره
الحد مابزعت كلش اني ماعولت انخطب حتى اطلع من هذا البيت واخلص من تحكمات امي
وهو ماعندا يجهز اي شي العرسنا
نور...انت شمنتضر اريد اعرف
خالد...ماعندي فلوس منيبن اجهزج
نور...اني اساعدك لا تخاف بس انت تعال
خالد... اني مااكدر اجهز اي شي بس اشتري حلقه
نور...انت تعال وكول خل تجي نور حتى نشتري الذهب وبعد مالك علاقه الباقي عليه عوفه
خالد....تمام
هاي كانت أول غلطه غلطته بحياتي
هاي الغلطه جرتني للهاويه وصرت اقدم كلشي عندي بدون اي مقابل وخالد ماكان يعتبر هاي مساعده مني
كان يعتبر تنازلاتي عن حقوقي هذا واجب عليه
يعتبر نفسه يستاهل اتنازل عن كلشي يخصني اله بدون اي مقابل
جمانه السعيدي
ثاني يوم اجا حسب الاتفاق الي بينا وكال اريد اشتري النيشان واريد نور تروح وياي حتى نشتري الذهب على ذوقه
ثاني يوم طلعنا اني وياا وامي
اني مشريه ذهب من راتبي وضامته حتى اهلي مايدرون بي
عندي ٣ كلايد وبتوت وتراجي ومحابس
قبل الراتب قوي والذهب رخيص بوقته
المهم اخذتهن بجنطتي وياي
بقيت اتحجج كل محل ندخل اكو كلشي ماعجبني
الحد ماامي تعبت من المشي والتفرفر
وكالت اني تعبت انتظركم هنا
عفناها ورحنا اني ويااا طلعت الذهب واشتريت علبه ذهب جبيره طلعت الذهب رتبته بيه
واشتريت عبايه بسبعين الف من هاي الزينات
رجعنا الامي
امي...هاا اشتريتي
نور...اي اشتريت
امي من شافت كمية الذهب انصدمت
امي...يااا هاي شكد مشتريه
نور...هو اشترالي
حسيت امي بهاي اللحظه جاي تحسدني
رجعنا للبيت وامي بس تسولف بكمية الذهب
ابوي...ليش بابا خطيه يتيم ليش هلكد تكلفي
نور...هو الي اشترالي
جمانه السعيدي
لو سامعين كلام امي بذيج اللحظه
امي...اي محضوضه اخذت واحد يخبل وموضف والنوب اشتراله كومه ذهب وراح يسكنه وحدها
اي ولله ينويره وكعد حضج يمسعده
حقه ماتعرف الحقيقه
ماتعرف اني وكعت نفسي بااكبر حفره وبعد مااكدر اطلع منه ابد
بعدها رجعت كتله يله شمنتضر
خالد...منيبن اجيبلج
نور...شوف بيت واني ادفع الايجار ( بدت التنازلات وحده اجر وحده)
بدا يدور بيت منا لمن لكه بيت مناسب
خالد...لكيت بيت تجين تشوفينه
نور...اي تعال اروح وياك اشوفه
رحت شفت البيت عجبني اتفقنا على الايجار وياا صاحب البيت ودفعتله ايجار ٣ اشهر ليكدام
رجعت الاهلي كتلهم خالد أجرلنا بيت ودفع مقدم ٣ اشهر ايجار ليكدام
مايعرفون بمصيبتي وبيش ورطة نفسي
بعدها اتصل عليه وكال اكو مجمع يمنا يبيع اثاث وشغلات منزليه بلقسط تعاي اشتري شغلات البيتنا
وادفعيلهم قسط من راتبج
مو كتلكم بدت التنازلات ومراح تخلص ابد
اعرف اني غلطانه بس الحب عمه عيوني
وكنت مستعده اقدم اي شي بس اكون وياا خالد بمكان واحد
ماكنت مقدره هو جاي يستغلني
ابد لا تعيدون غلطتي نصيحه الكم
للحكايه بقيه رجاء لا تحجون على نور ولله العضيم من دزت القصه تكتب وتبجي
مسكينه نضلمت بهذا الحب هووواي
شكرا لزيارتكم عالم روايات سكيرهوم
