رواية دار الايتام الجزء الثالث (اللقاء المنتظر) الفصل الخامس
شعور صعب عندما تتعلق بشخص منذ الصغر تكبروا سوياً و تعيشوا
لحظات الفرح و الحزن معاً وتكتفي به عن العالم أجمع وفجأه
تأتي ساعه الفراق ليس فراق الموت أو الخصومه لكن فراق الغربه وهذا النوع من الفراق هو الأصعب فجأه تكتشف ان الشخص الاقرب إلي قلبك من الصعب ان تراه كما كنت تراه من قبل في اي وقت لا تستطيع ان تتكلم معه في اي وقت ولا حتي تستطيع ان تلمسه و تأخذه بين أحضانك تركك وحيداً و فرقكم القدر إلي وقت غير معلوم وفجأه
تشعر ان العالم اصبح كبير من حولك..
..............
فضلت روكا باصه علي القهوه و سرحانه و بتحاول تسيطر علي دموعها وبدأت تكلم نفسها.😔💔
روكا...أيه يا روكا معقول تكوني مستكتره كريم وتيم علي ريم وسما. نسيتي ان دول صحابك
و بيحبوكي و بيتمنولك الخير
لسه رزقك في الدنيا من الامومه مجاش وقته مستعجله علي ايه.
روكا...بحزن بس انا عمري ما إتمنيت حاجه مش بتاعتي عمري ما إستكترت حاجه علي صحابي
ولا عمري إتمنيت لأي واحده فيهم غير كل حاجه حلوه وبحب ولادهم كأنهم ولادي بالظبط بس غصب عني نفسي أجرب الاحساس ده اوي نفسي اكون ام هو انا مستاهلش اعيش حياه طبيعيه.
روكا....طيب ليه اضايقتي لما شوفتي كريم نايم في حضن عامر وليه اتمنيتي للحظه ان كريم يكون ابنك انتي مش ابن ريم.
روكا...بس انا مضايقتش ان كريم نايم في حضن عامر بس صعب عليا عامر حسيت ان هو كمان زيي في لحظه شوفت في عينه وجع وحزن في لحظه شوفت في عينه انه بيتمني كريم يكون ابنه
حنيته عليه وسكوت كريم معاه خلاني اتمنيت أشوفه اب اكتر ما أتمنيت اشوف نفسي ام.
ولأول مره أحس اني محتاجه اكون ام احساس محستهوش قبل كده حتي مع مازن وعمره ما جه علي بالي ان يبقي عندي ولاد من مازن قد ما أتمنيت اكون أم وعندي ولاد من عامر لحد امته هفضل أحس ان اللي بيحصل معايا ده ذنب غلطه عملتها زمان
انا غلطت وعرفت غلطتي وندمت
بابي ومامي سامحوني والحياه رجعت طبيعيه ليه بيحصل فيا كده ليه حملي متأخر.
قفلت روكا النار وفضت القهوه وولعت سيجاره وهي شارده تماماً
روكا....هفضل لحد امته أتحاسب
علي غلطتي يارب ..انا اتغيرت
وحياتي كلها اتغيرت هتفضل مش راضي عني لحد أمته يارب هتسامحني أمته بس..
وفجأه حست روكا بعامر بيحضنها من ضهرها.
بصت عليه بهدوء و حاولت تبتسم وتبان طبيعيه لكن هو حاسس بوجعها.
عامر...القمر بيعمل أيه لوحده.
روكا...بحب ولا حاجه سرحت شويه وقولت اشرب سيجاره وأجيلكم انت ايه اللي جابك.
عامر...يعني قلبي مش معايا اقعد ازاي من غيره.😉
ابتسمت روكا رغم حزنها عايز تقول اني وحشتك مثلاً؟
عامر...ليه وهو انتي عندك شك انك مش بتوحشيني حتي وانتي جمبي.
روكا...قربت طرف مناخيرها من خده بكاش اوي.❣️
عامر....انا ده انا غلبان.
روكا...اممم اوي.. كريم صحي
عامر...لا نايم اديته لريم وجيت اشوفك اتأخرتي ليه وبعدين العيال اللي بره دول رخمين سبتهم وجيت اقعد معاكي.
روكا...بحب أعملك قهوه؟
خد منها عامر الفنجان بتاعها لأ مش عايز وقرب الفنجان شرب منه.
روكا....بأبتسامه ولما انت مش عايز بتشرب من بتاعتي ليه😒
عامر....خد منها السيجاره وشرب منها نفس طويل وبصلها بحب رخامه😉
روكا...و السيجاره كمان رخامه🤨
عامر...اه عندك أعتراض🤨
روكا...بحب مقدرش بس هات القهوه عشان دماغي مصدعه متبقاش رخم.
عامر....لأ مش هدهالك انتي شربتي كتير اوي انهارده و شربتي سجاير بدينك يا روكا انا سبتك تقومي تعملي عشان اجي أخدها منك وبصراحه عشان سبب تاني
روكا....ايه هو؟
عامر...وحشتيني❣️ وحسيت اني وحشتك ولا ايه🤨🤨
روكا...أبتسمت روكا بحزن وغصب عنها لفت ايدها علي وسطه و دخلت جوه حضنه وهي بتتنهد كانت حاسه انها محتجاه و محتاجه حضنه محتاجه انها تطمن وتحس انه مش مضايق زي ما حست محتاجه انه يطبطب عليها في اكتر لحظه كانت موجوعه فيها و كالعاده كل مره تحس روكا بالضعف تلاقي عامر قدامها وكأنه سمع نداء قلبها ليه.
اتنهد عامر بوجع ولف دراعه علي رقبتها ضمها ليه اكتر و باسها من راسها كان حاسس بوجعها لكن مرضيش يتكلم معاها في اي حاجه ولا حتي يسألها مالك عيونها كانت فضحاها وجع قلبها كان بيتكلم من غير صوت كان عارف كل اللي بيدور جواها وعارف انها محتجاه فضلوا علي وضعهم هي في حضنه ساكته وهو حاضنها بأيده و بيشرب السيجاره وعقله شارد وفجأه فاقوا مره واحده😳
نوني...وانا اقول العيال دي أتأخروا ليه اتاريكم مستغفلني😒
حست روكا بصدمه وإحراج
اما عامر فضل زي ما هو وبيضحك
عامر...في ايه يا نوني حد يخض حد كده🤨
نوني...يعني هو انتوا بتتخضوا ولا بتتهدوا 😒
روكا...انا مليش دعوه هو اللي جه ورايا🙄
عامر...😳😳انتي بتبعينى ياروكا طب علي فكره بقي يا نوني هي اللي غمزتلي وهي قايمه وقالتلي بصوت واطي تعالي ورايا واول ما جيت لقتها قفشت فيا زي ما انتي شايفه كده وهاتك يا بوس😉😉
روكا...😳😳كداب والله يا نوني
وفضلت تضحك والله ابداً هو اللي جه ورايا.🙈
عامر...تنكري انك انتي اللي جيتي في حضني وانا قاعد مؤدب 🙄
روكا...بضحك نوني صدقيني ده كداب وقليل الادب.
نوني...يعني هي اول مره أقفشكم انتوا مسجلين اداب إذا كنت انت ولا صاحبك.
عامر...بضحك مين فيهم😂
نوني...كلكم مبتستروش ياما اتقفشتوا مني علي طول بعلم عليكم كذا مره اقفش يوسف وريم في الجنينه و انت وهي تخصص مطبخ و جناين
روكا...بضحك منك لله يا عامر
نوني....وبدر وسيلا يشهد عليهم كل ركن في الڤيلا ده حتي العاقل و العاقله قفشتهم
عامر...بضحك مهاب وسما😂😂
روكا...بضحك احيه احنا أتجرسنا
نوني....كسفنى كده علي طول يلا أعيش و أقفشكم وأعلم عليكم😂
عامر...بضحك المفتش كرومبو
نوني...بضحك كرومبو في عينك
روكا...بضحك انا بقول نمشي احسن.. نوني حبيبتي انتي مشوفتيش حاجه ماشي انا حبيبتك يا نوني والله هو اللي جه ورايا😭.
نوني....وانتي ماصدقتي يا اختي عموما متقلقيش سرك في بير.
عامر...بضحك ده باماره التسييح اللي لسه مسيحاه للعيال بقولك ايه ياروكا متحاوليش مع نوني احنا أتفضحنا خلاص.
دخل في الوقت ده الشباب مع بعض.
بدر...ايه يا نوني قولتي هروح اشوفهم قعدتي معاهم بتعملوا ايه كل ده؟
نوني...هكون بعمل ايه كنت بقفشهم متلبسين😒
يوسف...بضحك اوبااااااا😂
بدر...قفشتك الله يفضحك😂
عامر...بقي كده يانوني يخربيت اللي يستأمنك علي سر.
بصوا البنات علي روكا وهما ميتين من الضحك.
روكا....لا بقولكم ايه متبصوليش كده انا مليش دعوه والله هو اللي جه ورايا وبعدين يا اختي انتي وهي مالكم مبسوطين كده ليه ما هي لسه فضحاكم انتوا كمان وقالت انها معلمه عليكم وقفشاكم.
ريم....ايه😳 محصلش🙄
نوني....الجنينه تشهد عليكم😒
سما...بضحك انا بقول نمشي احسن.
مهاب...بضحك هاتي الواد ويلا بينا هنتجرس😂😂😂
عامر...ما انتوا أتجرستوا ياعاقل انت والعاقله.😂😂
مهاب....بقي كده يا نوني فتانه اوي😂
بدر...بضحك هي اللي فتانه ولا انتوا اللي مفضوحين 😂😂
نوني...مابلاش انت ما انا لسه قفشاك وانت بتديها العلاج ولا نسيت😒
حطت سيلا ايدها علي وشها🙈
بدر...طيب يا شباب انا بقول تمشوا بقي الوقت اتأخر وده معاد نوم نوني هي لما بتبقي عايزه تنام بتقول كلام مش تمام😂
ضحكوا كلهم علي نوني
وبعد وقت بسيط مشي الجميع بعد ما قضوا يوم جميل كله ضحك و هزار مع بعض ❣️❣️
................
اما في اسكندريه عروس البحر المتوسط.
كان دياب و لمار بيسلموا علي كارمن وأنس قبل ما يسافروا.
لمار...هتفضلي عامله كده يا كوكي.🥺
انس...كارمن عامله كده من اول ما عرفت انك هتسافري. لما عرفت ان دياب اتنقل للقاهره قولتلها
كانت عاديه جداً بس اول ما عرفت انك هتسافري معاه عينك ما تشوف إلا النور فتحتها مناحه.
دياب...ايه يا كارمن🤨
كارمن...بأبتسامه حزينه ايه يا دياب.
دياب...ماتروقي كده وبعدين هو احنا مهاجرين بره البلد ولا ايه دي كلها ساعتين و تبقوا عندنا او احنا عندكم وبعدين كل ويك إند ليكم
هتيجوا عندنا واحنا بردوا نجيلكم
متنسيش ان اهلنا وحياتنا كلها هنا.
كارمن....بابتسامه بسيطه ان شاء الله يا دياب.
لمار...بحزن فكي بقي عشان خاطري متفضليش عامله كده.
كارمن...بحزن أتجمعت الدموع في عينها و بصت للمار هتوحشيني اوي وانهارت من العياط
لمار...بدموع بلاش كده عشان خاطري انا حامله هم اليوم ده من وقت ما عرفت.
انس...بحزن في ايه يا كارمن بس صلي عالنبى كده ياحبيبي وبعدين انتي عيزاها تسافر وهي مضايقه عشانك ولا ايه.
كارمن....غصب عني يا أنس اول مره نبعد عن بعض لمار مش بس صحبتي ولا اختي لو في رابط اقوي من كده يوصف حبها في قلبي يبقي هو يمكن ماما واخواتي موجودين بس بجد انا مليش غيرها حياتي من غير لمار متنفعش.
مسكت لمار ايدها بحب وهي دموعها نازله.
انس...الله الله 🤨وانا روحت فين يا ست كوكي هي بقت كده.
دياب...بأبتسامه شكلك وحش اوي .
كارمن....مقصدش طبعا يا انس بس انت اكيد فاهمني وعارف علاقتي بلمار انا عمري ما افترقت انا ولمار في حياتنا طول عمرنا من صغرنا مع بعض حتي دراستنا كانت واحده مبعدتش عنها غير وقت الحادثه ووقتها بس انا كنت ضايعه وحياتي كانت مجرد يوم بيعدي وخلاص لكن روحي كانت معاها ولما عرفت انها عايشه حسيت ان روحي ردتلي ووقت ما الكابوس ده انتهي كنت حاسه اني ماسكه حته من السما مش عارفه خالص اتأقلم مع فكره ان هي تبقي في محافظه وانا في محافظه حتي لو المسافه مش بعيده زي ما دياب بيقول بس صعب عليا صدقوني لما كنت ازهق كنت بروح عندها طول ما انس كان عنده شغل مكناش بنسيب بعض كانت مهونه عليا كل حاجه حتي لينا متعلقه بي زين
جداً كنتوا مهونين علينا كتير اوي.
لمار...غصب عني يا كارمن صدقيني اول ما دياب قاللي اتصدمت انا معنديش مشكله في المكان بس اول حد جه في بالي انتي ولينا يا كارمن عشان انا كمان مقدرش ابعد عنكم صدقيني
عالاقل يا كوكي انتي هنا معاكي طنط مني وأخواتك چني وريتال
وماما وبابا وكمان اهل انس يعني انتي مش لوحدك لكن انا راحه القاهره وانا معرفش حد فيها غير دياب وزين وبس دياب طول الوقت هيكون في شغله وانا مش معايا غير زين.
دياب...فعلا يا كارمن دي اكتر حاجه بجد مضيقاني لانهم ميعرفوش اي حد هناك ولا يعرفوا اي مكان وغصب عني هكون في شغلي يعني من الاخر انا معتمد عليكي في الحته دي مش عايزك تسيبيها وطول الوقت تكلميها وتسليها وتفضلوا مع بعض عالنت
عشان ابقي مطمن.
انس...اهو ياستي عايزك حارس شخصي لمراته كمان🤨
دياب...عاجبكم ولا لا😒
انس...يا باشا واحنا قولنا حاجه
لمار...بحزن صدقيني يا كوكي كل اجازه لدياب هو وعدني ننزل اسكندريه علي طول وفي اجازة انس هستناكي تيجي
كارمن....ان شاء الله اكيد يا لمار هجيلك ده انا ما هصدق وهعد الايام اللي انس يكون فيها اجازه
دياب....ان شاء الله بص دياب للمار طب ايه مش يلا بقي زين بينام علي نفسه والوقت اتأخر
لمار...ماشي يلا.
كارمن....طيب خليكوا شويه.
لمار....احنا محضرناش الشنط لحد الوقت والله يا كوكي يادوب نروح ننام شويه و اصحي بدري اشوف ايه اللي هنحتاجه واظبط الشنط
كارمن...انتوا مش هتمشوا بكره بليل.
لمار...لا هنمشي بعد العصر علي طول عشان نمشي في النور.
كارمن...طيب مش تعب عليكي انتي و زين سفر الطريق ده.
دياب...قوليلها انا قولتلها والله احجزلها طيران وتيجي بعدي هي و زين اكون انا وصلت وظبطت الدنيا بس هي قالتلي لا هنسافر معاك.
لمار....انا مش بحب سفر الطريق ده ودياب لما بيبقي لوحده بيسوق بسرعه فظيعه لكن لما اكون انا وزين معاه هيسوق براحه.
انس....تروحوا بألف سلامه ان شاء الله كان نفسي اشوفك بكره يا صاحبي قبل ما تسافر بس هكون في الشغل.
دياب...ما عشان كده جينا انهارده نسلم عليكم لان بكره مش هيبقي في وقت اصلا. وقام دياب وقف يلا بينا
انس...بحزن بان عليه اخيراً هتوحشني يا صاحبي
دياب....انت اكتر والله قرب منه دياب وحضنوا بعض اوي.
وقربت لمار من كارمن خدتها في حضنها وفضلوا يعيطوا كتير
باست لمار لينا اللي كانت نايمه.
و حضنت كارمن زين بدموع
وبعد مشاعر حزن وفراق مشيت لمار ودياب.
وأول ما الباب أتقفل أنفجرت كارمن من العياط قرب منها انس من غير اي كلام خدها في حضنه
بحزن كان حاسس بوجعها وعارف قد ايه هي مرتبطه بلمار ونفس وجعها كان وجعه اللي حاول يخفيه هو كمان اول مره يبعد عن دياب وحاسس انه مفتقده وحاسس بوجع الغربه من قبل ما حتي يسافر لكن المكتوب محدش بيقدر يهرب منه.🥺💔
....................
في ڤيلا ليل.
مشي جاسر وتمارا و مني والدت جاسر.
وزهره وادم.
طلعت سهام تنام.
ودخل ليل وعشق اوضتهم
خد ليل دش وخرج قعد علي السرير وهو معاه اللاب توب بيعمل عليه شغل مهم.
اما عشق كانت قاعده قدامه علي الكنبه بتلبس سليم بعد ما خد الحمام بتاعه.
عشق...بأبتسامه جميله قعدت تلاعب سليم وفي لحظه حست انها طفله زيه.
عشق...حبيب مامي الجميل خد الشاور بتاعه.
سليم...مممماااا.
عشق...روح مامي ايه الجمال ده وايه الريحه الحلوه دي شوفت بقي بقينا حلوين أزاي بعد الشاور
ممكن بقي اعرف كنت بتعيط ليه وانت بتاخد شاور مش احنا قولنا ان الحلوين دول مينفعش يعيطوا ابداً عشان مامي قلبها بيوجعها لما بتشوف الدموع الحلوه دي.
أبتسم سليم ومسك خصله من شعرها وهي موطيه عيله و بتقفل زراير البچامه.
عشق...اه اه كده يا سولي بتشد مامي من شعرها ايه شعري عاجبك عشان انت مش عندك شعر صح
ضحكت عشق علي ضحكت سليم الجميله.
عشق...بقولك ايه تيجي أعملك شعر ونشوف القمر وهو بشعر
قعدته عشق علي رجلها وقربت شعرها من راسه عشان يبقاله شعر.
عشق...بضحك ايه ده تصدق كده جميل ايه رأيك تحب تشوف اللوك الجديد يا سليم باشا أستني هوريك
مسكت عشق موبايلها وليل متابعهم وهو بيشتغل ومبتسم بحب وهو شايفها بتلاعب سليم.
قربت عشق الموبايل وصورته وهو في حضنها وقربتها من سليم
عشق...ايه رأيك بقي في القمر ده شوفت حلو أزاي ...عارف مين ده
سليم...امممم عاااا
عشق..ده سولي الجميل ودي بقي مامي حلوه الصوره عجبتك.
بصلها ليل وساب اللاب من ايده وراح بهدوء عليهم وقف جمبها ووطي عليها باس راسها.
رفعت عشق عينها ليه بأبتسامه خلصت شغل
ليل...لا قربت خلاص. ايه القمر ده يا سولي.
عشق...شوفت بقي بقينا حلوين أزاي يا بابي بعد الشاور
ليل....حبيب بابي حلو علي طول طالع لمامي 😉
أبتسمت عشق وبصتله انت شكلك كده عايز قهوه صح انزل أعملك
ليل...لا يا حبيبي مش عايز
عشق...امال سبت الشغل وجيت ليه
قرب ليل أيده من الموبايل وخده منها وهو مبتسم للصوره وفي لحظه كان مسحها ورجع قرب ايده ليها بالموبايل وهو مبتسم
مدت عشق ايدها تاخد الموبايل مسك ليل ايدها قربها من شفايفه
بحب باسها وبصلها وهو رافع حاجبه لو الحركه دي أتعملت تاني هقتلك مفهوم🤨
ابتسمت عشق وبصتله يعني انت سبت شغلك وجيت ترخم علينا واحنا بنلعب عشان تمسح الصوره
ليل....ايوه في مانع اياك تتصوري يا عشق بلبسك ده مره تانيه
عشق...يعني هو حد هيمسك موبايلي
ليل...مستحيل طبعا بس متتكررش مفهوم.
عشق...بحب مفهوم❣️
غمزلها ليل وسابها وراح يكمل شغل
فضلت عشق بصاله بحب خدت سليم في حضنها عشان ينام وفضلت زي ما هي مركزه مع ليل
وغيرته عليها❣️
دقايق بسيطه وراح سليم في النوم قامت بهدوء حطته في السرير بتاعه وطلعت علي السرير
عشق....مش هتنام بقي انت بقالك كتير بتشتغل
ليل....لسه قدامي شويه يا حبيبي
في شغل كتير اوي متعطل وكنت بأجل فيه بس لازم اخلص حجات كتير قبل ما نروح بكره الشركه.
عشق...ماشي يا حبيبي.
ليل...بقولك ايه انا هقوم انزل في المكتب تحت وانتي نامي عشان مقلقكيش
عشق...لا خليك انا مش قلقانه خليك جمبي عشان أعرف أنام.
ليل...بحب ماشي يا حبيبي
نزلت عشق نامت علي المخده
وغمضت عينها وحست فجأه بأيد ليل بتحضن كفها
فتحت عينها بهدوء وأبتسمت
ومسكت ايده جامد
أبتسم ليل وفضل ماسك ايدها وهو بيشتغل لحد ما راحت في النوم.
كمل ليل شغل حوالي ساعه وبعد ما خلص حس ان ضهره وعينه وجعوه قفل اللاب وحطه جمبه
نام عالسرير وقفل النور عشق كانت راحه في النوم سحب دراعها براحه وقرب منها دفن راسه في رقبتها وكانها أصبحت عاده أدمنها وراح في النوم❣️
..................
بعد ما وصل يوسف وريم
وبعد معاناه نام كريم اخيراً في حضن ريم وهي نامت وراحت في النوم علي كنبه بره الأوضه عشان يوسف ينام.
عدي كذا ساعه والنهار بدأ يطلع وهي لسه علي وضعها مش دريانه بالدنيا و مصدقت انه نام ونامت معاه خافت تقوم تروح بيه عالاوضه ويصحي أنتهزت الفرصه ومفرقش معاها المكان ونامت وهي قاعده.
في الوقت ده قلق يوسف وقام يدخل الحمام لقاها مش في الأوضه بص في الساعه لقاها لسه سته أستغرب وقام خرج بهدوء أتصدم لما لقاها في الكنبه اللي قدام الاوضه نايمه وباين عليها الارهاق وكريم نايم في حضنها
قرب يوسف بهدوء منها قعد جمبها.
يوسف...ريم ريم حبيبي
ريم...اممممم
يوسف...ايه اللي نيمك هنا يا قلبي
ريم....وهي مغمضه عينها وبصوت مرهق جداً. كريم نام وخوفت اقوم احسن يصحي.
يوسف....تقومي تنامي هنا يا ريم وبالشكل ده انتي قاعده ياحبيبتي كده رقبتك وضهرك هيتعبوكي.
فتحت عينها براحه..وطي صوتك عشان خاطري احسن يصحي.
يوسف...طيب قومي معايا يلا عشان ترتاحي
ريم....هيصحي خليني هنا.
يوسف...ريم متعصبنيش ده مش حل.
ريم...بدموع والله هيصحي وانا لو صحي مش هعرف انام انا مصدقت انه نام.
قرب يوسف ايده من خدها مسحلها دموعها وقرب راسها علي صدره.. احنا من اول ما رجعنا وانتي هنا بره قولتي هتنيميه وتدخلي بقالك اربع ساعات بره بالشكل ده اللي بيحصل ده مش صح يا ريم.
ريم....بدموع اعمل ايه طيب هو بأيدي.
يوسف...قولتلك ميت مره نجيب شغاله تشيل عنك شغل الڤيلا عالاقل عشان اي وقت ينام ترتاحي معاه قولتي لأ مش عايزه شغاله قولتلك نجيب بيبي سيتر تهتم بيه ويبقي معاها وترجعي تفوقي لنفسك وتنزلي شغلك اللي من ساعت ما ولدتي وانتي سيباه وانا عارف انك مضايقه ومكتئبه لأنك مش واخده علي القاعده قولتي لا بيبي سيتر لأ واخاف تعامله وحش زي ما بنشوف الڤديوهات اللي بتتعرض
عالنت قوليلي اعمل ايه بقي انا عايز أريحك وانتي مش حابه
ريم....مقدرش يا يوسف اسيبه مع بيبي سيتر انا مش ضامنه تعامله أزاي و بعدين محدش هيستحمل كريم اصلا.
يوسف...ريم بطلي هبل ده شغلها دي مربيه وعارفه أزاي تتعامل مع الاطفال وقصاد شغلها ده هتاخد اللي هتطلبه وهزودها كمان ياستي عشان نبقي متطمنين وهركب كاميرات وهنشوف تصرفاتها يعني متقلقيش ومش هنجيب اي حد وخلاص بس لازم يا ريم مربيه اللي بيحصل ده مش هينفع انتي مش شايفه شكلك بقي عامل ازاي انتي خسيتي جداً وديما تعبانه و مرهقه كل حاجه فيكي اتغيرت فين ريم البنوته المجنونه اللي كان كلها طاقه ونشاط كل ده راح
انا مش عايز اشوفك بالشكل ده ابداً و لو كريم يهمني قيراط انتي تهميني اربعه وعشرين أعملي حسابك خلال يومين هكون جبتلك شغاله وهجيب البيبي سيتر ومش عايز أي أعتراض وبعدها تروحي لدكتور تظبطي كل اللي حصل فيكي ده واول حاجه هنعملها هتعملي تحاليل عشان
انا واثق ان الانيميا بايظه لا بتاكلي عدل ولا بتنامي وشك علي طول اصفر انا مش هستني لما يجرالك حاجه.
ريم...بحزن حاضر يا يوسف ادخل بقي يلا نام عشان شغلك
يوسف...مش هدخل غير معاكي لا اما هفضل جمبك وبعدين الجو هنا حر جداً
ريم...هيصحي يا يوسف🥺🥺
يوسف...لو صحي انا هاخده واقعد بيه تحت ملكيش دعوه يلا قومي براحه وهيفضل نايم ان شاء الله.
هزت ريم راسها بضعف وقامت براحه وهي لسه حضناه
دخل يوسف قبلها شال البطانيه و ظبطلها السرير
قربت ريم براحه من السرير ونزلت وهي حاضنه كريم نامت بهدوء
واول ما لمست السرير فردت جسمها صدر منها صوت تعب وإرهاق .
قرب منها يوسف غطاها هي وكريم و باسها من راسها وفي اقل من ثانيه كانت راحت في النوم
دخل يوسف الحمام وثواني وخرج نام بهدوء جمبهم.
................
في صباح يوم جديد
وصل مربع الرعب علي مجموعه السيوفي.
دخل ليل ووراه جاسر ونوح وادم
وكل واحد داخل بنصه التاني علي الشركه.
بخطوات واثقه وكأن مفيش اي حاجه حصلت.
بمجرد ما وصل ليل كان الموظفين كلهم موجودين وباين عليهم الارتباك والتوتر من بعد اللي حصل.
وقف ليل في وسط الشركه وإلتف حواليه الموظفين عرفوا ان ليل محتاج يقولهم كلمتين.
ليل...صباح الخير طبعا انا مش هعطلكم لان احنا اليومين اللي فاتوا أتعطلنا بما فيه الكفايه
وفي شغل كتير متعطل وانتوا عارفين ان ساعه واحده بس بتعطل شغلنا بتكلفنا كتير عشان كده عايز اقول كلمتين طبعا انا عارف ان اللي حصل في الشركه
قالقكم وموتركم وعارف ان في ناس فيكم اكيد خايفه بس اللي حصل ده غلطه مستحيل تتكرر تحت اي ظرف.. اللي عمل كده هيتحاسب ومش حساب بسيط او سهل انتوا عارفين ليل السيوفي رحيم لكن عمره ما كان رحيم مع اللي يدوسله علي طرف وانا متداسليش علي طرف انا اتحط في مكتبي قنبله اللي عمل كده هيتجاب و هيتعرف مش عايز حد يشيل هم مش عايز اشوف نظره الخوف والقلق والتوتر في عيونكم
موظفين السيوفي مش اي موظفين انتوا وقع عليكم الاختيار بعد اختبارات كتيره اوي يعني انا واثق فيكم وعارف انكم قدها
اتمني كل واحد فيكم يرجع لشغله وتشوفوا شغلكم كأن شئ لم يكن
اتفضلوا علي مكاتبكم.
ابتسم الموظفين وكأن ليل ردلهم ثقتهم في نفسهم وقدر يطمنهم.
.......
طلع ليل والشباب كلهم وراه علي الدور اللي فيه مكاتبهم.
ليل...تعالوا ورايا قبل ما تروحوا مكاتبكم.
بصوا كلهم لبعض حاسين ان ليل متعصب.
فتح ليل الباب دخلت عشق الاول وهو وراها.
ودخل باقي الشباب وراه.
قعد ليل علي المكتب وقعدوا كلهم حواليه.
جاسر...خير ياليل.
ليل....بعمليه شديده اول مره تحصل من بدايه ما الشركه دي وقفت علي رجلها ان شغل يتأجل او يتلغبط او يتأخر...التأخير والتأجيل ممكن أعديهم مع انكم عارفين انها مش في قاموسي ابداً بس اللغبطه واني اودي شغل لمصنع غير الشغل بتاعه محصلتش. اني اتأخر و المفروض في شغل يتسلم امبارح واول امبارح والشغل متعطل ودي غلطه مش سهله مش هقول مين
غلطان ومين مش غلطان لان انا كمان غلطان زيي زيكم.
نوح....بس كل الحكايه يا ليل يومين يعني بيتهيألي احنا مش متأخرين زي ما بتقول.
ليل... ضرب عالمكتب بعصبيه لا متأخرين يا نوح وانت عارف في الشغل مفيش حاجه اسمها متهيألي 😡
يوم الحفله كان في شغل المفروض يتسلم الصبح يعني كان قبل اللي حصل في الشركه بليل ومع ذلك لا اتسلم الشغل ولا حتي قدمنا أعتذار. امبارح بليل اتفاجئت بالايميلات ولأول مره اكدب وانا بعتذر عن الغلطه اللي حصلت وقولت ان اللي حصل في الشركه آثر علينا ولخمنا والناس تقبلت الاعتذار وتفهموا مع ان اللي حصل ده حصل متأخر يعني بعد معاد التسليم بساعات تقدر تقولي دي غلطه مين😡
ادم....دي غلطتي انا يا ليل المفروض كنت راجعت الموظفين وعرفت كل حاجه تمت ووصلوا الشغل ولا لا والمفروض كنت اتصلت بالعملاء اطمنت منهم ان الشغل وصلهم ولا لا. ومعملتش اي حاجه من كل ده أتلخمت في الحفله وكنا قبلها في الشغل معرفش ازاي نسيت ولا حتي عرفت ليه متسلمش الشغل.. بعد اللي حصل في الشركه نسيت خالص اني أكلمهم اصلا.
ليل...بملامح غاضبه غلطه متتغفرش يا أدم و أتمني متحصلش تاني.
اما بقي عن السبب في عدم تسليم الشغل الموظفين لقوا ان الطلبيه ناقصه وان اللي راجع وراهم راجع غلط.
وده حسابه معايا انا بعدين وطبعا جربوا يتصلوا بالباشا و مردتش عليهم
ورحت الحفله و مجربتش حتي تتصل بيهم وانت فالحفله عشان تتأكد كل حاجه تمام ولا لأ.
أدم....أسف ياليل.
ليل....ياريت الاسف بيصلح الغلط يا أدم عموما انا واثق ان الغلطه دي مش هتتكرر. نيجي بقي لشغل أمبارح اللي كان كارثه بكل المقاييس ووصل متأخر عن معاد تسليمه القصه بقي مش حكايه انه وصل متأخر وبس لأ ده وصل لمصنع تانى اصلا لسه معاد تسليم شغله مجاش اتفاجئت بالمدير التنفيذي للفرع بيكلمني وبيقولي ان العمال اتصلوا بيه وبيقولوا ان في شغل وصلهم من مجموعه السيوفي و كمان بيشتكوا ان مفيش حد مستنيهم للإستلام ومفيش هناك غير الحرس
المدير قاللي ياباشا ازاي مضايقين احنا معندناش علم اصلا ان التسليم انهارده..أزاي محدش يبلغنا بالاستلام وازاي بعد ما كان الاستلام بعد شهر نستلم قبل المعاد بشهر.
عرفت وقتها ان في كارثه جديده
مستنياني واكيد في غلط اتأسفتلهم طبعاً
وبعد حوالي ست ساعات اطمنت وانا جاي الوقت ان العربيات وصلت مكانها الصح.
أفهم بقي دي غلطه مين يا بشوات ؟
جاسر بص لتمارا بصه فهمتها وسكتت.
جاسر....غلطتي يا ليل انا اللي أختلط عليا الامر واكيد لغبطت بين المصنعين.
ليل....بغضب 😡والله ما عارف اقول ايه عشان اي كلمه هقولها هتزعلكم و هقل منكم و ولا انت ولا هو ولا حتي نوح ينفع يتقل منكم حافظوا علي اساميكم اللي تعبتوا لحد ما قدرتوا تعملوها حافظوا علي سمعه شركتكم اللي من بدايه ما اتأسست و محصلش فيها غير اربع غلطات مره غلطه من موظف مع أبويا وبص لجاسر و غلطه من ابوك و غلطتين في يومين ورا بعض من سيادتك ومن ادم باشا. انا مش هقبل غلط من اي نوع مره تانيه تحت أي ظرف
واللي شايف نفسه تعبان مش مركز ناسي يبلغ الباقي يشيلوا عنه لكن ينسي لدرجه الغلط مش مسموح مفهووووم.😡😡
ادم....مفهوم ياليل.
جاسر...تمام يا ليل.
كان الكل ساكت لأنهم عارفين طريقه ليل في الشغل ما بيشوفش حد ويمكن البنات كانوا مصدومين لانهم اول مره يشوفوا ليل بيتكلم مع الشباب بالشكل ده
لكن جاسر وادم مزعلوش لانهم مقدرين حجم الغلط وعارفين ان ليل في الشغل بيفرق في علاقتهم.
ليل....أتفضلوا علي مكاتبكم واتمني كل الشغل يتراجع صح بص لتمار والمواعيد تتنظم اكتر من كده يا استاذه تمارا تمام.واعملوا حسابكم محدش فيكم هيمشي غير لما كل حاجه ترجع زي ما كانت
مفهووووم.
الجميع...مفهوم.
ليل..اتفضلوا علي مكاتبكم.
نوح بصوت واطي لنور اسبقيني عالمكتب.
نور...اوك.
خرجوا كلهم وفضلت عشق لان مكتبها مع ليل وفضل نوح.
ليل بغضب....واقف ليه يا نوح ما تروح علي مكتبك.
نوح...بارتباك ايوه بس انا كنت عايز
ليل...ماتنجز يا نوح في ايه؟😡
نوح....اهدي شويه ياليل انا عارف ان اللي حصل ده مصيبه بس يعني انت كنت شديد شويه علي ادم وجاسر.
ليل...نووووووح ايه هتقولي اتكلم ازاي و متكلمش ازاي احنا مش في البيت يا نوح احنا في الشغل
وانا في الشغل ما بحسسش علي حد واخر مره تدخل في حاجه متخصكش انت فاهم يلا علي مكتبك😡
نوح...بص لعشق بإحراج وبص لليل تمام يا ليل بعد أذنكم.
خرج نوح وهو باين عليه الغضب
فك ليل الكراڤت بتاعته كان حاسس انه مخنوق من كتر العصبيه بصتله عشق شويه وانسحبت بهدوء من قدامه علي مكتبها وقبل ما تروح سمعت صوت ليل.
ليل...عششششق.
غمضت عشق عينها بترقب وكملت في سرها أستر يارب شكل الحلم هيتحقق و يستفرد بيا انا و يغرقني في المكتب.🙈🙈😂
قربت عشق بهدوء رغم التوتر وشدة الاعصاب اللي حاصله.
عشق...ايوه
ليل....أمسكي الورق ده دي طلبيه شغل وصلت الصبح راجعيها.
والفايل التاني في مناقصه راجعيها كويس وشوفيها مناسبه ولا لأ.
عشق...تمام اي حاجه تاني ؟
ليل....لأ شكراً.
خدت عشق الورق وراحت علي مكتبها بهدوء من غير ما تعاتبه علي طريقته.
............
عند جاسر وتمارا.
دخل جاسر و وراه تمارا كان باين انه عادي مش مضايق من اللي حصل بس تمارا كانت خلاص هتعيط لان هي السبب في الغلطه دي وجاسر طلع نفسه هو اللي غلط.
جاسر....تمارا هاتي كل الورق اللي عندك واي شغل متأجل وتعالي ورايا.
تمارا...حاضر.
ثواني وكانت وراه بكل الورق حطتهوله علي مكتبه وفضلت واقفه.
تمارا....الورق كله قدامك.
جاسر...وهو باصص عالورق بعمليه تمام يا حبيبي يلا روحي شوفي شغلك ومتدخليش اي حد عليا الوقت خالص ولا تحوليلي مكالمات.
وقفت تمارا بحزن من غير ولا كلمه.
رفع جاسر عينه ليها ايه يا حبيبي سمعاني
تمارا...انا اسفه!🥺
جاسر...رفع حاجبه وابتسم علي ايه؟
تمارا...ليه مقولتش لليل ان دي كانت غلطتي وان انا اللي لغبطت الدنيا مش انت.
جاسر...بأبتسامه امممم قولتيلي هو ده بقي اللي مضايقك وبتتأسفي عشانه؟
تمارا....مكانش ينفع اسكت وانا شايفه ليل متعصب عليك بالشكل ده انا عارفه انه عنده حق بس انا اللي كنت أستاهل ده مش انت.
قام جاسر وقف وراح قدامها مسكها من كتفها.
جاسر...اولا انا مش زعلان من ليل عشان عارف كويس طريقته في الشغل و متعود عليها ثانيا انتي عمرك ما غلطتي في شغلك من اول ما أشتغلتى معانا في المجموعه ودي اول غلطه ليكي ومستحيل كنت هتحمل اشوف ليل بيتكلم معاكي بالطريقه دي وعارف انك مكنتيش هتتحمليها
خصوصا ان الشباب كلهم كانوا موجودين فا عشان كده بصتلك عشان متتكلميش ولا تعارضيني
وكويس انك فهمتيني.
تمارا...بس هو كلمك انت بالطريقه دي وانت ملكش ذنب.
جاسر...ياستي هي دي اول مره تشوفي ليل وهو متعصب هو ليل كده في الشغل ميعرفش ابوه ولو عشق نفسها غلطت صدقيني دي هتبقي طريقته ليل حقاني اللي بيغلط مبيسميش عليه بس بره الشغل بينسي كل. حاجه وبيتكلم عادي وهتشوفي لما نخلص شغل هيتحول فكي بقي ومتزعليش وبعد كده تركزي عشان بعد كده انا اللي هفتن عليكي 🤨
ابتسمت تمارا بحب لجاسر...ربنا يخليك ليا.
جاسر...بغمزه ويخليكي ليا يا وحش الحته 😉
تمارا....هسيبك تشوف شغلك عايز تشرب حاجه.
جاسر...ياريت قهوه ياقلبي
تمارا...حاضر يا حبيبي❣️
............
عند ادم ..
زهره....حبيبي متزعلش من ليل
ادم...بأبتسامه انا عمري ما اقدر ازعل منه يا زهره ليل مش بس ابن خالتي ده اخويا وصاحبي وانا عارف انه معاه حق هو مظلمنيش حقيقي دي غلطتي انا غلطت غلطه مفيش موظف مبتدأ يغلطها وكان لازم يعمل كده
زهره...بس بجد انا يمكن شوفت ليل متعصب كتير وجد جداً بس اول مره اشوفه كده في الشغل انا كنت مرعوبه.
ادم...بابتسامه كويس انها جت علي كده.
زهره....هو في اكتر من كده.
ادم....اه في طرد في رفد يحدفني بحاجه يخصملى ارباح ده مجنون وانا عارفه.
زهره...بأبتسامه طيب الحمد لله انها جت علي عصبيه😂🙈
دخل نوح في الوقت ده وهو متعصب و بيبرطم بالكلام.
نوح...الله ينعل ابو الشغل لابو اللي عايز يشتغل لابو معرفتكم كانت معرفه سوده و هباب.😡
كتمت نور ضحكها وبصت لزهره وادم واول ما شافتهم كاتمين ضحكهم فطسوا من الضحك كلهم
نوح...😡😡انتوا بتضحكوا علي ايه؟
ادم...هو طرقعلك ولا ايه😂
نوح...طرقع بس ده عامل زي الثور الهايج في عبر سته.😡
ادم...طيب وانت مالك انت كمان هببت ايه.😂
نوح...والمصحف😫 ما هببت حاجه انا كنت بدافع عنك انت و جاسر و بعاتبه علي طريقته معاكم.
ادم...بضحك وايه اللي سحبك من لسانك وبتدافع عننا ليه يعني انت مش عارف ان اخوك بيكره المحاميين😂 احسن تستاهل انت اللي جبته لنفسك.
نور...بضحك الحمد لله اني مش شغاله معاكم بشهادتي كان زمانه معلقني علي باب الشركه😂
ادم....ايوه صح كفايه جوزك عامل فيها محامي هتبقي انتي وهو😂
نوح...منكم لله انت و جاسر الكلب
والثور اللي مش لاقي حد يلمه ده😡
فضلوا كلهم يضحكوا علي نوح وهو نازل شتيمه في ليل.🙈
............
عند دياب و لمار.
عدت الساعات بسرعه ودعوا اهلهم وركبوا العربيه بعد ما خدوا شنطهم و طلعوا علي الطريق.
لمار كانت قاعده حزينه مضايقه انها سابت والدتها ووالدها ومضايقه اكتر عشان كارمن اللي كلمتها تاني وفضلت تعيط كتير.
دياب...حبيبي مرتاحه كده ولا أرجعلك الكرسي شويه.
لمار...لا تمام كده يا حبيبي
دياب...لسه الطريق طويل ريحي شويه انتي من الصبح بتجهزي في الشنط.
لمار....صدقني مرتاحه لو حسيت اني تعبت هقولك.
دياب...طيب هتفضلي مبوزه كده
لمار...😒انا مبوزه
دياب...اه مبوزه ومش عارف اسوق من البوز بتاعك كمان قرب يخبط في الدركسيون لميه شويه من فضلك🤨
لمار...بابتسامه ألمه أزاي؟
دياب...بابتسامه لا مش وقته احنا عالطريق دي محتاجه شرح😉
لمار...باحراج علي فكره كده عيب🙈
دياب...هو انا قولت حاجه بس. انتي اللي نيتك مش تمام🙄
لمار...ايوه صح انا مش مؤدبه.
دياب...بأبتسامه شدها ليه ولف ايده عليها وقرب راسها من صدره
دياب بحب... مش عايز اشوفك مضايقه او زعلانه ابدا
انا عارف يا لمار ان موضوع النقل ده لغبطتلك حجات كتير وعارف كمان انك مكنتيش عامله حسابه
بس غصب عني انا مقدرش أعترض انا بنفذ الاوامر وبعدين ده هيبقي أفضل عشان شركه الحراسه بصراحه من يوم ما فتحناها والشغل كله فوق كتاف بدر ومش حابب اكون بضغط عليه هو كمان عنده حياته وشغله
وزي ما قولتلك اي وقت هتحبي تروحي هوديكي كل الحكايه ساعتين زمن وهنبقي في اسكندريه.
انا عارف انك بتفكري هتعملي ايه هناك و هتتأقلمي ازاي وانتي متعرفيش اي حد بس انا هعمل كل اللي اقدر عليه عشان تكوني مبسوطه. انا متفق مع بدر ان شاء الله اننا من بكره او بعده بالكتير هنبدأ نشوف حوار الڤيلا ده عشان انتي وزين تبقوا علي راحتكم و هنشوف حاجه تكون قريبه منه هو اصحابه بدر ومهاب متجوزين وليه اتنين صحابه تانين واكيد هخليكي تتعرف عليهم مرات بدر لذيذه انا شوفتها مره عارف انك هتحبيها ووالدته ست جميله اوي وراقيه و عشريه يعني هيسلوكي و هيعرفوكي الاماكن اللي تقدري تروحي فيها يعني مش هيسيبوكي.
لمار...متشلش همي يا حبيبي انا اكيد هعرف اتعامل كل الحكايه اني مضايقه عشان كارمن وماما وبابا مش اكتر لكن انت عارف انا معاك في اي مكان تروحه ورجلي علي رجلك انا وزين ❣️
باسها دياب من راسها بحب.
ربنا يخليكوا ليا❣️
.........
عند يوسف في الشركه.
ساب الشغل شويه واتصل علي ريم عشان يطمن عليها ويعرف
كريم عمل فيها ايه بيزن ولا ربنا هداه.
اتصل يوسف عليها رن الموبايل
لحد ما فصل عاد الاتصال مره تانيه. لكن فصل برده و مردتش
حس يوسف بالقلق و أفتكر انها قالتله قبل ما يمشي انها لو قدرت هتعدي علي روكا في الشغل
تشوف الفساتين.
مسك موبايله واتصل علي روكا.
يوسف...الووو
روكا....چووو عاش من شاف رقمك يا سي چو.
يوسف...بابتسامه ايوه خدينى بالصوت بقي علي اساس انك بتسألى اوي.
روكا....طب والله ابداً ديما ظالمنى كده وبعدين هو انا مش شيفاكم امبارح 😒
يوسف....ياساتر ماشي يا ستي عموما مش هعطلك.
روكا...خير
يوسف...ريم جاتلك ؟
روكا....بأستغراب لا خالص انا في الشركه من بدري ماجتش والله
يوسف...طيب كلمتك قالتلك انها جايه اصلها الصبح قالتلي انها احتمال تجيلك عشان تشوف فستان تحضر بيه العرض بتاعك.
روكا...لا والله ما جات ولا حتي قالتلي انها جايه ولا سمعت صوتها انهارده.
يوسف....انتي هتقلقيني ليه بس انا بكلمها ومش بترد لا عالبيت ولا عالموبايل.
روكا...طيب يمكن جيالى في الطريق ومش سامعه.
يوسف...والله ما عارف يا روكا بقي.
روكا....انت هتقلقنى ليه هو انا نقصاكم 😡
يوسف...بضحك يا بنتي انا جيت جمبك انا قولت اسألك والله ما عارف اعمل ايه المشكله اني كمان ربع ساعه عندي اجتماع مهم جداً مع شركه أجنبيه
ومش عارف اعمل ايه اسيب الاجتماع و اروحلها و في الاخر تطلع نايمه ومفيش حاجه ولا اروح لا يكون في مشكله.
روكا...ياخويا انت كمان يعني هو لو في مشكله هتسكت ماهي هتتصل بيك وتزن زي ابنها.😡
يوسف...ايوه يعني اعمل ايه برده.
انا بفكر اروح وخلاص.
روكا...بقولك ايه اقفل انا هقوم أروحلها الله يخربيت معرفتكم
زنان انت وهي و ابنكم مابيجيش من وراكم غير وجع القلب😒
يوسف...بضحك والله ما قاصد ازن طب بقولك ايه انا هقوم اروحلها واطمن خليكي انتي عشان شغلك.
روكا...اقعد يا اخويا عشان الاجتماع ناقصين احنا سمعتنا تسوء مع الاجانب كمان😒 امري لله هتنيل اروح انا واخده بريك شويه ومعنديش حاجه مهمه اعملها واعمل حسابك بعد المره دي مش عايزه اعرفكم وليلتكم سوده انت وهي لو روحت ولقيتها زي القرده😒
يوسف....بابتسامه ربنا يخليكي لينا يا احلي روكا بس طمنيني بالله عليكي.
روكا...ماشي يا نحنوح يلا اتكل علي الله خليني اقوم.
يوسف...يلا سلام😂
روكا....سلام.
قامت روكا خدت شنطتها وخرجت ركبت عربيتها وراحت عليها وعرفت عامر وهي في الطريق.
واتصلت علي سيلا تسألها اذا كانت ريم كلمتها انهارده ولا لأ.
سيلا...لا مكلمتنيش والله وانا كمان مكلمتهاش كان عندي شغل كتير.
روكا...طيب اقفلي عمري ما طلعت منك بمعلومه مفيده ابداً😒
سيلا...بضحك طب وانا مالي انا بتزعقيلي ليه بقولك ايه انا هجيلك انا خلصت شغل خلاص كنت هروح اشوف شاحن للاب توب عشان مش بيشحن بس هجيلك نطمن عليها الاول.
روكا...طيب يلا متتأخريش.
سيلا...هوصل قبلك 🤪
روكا....اما نشوف🤨
..........
قفلوا مع بعض وبعد وقت مش طويل وصلت روكا الاول
وفجأه🙄🙈🙈🙈
