رواية بنت الحرام الفصل الرابع بقلم جمانه السعيدي
كاعدة بالكاع دموعي تجري..مرة اصفن ممصدكة..بس من اتذكر خالو حسيب شلون جابني وشمرني بالمحل اكول يمكن حجي ضرار صحيح وارجع افرفح..وارجع اصفن واكول ممعقولة اني هالكد..منحوسه وهذا حظي من الدنيا..لا..لا ممعقوله حجي ضرار كوله صح هذا يجذب لان تفلت بوجهه..يريد يحطم نفسيتي وينتقم مني شلت راسي باوعت عليه اشوفه ممهتم لحالي ..يشوفني مفرفحة وكأنما..كافر ماكو بكلبة رحمه راح كعد كبالي ع التخم..ورث جكارة..ولا كأنما شي صار..حسيت كلبي طك كتلة:
انت..جذاب..اي انت جذاب..وهذا الحجي الي حجيته كوله جذب..اعرف ليش هيج دتسوي ويايه لان هنتك وتفلت بوجهك..تريد تكسر كلبي..وتحطم نفسيتي.و..
شفته ساكت بس يسمعني..ويدخن عادي فسكتت..هو شافني سكتت..كال:
خلصتي..لو..بعد عندج حجي..
سكتت فكال:
شوفي بالنسبه لاهانتج..وتفلتج بوجهي..راح..اخذ..حقهن منج بالف ضعف..وبالنسبة لحجيج عني..الي تكولين بي اني جذاب..هاي بسيطة هسه اثبتلج اني جذاب لو لا!..
طلع موبايلة واتصل وفتح سبيكر..وكلي:
وكلي..فتحي اذنج زين وسمعي.
وسمعته يحجي كال:
الو..
هاباباوصلتها للبيت!.
اي يابه وصلتها..بس..اني بعد ما اريدها..رجعلي 15مليون..واخذها بعد ما اريدها ابيتي!.
اسمع عمو يكوله:.
وليدي..منين اجيبلك15مليون هسه!
يابه هاي متجي للدرب..واني ما اريدها ومتسوه اصلا ادفع بيها 15مليون شلعت كلبي..
.تره..البنيه فقيرة وبعدها دفتر ابيض اخذها بالسياسه..اكيد اول مرة تجفل منك وتخاف..
يابه ما اريدها كتلك رجعلي فلوسي
منين اجيبلك بعدين وين اوديها هالمسكينه شوفة عينك محد يستقبلها ابتيته..
ليش محد يستقبلها..بعدين اني شعليه..عسى..تشمرها بالشارع..
وليدي..محد يستقبلها..انت مو تعرف. بقصتها..كولمن يكول ما الفي بت حرام ابيتي!
وليش احنا نلفيها يابه..
بابا مو احنا متفقين..بعد كل شويه نعيد ونزيد..
يابه رجعلي فلوسي واشمرها بأي شارع..ميهمني موضوعها..ليش تخليني اتصرف غير تصرف وتخسر الاول.. والتالي:
شتقصد
انت تعرف قصدي زين..يعني..امي ملفيتها بالبيت ع اساس هيه بت مرتك..الماتت ع اساس يتيمه وتكسب بيها ثواب واذا عرفت هي مو بت مرتك..وبت حرام..راح تشمرها بالشارع من الصبح واحتمال انت هم تتصرف وياك غير تصرف!!!!
على بختك وليدي..تحجي صدوك..لتحجي لامك ولتجيبلها طاري..هاي اذا عرفت بالسالفة شدو روسكم يكرعان
ماشي..راح اسد حلكي واسكت واصبر عليها واشوف شنو تاليها
اي وليدي الله يكملك بعقلك!
وسد التليفون..طول المكالمة واني دموعي يجرن..طلع حجي ضرار كوله صح اني بت حرام..وعمو يبيع ويشتري بيه..كلبي احسه صار قطع..قطع من الهظم..سمعته يكولي:
هاااا..شنو..رأيج..بلي سمعتي...خو هذا ابويه بلسانه حجه..وكال عنج بت حرام..واعتقد سمعتي الاتفاق الي بيني وبين ابويه..مو..
سكتت ما اعرف شكوله..بس دموعي تجري..
اجه يمي..لزمني من زنودي..وكعد ع القنفة وكعد بصفي:
يعني..هسه بجيتي..ولطمتي شنو الي راح يتغير.دكافي..كافي بجي..لو تبجين دموعج كولها مراح يتغير الواقع فأحسلج شغلي عقلج شويه..وعيشي!
اعيش!
اي...تقبلي واقعج..وعيشي..واذا انتي شاطرة استفادي من ظروفج..مو تخلصيها نوح وبجي تره البجي..مبيه فايده..ولا يحل..ولا..يربط
م..م..مفهمت شتقصد
لج انتي شبيج فطيرة..طاوعيني..سايسيني امشي على مرامي..والله مراح تخسرين..ادللج..المفروض..تحمدين ربج وتشكريه شاب مثلي..يعرض عليج هيج موضوع..
احمد ربي واشكره لان..تريد..تكضي..راحتك وياي بالحرام!
هههه..لج ياحلال..ياحرام بهالزلك..انتي اصلا جايه للدنيا عن طريق الحرام..هسه تفكرين بالحرام!!
من حجه هيج..حسيته..ذبحني ذبح..رجعت عيوني تجري..وحدها..رجع يكول:
اني هسه راجع للمحل..فكري بكلامي زين..ومثل الحبابة تصرفي..بعقل..الليلة وره 12صعديلي لغرفتي..ما اريد..ولادمعه..بالعكس..اريدج..ريلاكس..وشكولج تسوي..واعيد عليج..واكرر..عيشي..وتونسي..وانسي..وريحيني وارتاحي
وعافني..وطلع..دخلت جوه..احس نفسي جثه ميته وتمشي ..حتى ام ضرار شكد حجت وغلطت لان رحت لخوالي ومكلن لاحد عبالك..ما اسمعها..افكر بس بحجي ضرار..
هي هاي حقيقتي..بت حرام..وتاليها..اعيش باقي عمري بالحرام..اليوم عمو باعني لضرار..باجر ضرار.يشبع مني ويمل ويشمروني بالشارع..بس لا ما ابقه عدهم مستحيل اسلم نفسي اله بالحرام..اذا اني جيت للدنيا بالحرام..ما اريد اعيش حياتي بالحرام..بعد ما اضل بهذا البيت..بس يصير الليل..انهزم..همه يكعدون ع التلفزيون..من التسعة ل11ويلتهون..اني انهزم بهالوقت وما اخلي احد يحس عليه اي انهزم ليش ما انهزم..يمكن من اطلع رب العالمين يخلي بطريقي ناس اوادم..احجيلهم حالتي..ويخلوني عدهم حتى لو..خدامه..يمكن رب العالمين يشوفلي فد صورة حل..ممعقولة الله يرضة اخلي..ياخذني بالحرام..لان الله عادل وميرضى بالظلم..
وفعلا صبرت الى ان صار الليل تعشو وبقو كاعدين ع التلفزيون ضرار هم صعد لغرفته..شفتهم كاعدين وملتهين..ع التلفزيون ويسولفون..رحت بسكته فتحت باب المطبخ ومشيت ع كيفي..فتحت الباب الخارجي وطلعت للشارع..حسيت نفسي حره كمت امشي عالسريع..ما اعرف وين اروح..بس امشي ..بسرعة..بعدني ممخلصة شارعهم ومحسيت اله ايد قويه لزمتني من زندي..التفتت:
ضرار!؟؟؟؟؟
اي ضرار..وين رايحه بهالليل بت القندرة.
اني..اني..
اششش..اشش..امشي كدامي بسكته..خلي نوصل للبيت..واعرف شلون اتصرف وياج!!
لزمني من جف ايدي حيل احس اصابعي نمردت..جوه ايده..ويمشي ع السريع ويسحل..بيه عبالك..يسحل بحيوان..وصلت للبيت..فتح الباب..دخلني..ردت احجي:.
ضرار..اني..
اششش..سدي حلكج..اهلي ميدرون بيج طلعتي اني شفتج من شباج غرفتي..تردين تنهزمين مو!؟
اني..
وجرني من ايدي فتح باب الاستقبال..وقفلها بالمفتاح..الاستقبال مالهم بابه خارجي..يعني محد يسمع شنو يصير..بيه لو يذبحني هم محد راح يعرف..
وبدا يتقرب مني..هو..يتقرب واني ارجع لورة..عيونه مثل..عيون الوحش هالكد مفاتحهن ويجدحن..
تردين تنهزمين مو..لو اكو..واحد مواعدته ورايحه تنهزمين وياه
لا..لا..والله اني ما اعرف احد..بس صح ردت انهزم!
اي..وين ردتي تنهزمين بله!
والله ما ادري وين اروح..بس ردت اطلع من بيتكم..اروح لاي مكان..بعيد عنك!
بعيد عني..مو..
اي..اي مكان مستعده اروح..اعيش بيه..ولا اسلمك نفسي!
هههههه..خوش سالفه والله..
اي خوش ..سالفه كولشي اهون..من الي انت رايده مني!
اي ومتوقعة راح اطلعين..وتعيشين حياتج عادي مو
اي..ليش ما اعيش.
ههههه..هاي القصة مالتج اني شايفها بفلم مصري..قديم بس ما اتذكر اسمه..راح اسولفها الج..وانتي فسريها..وشوفي شنو راح يصير بيج..راح اطلعين تركضين بالشارع..طبعا معندج مكان ترحين عليه بس هيج طالعه على خانك..يادهر..وسبحان الله..راح تلاكيج..مره حبابة وجهها..ينور..وتكولج تعالي بنيتي عيشي عندي..تاخذيلج يوم يومين عايشه براحة..وتكولين لنفسح..اي الحمد لله..الله خلصني..بس وره اليومين..تتفاجئن وانتي نايمه يدخلون عليح كومه زلم..يلعبون بيح..طوبه..وتكتشفين هاي المره ام وجه النوراني تشتغل..بالدعارة..وبعد ميغتصبوج..وياخذون الي يردو منج..راح..يصير الوضع عندج متاح..لان الي خايفه عليه راح..وتضطرين ..تكملين حياتج بهالطريق..يعني تصيرين عاديه مثل بنات الليل..بس المرة راح تشوفج حلوة وجسمج..حلو..تريد تحصل منج اكثر تروح تشغلج..بملهى..وتصيرين راقصة بالملهى..وبعدين يجي..مطرب يغني..عليج..يلي..تسموها بنت الليل..تره ع الركص مجبورة..ترة بداخلها..مكسوره..هاها..ها..ها..روح..روح..
هو يحجي واني..بداخلي اريد ادمره لوجهه..هذا واريد اشلعهن لعيونه الي ديباوع عليه بيهن هذا شنو من بشر منين الله خالقه..هيحي كلبه حجر..ويسولف عليه عبالك..فد نكته لو سالفه تضحك..مبقى عندي صبر فردت..اخذ حقي منه واحرك..كلبه مثل مدا يلعب بأعصابي..فكتلة
هااا..يعني تاليتي راقصة بملهى..مثل عمتك..مو!!
شنو..ولج شكلتي!
حسيت شرار من عيونه..فكتلة:
اي موتكول تصيرين راقصة..بملهى يعني مثل عمتك الراقصة..
رأسا ضربني راشدي حيل حسيت اذني انسدت..وجابني باللاخ..وبقة يضرب بيه ع وجهي ويكول:
ولج انتي تعيريني بعمتي..اليوم ميخلصج مني بس الموت..
بقه يضرب بيه مره راشديات ومره بوكسات ع متوني وع ظهري..ومره دفرات ع رجليه خشمي وحلكي كامن يجرن دم..واحس عظامي تكسرت ودخت المشكلة اصيح ومحد يسمعني ..بعدين تعب..هالكد مضربني كعد ع التخم يتنفس بسرعة ورث جكارة..وبقة يدخن..اني افرفح من البجي..ومخليه طرف نفنوني ع خشمي لان يجري دم..كام فتح الباب وجرني من شعري..وصلني للصاله جانو كاعدين من شافوني كولهم كامو..متعجبين بحالتي..عمو كله؛
هاي..شصاير ضرار..شمسوي بالبنيه..
انت لتدخل..انت اخر واحد تتدخل..بسببك صرت..عار وحده مثل هاي تعيرني..بأختك!
ام ضرار..كالت.
عزة..تعيرك..بعمتك..وهي وين تعرف عمتك!
الظاهر رجلج..الهيبة..لسانه فالت يسولف على اخته العار وين..مجان..وخلانه علج..بحلك اليسوة والميسوه..
جان يصيح ع اخواته..
كومن دخلنها الغرفتها..ما اريد اشوف خلقتها..كبالي..
والكل يسمعني..باب البيت ينقفل بس تظلم الدنيا..وكولجن عيونجن عليها وتراقبها وين تروح اوين تجي..حتى نفسها تحسبنه عليها..واذا..انهزمت من البيت..كولجن..تاخذن عقابها بمكانها..افتهمتن!
امه كالت:
ياااا..وليش تريد تنهزم المصخمة..
اي هسه جبتها من الشارع تريد تنهزم بت الزبالة..
ماخليتها تولي..واذا انهزمت احنا ملفيها في سبيل الله لان يتيمه مجابريها تعيش عدنا..
مثل مسمعتن..ما اريد..رجلها تعتب..باب الصاله فهمتن لولا..
جان اخواته يكولن..
اي..اي..صار منخليها..تطلع..
اني دخلني البنات للغرفة وقفلن الباب عليه..حالتي حاله..بس الدم وكف من خشمي..جسمي كوله يوجعني من الضرب ..عظامي احسها مكسره..بقيت للصبح..بعدين هديل فتحت الباب:
تعالي تريكي..
هااا..ما اريد ريوك..
جمانه..تره السويتي غلط..شلون تعيرين ضرار..تره احنا اخواته..نخاف نجيب طاري..عمتي..مره اسيل جابت طاريها..ضرار..ضربها راشدي طفرت ترجيتها من اذنها وبقت تجري..دم مو هالنوب احد يعيره..كومي عيني اكلي..
اكلي لكمة..ودخلي سبحي وبدلي ملابسج..شتسوين حالج من حالنا هو ضرار حيل صعب..وانت تشوفين من يدخل للبيت كولنه نضل نتراجف..وبألف ياعلي من يصعد لغرفته وينام..دكومي ياعيني كافي بجي..والله انقهر عليج..
من حجت هديل شويه..حسيت براحة لان حسيت اكو احد بالبيت يهون عليه كمت..وياهة دخلت للحمام هي هم جابتلي نفنوف من ملابسي وملابس داخليه..سبحت وبدلت..خشمي شويه يوجعني بس شفتي بعد متحركني ولو شويه مورمه..طلعت من الحمام لكيت هديل بعدها واكفه يم باب الحمام:
يلة تعالي..نتريك..اني وياج..اسيل وسلسبيل تريكن..وراح..ينظفن الغرف..امي راحت لبيت خالتي..يعني اليوم...محد يصيح علينه..
شافتني اتلفت كالت:.
لتخافين ضرار وابويه راحو للمحل..
دخلنه للمطبخ ما الي نفس اكل بس هديل تشجع بيه وتكولي :
اكلي محد يفيدج يهذا البيت بس بطنج لتعوفين الاكل..وتضعفين وتنسلين مثلنا..دشوفينا..وحدتنا عبالك كومة عظام..
مديت ايدي واكلت..بس خليت..لكمة بحلكي عيونه جرن..حقها هديل تكولي..اكلي متعرف شكد مهظومة..متعرف العذاب العايشة...بيه اني..خلصنا ريوك.
هديل مخلتني اشتغل..كالت:
لتشتغلين مدام امي مهنا..اني اشتغل انتي ارتاحي اليوم خطيه هسه عظامج مضعضعة من الضرب مال ضرار..مجربته ايده عبالك..توثيه حيل ثكيلة..
صار الظهر جوي تغدو اني مطلعت بقيت بالغرفه حتى ما اشوفه لضرار..اعرف هو من يجي من المحل يتغده ويصعد لغرفته ينام ساعتين ويرجع يروح للمحل..جنت كاعدة بالغرفة شفت باب غرفتي انفتحت..
دخل ضرار..كلت بس لا يضربني بعد اجه يمي اني كاعدة ع الجرباية شفت ايده تحركت ..كتله:
فدوة ..فدوة ضرار بعد لتضربني..
اشش..سدي حلكج..
مد ايده ع حلكي كلب..شفتي بعدين وخر شعري من ركبتي..وكام:
هههه...مبيج..شي..العار..ميأثر بيه الضرب..سمعي لج..الليلة تصعدين لغرفتي وره 12واذا تأخرتي لو عقلح وزج وكلج...ابقي معانده انزلج من فوك..اجرج من شعرج واصعدج..يمي..اعتقد انتي صرتي تعرفيني لا اخجل ولا استحي..وميهمني لا اب ولا ام ولا اخوات..ولا عائلة فصديلي بكرامتج..احسن ما انزلج..واصعدج سحل..
افتهمتي!
اني سكتت.
اجه يمي زمخ بيه..
من اكول افتهمتي..تجاوبين وتكولين افتهمت وصار..
من خوفي كتلة:
اي..اي..
مسمعت..شنو!
اي..افتهمت وصار
قبل لتصعديلي سبحي..ورتبي شعرج!؟افتهمتي!؟
رأسا دموعي جرت بس هو متأثر بسرعة كال:
مسمعت..جواب!؟
فكلت:
اف..افتهمت..وصار
اي..صيري عاقلة وعرفي مصلحتج..وين..لان مصلحتج..هنا عندي..من ترضيني..راح..تشوفين شلون تتغير حياتج للاحسن..
وطلع خلاني الوب..وافكر ياربي ساعدني شلون اخلص منه..مستحيل اصعدله واخلي يسوي الي اباله..واصير..اله مستحيل..همه قافلين باب البيت يعني ما اكدر انهزم بالليل زين وين اروح شلون اخلص من هالعذاب والله الموت اهون والا اخلي ياخذني بالحرام..ها..اي..صح الموت..اي والله الموت احسن..صدوك اني ليش عايشه اصلا ليش اجيت لهلدنيا معقوله جيت لهلدنيه حتى اعيش تحت رحمة ضرار..مثل اللعبه بيده ..لا والله اموت..وما اخلي يلمسني..بس شلون اموت لا عندي سم..ولا اكدر احرك.نفسي..كلهم مراقبيني..باوعت ع سكف الغرفة رأسا فكرت ماكو غيرها اشنق نفسي..اي ماكو غيرها..بس هسه اخاف احد يدخل ويلزموني لا..اخليها لليل..من يلتهون عني..
ويشوفوني دخلت لغرفتي..وفعلا..صار الليل تقريبا الساعة بالعشرة ونص..عندي شال جرجيت ضامته من ريحة ماما....جريت الميز مال المراية صعدت شديته بالمروحة..وسويته مثل المشنقه..وفكرت اصعد ع الميز واخلي الشال بركبتي وادفر الميز واخلص من هالدنيا الي بيها واحد مثل
