رواية خيانة لا تغتفر الفصل الرابع بقلم جمانه السعيدي
نازك...بعد هلمره مارحت للمستشفى بس كنت اتواصل وياا ايات بلتليفون اطمن على وضع بسام
ماكان ابالي اي شي مجرد اخو صديقتي وبس
بعدها سمعت طلع من المستشفى وحالته صارت احسن
الاسبوع الي بعدا رجعت ايات ادوام بلمعهد
اما بانسبه المريم كنت اتصل بيه على طول مرات اتصل بيه مرتين بالاسبوع
بس ماكانت تحجيلي اي شي عن تفاصيل حياته
تكتفي بكلمة زينه وهاي هي
مرات اتصل وماترد عليه
ورا يوم او يومين تدزلي رساله اطمني عليه
طبعا اني الف عذر مطيته
لان اني مااعرف تفاصيل حياته شنو لو شلون عايشه
كانت ترفض تحجي اي شي عن حياته
بالاضافه الوقت عدهم مو مثل وقتنا يعني همه بلعكس ليلهم نهار عدنا ونهارهم ليل
احاول انطيه أعذار اكول ايجوز وقته مايسمح ترد عليه
مره سئلته عن الأطفال جمانه اذا كانت حامل
ردت عليه بعدين بعدين
المهم بعد ماتعافا بسام من الحادث اتفاجئت بي جاي للمعهد
اتصورت جاي علمود اخته
عادي بس شفته سلمت علي وطمنت على صحته
بس هلمره حسيت اكو شي
نضراته اليه كانت مختلفه عن المرات السابقه
ويحاول يسولف وياي ويضحك
اني كلت عادي يمكن يجاملني لان رحت للمستشفى اكثر من مره
ثاني يوم هم اجا للمعهد بحجة ايات ويبقى يسولف عليه
صحيح المواضيع الي كنا نحجي بيه مواضيع عاديه
بس اني كان يوصلني احساس غير
حسيته مهتم بيه
ثالث مره اجا للمعهد ايات طلعت حجه حتى تعوفنا وحدنا
وكانما تعرف شي اني مااعرفه
اخذت ايمان وراحت طبعا اني لمحته غمزت البسام
عرفت هذا اتفاق بينهم
بسام... ممكن اسئلج سوال
نازك...تفضل
بسام..انتي مرتبطه
نازك...لا ليش
بسام...لان اني اريد اتقدملج
نازك...تتقدملي
بسام...طبعا اذا ماكان عندج مانع
نازك...اني مااجله موضوع الزواج حاليا اريد اخلص معهد بلاول
بسام...عادي نخطب وكملي براحتج
نازك....لا اكمل بلاول وبعدين ازوج شنو الزواج طاير
بسام...لا اني خايف اطيرين مني
نازك...وين اطير
بسام...يعني اني ممكن اخذ منج كلمه انتي موافقه عليه
ومن تكملين معهد اتقدملج
نازك....هم لا لان اني مااعرف الضروف شني ومااحب ابدي اي شي بكذبه او وعد مااعرف اكدر اوفي بي لو لا
بسام...تمام اني احترم رائيج زين ممكن طلب
نازك...تفضل
بسام...ممكن اني وياج نلتقي بين فتره والثانيه حتى نتعرف على بعض
نازك...اذا كان هذا اللقاء بوقت فراغي ومااياثر على دراستي
ولا مستقبلي ماعندي مانع
بسام...ممكن رقم تليفونج اعرف رقمج موجود عد ايات بس حبيت اسئلج توافقين اخذه منه واتصل عليج
نازك...يعني شلون تتصل عليه اني عندي دوام ودراستي صعبه ومااحب اضيع وقتي
بسام...اذا كنتي فارغه
نازك....تمام
بسام...شكرا لان انطيتيني من وقتج
نازك...العفو
هسه راح نحجي شويه عن بسام
بسام مواليد ٨٥ اسمر طويل شكله كلش حلو ومرتب
من احجي وياا عبالك احجي وياا مذيع
كلامه حلوه ومرتب ومخارج الحروف عندا واضحه
فعلا احس نفسي احجي وياا مذيع من احجي ويااا
محب للشعر والقصايد
خريج حاسوب طبعا ماكو تعيبن
فاتح محل استنساخ وطباعه وهاي الشغلات
حالتهم الماديه متوسطه
ابو موضف بلري وامه مدرسه
عدهم بسام وايات وجنات
عائله مستوره وسمعتهم طيبه
اني الصراحه كنت معجبه بي بس ماحبيت انطي مجال
راسا بس يطلب يحجي وياي
لازم اثكل شويه حتى يتمسك بيه
اكيد شايف بنات هواي مو بس اني
بليل اجتني رساله
...اني بسام ممكن اتصل
نازك...لا مو ممكن باجر عندي امتحان
بسام...تمام هذا رقمي سجلي يمج
اليوم الي بعدا هم اجا للمعهد سلم عليه وبس
واني هم بعت ثكل علي رغم اني كنت حيل فرحانه لان شفته
بليل دزلي هلو ممكن نحجي
نازك...اي ممكن بس لا تطول لان باجر عندي دووام
بسام...طيرتي الكلام الي ردت احجي
نازك...خلاص من تذكر عود اتصل
بسام...وين ماصدكتي
نازك...مو تكول نسيت
بسام...اي اصبري هسه اذكر
نازك...يله اذكر
بسام....شنو شعورج من تشوفيني
نازك...شعوري
بسام...اي يعني تفرحين لو اضوجين لو عادي لان احس فارض نفسي عليج
نازك...عادي
بسام...تمام بس اني من اشوفج مو عادي
نازك...شلون يعني
بسام...يعني من اشوفج واحجي وياج افرح شعور السعاده
يحتلني
نازك....وبعدين
بسام...ابقى افكر بيج وما تطلعين من بالي
نازك....هااا هيج الحجي ومن يمته حسيت هذا الاحساس
بسام...من اجيتي للمستشفى
اني صرت احسن لان انتي جنتي ازوريني مو من العلاج
نازك ضحكت كلامه حلو بس مارديت سكتت
بسام...وين صرتي
نازك...وياك
بسام...اذا ازعجتج انسحب
نازك...لا كمل كلامك
بسام...فعلا اني احجي الحقيقه اني من شفتج بلمستشفى
اجاني احساس حلو ومختلف اول مره احس هيج احساس
نازك...انت اليوم ماخذ علاج
بسام...لا ليش
نازك...لان اكو انواع من العلاج تخلي واحد بغير عالم
بسام...لا زعلت زعلت كلش شنو قصدج اني مو بوعيي
نازك....يمكن
بسام....تكدرين تجين تفحصين كلبي وعقلي بس اني مامسول عن الشي الي راح تشوفينه
نازك...ليش اني شراح اشوف مثلا
بسام....راح تلكين صورتج مطبوعه بكل مكان بكلبي وعقلي
نازك...هااا خف علينا روووميووو
بسام....ايباه قابل رووميو احسن مني
نازك...تعرف انت صوتك وطريقة كلامك عبالك مذيع
ليش ماتقدم ايجوز يقبلوك
بسام....مذيع لا ماأحب رغم اني كنت أقرأ شعر على طول باي مناسبه تصير بلمدرسه اوبلكليه
نازك...فكر بلموضوع
بسام...اني هسه مااكدر افكر غير بس بيج
نازك كنت طايره من السعاده بكلامه ومامصدكه نفسي ابد
بسام...وين رحتي خاف نمتي
نازك...لا موجوده
بسام...وليش ماتردين عليه
نازك...لان ماعندي رد
بسام... اني مقدر انتي اتفاجئتي بهذا الطلب بس راح انطيج وقت تفكرين
نازك....ممكن اروح انام لان عندي دوام الصبح
بسام...اي ممكن تصبحين على خير
نازك رغم كنت اتحجج بلنوم بس ماكدرت انام
كان تأثير كلامه على روحي مثل السحر
بكم كلمه كدر يغير تفكيري ويخليني احبه واتعلق بي
بهاي الفتره بابا اشترا بيتين نفس المساحه ١٥٠ كل واحد
ونفس البناء قريبات على بيت اهلي
سجل واحد باسمي وواحد باسم اختي الجبيره نجلاء
وكان ناوي يشتري بيت العلياء بس يلكه شي مناسب
اما بيتنا كان متفق هو وماما يسجلونه باسم اخوي احمد
بعد عمر طويل ان شاء الله
المهم.بسام مابطل يجي للمعهد بس مو يوميه يعني كل يومين وبليل يتصل عليه نحجي شويه
الحد ماتعلقت بي وحبيته
كنت انتضر كل يوم يجي للمعهد حتى اشوفه
واذا مايجي بيوم من الايام ابقه ضايجه طول النهار
انتهت هاي السنه الدراسيه
ونجحنا اني وايمان وايات
وهاي الفتره انخطبت اختي نجلاء
خطبه استاذ جامعي
وبدينا نحضر للعرس والبيت كله مخبوص اول بنيه تزوج عدنا واول عرس بيتنه
كانت الفرحه ماتنوصف ابد
بسام اخذته الغيره هم يريد يتقدملي بس اني ماوافقت
ثنيينه نطلع من البيت سوا
واني هم اريد اعيش هاي التجربه بكل تفاصيله
قبل الزواج
بدينا نحضر الحفلة زواج نجلاء
ايات وايمان اجن ثنيبنهن يساعدني بترتيبات العرس
العرس كان بلقاعه زوج نجلاء حجزنا بلصالون
ورحنا
اخذت ايات وايمان وياي للصالون
بيومها اتصلت أكثر من مره بمريم وماردت عليه يمكن مشغوله
لبست فستان قصير اسود وفتحت شعري حذاء عالي ومكياج هادء طلعت فد شي
بسام اجا حتى يرجعنا للبيت
كل شويه وكال يوم الالي هسه لو نسوي العرس عرسين
اني مستعد حتى قاط لابس
نجلاء...ليش مستعجل ترا ماما وبابا ينجلطون اذا نزوج ثنيينه سوا
بسام...اي انتم انتضرو واحنا نعرس
نجلاء ...احنا الكبار احنا بلاول
بسام...اني راح اخطفه واخليكم كدام الأمر الواقع
نجلاء....يمه الحب يمه
وصلنا للقاعه وكانت الأجواء تخبل فعلا ليله حلوه
بعدها بشهر بسام جاب ابو واجا تقدملي
طبعا اني مااعرف اتفاجئت ايات اتصلت عليه وكالت بسام اجاكم يخطبج
كان رد بابا عليهم ماتزوج اله تكمل معهد
اذا تردوها انتضروها
اني ماعندي مانع وانتم خوش ناس بس لمن تكمل دراسته يله
من رجع بسام للبيت اتصل عليه
نازك....هااا مو كتلك اصبر
بسام...وشلون اصبر ومنيين اجيب الصبر اني
نازك...بس السنه
بسام...انتي كلتي سنه هواي سنه زين بس خطوبه
نازك....لا ماكووو اذا تريد اصبر واذا ماتريد ازوج براحتك
بسام.. عمي اصبر وأمري لله
بقينا هاي السنه اني وبسام على تواصل مستمر
مرات نطلع سوا ومرات نلتقي بلمعهد
ونحجي بلتليفون
كلشي كان يكول احنا مناسبين البعض
او على الاقل هاي القناعه الي وصل اله كلبي وعقلي من هاي التجربه
خلصت هاي السنه وتخرجنا اني وايمان وايات
ورجع بسام فتح الموضوع وياا بابا
بابا...اني ماعندي مانع بس اذا نازك اقتنعت
امي كانت تعرف اني وبسام واحد يحب الثاني
وصلت ردي البابا
واجا بسام واهله خطبوني رسمي
