رواية خيانة لا تغتفر الفصل الخامس بقلم جمانه السعيدي
نازك...انخطبنا اني وبسام وهاي الفتره كانت احلى فتره عشته بحياتي
تقريبا كل النهار احنا سوا لو نطلع نجهز للعرس
لو نشتري شغلات لو يجي يمنا بلبيت
لو نحجي بلتليفون
شهرين كملنا التجهيزات الي نحتاجه
طبعا هو حالته الماديه مو هلكد اغلب الشغلات اني جهزته
يعني هو انطاني فلوس المهر واشترا غرفة نوم واني عليه المفروشات والستاره
وبابا جابلي بلازمه وثلاجه
تعاونا بينا وكملنا كلشي
كنا متفاهمين الابعد حد وماناقصنا شي
بيوم العرس حجزنا بالفندق يومين وبعدها رحنا الاربيل بقينا اسبوع ورجعنا
واخيرا اني وايات بيت واحد
صديقتي حبيبتي ماحسيت بلغربه واني عايشه وياهم
بلعكس اهل بسام كل زنيين بتعاملهم وياي
ماناقصني غير يطلع التعيين
الصبح بسام يطلع للشغل الصبح يرجع يرتاح ساعتين ويرجع يطلع للشغل بليل يرجع
شغل البيت مقسمين بينا احنا الاربعه اني وخالتي وايات وجنات
وكل يوم جمعه ياخذني بسام البيت اهلي ابقه كل النهار بيتهم وبليل من يطلع من الشغل يمر علبه ونرجع للبيت
طبعا اختي نجلاء هم تجي يوم الجمعه البيت اهلي هذا كان الاتفاق بينا جمانه السعيدي
خلصت اول سنه وماصار حمل
اما نجلاء بعد اتلث اشهر من زواجه طلعت حامل
قررت اسوي شوية فحوصات بلمستشفى اكو دكتور زينه
اداوم هناك
طلعت عندي شوية مشاكل واحتاج علاج
طبعا حجيت كلشي البسام
بسام...حبيبتي ليش مستعجله بعدنا عرسان
نازك...لازم ابدي اراجع ايجوز فتره يله اتحسن
بسام...ابد لا تعبين نفسج على كيفنا على شنو مستعجلين
نازك...يعني انت مااضايج
بسام...لا ماضايج وحتلو مايصير اطفال ابد هم مو مهم
انتي عندي بلدنيا كله
كلام بسام طمني لان اني فعلا كنت حاسه بحبه واهتمامه
بيه قررت ااجل الموضوع شويه بعد
السنه الثانيه هم ماكو حمل
بس صار شي مهم بحياتي طلع تعييني اني وايات
وراح اداوم نفس المستشفى
حسيت راح يصير تغير بحياتي
من اول مادامت بلمستشفى قررت ابدي رحلة العلاج
بديت اسئل على احسن دكتوره
وشنو العلاج الي يمشي على حالتي
اكو علاجات ماموجوده بديت اوصي عليه واجيبهن
طبعا من اول ماداومت بسام ابد مايسئلني عن راتبي لو وين اخلي لو شنو اشتري بي
بلعكس دائما يكول اذا تحتاجين فلوس
الفلوس بلكنتور يمج وأخذي حتى بدون مانكولين
بس اني بعمري مامديت ايدي على فلوسه
لان عندي خير من الله
اني كلما اروح زياره الاهلي بابا ينطيني مصرف
كنت اراجع واخذ علاج بدون مايعرف بسام
اريد يصير حمل جمانه السعيدي ويكون مفاجئه بلنسبه اله
الحد مآ كملن خمس سنوات من سافرت مريم
بيوم كعدت الصبح امي اتصلت عليه وكالت ابو مريم توفا
شكد ضجت بيومها
مارحت للدوام قررت اروح اعزي مهمه يكون هاي صديقة عمري واهله ناس طيبين
العصر رحنا اني وماما عليهم
عازيتهم وكعدت
نازك....مربم عرفت
وفاء اخت مريم....مريم صار اسبوع هنا
نازك. ..استغربت اسبوع وماتتصل عليه ولا ادري بيه
ليش ماعندي خبر برجعته
بس فرحت راح اشوفه بعد خمس سنوات سفر وغربه
نازك...وينه اريد اسلم عليه
وفاء...بلغرفه جوا
بس شفت مريم حضنته حيل حضن مال وحده مشتاقه
بس هي كانت ردت فعله طبيعيه
يعني لا فرحت من شافتني
ولا كانت حزينه على ابوها
هذا الاحساس الي وصلني بساعته
انطيته كل الاعذار اكيد صار خمس سنوات بدوله اجنبيه
وشافت هواي ناس وعاشرت أشكال البشر
اكيد مشاعرها تتغير
ماسئلته على رجعته كلت ايجوز ابوها مريض واتصلو عليه حتى ترجع وتودعه
طول اسبوع كامل واني كل يوم اروح اشوفه
واطمن عليه
عبرت يومين بعد السبعه وثالث يوم رحت اشوفه
نازك...زوجج اجا وياج يمته ترجعين
مريم...بعد ماارجع اني اجيت وحدي
نازك...ليش ماترجعين
مريم..انفصلت
نازك...ياستار ليش
مريم...مو بشر حيوان لا الحيوان احسن منه
سكير مقامر يشتغل بعصابه
نازك...والشركه مالته
مريم..ماكو شركه طلع كله جذب
نازك...شلون يعني عمته اجذب
مريم..اي اني شدمرني غير عمته
نازك...ليش مارجعتي للعراق من البدايه من اول ماعرفتي حقيقته
مريم...اول شي ماكو منه واني ماعندي تجربه وفرحت بي بعدين اكتشفت حقيقته
دخلني بدوامه ومااعرف راسي من رجليه
نازك...وهسه شلون
مريم... صار فتره واني مهزومه منه جمانه السعيدي هو وعصابته يدورون عليه بعد الف مشكله بينا ومليون عركه
نازك....ياا فاجئتني
مريم...اخير شي ساومني اتنازل عن كل حقوقي ويعوفني ارجع للعراق شرط ارجع للعراق وماابقه بلسويد ابد
نازك...وهسه انفصلتي
مريم...وكلشي ماحصلت حتى ملابسي وشغلاتي كله بقت هناك
لان خلصته كل شويه انهزم منه بمكان حتى اخلص نفسي
نازك...ليش مااشتكيتي علي
مريم...عندا عيون بكل مكان ومراقب تحركاتي
هددني عصابته يذبحوني اذا اشتكيت علي
نازك...يامسكينه حرامات ضاعن خمس سنوات من عمرج هيج
مريم...هي كوه اني هنا شلونه حضي اله من طلعت برا
هو الحظه منحوس يبقى منحوس طول عمره
نازك...لا تضوجين بعدج زغيره والعمر كله كدامج
ارجعي ادرسي وانسي كلشي راح
مريم...صعب ارجع مثل قبل الي مريت بي مو شويه
نازك...اني راح اساعدج
وواوكف وياج منا لمن ترجعين مثل قبل واحسن
بقيت اتواصل وياها لو بلتليفون لو اروح اشوفه واحاول اشجعه تطلع من هاي الحاله
من كد مااتاثرت بحالته كل الوقت احجي بيه كدام بسام
واشكي حاله
وهو هم يسألني عنه بس ماشايفه ابد
بهذا الوقت بسام حب يكبر شغله يعني يجيب اجهزه استناخ وطابعات على الملابس واجهزت موبايل وايباد
وشغلات تصوير
لان هو يفتهم بهيج شغلات والناس تثق بي حيل
يعني الزباين عدهم ثقه بي ماله حد
هلكد مامجربي ومجربين شغله
بس ماعندا فلوس تكفي
خوش مشروع وماشي بس محتاج فلوس
بسام...هذا المشروع مشروع أحلامي تعرفين وين راح ينقلنا
وشلون راح يطور شغلي
نازك... اكيد راح نلكه حل
بسام...افكر ارهن بيت اهلي لو اخلي بابا ييحب قرض على راتبه بس هو قبل سحب قرض لمن عدلنا بيتنا
وبيننا طابق ثاني
امي هم ساحبه قرض علمود زواجي سحبت قرض
نازك...اني اسحب قرض على راتبي وعندي ذهب
ذهب مشتريه قبل عرسي وذهب مال العرس
يصير مبلغ محترم ونفتح بي مشروعنا
بسام...بس شلون هاي فلوسج
نازك...شنو قابل وين تروح خيرها راح يكون والنا
بسام....اني راح اسدد القرض شوفي شكد يستقطعون من راتبج اني اسدد
نازك...شنو القصه اشتغل وطور نفسك
بسام...حبيبتي مااعرف شلون اجازيج حليتي اكبر مشكله
كنت شايل هم منيين اجيب الفلوس
نازك...الله يرزقج ويفتحه عليك
