رواية علي اليتيم الفصل الخامس بقلم جمانه السعيدي
علي....اني مخلص معهد تحليل والحمد لله
عندي سمعه ذهب واشتغل حاليا شغل مؤقت منا لمن يطلع التعيين ماعندي احد بس اني وامي بلبيت
اما بلنسبه للاهل
اني يتيم ابوي متوفي حتى قبل لا انولد
ومااعرف عمامي
وكل اقاربي متوفين
ابو ريحانه.....كلشي كلته على عيني وراسي
بس الزواج مو واحد يجي يخطب وياخذ
لازم يصير اكو اتفاق بين عائلتين هي هاي عاداتنا وتقاليدنا يعني عمامك او خوالك يجون يخطبولك
حتى انت تفتخر بعائلتك
اعتقد هاي الأصول وما تزعل اي احد
اني ما معترض عليك بلعكس وصلني عمك كلام زين
بس الأصول هيج اني رجال معروف
لازم الاتفاق يكون بين العائلتين وكدام ناس تفتهم
بنتي امانه عندي واعز من روحي
مااكدر اي واحد يجي يدك الباب اكول حاضر وتم
تفضل اخذها لازم أأمن مستقبلها
اعرف هي شلون راح تعيش وياا منو
اذا صار خلاف لا سامح الله
اكو ناس اكعد اتفاهم وياها
انت زلمه والنعم منك بس الأصول هيج تكول
يمتى ما يحضرون عمامك خوالك اهلا وسهلا
ترا ماكو واحد ماعندا عمام مستحيل حتلو ماعندا عمام
يعني اخوان ابو لازم ولد عمهم موجودين
لازم اكو خوال مستحيل واحد يكون مكطوع من شجره
وماله اهل
يمتى ما تحضر عمامك اعتبر شغلتك خلصانه
اهلا وسهلا بيك
جمانه السعيدي
علي اول مره احس نفسي ضايع ومااعرف اتصرف
كمت من مكاني وترخصت منهم
ابد مو زعلان من كلام ابوها هي هاي الاصول
اني لو عندي اخت اكيد احجي نفس هذا الحجي
احنا بلعراق هاي عادتنا وتقاليدنا
الي ماعندا اهل يسمونه مكطم
طلعت امي والجماعه ودعونا
امي شافتني ضايج
امي...ليش ضايج ابوها ما قبل يمه حقه ما يقبل
شفت بيتهم شفت السيارات
امه لابسه كيلو ذهب
مستحيل يقبلون بينا احنا وضعنا تعبان
همه وين واحنا وين
اني اول ماشفت بيتهم احوالي كلها تخربطت
كنت متوقعه يرفضون اول ما دخلت بيتهم كلت مستحيل يقبلون بينا لا اضوج حبيبي
اني اخطبلك احسن منها
البنات ضاله انشوف وحده من مستوانا ونخطبها
علي....مو هذا السبب
امي...شنو السبب
علي..من نوصل للبيت نحجي عيب نتناقش بلشارع
ضجت كلش احس ريحانه راح اضيع من ايدي
بدون سبب كلام ابوها منطقي
ماكو واحد ماعنده اهل اكيد اني عندي اهل
ليش امي ما تقبل تحجيلي عنهم
وصلنا للبيت بس دخلنا وسدينا الباب
اني انفجرت على امي
اول مره من واحد وعشرين سنه اصير عصبي عليها
اعيط بصوت عالي افقد اعصابي
علي.. هسه تحجين الحقيقه وين اهلي ووين عمامي
ووين اهل ابوي احجي الحقيقه
امي...اي حقيقه امي كلش خافت من ردت فعلي لان مبين عصبي
علي...احجي اني جبير وافتهم لو شراح تكولين راح اصدك راح اعذرج
احجي
امي....شنو شو انت تصيح عليه كتلك ماعندك اهل
ماتو ما توو ما تفهم
علي....وين كبورهم دليني على كبورهم خل اشوفها وارتاح
امي... هاا رادو اهلك نساباك الجدد
رادو اهلك
كلهم ماعندي اهل يردون يوافقون يردون لا
مزين راح ياخذون ولد ذهب مثلك ووين اكو هسه واحد مثلك ادب واخلاق وشرف وخريج
هم شيسوون بااهلك هي راح تزوجك لو تزوج اهلك
شو هذا كلام زايد منهم
كول ما قبلو بينا لان وضعنا تعبان اصدك
بس سالفة اهلك هاي حجه
جمانه السعيدي
علي...صرت عصبي وكمت اصيح بصوت عالي
ذني مايردوهن ذني مايردو وهن
افهمي ذني ما يمشن عليهم
اني ليش ماعندي اهل احجي خل افتهم احجي
بعد ما بقا عندي صبر
امي...انت من يمتى تعلي صوتك عليه
عوفها هاي الزواجه ما تصير عوفها نشوف وحده على كد حالنا
علي...حتلو وحده على كد حالنا هم يردون اهلي
هاي العادات هيج
ماكو واحد يروح يخطب وحده اذا يردون يسئلون عنه
لازم يسئلون عن اهله
اني وينهم اهلي وين احجي
امي.. كلهم ماعندي اهل يردون يقبلون يردون يرفضون
الله وياهم
تروح وحده يجن الف
علي... باوعت عليه خنزرت بحركه
اني لقيط احجي الصدك اني لقيط اكيد لقيط
لان مايصير ماعندي اهل
راسا اجت عليه امي بحركه وضربتني راشدي
حسيت راسي راح يوكع من قوة الراشدي
نزلت ايدها اني لزمت خدي اول مره امي تضربني من يوم انولدت لليوم
راسا دموعي طفرن حسيت هاي الكلمه اجت على الجرح
علي...ليش اضربيني اكيد لقيط هااا الكلمه اجت على الجرح اني لقيط
اني ابن حرام مووو اني ابن حرام
اي كولي هيج من البدايه خل افهم وضعي ليش تكولين اهلك ماتو
وين لكيتيني لو ابنج بس من غلطه غلطتي
وما قبل يعترف بيه احجي خل افهم
لازم اعرف الحقيقه اليوم
عافتني ودخلت غرفتها بدون ماتحجي
بس تمشي وتمسح بدموعها
جمانه السعيدي
مسحت دموعي دخلت للغرفه وقفلت الباب عليه
شويه سمعت الباب الخارجيه انفتحت وامي طلعت
كمت ابجي بسلا صدك اطلع لقيط لا ياربي
اني ابن حرررام اذا هيج من حقه ابو ريحانه يرفضني
اول مره ابجي بحركه وقهر
احس نفسي لا شي
ضعت اني ضعت
ياترى هاي امي لو هم ماعندي ام
ايجوز لكتني وربتني اخ اخ كمت اضرب بلكاع من كد القهر
الحد ماايدي كامت تجري دم
اريد اسكت مااكدر وكا نما دموعي ما صدكن
ساعه واني على نفس وضعي كاعد ابجي وعقلي اجت بي الف فكره
كلها افكار موحوله كلها افكار تحسسني بلنقص
اني نزلت من عيني
اني كمت اشوف نفسي ناقص
رن التليفون مارديت
رجع رن مارديت اربع مرات يرن ويسكت وماارد علي
رجع رن للمره الخامسه
سحبته مسحت دموعي باوعت رقم غريب
علي...الو
....عيوني انت علي كان صوت نسائي
علي...تفضلي
...امك وكعت بلمستشفى وحالته مو تمام ممكن تجي بسرعه
علي.. امي اني
....اي امك بسرعه لا تتاخر
طفرت من مكاني وركضت امي وكعت
ياستار ياربي
وصلت للمستشفى كمت ادور عليها
كلها تعرفني هناك
كمت اركض واصيح امي ووين امي
الممرضه كالت بلطوارء
رحت للطوارئ الردهت النساء
دخلت لكيتها ممده وبيدها مغذي
مغمضه عيونها
علي...يمه يمه شبيج حبيبتي احجي وياي
يمه اني اسف بعد مااعيدها
حتى ريحانه بعد مااريدها اني اسف ما كان قصدي
انفعلت غصبا ما عليه
انتي ضجتي مني لا اضوجين
زعلتي عليه فدوه لا ازعلين اني حيوان مااعرف اتصرف
اجت الممرضه
علي....شبيها امي ليش ماترد عليه
الممرضه....الدكتور امر الها مجموعة تحاليل أخذنا منها دم
ساعه تطلع التحاليل ونشوف شبيها
علي...منو جابها هنا
الممرضه.. هي اجت قبل ساعه تقريبا كعدت بغرفة الممرضات تبجي
حاولنا نفهم شبيها بس بدون فايده
بس تبجي ما تقبل تحجي بعدين وكعت
جبناها هنا للطوارء
والدكتور كال اتصلو بعلي اتصلنا عليك
علي....يمه حبيبتي احجي وياي
للحكايه بقيه تفاعل حلو مثلكم
