رواية رغبة ملوثة الفصل الخامس بقلم دلال عماد
****
"سليل"
چنت گاعدة اتصفح وشفت فيـديو حلو حزين عن الفراق حفظته ونشرته سـتوري ورا دقايق هيچ ردت هاي البنـية گرايب اوس وكالتلي
"مرحبا"
رديت عليها وكلت
- مراحب
"شلونج"
- الحمدلله بخير منو حظرتج
" احم اسأل سؤال بس عادي؟ "
- اتفضلي
" الفيديو الي ناشرته عن الفراق ناشرته ع مود اوس مو؟"
- انصدمت گلت هاي شلون تعرف
رديت عليها وكلت ... منو انتِ
"بس جاوبيني اوس الي سوى بيچ هيچ"
- اي شون عرفتي
"اني اعرفه لأوس"
- انتِ من اقاربه مو؟
" لا لا مو اقاربه اني"
- لعد ليش كالي هيـچ
"يچذب عليچ"
- منو انتِ وشسمچ وشتصيريله
"اني اسمي آية من بغداد اصيـر صديقته من زمان"
- صديقته؟؟؟
- راح احچيلچ شي بس مو تحچين
- احجـي
- هـوَ اسمه حسـام مو اوس
- شنـوو؟؟؟
- اي نعـم حسـام من الأنبـار وخاطب
- لحظة لحظة على كيفچ شنو حسام شنو خاطب منو يگول كلامچ صدك
- والله العظيم والله كلامي كله صـدك والله شاهد عليا
- كملي
- اي مثـل ماگتلچ هـوَ خاطب واسمـه حسـام
- منين عرفتي خاطب
- شفت الحلقة بيـده ومـن سألته گالي خاطب
- شلون شفتيـها
- من طلعت ويـا
- طالعة ويا؟
- اي
سليل : اهـاا
- شوفي اني غلطت غلطة لحد هسة متندمة عليها
- والـي هـيَ؟
- نمـت ويـاه
- شـنووو؟؟؟؟؟
- اي متندمـة هـواي بصراحة
- يعني شلون گالج اريد انام وياچ؟
- اي وماوافقت بالبداية، بـس تعرفين انتِ حسام وشلون اسلوبه يقنع الحديد وقنعني
- هـذا ابـدًا مو مبرر ع الي سويتي ترا باچر شلون تگابلين ربـچ؟ باچر اذا تزوجين شلون
- اني متزوجة
- يعنيي متزووجة ونمتي وياا شتحسسين؟؟؟
- گتلچ غلطت
- ماعتقد انتِ صغيـرة حتى تغلطين بسهولة وبدون تفكير، الله يسامحچ ويهديچ
- اميـن
- ولهسـة تحجين ويا؟
- اي
- بربچ وتگولين ندمانة؟ انتِ عاجبتچ السالفة ترى
- لا هوَ مايقبل احظره يهددني
- العذر اقبح من الفعـل الله يهديچ
- هذا حسابه وهمي الي بأسم اوس عنده حساب ع الفيس بأسمه وناشر صوره اذا تريدين تتأكدين
- شنـو اسـم حسـابه؟
- حسـام الـ***
- رحـت طلعت حسابه ع الفيـس صدك هاي صورته وهذا هوَ واكـو بنت معلقتله حبجيات اسم حسابها حنين بالانكليزي طبيت على حسـابها وشفت منشوارتها اغلبهم معلق عليهم ويتغـزل بيـها عرفت هاي خطيبتـه اخخ شيحـس هذا؟
الله لا ينطيك يا اوس مدري حسام
رحت لـ ايـه وكلتلها
- منين عرفتيني وعرفتي متعاوفين
- شفـتج مراسلته على جهازه من جنت طالعة ويا وسألته وگلي عليـچ والبـارحة سألـته گتـله اخـبار سليل گالي بلووك
وعرفت متعاوفين
كالت هيج ودزت هذا الأيموجي اليضحك يعني متشمته صـدك انقهرت وطگيت من الي سمعته بس مابينت الها انو ضايجـة لان بالتالي هـي وحدة من صاحباته واكـيد راح تفرح وتتشمت بقهري گلتلها
وطبـه طـوب عسـاه لا رجـع اصـلًا سوالي معروف هوَ ابتعـد وحظـرني تاليـته عـار
سديت التلفون وصـرت ابجي على حظي واحد نذل ضحك عليا فوك هذا كله وتجي وحدة من السافلات مالته تتشمت بيـا كلـه صـوچي رجعت لزمت التلفون وطبيت للأنسـتا سويت حساب جديد وطبيت على حسابه كتبتله
"رد بسرعـة ضروري"
ماطـول دقايق ورد وكاتب
- منوو
- اكـدر اتصل عنـدي شغلة ضرورية واكلك منو اني
- تمـام
اتصـلت بـي اول مـارد صـحت
- هـا يا بـلا غيـرة يا خايـن يا نـذل ياحـقيرر يـا چذاب هيـچ تسوووي بيا ياا نذلل كـون تطلع بخواتك
حسـام بصياح: هيووو احجي عدل يول افتهمتي لو لا
سليـل: تعرررف منوو اني موو استاذ اوس ها العفـو اقصد حسسسام
حسـام: منوو حسام
سليل: انـت يا چـذابب وخاطب هـم من امـداك يالعـار
حسام: احچيي مثـل الأوادم لا اطـيح حـظچ يا عااار
سليـل: محد عار غييرك يا ادبسـز
حسـام: والله لو مو بنـية چان راويتچ
سليـل: هـَو انـتَ شبقـيتت جاي مسوي روحك شريف براسي خليتني احبـك واتعلق بيـك وتالـي متالي تطـلع ماتسوى فلـس
حسـام بعصبيـة: يوووول احچيي عدل لا اطييح حظج، ساقـطة محـد گلج صيـري رخيصـة، ثانيًا منو گلج؟ يا سافلة گالتلچ هالحچي
سليـل: والله يا شـريف اسـأل روحـك المن حاجي ومنـو الي تعـرف بينا وبچذبك علـيا، واذا اني رخيصة اي صدك رخيصة لان وافقت احاجي رخيص مثـلك
كتلـه هيج وسديته بوجهه ولا سمعـت شكـال ووتـوني داحظـره وجـان يـطب ابـويا خـفت كلش ووجهي صار ينطي الوان والنوب الجهاز شكل اريد اطلع من المحادثة ماگدر هسا وقتكك يالله
طفيت التلفون بسـرعة وابـويا اتقرب وكـال
مروان: ويامن تحچين؟
سليل بتوتر: م م محد
مروان: شـو انطيني تلفونچ
مروان: هـااا لليشش
مروان بعصبية: گتلچ افتحي وانطينياه
توني داحچـي وچـان يشتغل جهازي باوعت مكالمـة من حسـام بلعت بريگي واني ارجف وابويا جر التلفون وفتحه وخلاه على اذنه بـدون مايحچي واسـمع صوت حسام يحچي ويصيح بس ماعرف شنو يگول لان مفاتحه سبيكر واباوع ابـويا ساكت ويستـمعله على غفلـة كـام يصيح ابـويا
مروان: لكككك گو*** عا** انييي اللكك تحچييي على عررضي انيي الكك ياا نذل
واگفة ارجـف واسمع ابويا يتعارك وي حسام واسمع حسام هم يصيح ويتعاركون وابويا صار يسب بي وسده بوجهه واجـا لزمني من شعري وضربني اول راشدي هوَ راشدي لو طلعت روحي كمت اصيح وابويا يضرب بيا ويصيح ويسبني اجو ركض اهلي يردون يعرفون شكو يحاولون يوخرونه ومايوخر يضرب بيا ويصيح
ايات: بسس فهمنييي شكووو
اسامة: يااباا عللى كييفك شكوو ليش تضربهها
مروان: العا*** الأدبسززز اجيها الگاها تخاابرر بصاحبهها اليي مقشمررهاا وفوگااها يغلطط علياا انيي ويكليي بنتكك رخيصة وماعرفتت تربييها
ايات: يمااا عززا العززاچ سلييلل ولچچ ليشش
ابويا يضرب بيا ويغلط وامي تصيح وتلوم بيـا اسامة چان واكف صافن بعدين استوعب الي صار واجا جرني من شعري وكال بصياح
اسـامة: لچچ بشـنوو قصرناا وياااچ حتى تسووين هييچ هااا
ماحس الضرب منين يجيني امي ونـورا يجروني من ايديهم ومايگدرون بقى ابـويا يضربني ويصيح لحـد ما وكـع مـن طـوله امي صارت تصيح ونـور
يجروني من ايديهم ومايگدرون بقى ابـويا يضربني ويصيح لحـد ما وكـع مـن طـوله امي صارت تصيح ونـورا تبچـي واسـامة ركض على ابـويا هوَ وامي تعاونو وشالو ع السيارة واخذه اسـامة للمستشفى كاعدة على صفحة وضامة رجلية لصدري وابجي وارجف اباوع لأمي ونـورا يبجـون كمت گوة رحـت على امي ردت احاچيها واعتـذر ولو اعرف لو شما اسـوي مـاراح اگـدر اخليهم يسامحوني رحت توني داحجي وي امي چان نورا تعيط
نـورا بعصبية: رووووحي من يم ماما ميكفيي بابااا راحح يرووح من ايديينا من وررااچ
سليـل: گالت هيـچ واخـذت امي وطلعوو من الغرفة گعدت بالكاع ابچي
تذكرت كل وعوده وچذبه حقدت علي اكثر اخذت ملابسي وطبيت للحمام اغسل اباوع كل جسمي دم ومجرح ابوي الي عمرة ما مد ايده عليا هيج اذاني بس استاهل كلشي يصيرلي استااهل
طلعت شفت شفرة مال خياطة سحبتها وطبيت للحمام جرحت ايدي من يم الوريد بقيت نص ساعة اباوع للدم ينزل مني وغوشت عيوني وما حسيت بشي بعد
بعـد ساعات صحيت لكيت روحي غركانة بالدم وبمكاني كل هل ساعات محد تذكرني باوعت لايدي جرح عميق بس مو كلش يم الوريد مطاخ الوريد
كمت كوا امشي دايخة شكد مانزفت دم رحت غسلت ومددت بقيت ابجي سمعت امي دتبجي طلعت لكيت نورا تصبرها وتكللها جلطة خفيفة ما أثرت كلش نصدمت ومتت قهر بابا نجلط بسببي اااااه يا كلبي صار بوجهي اسامة لزم شعري وضرب راسي بالحايط وضل يصرخ
اسامة: ولچ بيش قصرت وياچ مو اني دوم صديق الچن مو اخوچن
ليش تغدرينااا وتكسرين ظهرنا لييشششش
بقيت لازمة راسي بأيدي ومنزلته وابچي مالي وجه ارد واحجي شي كل الي يگوله حقه والله حقه اني موو خوش بنيية رجع گال
اسامة: ماريد اشوفچچ گدامي كارهچ كلش اكرهچ وخري ماريد أأذيچ
بجيت بصووت عالي وصحت
- اذييني اذينيي شتسويي بيا سوي بس لا تكررهني
مارد عليا دار وجهه ومشا عنـي
دخلت لغرفتي متت بچي تعبت اعصابي شسويت اني شسوويتت دمرت روحي ودمرت اهلي وجلطت ابويا شسويت يارببيي، اخخ بسس شيفيدد الندمم بعد كل الي صار؟
بقيت گاعدة بالزاويـة وابچـي، ابچي على ابويا وعلى الي سويته بي وابچي على اخويا الي اول مرة بحياتي اشوف دمعته وبسببي، وبأمي واختي الي بس گاعدات ويبجن وتدمرت نفسيتهم، وابچي على روحي شلون خدعني واحدد نذدل وحقير وخلاني احبه واتعلق بي واخون ثقة اهلي الي أول مرة بحياتي اخونها وبسببه هوَ التافه اووووفف ياربيييي.
ضليت خانسة بمكانـي واشهگ من البچي شكد ماتعبت من التفكير، لحد ما نمت بدون ماحس على روحي
****
شكرا لزيارتكم عالم روايات سكيرهوم
