رواية خواطر رجل الفصل الخامس بقلم جمانه السعيدي
احمد...رجعت للبيت انتضرت تنجمع العائله على الغدا حتى افتح الموضوع كدامهم كلهم
....اريد احجي وياكم بموضوع مهم
ابو احمد...خير خو ماكو مشكله بلشغل
ام.احمد ...بس دخلت اليوم حسيت اكو كلام تريد تحجي
احمد....اليوم ياسر طلب ايد مرام
مرام عافت الخاشوكه وبقت تباوع عليه
ابو احمد....ولله ياسر خوش وولد صار اكثر من خمس سنوات نعرفه رجال صدك
ومايطلع منه العيب حتى تدخين مايدخن
ام احمد....يوم الهنا اشوف مرام مزوجه واطمن عليه
يوسف اخو احمد....اي خل نخلص منه
ابو احمد...اني موافق اذا مرام وافقت طبعا وأعتقد ياسر خوش فرصه واتمنى مرام ماضيع هيج فرصه عليه
ام احمد....اي مامه ياسر خوش ولد
مرام...بس اني مامستعده للزواج بعد
واصلا كرهت سالفة الزواج كله صارت بيه عقده
جمانه السعيدي
ابو احمد...مو كل الشباب مثل مهند مهند مو خوش انسان و اناني يمكن رب العالمين يحبج وبعده عنج
مرام...ولو اني مامستعده بعد للزواج
احمد...الولد مامستعجل فكري زين وبعدين قرري واني اكول وافقي ماكو غير الزواج يطلعج من هاي الازمه
مرام....اني شبعت الحمد لله كمت من الاكل
ام احمد....وين بعد مااكلتي
ابو احمد...الله لايوفقك مهند ولا يرضا عليك شسويت بلبنبه
جانت مثل الورده المفتحه
احمد....همزين خلصت منه وواحد ناقص يفكر بس بنفسه
ام.احمد....اتمنى توافق على ياسر لان خوش ولد حرامات اضيع هيج فرصه منه
مرام...رحت غسلت وصعدت الغرفتي ياسر فاجئني بهذا الطلب ماانكر خوش انسان
بس اني مااكدر ادخله الحياتي واكول الزمن كفيل ينسيني
الماضي يعني اعوف حياتي على الاحتمالات
ايجوز مااكدر احبه
ويجوز يكدر ينسيني واحبه
حياتي مو لعبه واعوفه على الاحتمالات
وياسر مايستاهل مني اكون زوجته واحمل اسمه
وبعدين مااعرف راح احبه لو لا
ياسر....العصر اجه للمكتب بس احمد مرام مااجت
خفت لا ترفضني وترفض العمل وياي واخسره للابد
يمكن اني استعجلت
جمانه السعيدي
ياسر....ليش مرام مااجت اليوم
احمد....خليه تفكر براحته
باسر...احجي الصراحه ما وافقت على عرض الزواج
لو طلبت وقت تفكر
احمد...لا مارفضت بس طلبت وقت تفكر
ياسر...مااعرف ليش خفت ترفضني وبقيت على امل
احمد يقنعها وتقبل
بقيت اسبوع ماتجي للمكتب واني عايش بقلق
واحس المكتب تخربط جانت تمشي شغل هواي
ومرتبه كلشي
واني حسيت بفراغ مو طبيعي
تعودت اشوفه كدامي على طول
ياسر....احمد ماكو شي جديد
احمد...اليوم ارجع احجي وياها مره ثانيه
ياسر.. خل ترجع للشغل المكتب محتاجه احس الشغل تخربط من طلعت من المكتب
احمد...انشاء الله ترجع
احمد ...بس رجعت للبيت صعدت الغرفته لكيته كاعده
تلعب بلتليفون
...ممكن احجي وياج
مرام...اكيد ممكن
...ليش رافضه ياسر اني معاشره واعرف اخلاقه صار اكثر من خمس سنوات واني اذا اعرفه بي نقص لو انسان
مايتحمل المسوليه شلون انطي اختي الوحيده
مرام... مااكدر بعدني مامجاوزه الصدمه اني مو بس انصدمت بمهند اني انصدمت بكل الزلم
احمد....اذا مهند حيوان ومو كد المسوليه مو كل الزلم سوا
مرام...اذا ابن عمي ياكل ويشرب عدنا
واكثر من أربع سنوات والكل يكول مرام المهند
هيج يسوي بيه
الغريب شلون
احمد...مو كلنا مو كل اصابيعج سوا وهلمره ياسر بكفالتي
اطمني اني اكفله اللج
يله عاد كافي دلال وافقي الولد كاعد على نار
ترا ياسر مشتريج
بعدين المكتب صار مخربط بعد ماجنتي مشيته مثل الساعه ارجعي للشغل علما تفكرين وتقررين
مرام...انشاء الله باجر اداوم
احمد...وفكري بموضوع الزواج زين
جمانه السعيدي
احمد...دزيت مسج باجر مرام ترجع للمكتب
ياسر.. وموضوعي
احمد... قنعته شبه موافقه
ياسر.. تمام شكرا اخوي
احمد...تدلل عضيدي
ياسر بقيت منتضر على أحر من الجمر اشتاقيتله
صار اسبوع واني ماشايفه ابد
ثاني يوم وصلت قبلهم وبقت عيني على الباب
ربع ساعه ووصلت هي واحمد
سلمت وهي مدنكه مارفعت راسه
وراحت كبل المكتبه كعدت وبدت تشتغل
بعدين احمد طلع راح يجيب أوراق من مركز الشرطه
واني رحت وكفت يم مكتبه
ياسر ...ممكن ادققين هاي الاوراق
اخذتهن مني وماباوعت عليه ابد
مرام تمام
ياسر. ممكن احجي وياج كلمتين
مرام...تفضل
ياسر... ممكن اعرف انتي ليش رافضني شنو شفتي مني ورفضتيني
مرام....مو انت السبب السبب مني اني بعدني مامجاوزه الصدمه
ياسر. ترا هاي الصدمه عقلج خلقه وخلاج تعيشين بيه
انسان مو ثقه ولا كد المسوليه
لذالك ماكدر يحمل الامانه عافه ونهزم
المفروض انتي تفرحين خلصتي منه قبل لا تتورطين وتزوجي ويصير بينكم اطفال
مرام....بهلسوله ترا الإنسان كتلة مشاعر واحاسيس
ياسر.. اي ورب العالمين انطا عقل حتى يفكر ويطلع من الازمات ويجاوز الاشياء الصعبه
واني اشوف هاي التجربه كلش عاديه انسان ماكدر يكمل
عاف كلشي ونهزم
انتي اعتبري هذا درس وابدي من جديد
خوما تخلصين عمرج كله حزينه
بعدين انطيني فرصه وشوفي ايجوز اني وياج نجاوز كلشي بسهوله
مرام...وانت شنو ذنبك تصبر عليه
ياسر.. ذنبي احبج من اول يوم شفتج تذكرين من نجحتي من السادس وشفتج بالصدفه وياا احمد بلشارع
جان رايح يشتريلج هديه
من يومها عبالك انسحرت تعلقت بيج
واريد اساعدج حتى اطلعين من هاي المحنه وتبدي اني وياج من جديد
اني مراح اكلج هسه وافقي فورا
فكري ورجعيلي خبر صدكي اذا وافقتي راح اكون اسعد انسان بلدنيا كله
عفته ورجعت المكتبي كملنا شغل عادي ورجعنا للبيت
عندي احساس اني كدرت ااثر عليه
بعدين دفعت احمد يرجع يحجي وياها مره ثانيه
وامها كانت مقتنعه بهذا الزواج
مجاي اكدر اصبر اريد اخطبه اريد احس هي حلالي
وهنا كدرت ااحصل الموافقه على الخطبه
شكرا لزيارتكم عالم روايات سكيرهوم
