رواية الوجه الاخر للحقيقه الفصل الخامس بقلم جمانه السعيدي
ليلى....بهاي الفتره اثير اجا كعد بيتنا وعاف البيت الزوجته
كان يتأمل تتندم وترجع عن قرارها بطلب الطلاق
بس هي بلاخير انثى وحلم كل انثى تصير ام
ابد ماكانت تهمه الفلوس ولا البيت لان هي موظفه
وأهلها ناس شبعانين
بس كانت تريد اتصير ام وهذا الشي من حقها
اثير خلال ٣ سنوات زواج شكد راح دكاتره وابوي اخذه المراكز علاجيه
وصرف علي فلوس بلا عدد
بس ياسبحان الله اثير ماله قسمه يصير عنده اطفال
ابوي راح على زوجت اثير وشكد حاول وياها تبقى ويااا
بس هي ماكانت رافضه اثير
بس رافضه تكون بلا اطفال أخواتها كلهن مزوجات وعدهن اطفال وهي هم تريد اتصير ام حالها حالهن
بيتنا كان حزين وكئيب بسبب حالة اثير
يكسر الكلب متعلق بزوجته وهم عنده حلم يصير اب بيوم من الايام
كطع الاكل والكلام ودائما كاعد وحده
عبالك بعالم ثاني غير هذا العالم
زوجت اثير رجعت بيت اهلها وطلبت الطلاك
وطلبت تاخذ كل حقوقها
كل هاي الاحداث كانت شاهده عليهن كوثر بحكم هي ساكنه ويانه وتشوف كلشي
كوثر...خطيه اثير ما يستاهل
ليلى...الله يصبره ويعوضه
كوثر....شكد غبيه زوجته يعني عايشه بكل هذا الخير
والعز والدلال تالي تريد تنفصل
علمود شنو علمود الاطفال يااا اطفال يا بطيخ
دعيشي يحظي وتونسي
هسه الاطفال نمونه
جمانه السعيدي
ليلى....الله اعلم شنو احساسها اني اعرفه تحب اثير
بس احساس الامومه ما يتعوض ابد
كوثر...لا ما تحبه لو تحبه جان صبرت علي وتحملت
ليلى...كلشي مقدر ومكتوب من رب العالمين
ليلى..... فد .مره كوثر جاي تشوفني سوت حلو تريد تاخذه للدوام
وهي تحرك الصور طلعت صورة ولد بس هي بسرعه
حركت الصور واني مادققت علي
بس بداخلي كلت ايجوز هو هذا الي تحبه
ليلى...بعدها اثير بقه بيتنا ابد ماوصل البيته امي وابوي
مايقبلون يروح للبيت يخافون علي لا يضوج اكثر
وبهاي الفتره كانت كوثر على خلاف وياا حبيبها
من بعد المشكله الاخيره بينهم
اني عرفت اكو بينهم خلاف لان بطلت تسهر وتراسل مثل قبل
اني اتخرجت بهاي السنه
وولد كان يداوم وياي اتعرف عليه بااخر سنه من الكليه
من البدايه كان واضح وياي
كال اني نيتي زواج ولا الف ولا ادور
اني شفتج ونعجبت بيج
وخلال كم شهر كنت اراقب تصرفاتج كلش عجبتيني
واريد اتقدملج
ليلى....اني ماعندي رد الرد الاخير يم اهلي
بس يمكن بابا مراح يقبل ازوج محافظات لان بعيده
....احنا مو بعيدين كله ساعتين وتكونين يم اهلج
اني ماعندي احد عايش بلبيت فقط اني وامي
وعندي مشروع عايش منه حالتنا الماديه زينه
ليلى...خلاص تعال احجي وياا بابا جمانه السعيدي
ليلى...بيومها من رجعت للبيت حجيت الامي وحجيت الكوثر وحجيت الاختى المزوجه
الصراحه كنت فرحانه بي حيل لان ولد اخلاق ادب
ورزن وشكله حلو
الكل كان فرحان اله كوثر تعرفون شكالت
كوثر...اي قابل مثل حظي صار ٣ سنوات حب وهسه يكول اني مومال زواج
وانتي ما تناسبيني وهو اذاناته شكبر الوحده شويه ويطير بيهن
هاي القسمه الزينه كبل خطبه وزواج وفوكاها بس هو وامه لعد مثل حظي
ليلى...كلامه حيل استفزني بس اني مو من النوع العصبي
عديت وسكتت
اعتبرتها جاي تتشاقا وياي
شويه صار اكو أجواء بيتنا على شغلت الخطوبه بعد ماكنا ضايجين على اثير
صحيح بابا بلبدايه رفض فكرت زواجي بغير محافظه
بس الولد بقه مصمم ورجع اتقدملي مره ثانيه
بابا من شاف عندي قبول على هذا الموضوع وافق علي
بعدي خطوبتي بدت كوثر تتقرب من اثير
يعني تخدر جاي وتروح تاخذله كوب وتكعد تحجي ويااا
تنتضر على الغده
تسئله اذا يحب اكله معينه
كلنا متوقعين هي جاي تساعده حتى يطلع من هاي المحنه
لان هو فعلا تغير تغير جذري
صار واحد ثاني ٣ سنوات زواج وحب وتعلق وانسجام هو وزوجته تالي تعوفه علمود شغله هو ماله ايد بيها
هاي حكمة رب العالمين
ابد ماكنا متوقعين كوثر خلت اثير براسها
وتريده يزوجها طمعت بي وبفلوسه
من ترجع من الدوام تلبس ملابس ضيكه لو تراك لونه غريب
ومخصر على جسمها ومكياج وعطر
وتضل تفتر ورا
وين مايكعد تكعد ويااا
واذا اتأخر على العشه تبقى منتضرته لمن يرجع للبيت
وتتعشى وياااا
خلته بعقلها ومستحيل تعوفه
صممت ما تطلع من بيتنا اله تاخذ اكبر حصه من هذا البيت
جمانه السعيدي
بعيد ميلاده صممت تسويله حفله
وصت بابا جاب كيكه وعصير وحلويات وسوتله حفله
كلنا فرحنا بهاي الاجواء
وخاصه اثير الي بده ينتبه الاهتمام كوثر الزايد بي
بعد ماكان يحس نفسه منبوذ ومحد يريده لان زوجته عافته
بلحفله حارت شلبست وشلون تركص حتى تلفت انتباه اثير عليها حتى وكلته اول قطعه من الكيك باايدها
طبعا هو بس يضحك على تصرفاتها
بدت كوثر تبينلي ان هي عافت ذاك الولد
ونست كلشي وهي اصلا اكتشفت هي ما تحبه وهمزين عافته وهو ابد مو مناسب الها
ليلى...اكيد رب العالمين يحبج لان بعده عن طريقج
كوثر...اكيد اني اثق بختيار رب العالمين
رب العالمين راح يقدملي شخص احسن منه الف مره
مثل ماكتلكم كوثر صارت مثل ضل اثير كل الوقت لازكه بي واذا تريد شي تطلبه منه
هو ينحرج منها يروح ايجيبلها
بيوم كاعد نتعشى
كوثر...اثير راح تطلع
اثير...اي ليش اكو شي
كوثر...لا بس محتاجه شوية شغلات اذا تاخذني وياك
اثير...بس عندي موعد ويا وولد جماعتي
كوثر...خلاص اذا هيج بس اني مراح اااخرك
اثير...اتصل عليهم انطيهم خبر راح اتأخر عليهم
كوثر...شكرا حبيبي
ليلى...كانت متعمده تكول حبيبي ومتعمده تطلع ويااا
تريد تلمحله هي تحبه
لان بلبيت ماعدها مجال تستفرد بي
وهو من يرجع من الدوام يتغدا وينام ورا العشى يطلع
بس مادام هو بلبيت هي وياا مثل ضله
طلعو اثير وكوثر جمانه السعيدي
ليلى...ماما انتي ملاحظه كوثر جاي تتقرب من اثير
ماما...اي طبعا ملاحظه بس خليها خليها بلكت يطلع من هاي الحاله بلكت ينسجمون هو وياها
ليلى...قصدج تحبه
ماما...وليش ما تحبه شنو ناقصه جمال وكمال وفلوس
وشخصيه اثير ماكو مثله
ليلى....يعني ممكن هو وكوثر يرتبطون
ماما...اني بلنسبه اليه اكيف على الاقل نعرفها ونعرف اهلها
عايشه ويانه خوش بنيه
واخوج مراح يطلع من هاي الحاله اله يزوج
ليلى....الله كريم
من رجعو اثير وكوثر بهاي اليله كان باين عليهم الانسجام
اصلا اثير مراح الاصدقائه
نسى نفسه ويااا كوثر
بس دخلو للبيت اشرلي اثير
اثير...ليلى تعاي اريدج بكلام مهم
ليلى...شكووو
اثير...ادخلي وطبكي الباب وراج
ليلى...يالله طبكت الباب شكوووو
اثير...اكعدي اريد اسئلج كم سوال
ليلى...تفضل اسمعك
اثير...شنو رائيج بكوثر
ليلى...من اي ناحيه
اثير...من كل النواحي
ليلى...ليش تسئل
اثير...جاوبي بلاول وبعدين احجيلج
ليلى...خوش بنيه فقيره وبحالها
اثير.. اريد احجيلج سر بس لا تحجين الاي احد
ليلى...كول شنو السر
اثير....كوثر اعترفتلي تحبني ومعجبه بيه ومستعده
نزوج وماتريد اطفال
ليلى...هي كالت هيج
اثير...اي هسه من طلعنا هي ماكانت تريد تشتري مثل ماكالت
تكول اني اريد اعترفلك اني احبك بلبيت مااكدر احجي كدام اهلك براحتي جمانه السعيدي
انت ما ناقصك شي والف وحده تتمناك
واذا ناوي على زواج اني وياك نزوج وواعدك اني مراح
احجي بموضوع الاطفال ابد
هذا رزق من رب العالمين وكلشي يجي من رب العالمين حلو
ليلى...اي بيها الخير مادام هي تعرف عنك كلشي وقابله بهذا الوضع خلاص مبروك
على الاقل نعرفها ونعرف اهلها احسن من الغريبه
ما تنحزر
وانت اكيد اول وتالي راح تزوج اذا مو اليوم باجر
والمثل يكول اخذ الي يحبك ولا تاخذ الي تحبه
اثير...خلاص اني راح افاتح ابوي بهذا الموضوع
حتى بس تنزل كوثر الاهلها بعد كم يوم من تخلص امتحانات
نروح نطلب ايدها من أبوها
نزل اثير بنفس اللحظه جوا يم بابا وهو فرحان وفاتح بابا بموضوع الخطبه
ابوي وامي كانو اكثر ثنيبن فرحانين بهاي الزواجه
على اعتبار كوثر تعرف كلشي عن اثير ومراح تعوفه مثل زوجته الاولى
ومن اقاربنا ومضمونه
واهم من ذني كلهن اثير راح تتغير حالته النفسيه
ليلى ...دخلت للغرفه لكيت كوثر كاعده تكلب بلتليفون
ليلى.. مبروك
كوثر...الله يبارك بيج بس على شنو
ليلى...على اثير ترا اثير كلبه طيب ويستاهل كل خير
كوثر...اني حبيته من اول مادخلت هذا البيت
ليلى...راسا اذكرت حبيبها وحسيتها جاي تبالغ بوصف مشاعرها
بس كلت ايجوز حست اثير رجال اكثر من هذا الي لعب بمشاعرها وعافها
فعلا من كملت امتحانات كوثر ورجعت بيت اهلها
أخذنا مشيه وراحنا وراها نطلب ايدها
اهلها كانو موافقين قبل لا نوصل ونطلب ايدها
قررنا يكون الزواج بنهاية العطله
لمن البنيه تكمل تجهيز كلشي
شكرا لزيارتكم عالم روايات سكيرهوم
