رواية كيد الرجال الفصل الخامس بقلم جمانه السعيدي
لطيف...اي بروح اهلك اريد اعرف اني شنو الغلط الي ارتكبتا
احبها ومداربها على اربع وعشرين حبايه
اذا كالت اه كلبي يوجعني كبلها
اذا تعبت اضغط على نفسي حتى ترتاح
تطلب فلوس حتلو اتقرض انطيها
من ازوجنا كبل بيت وحدها حتى ترتاح لا قال ولا قيل
اذا ارجع للبيت والكاها مامحضره اكل ماغاسله ملابسي
ابد ماافتح حلكي حتى لا تزعل
وقت راحتي احاول اساعدها بشغل البيت حتى لايصير عليها ضغط
من عرفت مايصير عدها اطفال استعوضت رب العالمين
خير وكلت ميخالف
وجودها بحياتي كافي يعوضي عن كلشي
من كالت لا اني اريد اطفال خفت مو خفت مايصير عدنا اطفال
لا خفت العمليه ماتنجح ونفسيتها تتعب
رحت اتقرضت فلوس وحملت نفسي فوك طاقتها بس حتى هي تكون سعيده ومرتاحه
امها ماقبلت تتقبلها وداريها أثناء الحمل
اني اطبخ وواوكل واشرب واسبح وامشط هملت نفسي
لحد كمت اروح للدوام ملابسي وصخه ومامكويه
كالت اريد فلوس نص الراتب الها
تريد اجمع ليش اجمع مااعرف
يعني هي المره شتريد غير هيج اخاف عليها اكثر من نفسي برائيك اني غلطان لان حبيتها
وفضلتها على نفسي جمانه السعيدي
اني سامع المره الي تخون يكون عدها عذر
زوجي هاملني يدور نسوان بخيل
اهله يدخلون بحياتنا ذني كلهن ماعندي
ليش تخون بس فهمني
علي...اهدء على كيفك اكثر الملامه عليك
لطيف...ليش
علي...مو كل إنسان يستحق الحب والاحترام والتقدير
زوجتك شافتك تحبها وملهوف عليه
وماترفضلها طلب ومستعد اضحي بنفسك حتى هي تكون مرتاحه وعرفت شلون تستغل هذا الحب
وتبقى تضغط عليك حتى تستنزفك الاخر لحظه
لمن شافت اخرك راحت ادور غيرك لان انت أصبحت واحد ممل بلنسبه الها
وأخذت كلشي عندك بيتك وفلوسك وصحتك وراحتك
لطيف... كنت متوقع كلما اتعب وياها اكثر وانطيها اكثر
تكون وفيه وياي اكثر اثاري جاي اخرب على نفسي
بهذا الدلال والاهتمام
علي....لا اضوج همزين كشفتها
لطيف...بعديش بعد ما دمرتني انت ماتعرف اني شجاي احس اني جاي احترك ليش بعد كل هذا الحب
هيج اجازيني
علي...ميخالف تعال نفكر اني وياك شلون نحل هاي المشكله
لطيف....قسما برب الكون اذا مااخليها ترجع كلشي اخذته
اني مااسما لطيف
وشكد جنت احبها راح اكرها اضعاف اضعاف هذا الحب
اله ادمرها مثل مادمرتني
علي... اهدء العصبيه ماتحل مشكله
تعال نفكر اني وياك بحل مناسب
اي مساعدا اني حاضر
لطيف...اي اكيد احتاج مساعدتك
علي.. كول اني مستعد اوصل وياك الابعد حد اني اخوك
اامرني واني حاضر
لطيف...اني من دخلت على تليفونها شفتها تحاول تصيد اي واحد غني لان هيا اساسا وحده طماعه ماتشبع ابد
علي...زين
لطيف .احنا راح ندخللها من هذا الباب على كولة المثل طمعهم قتلهم
علي...اي كمل
لطيف... راح اصرف شوية فلوس حتى ارجع حقي
علي....يعني
لطيف... انت راح تكون بطل هاي المغامره
علي...شلون
لطيف....اني اكلك شلون
اولا ...راح اجيبلك ملابس راقيه على كم ساعه احدث موديل حتى تبين واحد مليونير
لازم نروح معرض السيارات كون أرقى معرض
ناخذلك كم صوره وياا احدث السيارات
وبعدين تسوي صفحه باسم غير اسمك
وتنزل ذني الصور بلصفحه
علي... سهله عرفت قصدك
لطيف...بعد محتاجين بيت راقي فلا يعني مكان محترم
حتى تنشر صور من داخل هذا المكان
علي... مكان راقي خل افكر مكان راقي ووين يااعلي
مكان راقي اي لكيتها
اني صديقي مهندس زراعي يشتغل عد هاي الناس الطاكه يشتغل ترتيب حدايق
شنو رائيك اتصل علي حتى يساعدني اخذ كم صوره
او فديو زغير من داخل هيج أماكن
لطيف...انت ضامنه يوافق
علي...يحب يخدمني اكو كم بيت راقي
احدث موديل
اهلها ما موجودين مسافرين خارج العراق وهو يروح للحارس كل فتره حتى يرتب الحديقه
اني اخذ منا موعد واروح وياا ادخل بحجة اساعدا
واصورلك هيج شغلات
جمانه السعيدي
لطيف...بعد نريد مكتب حلو علي اسمك الجديد واسم شركه وهميه تكون لابس قاط مرتب وتكعد هناك
علي...عادي اني ممكن ادبر قطعه مكتبيه واخلي عليها الاسم واذا على القاط لا تشيل هم
لطيف...اريدها تصدك انت من أصحاب الشركات
وعندك سيارات واملاك
حتى توكع على بوزها هي تخرب على الفلوس والفخفخه
واني راح ادخل عليها من هذا الباب
علي....ولا يهمك من باجر ابدي احضر كلشي اتفقنا علي
حسبت اسبوع تكون كل الفديوات
والصور موجوده
لطيف...اشوف كلشي قبل لا تنشر راح انطيك حسابها
حتى تدخل عليها
راح نتفق على كلشي
علي.. تمام اني بخدمتك
لطيف...اني هم راح اشتغلك كم صوره على اساس بلخارج
بلمنتجعات باوربا
ودبي ومصر راح اشتغلهن بطريقه احترافيه فتوشوب
من تشوفهن مراح تصدك ذني فوتشوب
اني خليتها بعقلي ومثل مااخذت مني كلشي بلحيله
راح ارجع كلشي اخذته بلحيله
هي الي بدت وتستاهل الي راح يصير وياها
لطيف اتفقنا على موعد على باجر
رجعت للبيت لكبتها كاعده تراسل بلتليفون
مااهتمت الوجودي
اول مره من يوم ازوجنا لليوم من اشوفها احس نفسي اكرها
قبل من ادخل ابقى ادور عليه
لمن اشوفها ارتاح
جمانه السعيدي
عفتها ودخلت غرفة النوم مااكدر حتى احجي وياها
ليلية من ادخل ابقى احجي وياها وتشاقى واجيبلها عشى جاهز
رغم كانت ترد عليه من طرف خشمه
بس كنت انطيها الف عذر
بس بعد كافي انتهت اللعبه بدا العد التنازلي
كل واحد لازم ياخذ استحقاقه
تتعامل وياي وكانما ماموجود
ولا اجت ولا سئلتني وين جنت اكلت لا
اسمعها تصيح على الجهال تريدهم ينامون
كعدت الصبح بدلت وطلعت اخذت التراجي الي جبتهن الها البارحه هديه
رجعتهن على الصايغ وأخذت الفلوس
اليوم جمعه يعني عطله اريد اخلص كل الأشياء الي اتفقنا عليهن اني وعلي
لكيتا محدد موعد وياا صديقه حتى نروح البيت احد الزباين يرتبون الحديقه
اجوني علي وصديقه
لطيف...صباح الخير
علي...صباح الخير اصعد
سلام...صباح الخير
علي...سلام راح ياخذنا مكان يخبل
لطيف.. شلونك سلام اتنمى مانزعجك
سلام...لا كل ازعاج ماكووو راح اخذكم فله تخبل
بس كون يقبلون ندخل طبعا هيج أماكن ممنوع الدخول لطيف.....انشاء الله يقبلون
سلام....راح اخذكم ٣ اماكن اذا ماقبلو بلمكان الاول
راح يقبلون بلمكان الثاني
جمانه السعيدي
وصلنا منطقه راقيه بشكل الأشجار نازله على الشارع
البيوت تخبل اقل بيت ٦٠٠ متر هذا ازغر بيت
باقي البيوت كله الف متر
لكينا الحارس بلباب
سلام...السلام عليكم منير
منير...عليكم السلام
سلام... ذوله جماعتي يدخلون وياي وعلى ضمانتي
اي شي يصير اني مسؤل
منير...مااكدر هاي مسوليه
سلام...هاي شنو مو كتلك على مسؤليتي انت تعرفني من
زمان صار اكثر من خمس سنوات اني وياكم
شفت مني شي موزين
منير...لا ابد
سلام...اني اتحمل المسوليه لا تخاف مراح يصير شي
لطيف...بقا سلام يقنع بي اكثر من ربع ساعه يله قبل ندخل
اني من دخلت فكيت حلكي
شنو هاي البيت مساحته الف متر
المنطقه توزيع جديد كل البيوت راقيه بشكل مو معقول
الحديقه شكبرها حقهم يخلون واحد يعتني بيها
لو اني اخلي حراس ثنيين مو واحد
طبعا علي لابس قاط وكاشخ كل قوته
وجايب ملابس حتى يغير علمود الصور
الحارس فتش الجنطه يله دخلنا
سئلنا شنو هاي الملابس
علي ...نريد ناخذهن غسل وكوي
دخلنا جوا هاي شنووو هذا بيت والي احنا ساكنين بي نسمي بيت شي فوك الخيال
سلام بدا يشوف شغله
واني وعلي ناخذ صور ماخلينا مكان يعتب علينا
سلام دخل جوا اكو خدامه تنضف الفلا طلب منها جاي
مااعرف شنو كاللها جابتلنا جاي بكوابه مدري شنو
مو كوابه تعال وصور وياهن
اخذت كم صوره للخدامه وهي تخلي الجاي كدام علي
بعدين قربت عليه
لطيف...من رخصتج
...تفضل
لطيف...طلعت ٢٥ هاي الج اكراميه اذا تقبلين ناخذ كم صوره جوا
اول شي ترددت بعدين باوعت للحارس مامنتبه
...اي ميخالف بس بسرعه لان اذا وصل خبر الاهل البيت
انطرد من عملي
لطيف...كم لقطه وبس
شكرا لزيارتكم عالم روايات سكيرهوم
