رواية عشك فلاح الفصل الرابع 4 بقلم ورود الخالدي

علي::

جنت..رايح لصاحبي اتعلل..وتذكرت الماطور..اهووو نسيت ماطفيته وهو من الضهر..يدك ع الزرع هسه يخلص دهن ويكوم يدخن ويحترك..والصبح..ابوي يضل يدردم..شفت الشمس بعدها مانزلت كلت اي..الحك اروح اطفي وارجع لبيت حميزة..صاحبي بعد وكت العصر بعده باوله فريت سيارتي ورديت للكاع بعدني ماواصل للماطور..شفت زهيرت وزنوبة يركضن...خوش هين انه اعلمهن جم مرة كتلتهن..وكتلهن ﻻتسبحن يم الماطور..كلشي يصير..يجوز احد يشوفهن بس ماياخذن الحجي هين من ارد اعلمهن وكفت السيارة بسد النخﻻت..ومشيت ..اباوع بالماي شفت راس يغط ويطلع شني هاي..باوعت زين..انا اخو حسين هاي..جنة شعدها هنا..وشبيها تغط وتطلع شو الماي مو غميج وهي بت جبيرة ..مايغركها ﻷالماي..عرفت هي جاية تسبح وياهن.... اي زهيرة وزنيبة جايباتهه..وياهن..بس هاي شبيها..والغسل راح تغرك روحها..صحت:

جنة....جنة...هووووي..جنة...شبيج راح تغركين روجح ولج الماي موغميج..

بس يمكن ماتسمعني الماطور حسه عالي وهيه صايره جواه...عدل..كلت خليها تشبع ماي يطبها مرض..مني كايللها تسبح يم الماطور..بقيت شويه كسرت خاطري..شني اخليها تغرك قابل..نزعت غترتي ونزلت للماي ادنيت يمها لزمتها..الماي موغميج واصل نص سدري بس هيه من لزمتها..جلبت بيه..جيل بعدين عردت بدشداشتي من يم سدري..هاي شبيها..زمخت بيها:                                  

شبيج ..ولج الماي موغميج اوكفي على رجلج ماتغركين...

بس جنها ماتسمعني جلبت بدشداشتي اخ اظافرها طوال نبتن..بسدري ملخني تملخ..شفتها شهكت واخذت نفس بس شافتني كامت ترجف وتكح وتحجي بسرعة:

                                

علي..علي..فدوة..فدوة...لتهدني فدوة ..راح اغرك فدوة علي طلعني..

وضلت معرده بية بس ملخني اظافرها..احس سدري تشكك..زمخت بيها

بت..الكلب..اسمعيني اكلج الماي مو غميج..اوكفي على رجلج..ولج اظافرج ملخني..هديني..شبيج معردة بيه..ما اخليج تغركين ﻻتخافين..

ها...هااااه..اوكف..يعني ما اغرك..

اي بس اوكفي على رجليج..

شوية وهدت..وكفت على رجليها..شافت الماي مو غميج واصل لجتفها هدتني بساع

بقت صافنه بوجهي..وانه هم صافن بوجهها..شني هاي يربي بنيه لو لعابة..عيونها..يلمعن وشفتها..جنها..عنباية..زغيره ﻻ....ورموشها مبللات وشعرها..يكتل ..مبلل..واكع عل متها..بقيت صافن بوجهها..بعدين هي دنكت..هسه انه شبيه..صافن عليها..شو خلني اطلع من الماي هسه يمرك احد منا ويلكانه بالماي شيكول علينا..

                                

شفتي الماي مو غميج..شبيج خوثة وتبلبطين همزين..ماغركتي روحج..والغسل..غسلج..اذا ما تعرفين تسبحين ليش..تجين لهنا..

مو..مو..

ﻻ مو..وﻻغيرة انه راح اطلع..وانتي هم اطلعي روحي بساع طبي كعدي بحجرة الماطور ﻻتشوفج الوادم..

ردت ادير وجهي..شو هم عردت بيه:

اخ..بت الكلب..اظافرج..اظافرج ﻻتعردين بيه..ملختيني

فدوة..فدوة طلعني..اني ما اعرف اطلع!

شني ما تعرفين اطلعين شوفيني شلون اطلع وطلعي مثلي..والله بلوة..انتي..

وخرت ايدها..وطلعت من الماي كتلها:

طلعي:

شوهاي بجت:

كتلك..ما اعرف..اطلع..ما اعرف اطلع والله..

اهووووو...بويه اطيني ايدج..ادني..للجرف..ادني واطيتي ايدج انه اجرج واطلعج.

مشت بالماي على كيفها..اطتني ايدها..اجرها..ماتجي..... خويه عيني روحج خلي..اطلعج شبيج ركستي بالماي..والله لو هايشه راكسه بالماي جا..طلعتها..اسرع منج!!

شو..هاي بسرعة هدتني..

هايشة شنو احترم نفسك..شنو هاﻻلفاظ يعني تقارني اني والهايشة!

متت..من الضحك..ضاجت..جا كلت هايشة:

بوية مو هايشة غزالة ..بس تعالي اطلعج..؟

                                            

              

                    

رجعت انطتني ايدها..بس هم ماتخليني اطلعها شلعت كلبي زلمة شكدني..ﻻزم ايدها وماتجي بيدي اكدر افوت للماي اشيلها واطلعها بس زحمة..استحي احضنها واطلها..

خويه شبيج..رخي..روحج شبيج جامدة ترة الماي مو غميج وانتي خابصة روحج:

مو..مو..الكاع جو رجلي..تزلك مااكدر..اصعد رجلي..

اوكفي انه راح اطلعج..نزلت..للماي امري..لله..حضنتها..وطلعتها للجرف..بس طلعتها..

بعدني ماهادها..اخخخخخخ..جسمها..حلو مربرب..بين اديه..احترك..ابوي شني هاي ما ﻻبسه شي جوة هدومها..وسدرها ﻻطش على سدري..احس بيه ذبحني..ذبح..مدري شبيه ماهديتها..بساع ضليت حاضنها باوعت بعيونها..همت..انه الغركت بعيونها مو هيه الغركانة..روحي ثكبت ماتحملت..رأسا..حمه جسمي..اي...من زمان..ما حاط ايدي على مرة وهي مو مرة..تكتل..كتل..رادت..توخر بس انه حضنتها..بعد مدري شبيها روحي ماتخلنيني اهدها ..بعدين طكنا الهوة هي رجفت بيدي..انتبهت..فكرت..ﻻزم اهدها هسه هيه مبلمة ساكته وترجف انه شبيه حاضنها..وجمالة جسمي ثاكب نار..عيب هيج ﻻطش عليها هسه تحس بيه عيب منها هديتها..ادنيت لورة..دخيلك ربي صدك ما ﻻبسه شي جوه هدومها الدشداشة ﻻزكة عليها جسمها كله مبين حسبالك عريانه درت وجهي..

وزمخت بيها..

روحي..روحي ركضي..فوتي للسيارة..بت..الكلب... روحي..بسرعة ﻻيمرك احد..منا..                  

شفتها..خافت راحت تركض..للسيارة..اخخخ..تركض..جسمها يهتز..جنها غزاله شاردة..والدشداشة ﻻزكة ..مرفوعةشوية..طالعات عضلها شحم ومدورات...شفتها فتحت باب السيارة وطبت..

انه..رحت وكفت وره النخﻻت..شني هاي ..دخيل الله ورسوله..حورية..ﻻ والله احلى من الحورية..بس عيب..والله عيب..هيج حضنتها..بس ﻻحست بيه..ثاكبة عندي..اي اكيد حست..شفتها رجفت وارتبكت..ودفعتني..اي والله حست بيه شلون ماتحس..بحسمي وانه شابكها حيل..افه...افه عليك ابو محمد شمالك ماكضيت روحك..والله زحمة وعيب من البت..بس شسوي مو بيدي...والله موبيدي..هيه روح لو حديدة..وجمالة انه محروم من زمان ماالوم روحي..بس زحمة منها..فكرت كلت خلي تهده روحي وكلبي يرتاح ..وجسمي ياخذ قرارة ويركز..واروح اتعذر منها..خاف صار ابالها شي..بس شويه واجتني..

غير..فكرة..راسا عقلي افتر..وكلت لروحي..هيه مو جانت تسبح وياهن وهنه شافني وخافن وشردن..جا اذا فايته بالماي وتسبح وياهن ليش سوت روحها غركانه من شافتني..هههه..هسه افتهمت..هاي شلون شيطانة وانه..الفطير صدكت بيها حسبالي..صدك تغرك..وحتى من اجيت اطلعها معردة بيه وتشبك..بيه وفدوة علي..فدوة علي..ومن ردت اطلعها مارضت تطلع اله حضنتها...وطلعتها..شني هاي..صدك شيطانه مو بت ..متأكد..هي متقصدة سوت روحها غركانه تتبكبك وتتنغوص وانه هم مثل الغشيم عبرت عليه بساع..اووف..اووف يالنسوان ماينكدرلجن..ولو ردتن..تمشن اعوج..كلشي تسون..

رديت للسيارة ذبيت الغترة عليها ودرت وجهي:

ستري روحج..خل اخذج للحوش..

فرشت الغترة على جسمها صعدت كعدت بالسيارة كبل ما احرك كتلها:

مسويه روحج غركانه...مو..صدك انتي شيطانه بس.... شوفي ..واسمعي..وخليها ترجيه بأذنج خاف عقلج يوزج..ترة ﻻ انتي وﻻ عشرة مثلج..يكدرن يوكعن ابو محمد..بالغلط..ولج انه فﻻح وابن فلح..حسبالج هاي هيه عبرت..عليه..ترة..ماتعبر..بس كلت خلي اشوفها وين تريد توصل بسوالفها..المبربته!!

شن...شنو..قصدك..شنو اوكعك بالغلط..مفهمت؟؟

ﻻفهمتي كلش زين مو تكولين انتي فهيمة وعندج جواب على كلشي..يعني تفتهمين..شحجي..بطلي هاي السوالف..وﻻتتورطين وياي..ترة اليتورط..وياي تاليته سودة..

انت..انت شدتحجي؟؟

اششش..وﻻ حجاية..ﻻتخليني..احجي بعد..واطيح حضج اكثر..

رأسا دموعها جرن..ههههه..تتبكبك..حسبالها..اصدك بيها بعد..

وحركت بالسيارة وصلت للبيت:

يله انزلي وروحي من ورة الحوش فوتي من يم باب الترك..بدلي هدومج ﻻيشوفج حسين لو حيدر.. هيج دشداشتج ﻻزكة عليج..مامعتازين طﻻيب ويه نسوانهم!!

فتحت الها الباب نزلت بس مختنكة..تبجي بﻻ حس..بس دموعها يجرن..طبها مرض تستاهل كل حجايه كلتها..شحسبالها..تلعب على واحد مثلي اذا كبل..لاعبه على غيري..ماتلعب عليه..كاشف سوالفها!!

جنة::

نزلت من السيارة ركضت خفت منه يحجي عليه حجي مدري منين ديجيبه مخﻻني..ادافع عن نفسي بس يزمخ..بس شنو يقصد بكﻻمة شنو عباله اني دا اجذب..يعني مفكر اني متقصدة هالشي..هذا شلون يفكر..والله مريض..مفكر..اني مخليته ابالي واريد اغري..من امدايه هو اني بحاله اصﻻ من دون اهل البيت اني اكرهه..بس كﻻمه حيل جرحني دموعي كامن يجرن مثل المطر..احس نفسي مظلومة ما اكدر ادافع عن نفسي..اني اكرهه..والله اموت..منه واعرف هو هم ممرتاح لجيتي بس مو معناها..يتبله.... ويتهمني بشي باطل اتمنى....الله ياخذه..هذا شنو من بشر ليش هيج يفكر..ليش افكارة عاطلة وباطلة من اجيت لحد اﻻن بس يبسمر..بيه..وﻻن طلعني من المي..يتهمني بالباطل بس ليش هيج يتصرف اني شمسويتله ليش هالكد يكرهني..ورجعت افكر..بالي صار..هو طلعني من المي بقة حاضني رغم اني دفعته..بس بقة حاضني 3 دقايق تقريبا..اني رجفت من الهوة بعدين هدني..شنو الي خﻻه هيج يفكر..ياالله مدا افهمه احس بي شخص غامض..ساعة يحجي بهدوء ويضحك وفجأة يصير عصبي ويكوم يزمخ ويغرد..ويرزل بيه هذا شبيه ﻻزم بيه شي موخالي..دخلت للحمام جانت تنورتي وقميصي بعدهن معلكات..نزعت الدشداشه..جانت غترته عندي خليتها على راسي فتت اي همزين محد بالهول لكيت شيلة عمه ام علي بالكاع لبستها جان تطلع امي وعمتي من غرفة حسين وياهن..زنوبه تأشرلي تكلي ﻻتحجين..اني هم سكتت..محجيت سويت نفسي ارتب بالمﻻبس بالجنطة اسمع عمه ام علي:

هو الفريخ من العصر مداهس باجر من الصبح اخلي ابو..ياخذه للطبيب..هنه..جنايني مابيهن حظ..يخلن الفرخ لمن يﻻكس يله يحجن:

اي دادة..خلي ياخذه ابوه..للطبيب باجر..الصخونه موزينه عليه بعده..زغيرحتي شهرين ماجازي..

اي خيه اي..

وشفتهن..دخلن للمطبخ..اجت زنوبه تشاوني:

هاجنة..خو ماشافج علي يم..الماطور

يا ماشافني زنوبه والله لوميته وﻻشايفني علي هناك..بس زنوبه هذا شبي اخوج ليش هالكد يكرهني اني شمسويتله؟؟

يااااا...تكول يكرهني..ﻻخيتي مايكرهج..بس انتي يكره النسوان كلها من ماتت مرته لليوم؟

ليش..هيه شلون ماتت مرته..

خيتي انه جنت زغيرة من ماتت بس حميدة سولفتلي من كبرت..تكول..علي جان رايح البغداد..يتسوك..للحوش غراض..ومرته كالت اروح لهلي ابات ليلة واجي اخذت ابنها وراحت.. ..والصبح اجه الخبر ﻻهلي ..اخوها..ذابحها؟

شنو...شكلتي..اخوها ذابحها..ليش؟

خيتي استغفر..الله استغفر الله يكولون كاظ عليها واحد..ورة الحوش مالتهم..وﻻزمهم اثنينهم كاتلهم..بعدين الوادم عرفت..هيه جانت عاشكته من زمان كبل ما ياخذها اخوي..بس ابوي اخذ محمد منهم..هذا كل السمعته بس خيتي فدوة لعينج سوي روحج..ماتدرين جني ماكايلتج..ﻻن علي مايرضة احد يجيب طاريها..بالحوش..اذا احد حجة بيها يتسودن..يكول ما اريد احد يجيب طاريها عدنا..وﻻجدام..محمد نذكر اسمها..

ﻻ..ﻻ اكيد..ما احجي..

الفصل الخامس من هنا 

شكرا لزيارتكم عالم روايات سكيرهوم