رواية عشك فلاح الفصل الخامس بقلم ورود الخالدي
احبتي الرواية الجديدة التي تحمل عنوان عشك فﻻح هي..رواية عراقية..في سطورها خليط من اللهجة البغدادية..والريفية ..تتمحور احداثها..حول فتاة بغدادية جميلة تضطر..للهرب مع والدتها..من مدينتها..الى اقرباء..والدتها..في الريف..وبطلنا هو فﻻح اصيل من الريف..بشخصية فذه...تعرض..لصدمة..في حياته جعلته شخصا..ﻻيثق بأحد وخصوصا...النساء..كيف ستجمعهم الرواية..وكيف ستكون العﻻقة بين شخصين مختلفين..في اﻻفكار..
#البارت الخامس
جنة:::
ثاني يوم الصبح بس نزلنا..وحضرنا الريوك جان يجي خالي من بغداد كولهم التمو..بناته وولدة وعمه ام علي..وماما..واني..سلمنا عليه محمد..اجه يركض شبك جدة..دنك باسه:
جدي..شجبتلي وياك من بغداد..
وزهورة وزنوبه هم ركضن باسن ايد ابوهن:
بوية جبتلنا..حجابات وياك
فهو كعد وكال:
بويه يواشكم خلني اكعد واخذ..نفس..
محمد ركض كعد بحضن جدة طبعا محمد المدلل عدهم كولهم يحبو رغم هو...موكولش زغير تقريبا..عمره تسع سنوات.
جدي بسرعة احجي شجبتلي وياك!؟
هو هم باسه وكله:
والله جدي كلشي ماجبت..وياي..رحت بشغل ورديت.. بس..ﻻتخاف..بومين ثﻻثة واودي ابوك لبغداد يجيبلك انت والبنات اشكال وارناك!
كعد خالي تريك..وكال:
راح انام .. ﻻن..ماشبعان نوم..
بس هو راح ماما راحت وراه ورة شويه رجعت..وكلتلي:
يوم خالج جان ابغداد يشوف اخبار..ابوج..ويحطلة محامي..بس..يكول كوه رضة المحامي..يلزم الدعوة ﻻن ابوج بساع معترف على روحة والناس كلها شهود عليه..ويكول ابوج سالفته اطول يضل بالحجز جم شهر..بعدين يرفعون محاكمته..
يعني راح نضل هنا يوم
انضل قابل عدنا مكان ثاني نروحله عمج هم مهزوم مدور عليه خالج ما اله اثر..
ها..فهمت..الله كريم يوم..
طلعنا من المطبخ كعدنا بالهول جان يدوك...موبايل..عمه ام علي هيه عدها موبايل صرصور مخليته بجيبها...ﻻن كل شويه محمد ياخذه..
يلعب بيه هاي اللعبة مال الحيه وهي تضل تعيط..ولك ﻻتكسر الكي..مالتي..ههه..متعرف تكول موبايل تسمي الكي..المهم سمعته تحجي:
ياااا..يمته ماتت....وهسه وين الفاتحة..اي..اي اجي جاشلون ما اجي..الله يرحمها..ام..صليح..رويحة حﻻل....
وجان تسد الموبايل..
ماما كالتلها..
منو ماتت..
ام صليح خطيه ماتت..من الصبح؟
ام صليح منو؟
يااااا..شبيج نسيتي يختي..ام صليح..عجوز..اختي سعدية؟
ها...تذكرتها..
اكلج ليش ماتمشين وياي..للفاتحة هيج بس راوي روحج..دوم النسوان تنشدني عليج يكللي ليش ماتجيكم..ام جنه بعد..
هااا...اي اروح وياج..بس ماعندي هدوم سود.....
وشني هي الهدوم السود مندله..خوما مندله لبسيلج دشداشه وشيلة مني..وجنه خل تاخذلها ثوب وعبايه من..مرت حيدر..هنه نفس الطول يتﻻبسن؟
هااا..هم ناخذ..جنة ويانه!
هسه انتي خايفة عليمن..خلي البت تمشي ويانه تشوف الوادم..
جان ماما تصيحني..
يله جنة حضري نفسج تمشين..ويانه اخذي مﻻبس من مرت حيدر..
اي ماما..
كيفت اليوم راح اطلع من البيت ويجوز نتأخر..وما اشوف خلقة..علي ارتاح من خلقته شويه..وره ساعتين..بدلنا..اني لبست نفنوف عريض اسود وشال جرجيت هم اسود من مرت حيدر..عبالي اروح بالنفنوف ﻻن طويل..مثل الجبه بس عمه ام علي مقبلت اله البس عبايه ع الراس تكول عيب من النسوان..المهم لبسته..جان نطلع من الباب اهوو..هذا هم راح يوصلنا عبالي نروح مشي..وما اشوفه سيارته
تيوته دبل قمارة..امه صعدت بصفة واحنا كعدنا بالورة وجماله اني ما اعرف البس العباية والشال جرجيت كل شويه تزلك شفته يباوعلي بالمرايه..بس صارت عيني بعينه ابتسم هيج ابتسامه صفح مال استهزاء كبر هذا شبي..
ماصدكت وصلنا للبيت البي العزة حتى انزل وارتاح من شوفته..نزلنا..دخلنا البيت مليان نسوان اصﻻ ماكو مكان احد يخلي رجله بالكوة فتنة اوف والريحة مال النسوان تخنك..خنك..وبيهن مخليات عطر مال عجايز هذا اليسمو مسج..وبيهن..ممخليات بس الريحه تخنك كل شويه اريد اتقيأ..من الخنكة والريحة..وبدت المﻻيه..تقره:
وين السامرتنه بشوك..وين الكعدت ويانه..وين الوالدة التبجي على مبجانه..وين السامرتنه بشوك وين الكعدت ويانه....يايمه بطلعتج..روحي مردتيها..ااحا..احا..احا...احا..احا..
والنسوان يلطمن..حيل اني ما اعرف بس اتفرج عليهن..وره اللطم كعدن تغدن.لحم وتمن بصياني كبار
والضهر هم جتي غير مﻻيه ولطمن وكل مرة تدخل اتضل تعيط..شويه وتدخل تلطم..اني كعدت ع الدرج ﻻن ازدحام..متتت..من الخنكة والحرصار المغرب..تعشن..البقن بالبيت ﻻن النسوان اكثرهن راحن..ماما كالت لعمة ام علي:
صار الليل خلي نروح:
ﻻخيه بعد وكت انه ما اروح ابات..انتن ضلن لشوي اخابر ابو علي يوديلجن السيارة تردجن للحوش..
ها تباتين..بكيفج..
علي:::
رجعت للبيت بالليل تعبان..احس جسمي صايرخردة اول ماطبيت ابوي شافني:
هابويه..شو مالك خلك جنك تعيبان
اي والله بويه تعبان كلش..
شو انت بطيت اليوم وين جنت!
بويه غير..طراد زكطة العجل..وكسر..ضلعة..وانتي تدري خطيه طراد مسيجين..ومحد اله اخذته للطبيب..
ضبروا وشدو سدرة..واطو دوه ورديته للبيت..هسه هو ضلعة مكسور..مايرضة يمشي كسر خاطري كايدة كود..بالكوة ضبروا..بويه عود مر عليه بعد شويه خطية
اي بويه امرله..خطيه هذا يتيم..وانت عفيه عليك من اخذته ابني النشمي..
افوت انام بويه حتى عشه ما اريد ..تعبان..
فوت نام بويه....بس..اهووو نسيت اكلك المبردة مالتك ماتشتغل..ابنك محمد..نومته بغرفة حيدر شوفها المبردة شبيها ماتشتغل
اي هسه اشوفها..
رحت اريد اشغل المبردة..طلعت شعواط..ما افترت رحت فتحتها لكيت الماطور مفحم..هاي شلون سالفه جايفة ..هسه وين انام..انه..ابوي شافني ادردم..كالي:
شبيك..بويه..
بويه والله تعبان هسه وين انا والمبردةاحتركت بهالليل؟
لوتنام..بالديوانيه.لو.
تصعد..تنام فوك..مرت اخوك نصبت الكلل من عصر..وامك..وعمتك..مايجن يمكن يباتن ابيت خالتك سعديه ﻻن ماخابرت امك..لو تريد ترد جا خابرتني.
اي خوش اصعد انام فوك..
صعدت لكيت الفراش بارد..اي خوش..نمت..مثل الميت ما ادري بالدنيا بعد..
جنة:::
تأخرنا حيل واني نعست كلت لماما خلي نرجع..ماما حاجت عمه ..عمه خابرت:
ابو علي ..وديلنا علي..خلي ياخذ..سميعة وبتها انه ابات عد سعديه
وسكتت..بعدين كالت:
ها..علي نايم..جا تعال انت اخذهن
وكفنا بالباب ننتظر اجه خالي اخذنا..بالسيارة بس كال: انتن انزلن..انه رايح على بيت طراد
نزلنا بالباب وراح..من نزلت سمعت ماطور المي الزغير مال البيت يشتغل اي هسه المي..موحار..اذب....
ع نفسي شويه مي واصعد انام فكلت لماما:
ماما حيل عركانه راح اذب ع نفسي مي واصعد..انتي صعدي نامي..
اي يوم...اصعد بس ضل بالي على ابن حسين الزغير خطيه مريض راح ادك الباب عليهم اشوفه شلون صار واصعد..
ماشي يوم..
دشداشه ماما ع الحبل اخذتها دخلت ذبيت ع نفسي مي وصعدت.. بس حيل ضلمة ماكو كمر بالسمه..والسطح اضلم..فوك بس الهوة بارد رجفت من صعدت..ﻻن سابحة بس رفعت القماش مال الكله حسيت اكو نفس..هاي ماما صعدت بسرعة نامت..خطيه تعبت بالفاتحة بس واكفة..كلت خلي انام بحضنها..رأسا..تمددت..بصفها وحضنتها..حيل..انتبهت.بس هاي مو ريحة ماما..رفعت ايدي لمست..وجهها عزة..شنو هاي ..منو هذا
علي::::
نايم..ومرتاح..اشو ماحسيت اله احد شبكني..وضل.... يتلمس بيه بعدين..تلمس وجهي..سمعتها صرخت..
منو ..منو انت..رادت تصرخ طفرت سديت حلكها..
اشش..ولج ﻻتصرخين الدنيا ليل راح تلمين الوادم؟
وخرت ايدي عن حلها طلعت الجداحه من جيبي بيها ضوة..فتحته..اسمعها..تكول:
منو..علي..هاي..شجابك..لهنا شتسوي بفراشنا؟
انتي شجابج مو بايته عد خالتي؟
هاااا..خالي جابنا..
وانتي كبل صعدتي وشبكتيني مو؟؟..انتي ليش ما تبطلين هاي سوالفج...
شنو سوالفي علي؟؟..اني عبالي ماما...وشبكتها..شمدريني انت؟؟
ها....حسبالج ماما....واجيتي نمتي بحضنها وشبكتيها مو..ولج امج...هاكبراتها...وانه رجال شكدني..شلج بهالكﻻوات؟
شنو كﻻوات عيب عليك هالحجي!
يالله بويه...خلي نكول ضلمة وماشفتيني..ريحتي هم.... ماشميتيها..بطلي سوالفج وياي جنة...اذا تردين شيء..كوليلي بوجهي...تره..هاي المخونات..مايفيدنج..احجي بوجهي..التردينه مني!
اريده ..منك..والله انت مريض..مدري مخبل؟
ﻻمو مريض وﻻ مخبل..بس اعرف النسوان كلهن نفس الصنف..ماتتخير وحدة ..عن وحدة..
انت..انت.
وكبل..ماتحجي سمعت..احد..يصعد الدرج صوت عمتي تكول..يا...الله وتصعد..
طفرت بسرعه من كلتهن رحت طبيت بكله ابوي..ماجنت ادري هاي كلتهن..ﻻن..صارلي سنين ماصاعد للسطح..سويت روحي..نايم..
عمتي صعدت تمشي ع كيفها طبت للكله..وره شويه اسمعها..تحجي ويه جنة:
اسم الله يمة جنة شبيج تبجين..
ﻻ ماما مابية شي..ما ابجي..
يااااااا خاف تبجين على ابوج..ﻻن سمعتي بخالج يكول بعد ميطلع..شنو هسه ذكرتيه..عليمن تبجين هسه...
احنا..شنو الخير الشفنا من ورة ابوج موكافي هجولنا..وخﻻنا بهالحال..اسكتي..يوم سكتي..همزين شردنا من بغداد الله يعلم..جان شصار بينا هناك
بس هي ماسمعت حسها تحجي..بس صوت..بجيها خفيف..ادري بيها تبجي من حجيي..بس خلها تبجي..تسوي السوايه وتبجي عليها..شلون شبكتني ..بت الكلب اديها ناعمات..ﻻ..وخلت ايدها على وجهي خلت كلبي يركض مثل كلب السمجة..شلون تاليها وياها..هسه لو تحاجيني وجه بوجه وتبطل هالسوالف والله ..احسنلها..تدري بروحها حلوة..وتسطر اكبر واحد..بس ما اكدر..ما اكدر..امد ايدي عليها..عيب عليه حتى لو هيه رايدتني البت ابيتي..شلون افكر غير تفكير..بيها.بس انه..ما افتهمتها..تريد عﻻقة وياي..تريد غير شي..هسه لو تحاجيني كبل جا فهمت شتريد ....بالضبط
