رواية مازلت عذراء الفصل الخامس بقلم جمانه السعيدي
دوام الكليه مختلف بلنسبه اليه
الأجواء غير ولازم تصادفين شخصيات مختلفه من كل مجتمع
بس اني هلكد مااخاف من اهلي امشي مثل المسطره
مااريدهم يحجون عليه
رغم هواي تجيني عروض صداقات وإعجاب من الشباب
لان اني فعلا صرت حلوه وشكلي ممبز
ومامدمرني غير عيوني الخضر
ام عيون الخضر الاغلبيه يسموني
المهم اني ملتزمه بشكل ومااريد اغلط اي غلطه من اي نوع
اريد اكمل كليه واخذ شهاده وبس
الحد ماصادفت ميثم
الانسان الصح بلوقت الغلط
طالب ويانه بلمرحله الثالثه
كلش مجتهد وراقي ومودب
اخلاقه عاليه ماعندا كلام زايد يحجي وياا المقابل على كد الموضوع
طبعا اني بلبدايه جذبني اجتهاده وشكله الانيق
بس مجرد انجذاب
الحد مآ لمحته كم مره وهو عينه عليه
شاب حنطاوي رشيق شكله هواي يشبه احمد عز بشبابه
احسه مميز وملفت للانتباه
هواي بنات معجبات بي واني وحده منهن
بلاول نضرات منه بعيد
بعدين تحول كعد قريب عليه
كل هذا مجرد نضرات ماكوو اي كلام بينا
حسيته طول الوقت يراقبني ويراقب تصرفاتي
بس حتى صديقاتي كلهم حسو بي شلون مهتم بوجودي
اكثر من شهرين مجرد نضرات وبس
الحد مافي يوم
اني امشي وادور بلجنطه اكو مصادر كتب مهمه اريد ادور عليهن يفيدني بدراستي اني كاتبه اسمائهن بورقه وضامته بلجنطه جمانه السعيدي
يعني امشي وعيني وايدي بلجنطه
ماحسيت غير صوت
ميثم....صباح الخير
رفعت راسي تفاجئت بي كدامي
هبه...صباح الخير
ميثم...اذا ماأخذ من وقتج
هبه طلعت ابدي من الجنطه ونزلت الجنطه
هبه...تفضل
ميثم...محتاج محاضرت البارحه
هبه...اي محاضره هلمره اجت عيني بعينه وحسيته ارتبك يمكن جاي يجذب عليه
لان هو حيل متفوق ومامحتاج محاضره من احد
وحيل مركز بدراسته
ميثم...محاضرت استاذ علي
هبه...اي ميخالف بس اني مجايبته وياي اليوم
على باجر
ميثم...تمام شكرا واسف اذا اخذت من وقتج
هبه...هزيت راسي ومشيت
مااعرف ليش فرحت رغم هنا كم كلمه بس حسيت نفسي فرحانه
بقيت طول النهار كل شويه عيوني ادور علي
وكلما الكا اشوفه بيباوع عليه
راسا ادنك حسيت نفسي محرجه
لان كلما ادوره الكا عينه عليه يعني يشوفني ادور علي
مااعرف شنو نوع الاحساس الي وصلني بذيج اللحظه
بس فرحت بهذا اليوم هرمون السعاده كان عالي بشكل مو معقول
من رجعت للبيت وشفت امي وابوي وجدي رجعت ضجت
لان اذكرت مصيبتي
اني ليش احلم واروح بعيد
اني مامسموحلي احلم لازم ابتعد عنه ليش اعلق نفسي بي
وتالي يرجع عقيل ويهدم المعبد على راسي
جمانه السعيدي
بليل من اتخيل عيونه افرح وارجع اكول
ياهبه لا تحلمين احلام اكبر من عقلج
احلمي على كدج
ثاني يوم اخذت المحاضره وياي رغم اني متأكده
هو مامحتاجه
وبداخلي اكول هاي حجه يريد يحجي وياي
من وصلت بقيت ودور علي الحد ماسمعت صوته من وراي
صباح الخير
هبه...التفتت علي صباح الخير احجي وماارفع عيني مااريد عيني تجي بعينه لان بس اباوع علي راح اتعلق بي اكثر
هبه...تفضل هاي اامحاضره
ميثم....شكرا اخر الدوام ارجعه
هبه...براحتك
عفته ومشيت وهو بقه واكف بمكانه وعينه عليه
مااعرف افسر احساسي شنووو رغم اي شي ماكو بينا بس ليش كلبي يفرح من يشوفه
اخر الدوام لكيته منتضرني برا الجامعه
بس شافني طلعت اجا عليه
اني عفت البنات وتقدمت علي
ميثم...شكرا جزيلا
هبه..تدلل
رجعت على البنات صعدنا الخط ورجعت للبيت
بدلت ونزلت اتغدا
طبعا اهلي متغدين من زمان
خليت الاكل على النار وسمعت جدي يسولف على ابوي
جدي....اني ابد مامترجي شي من عقيل طول عمره ناقص
البنيه كبرت هو شمنتضر
اذا يريد خل يزوجه وياخذها وياا للخارج
اذا هيج عنده شغل مهم
ابوي....اي احنا لازم نضغط على ابو هو الوحيد الي يكدر يرجعه للعراق
حتلو يزوجه ليله وحده كدام الناس ويعوفه ويسافر
هبه...استغفر الله ربي واتوب اليه طفيت الطباخ
وصعدت الغرفتي حتى اكل بعد مااريد انسدت نفسي
شلون بعقيل الي دمر حياتي
هسه هو نهزم وعاف العراق الله خلصنا منه
ليش تردون ترجعونه
خاف العراق عايز حراميه لو ناس فاسده يردون يرجعون عقيل حتى اتم الحسبه
جمانه السعيدي
خل انام احسن يعني ياربي عندي عتب زغير
من دون هاي العوائل الي بلعراق اني يطلعون ذوله اهلي
ناس همج متخلفين
يعني يعرفون عقيل أحقر خلق الله
وماعدهم بس هاي البنيه بمكان مايشوفوله قسمه زينه
يردون يشمروها على عقيل
مااكول بس حسبي الله ونعم الوكيل على اهلي وعلى عقيل
جدي راح العصر وحجا وياا عمي
يعني تعارك وياا وضغط علي حتى عقيل يرجع
عمي اتصل على عقيل كدام جدي
حتى جدي هم حجا ويااا
عمي...بابا عقيل ارجع بت عمك تنتضرك
عقيل...الف مره كلت اني باوي ماازوجه
عمي...شنو بكيفك لازم ترجع حتلو يوم واحد تصلح غلطك
عقيل. ماارجع
جدي اطيني اني احجي ويااا
جدي...ولك عقيل ليش ماترجع
عقيل...ماارجع وهاي بت ابنك خليه هيج لا للسما ولا للكاع
لا ازوجه ولا اريدها
جدي...شنو ماتريدها البنيه قارين فاتحته
انت نسيت عمتلك وياها
عقيل.. انشاء الله اتموت وتقرورن فاتحته من صدك انتم وكل العشيره
لو تبقى بس هي ماازوجه
البنيه الي لبستني تهمه ونضربت بسببه مااريدها
عود شوفو واحد من يمكم وزوجوها
اني لا ارجع ولا ازوجها
واذا طلعت صدك مو بنيه عود شوفو منو ضحك عليه
ونام وياها وتريدون تلبسونها براسي
عبالكم اني غشيم هاي السوالف ماره عليه
شفو منو صاحبه والاحسن اكتلوها وطمو عارها
جدي... انجب طايح الحظ هاي عرضك
ومحد غلط وياها غيرك بت عمك امنت بيك ومشت وياك غصبا ماعليك تزوجها
اني اجي وراك واسحلك سحل
عقيل...ههههاههاي ضحكتني عبالك العراق
جدو نام وتغطى زين وبت ابنك خليه الشيب ياكل راسه
لو تبقى بس هي ماازوجها
خليه هيج سمعتها زفت ومحد يكلبه
جمانه السعيدي
عقيل سد التليفون بوجه جدي
وجدي نزل غضب على عمي المسكين الي لا حول ولا قوه
جدي مصمم عمي يطلع جواز سفر ويروح ورا عقيل ابجيبه
جدي متوقع كل الدول مثل العراق مايعرف هاي الدول أحكام وقوانيين
واكثر شي ضاج منه جدي يحس عقيل يضحك علي ومايسمع كلامه
وهو متعود من ابوي وعمي على كلمة حاضر وصار
المهم اني نمت وكعدت المغرب لكيت الوجوه كله مكلبه
بسبب عقيل
وجدي يتهدد علي
وابوي هم حيل ضايج
من شفتهم هيج وامي حجتلي كلشي صار
رجعت صعدت مااريد اسمع اي كلمه تغثني اني ماعايزه
حتى اكل مااريد
ولله هي هاي المشكله حله كلش بسيط
بس لو يسمعوني ويصدكوني ويعرفون الحقيقه
جان شمرو الف نعال ورا عقيل
بمكان ماكل يوم اتصال ويتوسلون بي وهو ماعنده غير
مااريد هبه ماازوجه
على اساس اني ميته عليك
الله لا يردك
رحت ثاني يوم للدوام كلش ضايجه مبين عليه ضايجه
مشكلتي عويصه وماله حل
لا ولله اله حل بس اهلي مصعبينه عليه وعليهم ومكبرين راس عقيل وكل يوم يتوسلون بي
ماكو غير رب العالمين يلتفت عليه ويرحمني من عقيل
ومن تفكير اهلي المتخلف
بيومها بقيت بلقاعه ماطلعت حتى صديقاتي اتوسلن يعرفن شكووو
كتلهن مجرد مشاكل عائليه
خليت اديه على راسي ودنكت
يعني منيبن مااجيبه مالها حل اني اكيد محتاجه معجزه
للمحاضرة الثالثه واني بعدني بمكاني ومبين عليه الانزعاج
مدنكه ومااحس اله كلمه صباح الخير
رفعت راسي ميثم واكف ومدنك راسه ويحجي بصوت هادء
هبه...صباح الخير
ميثم...ولو فضول مني انتي تعبانه محتاجه مساعده
هبه....لا شكرا
ميثم...بس اليوم مو عوايدج تبقين كاعده وماطلعين
هبه....نعم
ميثم...اسف اذا ادخلت بس اذا تحتاجين مساعده اني حاضر
هبه...شكرا
عافني وراح كعد بعيد بس عينه تراقبني
كلت بكلبي ولله لو تعرف مصيبتي جان ابتعدت الف متر عني
روح شوف وحده غيري اني ماافيدك
شكرا لزيارتكم عالم روايات سكيرهوم
