رواية أحزان قمر الفصل الرابع بقلم جمانه السعيدي
مايقبولون اروح الاهلي دائما كل اتلث اشهر اروح مره
واذا اجوني همه تستلمهم عمتي تحجي عليه
وبعدين تكول اخذيهم بغرفتج وسولولفو براحتكم
ولمن ندخل للغرفه تجي ورانا تكعد بنصنا وماناخذ راحتنه بلكلام
ونوب بدت عمتي تلح على موضوع الجهال شني ماتحبلين
وكل يوم ماخذتني الدكتور
الدكتوره تكلها بعدها زغيره ورحمها زغير مايحمل طفل حتلو حبلت يصير عدها اسقاط
لكن ابد ماكو فايده
عبالك تحجي ويه الحايط
جان رد عمتي دائما
شني زغيره الازغر منها حبلن وصارا امهات
خاف هي ماتخلف
وجنت بصراع نفسي فضيع
ما اكدر اغير اي شي من هذا الواقع المرير
اذا اني اشوف رجلها وابنها وبناتها كلها تخاف منها
اني شلون راح اكدر اقاومها واوكفها عد حدها
كلشي اكبر مني وأقوى من تحملي
مثل الواكف بوجه عاصفه قويه وتاخذه يمين ويسار
تتحكم بي وهو لاحول ولاقوه
جمانه السعيدي
فات سنه وتسع اشهر على زواجي يله طلعت حامل
وكل الي بلبيت فرحو بهذا الخبر
حماتي الجبيره حبابه ومتساهله وياي ودافعلي
الا عمتي وحماتي الزغيره مايرحمن ابد
من دخلت بلشهر السابع للحمل
توفا خالهم ولد شاب مامزوج اسمه حاتم
وعمتي صممت اذا يطلع ولد تسمي على اسمه
لكن جبت ابنيه حلوه تخبل
وحماتي الجبيره سمتها نباء
وبدت حرب جديده من نوعها البنيه ممنوع الزمها
بس ارضعها وياخذونها مني
لا اغسللها ولا ابدللها ولا احفضها ولا العب عليها
طبعا هذا كله باوامر من عمتي
يابه بنتي اريدها
انتي شني شتعرفين انتي حاسبه نفسج ام ممنوع تلزميها
بس ارضعها توكف على راسي وتاخذها
اباوع على بنتي واتحسر
حماتي الجبيره تخرجت والزغيره بعد سنه وتتخرج
صار عمر بنتي ثمن اشهر
حلوه وسمينه ومدبدبه
جبتها ارضعها
العب وياها كلتلها انتي تفسه تفوسه
لو انكلبت الدنيا عليه بيومها
عمتي تكول انتي تقصديني قصدج عليه
وكلبت البيت كلاب
غلط وصياح وحجي اشكال ماينحجي
جمانه السعيدي
ومن اجا صلاح كملت الحجي شويه بعد وخلته كتلني كتله موتني تموت
اخذت بتي ورحت زعلانه الاهلي
لكن المثلي منو ينصفها
الي ماعدها ام بلبيت تسندها وتحس بيها
محد راح يوكف وياها ابد
ابوي ماقبل عليه وضل يحجي ويصيح
المره مالها غير بيت رجلها يعني واذا ضربج
رجللج اتحملي
شنو متعجبه النسوان كلشي تحمل
اكله بابا ولله حياتي جحيم وياهم
ابد ماتنطاق ولله العب ويه بنتي وابد موقصدي على عمتي
...اي وانتي ماصدكتي جبتي بتج واجيتي ركض مو
...بابا لايحترموني ولايحبوني اني خدامه عدهم حتى بنتي مايخلوني اشيلها والعب وياها
ورجلي طنطل كلساع ودافعينا عليه
...ميخالف النسوان كلشي تحمل اصبري يعني شتردين
يكعدون يهفون عليج
سكتت ايكول ابو المثل اشجابرك على المر
غير الامر منه
المره اذا ماعدها سند بلحياة تشبع عثرات
والي مايكفون اهلها وياها ويساندوها وخاصه اذا جانت مضلومه
بعد مستحيل تكدر تاخذ حقها
اخذني ابوي ورجعني العيالي وجبرني اعتذر منهم على خطء اني ما ارتكبتها
شفت نضرت الشماته بعيون عمتي وعمي
وزاد الضغط عليه اكثر واكثر
ومن صار عمر بنتي سنه طلعت حامل للمره الثانيه
على الي شفته منهم ما رغبت ابد بهذا الطفل
وكنت كل يوم احاول اوكعه
اركض واكمز اريده يوكع
وعدنا مكيف ورا البيت كلساع اروح اتعلك بي واطفر
ردته يوكع بكل طريقه ماكو
اشيل ثكل اصعد الدرج واطفر بس لزك فد لزكه
وتم الحمل وجبت ولد يخبل
هلمره ماقبلت عمتي ارضعه خلته على حليب خاف يتعلق بيه
مو عجوز شايله تفكير يهودي
تعبت الحياة بيتهم جحيم
شكرا لزيارتكم عالم روايات سكيرهوم
