رواية أحزان قمر الفصل الخامس بقلم جمانه السعيدي
تخرجت حماتي الجبيره والزغيره بعد سنه
طلع تعيينها بمدرسه قريبه علينا وبدت اداوم
بس داومت شافوها ناس
واجو عليها يخطبوها
كلشي كان يتم بسريه اني وياهم بلبيت ومآ اعرف
موافقين ومجهزين كلشي واني ما ادري بلسالفه شنو
اشوف حركه وهتمام واني ما ادري لحد ما اجه يوم المهر
اشترن فستاين وراحن للصالون
واني واكفه اباوع بعيوني لاشترولي فستان والا اخذني وياهن حافضه رقم ابوي
اتصلت منهم على واجه اخذني اتخبل من شافني سابحه بلدم
اخذني وطلع بيه للمركز
قدمت دعوه ضد عمي وزوجي
ولزمتهم الشرطه زوجي طلع بس عمي حبسو يوم كامل
طبعا جهالي بقو عدهم اثنيينهم
اخذني بابا للمستشفى خيطو كصتي وضمدوني
بقيت عد اهلي تقريبا عشر ايام
وجابو مشيه واجو رجعوني
جان اكو خطه تحوكها عمتي اخطر من خطط اسرائيل اتجاه فلسطين
جمانه السعيدي
اني صدكت تندمون على معاملتي ورجعت وياهم
رجعت الهم لكن كانو يعالموني اسوء بهواي من قبل
اختي ازوجت ابن عمي كوه خلوني اروح للعرس
ورا فتره حبلت وصار عدها نزيف
لايقبل اروح الها ولايقبل يشتريلي تليفون اخابرها اطمن عليها
مع العلم اخواته وامه ابدل التليفون اثنيين
حتى بنتي اشرالها تليفون واني مايقبل
اني اخير مره رحت الاهلي اشتريت سيم كارت
خليته طلع وشكلته بتليفون بنتي وخابرت على اختي
كمت ابجي عليها يعني لا ام يمها اداريها
ولااني يقبلون اروح الها اداريها واطمن عليها
متت من البجي والقهر عليها
بدت عمتي تنفذ خطتها
من اشتكيت على عمي قررو يطلكوني بس بهاي الحاله الجهال اليه واني عندي دعوه عليهم
راح اخذ الاطفال ونفقه منهم قررت عمتي ترجعني
وتلبسني مصيبه كون اشرد بريشاتي واتنازل عن كلشي
بدت تبعد اطفالي عني شويه شويه بحيث ابد مايردوني ولايقربون مني
بتي اسجلت بلمدرسه جمعت ملابسها وانطتها العمتها
على اساس معلمه تاخذها وتجيبها وياها للدوام وتدرسها
اني سكتت لان ماجنت اعرف هاي خطه منها تبعد بنتي عني
بقه بس الولد ماتخلي يتقربلي
ومن اقربله تتعارك وياي
جمانه السعيدي
....غير ابني ليش ماتخليني اقترب منه
....منيلج ابنج خلفله على حليب الكيكوز
...انتي خليتي على الحليب وماخليتيني ارضعه
...فوتي فوتي هو انتي بيج خير واني خليته على الحليب
معاناتي يوميه ازيد اكثر واكثر واني لاحوله اليه ولا قوه
بدت تنفذ الجزء الثاني من خطتها واني ياغافلين الكم الله
بدا رجل حماتي يتردد علينا بشكل مو طبيعي
ونضراته اليه مو راحه ابد
جمانه السعيدي
ويسمعني كلام اشكال واني ساكته
قررت اكل الرجلي علي وهو يخليله حل
تفاجئة بردت فعله
....اكول صلاح هذا رجل اختك مو راحه
...شبي
...يسمعني كلام ويسوي شغلات مو راحه
....يمعوده انتي مكبره الموضوع هذا مثل اخوج الجبير
هو وين وانتي وين اصلا اكبر منج ١٦ سنه
...يعني ماراح تحجي ويا
...انتي مخبله شحجي ويا بابا سدي الموضوع يتهيئلج
اسكتي بس يسمعونج يضحكون عليج
انتي مخبله مستحيل يخلي عينه عليج ابد
شيلي هاي السالفه من بالج
