رواية حارة العاشقين الفصل الخمسون
مزرعة 'باشا'
تبسمت 'نور' قائلة :
-موافقة طبعاً نسافر كلنا مع بعض
بينما توجه 'شاهر' إلي خارج المكتب يجري إتصال هاتفي
تبعه 'زيدان' بعد أن أشار إليه 'باشا' بالتحرك
سألها :
-ياسمين فين
فركت يديها ببعضها قائلة :
-عندها تدريب عملي أكيد في اسطبل أو مزرعة
أومأ برأسه موافقة :
-كلميها خليها ترجع بدل ما أروح اجيبها من شعرها
في سفر كمان ساعة لحد ما أعمل مكالمة
-روحي حضري شنطتك
و خلي فيروز تجهز نفسها
مسحت 'نور' وجهها قائلة :
-حاضر يا باشا
ما أن خرجت 'نور' من غرفة المكتب،جلس 'باشا' على الكرسي المقابل لهذا الوسيم يسأله :
-أقعد يا باشا
تبسم 'باشا الصغير' يسأله :
-يعني أنا خلاص معاك
حاول 'باشا' كتم صوت ضحكته قائلاً :
-خلاص معايا
ما أن جالسان مقابلين لبعضهما سأله 'باشا' :
-أنت تعرف مياسين منين
اخفض 'باشا الصغير' رأسه خجلاً يسأله :
-أنت تعرفها
رفع 'باشا' حاجبيه عالياً مبتسماً :
-كانت أحلي حاجة في حياتي لحد ما
سأله 'باشا الصغير' :
-لحد أيه
-أهلها رفضوا يبقي في علاقة بينها و بين واحد مسلم و عربي لما كانت حامل أجبروها تنزله و هددوني أن أشوفها خوفي عليها خلاني رجعت مصر و بعدها عرفت أنها اتجوزت اتقابلنا ثاني لما بقيت سفير مصر في إنجلترا
دمعت عيناي 'باشا الصغير' يوماً برأسه
-كنت بتحبها
اخفض 'باشا' رأسه خجلاً :
-أنت الحارس الشخصي ليا أنت هتصاحبني
قهقه 'باشا الصغير' يستأذن للذهاب :
-هروح أجهز نفسي علشان السفر
-
"شقة عائلة الجبالي"
داخل غرفة نوم 'مريم'
استمرت 'الحاجة عائشة' في حديثها عن أمر طلاق ابنتها :
-بيحضر شنطته علشان هيمشي
فاضل ثلث أيام و يطلقك و بعدها يروح الجيش يروح في أي داهية هو حر
دمعت عيناي 'مريم' خوفاً :
-و بعدها تبقي تختاري واحد متعلم و متبقيش مجبورة تتجوزي علشان الفضايح
انهارت 'مريم' قائلة :
-حرام عليك كفاية
ربتت 'الحاجة عائشة' علي ظهرها قائلة :
-كملي مذاكرة عندك امتحانات شهادتك هي اللي هتنفعك
-
"شقة شريفة"
ما أن انتهيت من تجهيز حقيبتها،حملتها بين يديها متوجهة إلى خارج الشقة،حدقت عيونها رؤيتها الواقفين أمامها سألتهم :
-أنتوا مين
-معالي الوزير طلب مننا نوصلك لحد عنده ..
من فضلك تتفضلي معانا
بدل ما يضطر أنه يجي بنفسه
-
"عائلة الجبالي"
- لميس أنا حاسس أنك مضغوطة
وضعت 'لميس' أنامل يديها على شفتيها قائلة : -أنا فضلت في صراع أن عايشة في مجتمع غربي كنت بنفذ كلام مامي أنت شرقية و مسلمة و عربية مينفعش تعمل علاقة غير شرعية من غير جواز فضلت بين أصحابي ألقابي في المدرسة البنت العذراء و في الجامعة المريضة نفسياً إزاي بقيت عندك 18 سنة و لسة مقيمة مع أهلك
بقيت أرفض أسهر معاهم لأن الأماكن فيها شرب و رقص
فضلت المعاناة موجودة مرة سمعت زملاء ليا بيتراهنوا مع بعض عليا يعملوا معايا علاقة غير شرعية
المشكلة فضلت تزيد
لحد ما درست علم الجنس و تخصصت
بقيت أشوف تأثير
العلاقات الغير شرعية و أزاي بتأثر علي النوع
تبسم 'يوسف' يمد يده اليمني إليها :
-خلينا أصحاب و أحكي لي أسرارك اعتبريني أخوك الكبير
اخفضت 'لميس' رأسها خجلاً :
-اخويا الكبير
اقترب منها يقفل أزرار سترته الجلدية التي ترتديها :
-أنت بتقول أنك دارسة علم الجنس يعني لو أيه اللي واجعني أجي لك
قهقهت 'لميس' رافعة رأسها عالياً :
-متجيش أنا هجي لك
-في كافيتريا آخر الشارع
أنا عايز أشرب قهوة دماغي هتنفجر من الصداع عايزة تشربي أيه
أومأت برأسها قائلة :
-و أنا كمان هشرب قهوة معاك
سألها :
-قهوتك أيه
إجابته :
-هي القهوة ليها أنواع
تبسم 'يوسف' يخبرها :
طبعاً هي القهوة تتشرب كده هي ملهاش إحترام
في القهوة السرياقوسي :
بتبقى عبارة عن 3 ملاعق سكر لكل ملعقة بن و دي لمحدثين القهوة اللي بيشربوها
و في القهوة الزيادة :
بتبقي 2 ملعقة سكر لكل ملعقة بن علشان يكسر طعم البن المر اللي لسه مبتدئ
و في القهوة المانو : ملعقة و نصف سكر لكل ملعقة بن
بتبقي الوسط بين المظبوط و الزيادة
و في القهوة المظبوط : واحد علي واحد
و دي لازم تكون بوش و ساخنة مش دافية لأنها هتفقد هييتها
و في القهوة علي الريحه :
نصف ملعقه سكر علي ملعقتين بن
و في القهوة السادة :
تجربة مختلفة ومش لأي حد خالص
رفعت 'لميس' حاجبيها عالياً مبتسمة معجبة بطريقته
زم 'يوسف' شفتيه بعد أن رأي الشاردة معه في أحلامها سألها :
-لميس مالك
اخفضت رأسها تسأله :
-كنت بتقول
ارتسمت الدهشة علي ملامح وجه :
-كنت بقول أيه
سألها :
-لأ .. أنت مش معايا خالص تعالي ندخل الكافيتريا و أحكي لي مين مضايقك
-
"عمارة عائلة الجبالي"
ما أن توقف 'صخر' أمام الطابق الثالث الخاص بشقة 'أرغد' ابتسمت 'جيهان' قائلة :
-عم صخر اتفضل
تمصمصت 'ابتسام' قائلة :
-ابني عايز يرتاح
أعتذر له 'ارغد' قائلاً :
-عم صخر حقك عليا هي متقصدش
اعترض 'صخر' قائلاً :
-لما ترتاح هجي لك و بعدين أنا نسيت المفاتيح في البيت هاخدهم و رايح المستشفي لزين
اعتذرت له 'جيهان' قائلة :
-عم صخر حقك عليا أنا هاجي معاك المستشفي اطمن علي زين
ربت 'صخر' علي ظهرها قائلاً :
-خليك مع جوزك عن إذنكم
-
"شقة عائلة الجبالي"
استمعت 'كارين' إلى أزيز هاتفها المحمول،رفعته من فوق الكومود،نظرت إلى إسم المتصل،ما أن رأت أنه شقيقها الأصغر،ضغطت على زر الرد،وضعته على أذنها تسأله :
-عايز أيه يا جاسر أنا مش قادرة أتكلم تعبانة أوي من الحمل
سألها 'جاسر' :
-أنت فين عايزة أشوفك
جلست فوق السرير واضعة يدها اليمني علي بطنها المنفوخ :
-أنا في البيت و مش قادرة أتكلم
-أنت زعلانة علشان جواز كريم
إجابته :
-جاسر أنت بتقول أيه
أنا أخجل أن أفكر فيه و جوزي يبقي أخوه
من يوم ما اتجوزت صخر مش شايفة و لا سامعة غيره علشانه اتحملت تشاركني فيه ثلاثة أنا بحبه و لما حملت منه عرفت أن الطفل ده هيربطني بيه كفاية أنه واخد باله من البنات و من كريم عوضه عن حنان الأب
لفت وجهها،تفاجئت بالواقف أمامها،رافع حاجبيه عالياً،مبتسماً
-
"شقة أرغد"
-بنت خالتك جاية كمان شوية تزورك
إجابتها 'جيهان' فقد نفذ صبرها :
-تيجي لكن أنا مش هيقي في البيت
بينما،ابتسمت 'ابتسام' فقد وصلت لهدفها،وضع أرغد كف يده اليمني حول ساعد 'جيهان' يسألها :
-أنت عايزة تسيبي البيت
باعدت يده بعيداً عنها قائلة :
-خلي أمك تنفعك تجوزك علي مزاجها يا أبن أمك
صفعة قوية علي وجهها،جعلت الواقفة شامتة قائلة :
-طلقها.. خليها ترجع لأهلها
و عمها ميقدرش يتكلم معاك احبسه
دمعت عيناي 'جيهان' قائلة :
-طلقني
أومأ برأسه رافضاً :
-مش هطلقك هخليك كده زي البيت الوقف لا طايلة سما و لا أرض
-
"داخل أستوديو التصوير السينمائي"
ما أن ذهب 'حمزة' دارت عيناي 'سمرة' قائلة :
-أنا مالي بشاهر هو أنا هشتغل ممثلة بحد
ارتسمت ابتسامة عريضة علي شفتيها،رؤيتها القادم من بعيد يتحدث مع 'حمزة'
توقفت 'السكرتيرة' أمامها تسألها :
-آنسة سمرة دورك في الكشف أستاذ جاسر رجع ثاني
لا تعرف!!أرادت رؤيته!!بالرغم من فعلته اللعينة معها!!
خطوات سريعة،ارتجاف جسد،دقات قلب عالية
"باختصار عاشقة لهذا الوسيم"
و كأن أخذها قدرها لعشق
و جزاء هذا الوسيم،لتلعب الصدفة لعبتها معها،لتبدأ معه حلاوة و مرارة العشق،ليشهد هذا المكان علي بداية تلك الحكاية ..
ما أن انفتح الباب،توقفت أمام باب غرفة المكتب،دارت عينيها تبحث عنه ..
-
