رواية الهاويه الفصل السادس بقلم جمانه السعيدي
خالد...اكو مجمع يبيع اثاث ومنزليات بلقسط
تعاي نشتري شغلات البيتنا وسددي من راتبج بلقسط
رحت وياا مثل العميه واني اكووول اي ليش لا
هاي الغراض اليه راح اخليه بيتي
شكو بيه اذا اثث بيتي ووين المشكله
قابل هو يريد ياخذها بيت اهله هنه اليه
رحت اشتريت سخان وطباخ وكاونتر جاهز وفراشات
ومواعين وجدوره
حملت نفسي شي فوك طاقتي
لهنا هو كال انتي صار عليج هواي اني راح اجيب غرفة النوم
راح اسويه تسكام تخبل
تستاهلين حبيبتي
رحت نضفت البيت ورتبت الغراض
٣ ايام واني انضف واجلف وارتب وحدي
محد يقبل يساعدني لا امي ولا اختي الجبيره
بس نورهان وياي
الصراحه نورهان فاهيه وشغله مايعجبني
اني رتبت كلشي وحدي
الحد ماهلكت كلش من الشغل
امي ورزان مايساعدني مستكثرات عليه هاي الزواجه
يعتقدن اني اخذت اكثر من استحقاقي وهذا العريس والذهب والبيت
اني مااستاهلهن
حقدهن عليه خلاهن مايساعدني ولا يقربن عليه
على العموم اني كدرت ارتب كلشي بقت بس الغرفه
منتضرته على احر من الجمر
هلكد ماخالد يحجي بيه اتمنى بس اشوفه
شلون تصميمه
قبل موعد زواجنا بيومين كال راح اجيب الغرفه واخلي الولد ينصبونها
وانتي العصر روحي رتبيه مثل ماتردين
كنت متحمسه مو شلون مجان اريد اشوف غرفتي شلون شكله
العصر بدلت ورحت للبيت اني عندي نسخه من المفتاح
لمن دخلت للغرفه
يااا صدك جذب هي هاي الغرفه التسكام
غرفه مستعمله تلعب النفس صدك جذب
اتصلت على خالد
نور....هلو خالد
خالد...هلو حبيبي
نور...ووين الغرفه
خالد.. انتي رحتي للبيت
نور...اي شنو هاي الغرفه صدك جذب تلعب النفس قديمه وتعبانه
خالد...حبيبتي موزين كدرت اشتريه ماعندي منيبن اجيبلج
انمشي نفسنا بيه بلبدايه وبعدين اجيبلج غرفه تخبل
لا تضوجين مشي الأمور خل نزوج
نور...سكتت أمري الله بس كلش ضجت منه ليش يجذب عليه
كمت رتبت الغرفه وخليت فرشه واني مشتريه
كم مزهريه وتحف خليتهن
جمانه السعيدي
رجعت للبيت مبين عليه ضايجه
امي.. هااا خير شكووو مداه البوز شبر
نور...ماكو شي بس تعبانه
حددنا يوم العرس ولله اركض وحدي واجهز وحدي ومحد كال خل اساعدج
الحد يوم العرس واني كلشي مامشتريه لا ملابس ولا مكياج
مابفت عندي فلوس
يله اجرت بدلة العرس وحجزت بلصالون
حتى حنه مثل البنات ماسويت
ماعندي مابقه عندي فلوس
واركض وحدي منا ومنا اريد اخلص كل شغلي
حتى وقت ماعندي بليلة الحنه رحت ميشت شعري
حتى جسمي مامنضفته
مجاي اللحك كعدت وكمت ابجي
ابجي لان احلى يوم بحياتي واني وحدي محد جاي يساعدني
كعدت بيوم العرس من وكت حتى اكمل شغلي وانضف جسمي واستعد
بس كعدت جان امي اذب حجي
امي...شني هلعرس الي كلشي ماحصلنا منه لا ثوب لا عطر لا شال
هذا الكلام يوم العرس الصبح بمكان ماتشتريلي وجهزني وهي تشوفني اركض وحدي تريد مني هديه هي ورزان
ولله ضلم هاي امي انسانه استغلاليه وماكو بكلبه ذرة رحمه عليه جمانه السعيدي
ماحبيت اكسر خاطره
طلعت اكو مجمع ملابس قريب علينا جبتله ثوب وشال
وفستان الرزان
طبعا نص ساعه يله وصلت للمجمع وعلما اشتريت ورجعت
راح الوقت عليه
لان حاجزه بلصالون
بس وصلت انطيته الملابس
امي...اوي شنو هذا مااريد ولا البسه شنو عايزين انتي وزوجج اريد شي حلو وراقي
شمرت الملابس عليه
طبعا هي عدها فلوس خير من الله حتى هديه مجابتلي
اخذت الملابس ورجعت للمجمع هذا الحجي صارت الساعه
١١ الصبح
واني موعد الصالون مالتي الساعه بلوحده الضهر
رجعت للمجمع جبتله غير ملابس ورجعت ركض للبيت
انطيتهن اله
وكبل دخلت للحمام سبحت ونضفت جسمي شلون مجان بسرعه
طلعت بدلت واخذني بابا للصالون راحن وياي خواتي ثنيبنهن وامي
بدت ام الصالون تسوي تسريحه ومكياج
كل البنات بلصالون تعجبني بيه شنو هلجمال عاد العريس حلووو
كتلهن هو احلى مني
طبعا اصدقاء خالد حاجزيله بلفندق هدية عرسنا
اتصلت علي وكتله كملت تعال اريد الزفه من الصالون للفندق لا ترجعني للبيت
اخاف منك لا ادك بيه دكه مثل يوم المهر
خالد. اي بس بلاول نطلع على بيت اختي محضره عشى
نور...مااريد عشى تونا اكلنا
خالد...لا عيب بعد هي طابخه ومحضره ناكل لكمتين
ونطلع للفندق كبل
جمانه السعيدي
نور...تمام كلش جنت مامقتنعه بهاي الروحه بس ماحبيت افشل خالد بيوم عرسنا
اجا خالد اخذنا البيت اخته طبعا بس سيارات ثنيين
وحده بيه اني وياا وحده بيها امي وخواتي
وصلنا البيت اخته طابخه ومحضره
نور...عيوني ليش مكلفه نفسج اني مااكدر اكل توني اكلت
اخت خالد...لا شلون متاكلين لازم اضوكين طبخي
ازعل إذا مااكلتي
كعدت وكامت توكلني بلغصب اتعجبت من اصراره عليه
لازم تاكلين
وهي الي حددت الماعون الي اكل منه
