رواية خواطر رجل الفصل السادس بقلم جمانه السعيدي
ياسر...حددنا موعد الخطوبه والمهر بنفس اليوم
بيومه ماتتخيلون فرحتي شكبرها واخيرا مرام راح تصير اليه
عزمنا كل اقاربنا وعمامي وخوالي
لبست قاط رصاصي وقميص ماروني قبله بيوم رحت للحلاق وعدلت شكلي
مو امشي على الكاع عبالك طاير بلسما
وصلنا البيتهم والشيخ ويانه
حجينا بلتفاصيل الي تخص المهر والتجهيزات
طبعا اهله ماعدهم اي طلبات اهم شي مرام
ابوها ماكو على السانه غير دير بالك على مرام حافظ عليه
بعد ماعقدلنا الشيخ دخلت عليه
لابسه بدله مثل الاميرات لونه سمائي وفاتحه شعرها
ولابسه تاج ناعم طالعه تخبل
قربت عليه وبسته براسه ولبسته الذهب
كانت خجلانه حيل
خجله زاده جمال على جماله
واني عبالك مامصدك كامش ايدها وكانما خايف تنهزم مني
جمانه السعيدي
بعد هذا اليوم اجرت مشتمل وبديت ااثث بي
اني عندي قطعة ارض بس مااكدر ابنيه حاليا
وخصوصا تجهيزات العرس كلفتني هواي
بعد الزواج راح اسلمه الشركة عقارات حتى تبنيه وهم ادفع فلوس البناء على شكل أقساط
هيج يسهل عليه البناء
مرتين طلعنا تعشينا برا كانت بلمرتين بقمة الهدوء والرزانه والثكل
ومن اسئله اذا عدها طلبات او تريد شي دائما
كان ردها
...شكرا انت مامقصر وياي ابد
بعد ماكملت تجهيزات بيتنا اتصلت عليه
ياسر... هلو مرام
...هلو ياسر
...تجين تشوفين البيت كمل من كلشي
...مايحتاج ان عندي ثقه بذوقك
..ولو المرا ذوقه يختلف جائز نسيت شي
....اذا نسيت شي بعدين نجيبه
...لا اني راح احجي ويه احمد وتجين تشوفين البيت
بلكوه يله قنعته تجي وياي
دخلنا للمشتمل
مرام...عاش ذوقك كلش حلو
ياسر...تعاي شوفي المطبخ بعد بس الستاره انطيج فلوس وجيبيه
مرام...انشاء الله
ياسر...وغرفة النوم
بقت واكفه بلباب اي حلوه
ياسر.. هاي شبيج ادخلي ترا مراح اكلج بعدين اني زوجج بلمحكمه وبلشيخ
سحبته ودخلت
جمانه السعيدي
مرام.... هاي هي حلوه
ياسر...حاولت أقرب عليه ابوسه
وهي ابتعدت وطلعت من البيت كله
طلعت وراها هاي شبيج
مرام...مابيه شي رجعني للبيت
ياسر...ترا انتي زوجتي
مرام....بعدني مامتعوده عليك اعذرني
ياسر...براحتج
رجعته للبيت
بعد شهرين من الخطوبه والمهر حددنا يوم العرس
طبعا هي رادت اتاجل بس اني ماقبلت
بيتنا كمل ليش التاجيل
كان يوم عرسنا احل يوم من الفرحه ماكدرت انام بليلة الحنه ورحت المرام وحنيته باديه
وبقينا نحجي للساعه ٣ الفجر
والساعه سبعه كعدت اتريكت وكملت كلشي
والساعه عشره اخذت مرام للصالون
كلشي كان تمام وهنا كم ساعه وتكون حبيبتي بيتي
الزفه كانت تخبل
شي خرافي كل سيارات أصدقائي شاركتنا بلزفه
وصلنا البيتنا ولكيت امي وامه منتضراتنه
ومحضرات الاكل اشكال واللوان
وعطر البيت يخبل بس وصلنا للبيت باركلنا وراحن كلمن البيته
جمانه السعيدي
ياسر...يله حبيبتي نبدل ونتعشى سحبت ايدها وبسته
اليوم اسعد يوم بحياتي
مامصدك حبيبتي صارت من نصيبي
شلعتي كلبي يله وافقتي
مبروووك الف الف مبروك انشاء الله اكدر اسعدج طول العمر
مرام....الله يبارك بيك
ياسر.. يله اساعدج نفتح البدله
فتحت السحاب
مرام....ممكن تطلع اريد ابدل
ياسر...بس اخذ دشداشتي واطلع
اخذت دشداشي ورحت بدلة وخليت القاط بلتعلاكه ورجعت
ياسر...ها كملتي هاج قاطي علكي بلكنتور
مرام...دقيقه
طلعت لابسه سيت ابيض وفاتحه شعرها طالعه فد شي اخذت القاط
واني رحت للمطبخ جهزت العشى
ياسر...يله مرام وينج اني جعت
اجت للمطبخ كعدنا تعشينا رادت تشيل المواعين بس اني ماقبلت
ياسر...عوفيهن حبيبي اني ارتب المطبخ
كملت كلشي رحت لكيته كاعده على الجربابه
ياسر.. ولا مصدك نفسي اني وياج بمكان واحد
وصرتي حلالي
سحبت ايدها وبسته وبسته بخده
مرام...ممكن اطلب منك طلب
ياسر.. اشرت على عيوني وكتله اطلبي عيوني وتاخذيهن
مرام...تسلم ممكن تنطيني مجال اتعود عليك
لان كلش خايفه
ياسر...من شنو خايفه خايفه مني
مرام....مو بس منك خايفه من هذا الارتباط خايفه من اي موقف راح يصير
اريدك تتحملني وتنطيني مجال اتعود عليك
ياسر...ولا يهمج اخذي الوقت الي تردي واذا تردين اروح انام بلغرفه الثانيه ماعندي مانع
مرام...بكيفك
ياسر.. لا لا صدكتي مراح ابتعد عنج ابد
بس مراح أقرب عليج اله برضاتج
راسا اجت رسائل الموبايل ياسر
فتحهن تعاي مرام شوفي صور الزفه احمد دزهن
كعدنا نباوع على الصور خلصنا
مرام...اني تعبت اريد انام تصبح على خير
ياسر. وانتي من اهل الخير
ثاني يوم كعدنا الساعه عشره الصبح
ياسر اتصل على اهله
ياسر. ..امي وين الريوك
شويه واجانا الريوك الزين كباب وكيمر وكاهي
اجت ام ياسر واخو جابو الريوك
ام ياسر. مبروك الف مبروك
ياسر.. الله يبارك بيج حبيبتي انتي
...لا تسمعك مرام وتزعل
ياسر.. لا ماتزعل مرام انتي حبيبتي الاولى ومرام الثانيه
مرام بدلت وطلعت سلمت عليهم وكعدنا نتريك
ونسولف عمتي باركتلي وتوصيني بياسر
بعدين راحت ام ياسر وكعدنا نرتب البيت وخليت ملابسنا بلغساله
وياسر انطاني قمصانه وكال اكويهن
للمغرب اهل مرام دزولنا عشى كعدنا نتعشى
بليل اجو اهل ياسر وأهل مرام وبقينا للساعه وحده
كاعدين نسولف ونضحك
من طلعو دخلت مرام سبحت ولبست تراك
بس شأفتني اباوع عليه راسا كالت تصبح على خير
تغطت ونامت
صحيح ضجت لان اني احبه واتمنى هذا الزواج يكمل
بس مااريد اضغط عليه خليه براحته
جمانه السعيدي
استمر هذا الحال اسبوع كامل علاقتنا حلوه
وكلشي تمام بس اني مامقرب عليه ابد
كلما أقرب عليه تنهزم مني لو طلع حجه لو تكول تعبانه
لو خايفه لو مامستعده
الصراحه اني صبري بدا يخلص
اني مزوج وما مزوج اني مااحسه رافضتني
بلعكس نكعد ونسولف
بس ماتقبل أقرب عليه ابد
بعد اسبوعين رجعت للشغل هاي الفتره كله الشغل على احمد طبعا عدنا شغل هواي
وهو المسكين يشتغل وابد مامعترض
رجعت للشغل بس مبين عليه ضايج
احمد....شكو مبين ضايج كلشي تمام خوما انت ومرام
اكو بينكم شي
ياسر.. لا كلشي تمام والحمد لله
ضميت السالفه بكلبي وماحجيت الاي احد عنه
منتضر مرام تتعود عليه ويكمل هذا الزواج
شكرا لزيارتكم عالم روايات سكيرهوم
