رواية زين وليلي الفصل الخامس بقلم سلسبيل احمد
- اية الي عملته ده يا زين ؟
زين رفع حواجبه وابتسم: عملت كدا
وباسها مره تانيه وهي بعدت وحطت ايدها على خدها
- ها! طب بس !
زين ضحك وبصلها = انتي الى بدأتي يا لولي
- وسع طيب انا عملت اية
زين بنبره هاديه = خلتيني احبك او اعدي مرحله الحب كمان وبقيت بعشقك
- طيب ابعد
زين بعد عنها = جدو اول ما يرجع انا هقوله اني بحبك مع اني عارف انوه هيشمت فيا والله
ليلي بستغراب : ليه
- ما علينا افهمك فالبيت
= انت روحت فين صح عشان كدا لغيت المواعيد
= مكنتش فاضي كنت في مشوار
- مشوار اية دا بقي
= هقولك بعدين
- كله بعدين؟
= كله بوقته المهم دلوقتي هو تقريبا جاي بعد بكره يعني معايا يومين هظبط كل حاجه متقلقيش المهم بس الناس العيوطه الى بتروح تشتكيني دي اعمل فيها ايه
ليلي ضحكت جامد وزين تنح معاها - م انت دايقتني
= كنت اموت قبل ما ادايقك وامنع الضحكه دي
- بعد الشر!
= طب هتساعديني
- اكيد يلا نبدء
وفضلوا فالشغل و زين بقي متأكد ليلي هتمسك فالشركه بالظبط بسبب انوه عرف مهارتها قعدوا يخلصوا شغل كتير اوي
لحد ما ليلي تعبت وحطت راسها عالمكتب
- ليلي .. ليلي
= همممم
زين فضل يرتب على شعرها ويشليه من على عينيها كان فاضلة حاجات بسيطه فالورق خلصها وبعدين بص على ليلي تاني وكانت راحت فالنوم فا شالها ونزل فتح العربية وحطها وبعدين ركب ولما قلقت طبطب على راسها وسندها على كتفو
وفضل سايق لحد ما وصلوا وبرضو شالها بس هي صحيت
- انا صاحيه نزلني
= تؤ تؤ انا عاوز اشيلك
ليلي ضحكت ومسكت في رقبته - اشمعنه المره دي
= عندك وقت تسمعي؟
- اكيد يا زين
دخل الاوضه وحطها عالسرير = ثواني وهاجي بس متناميش ماشي راح جاب من دولابه حاجه ورجع
- اية الى وراه ضهرك؟
= حاجه كانت ضاعت منك وانا لقتها
- حاجه اية؟
زين طلع السلسلة من ايده
ليلي اتفاجئت ومسكتها والدموع نازله من عينيها = انا افتكرتها ضاعت!!! افتكرت اني ضيعتها!!
زين مسح دموعها - انا لقتها من بدري بس مكنش ينفع اديهالك
ليلي بصتله بعدم فهم
فلاش باك #
- ليلي جبتلك حاجه
= ايه هي مصاصه؟
- حاجه احلي
= وريني
- غمضي عينيك
غمضت ولبسها السلسله
جريت قدام المرايا تشوفها
= دي جميلة اوي يا زين !!
- السلسلة دي فضه جدو ساعدني اشتريها بس لما نكبر هنتجوز وهجبلك زيها دهب
ليلي ضحكت بطفوليه = اية هنتجوز زي الكبار
زين بجديه - ايوا طبعا وخليها معاكي عشان تفضلي فاكره انك هتتجوزيني انا ماشي؟
ليلي بابتسامه وفرحه = بس انت هتفضل معايا لحد ما نكبر
- ايوا
= وعد؟
- وعد يا لولي
باك #
( دي حكايه السلسلة يجماعه.. )
- رد عليا يا زين ليه لما لقتها مدتهانيش!
زين بصعوبة = عشان مكنتش قد الوعد كنت خايف تفضلي فاكره وتكرهيني فا شلتها بعيد عنك وبدأت ابعد واعاملك بطريقة عاديه ويمكن ببرود
- و ليه كل ده ! ليه بعدت عني و متقوليش بعدين هفهمك
= لاء انا انهارده هجاوبك على كل حاجه بعدت لما عرفت ان عندي اضطراب نفسي وبيجيلي كوابيس بتخنق مش حاسس بأمان مكنش عندي علاج لده كنت بقوم بليل اصرخ لوحدي بسبب الحاجات الى بشوفها يعني كأني مجنون
ليلي بصدمه
- يعني الى حصلك لما كنت تعبان هو ده؟
= ايوا لما جتلك وقولتلك احضنيني انا ساعتها كنت محتاج ... محتاج.. كنت محتاج ماما عشان هي بالنسبالي الامان بس جتلك معرفش ليه وساعتها اكتشفت اني بطمن بقربك بهدي وانا حاسس بوجودك وفي حضنك
ليلي بعياط : ليه معرفتنيش كل ده ليه مشاركتنيش وجعك كنت هساعدك يا زين كنت هبقي جمبك!!
= مكنتش حابب اقولك عشان متسألنيش عالسبب الى عملي إضطرابات ، عشان وانا عايش في بيتي زي اي طفل هجم علينا ناس مسكتني ومسكت امي و كتفونا وراحوا عند بابا يطلبوا منه معلومات او فلاشه عن حاجه معينه رفض وساعتها قتلوا امي قدام عيني وانا بصرخ ومش قادر اعمل حاجه
ليلي كانت مصدومه كلياً زين كمان انهار وكان بيعيط وهي قربت ومسكت ايده ومسحت دموعه عشان يهدي فا كمل
- جدو كان عارف كدا وساعتها قال لبابا لا انت ابني ولا اعرفك وحفيدي هيعيش معايا وخدني اعيش معاه ومن ساعتها وانا ضعيف وبخاف وعمري ما بينت ده عمر ما حد شاف الجانب ده مني غيرك
لما روحت للدكتور وقالي ان انتي.. علاجي
ليلي حضنته بقوة وهي بتعيط من كميه المعاناه الى عاشها فضلت متبته فحضنه و كأنها ام بتخبي ابنها
زين خرج من حضنها و مسك ايدها و بص في عينيها
- انا طول عمري بشوفك من بعيد وبطمن عليكي بروح القاهره عشانك انا مسبتكيش واول ما جيتي تدرسي هنا كنت حاسس انك بقيتي مسؤولة مني وهدافع عنك وهحميكي لكن مش هقرب عشان مسببلكيش اي اذي وانا مش في وعي او بتجيلي الكوابيس دي بس طول السنين دي عمر ما حبي ليكي قل يا ليلي صدقيني كل مضيقاتي ليكي كان عشان متتعلقيش بيا
ليلي اتكلمت بعياط = ولا انا عمري بطلت احبك انا بحبك يا زين محبتش غيرك ومش هحب غيرك عمري ما هقدر اشوف غيرك اصلا انا بحبك انت
وحتي لما كنت بتتعصب عليا ده مخلاش حبي ليك يقل
زين مسح دموعها وباس ايديها - انا جاوبتك كدا على كل الاسئلة وشرحت لك كل حاجه ابعدي عني بقي و ياريت منتكلمش تاني ماشي
زين كان بيهزر عشان تبطل عياط ولما اتصدمت ضحك
ليلي ضربته في كتفه : يا رخم متهزرش معايا!!
نزل على ركبته ومد ايده بسلسلة دهب زي الفضه - يعني تقبليني يا لولي بكل عيوبي وعصبيتي وغبائيي
ليلي عيونها لمعت ومسكت ايده بسرعه وحضنته
= اكيد اقبل يا زين
وهو لفها عشان يلبسها السلسلة
- مع اني كنت عاوز اديهالك في فرحنا بس انا اليوم ده بالنسبالي احسن يوم فعمري عشان صارحتك بحقيقتي ومع ذالك قبلتي
ليلي قربت منه = انا مش شايفه فيك اي عيوب انا شايفه حد جميل و قمور و حنين وبيخاف عليا وبحبك زي مانت و
زين حط ايده على بوقها - و كفايه كدا لحسن مش هقدر امسك نفسي وجدك هيجي يطخنا عيارين
ليلي ضحكت جامد وبعدت عنه = امسك نفسك كفايه الى عملته فالمكتب
زين قرب - عملت اية ها
= زين تؤ تؤ
- خلاص خلاص
وبعد عنها وبعدين قرب مره واحده طبع بوسه سريعه على خدها
ليلي بعصبيه مصطعنه = زين بره
- طب ه
= براااااا !
- يا قاسيه وبتزعقيلي
ليلي ضحكت = يا زين متهزرش !
- طيب ماشي بس علفكره انا هكلم جدو مينفعش كدا هقوله انك بوستيني ويجي يشوفلك حل بقي ولا يجوزنا عشان نغسل العار
= يخربيتك هتجبلي مصيبه!
- احلي مصيبه دي ولا اي
= انت بقيت كدا امته يا زين!!
قرب منها - لما حبيتك جننتيني معاكي!
= طب خلاص ننام انا عندي جامعه وانت عندك شغل!
- خلاص تصبحي على خير
= وانت من اهله
- مش عايزه بوسة قبل النوم؟؟
= براااا
________________________
* تاني يوم الصبح *
- قوووووووميييييي
= ايه! في ايه !!
زين باسها - صباح الخير يلا الجامعه عبال ما انشف شعري تكوني جهزتي يلاااااا
خرج من اوضتها وليلي قامت ولسه بتستوعب
- ده باسني تاني!! يخربيت جنانك!!
بعد ما لبسوا وصلها الجامعه وكالعاده.
- متتكلميش مع حد عارفه يا ليلي لو حصل حاجه زي بتاعت المره الى فاتت
= عيب عليك يا زين
- المهم جدو احتمال يجي انهارده و ياريت عشان عايز اتجوز بسرعه
= هتتجوز مين؟
- هتجوز بنت الجيران يا ليلي في اية!! ما اكيد انتي بلاش غباوه
= مين قالك اني موافقه
زين قرب بسرعه منها = عيونك
- ابعد كفايه الى عملته الصبح
= عملت اية كدا !؟
- تؤ تؤ تؤ انا نازله كدا كتير عليا
زين ضحك وهي نزلت وكان باصص عليها واول ما دخلت شاف احمد بيروح ناحيتها وبيقرب منها
_________
- ليلي لو سمحتي
= بعد اذنك عندي محاضره
وقف قدامها - استني
ليلي اتحركت بتوتر و خوف = لا وسع بعد اذنك !
احمد اتجرا ومسك ايدها - استني يا ليلي هنتكلم!
وفجاه ايد زين كانت نازله على وشة وبيزقه و وقع بيه عالارض وكمل ضرب
ليلي بصوت عالي - زيييييييييين !
شكرا لزيارتكم عالم روايات سكيرهوم
