رواية خائنه الفصل الخامس بقلم جمانه السعيدي
نيران....بقى المشتمل شهر فارغ
كل الي يجي علي وانطي المفتاح يشوفه
يكول زغير ما يفيدني
مايكفي عائلتي
فعلا هو كلش زغير غرفه وحده وهول زغير ومطبخ مترين بمترين
يكفي نفرين مااعرف غصون كل هذا الوقت شلون جانت كاعده بي
مكفيها هي وجهالها
بدا الشهر الثاني والمشتمل مااتاجر
اني عندي المفتاح كل الي يجي انطي المفتاح
يدخل بي يشوفه يكول صح كلش نضيف
بس ما يكفينا
٣ اشهر والمشتمل فارغ
ضجت كلش شكد غصون جانت ماليه عليه الوكت
بسلا يبقى المشتمل فارغ
شلون ياربي اريد وحده مثل غصون حبابه وعشريه
وبت اوادم
من اجا ياس قررت احجي ويااا لان فعلا ضجت
نيران....شلون ياس المشتمل كل الي يدخل بي يكول زغير
خاف يبقى فارغ
ياس.. واذا بقى فارغ الحمد لله الله رازقنا وما محتاجينه
نيران...يااا حرامات عود اني قررت بس يتاجر اخذ الاجار
وادفعه قسط الابو الذهب شفت عنده بتوت يخبلن
ياس...لازم تجي عائله زغيره وتسكن بي
نيران....حتلو انزل شويه من الاجار بس كون يتاجر
على الاقل اسمع حس وياي بلبيت
طول النهار البيت تشمر الابره تسمع صوتها
ياس....صدكي يتاجر بس طولي بال شويه
جمانه السعيدي
بعدها بااسبوع اندكت الباب ياس جان ماموجود
نيران...منو بدون ماافتح الباب لان اخاف وحدي بلبيت
....اني اريد ااجر المشتمل
كان صوت ولد شاب
حجيت وياا من ورا الباب
نيران...انتم كم نفر لان المشتمل زغير
...احنا اتلاثه احنا نريده زغير
نيران...دقيقه اجيبلك المفتاح حتى اتشوفه
دخلت جبت المفتاح فتحت الباب شويه وطلعت ايدي
وانطيته المفتاح
أخذه ودار وجها اني بقيت اباوع علي من ورا الباب
ولد شاب شكله حلو وملابسه حلوات
والعطر ترس المكان وويا ثنيين ولد نفس عمره
بقيت واكفه ورا الباب تقريبا ربع ساعه ورجع دك الباب
نيران... هااا عجبك
...اي عجبني بس نتفق وياا منو اكو رجال هنا نتفق ويااا
نيران....كول اني موجوده
...اني شمران وذوله اصدقائي احنا طلاب كليه سنه اولى
ومحتاجين مكان نسكن بي
نيران..انتم اتلاثه
شمران...اي بس اريد اسئل شكد الاجار وبي خط مولد
والنت شلون
نيران...الاجار ٢٥٠ وبي خط مولد بس روح الابو المولد حتى يشغلكم
والنت اني ممكن انطيك الرمز واعتبره من الاجار
شمران....ليش مو الاجار ٢٠٠ لان طلاب تعرفين ورانا هواي مصاريف
نيران...لا احنا جنا مااجري ٢٥٠ بس لان طلاب راح احسبه الكم ٢٢٥
شمران...موافقين راح انجيب غراضنا وبليل ننطي الاجار
نيران...تمام من تنطيني الاجار انطيك الرمز مال النت
شمران...عاد الشبكه قويه
نيران...كلش قويه بس اني بلبيت يعني جهاز واحد مكنك عليها
شمران....زين بليل نرجع عليكم
نيران...اهلا وسهلا
جمانه السعيدي
بس راحو اني اتصلت على ياس
نيران....هلو شلونك
ياس...الحمد لله يالله مبين من صوتج اكو اخبار حلوه
بشري
نيران...المشتمل اتاجر
ياس...هذا الشي الي مفرحج عبالي شغله ثانيه
نيران...ماكو شغله ثانيه اني ايست طبعا هو يقصد على موضوع الاطفال
ياس...اي عليمن اجرتي
نيران....٣ ولد طلاب كليه
ياس...بس ولد لا كون عائله
نيران....ماكو عائله هذا الشهر الرابع وماكو موجر
خليهم يكعدون بس على كد الدوام
واذا طلعو ناجره على غيرهم
ياس....خاف الجوارين مايقبلون ولد عزابيه يكونون جيرانهم
نيران...شعليهم الجيران شنو احنا بكيفهم
بيتنا واحنا احرار بي
ياس...يله مبخالف اذا شفنا عدهم تصرفات موزينه
نطلعهم من البيت
خل نختبرهم هذا الشهر
نيران....بس ينطوني الاجار اخلي على هذا المبلغ الي عندي واروح اجيب البتوت الي عاجباتني
ياس....بكيفج حبيبتي
بليل رجع ياس وحجيتله كلشي صار وياي
طلع لكه شمران كمل نقل الغراض
ياس عبر علي ووصا مايريد مشاكل لان هما شباب
وخاف الجوارين تتضايق منهم
شمران...ماعدنا اي مشاكل احنا نرجع الساعه ٣ من الدوام
ناكل ونام وبليل نقرا
ماعدنا وكت للمشاكل ابد
احنا عفنا القسم من ورا المشاكل بين الطلاب
رغم السكن هناك بلاش
اطمن مراح تشوف من عدنا اي اذيه
جاب ياس الاجار واجا
ياس...هاج هذا الاجار مبين خوش ولد هذا
نيران...يمعود ووينه وين المشاكل مبينين بحالهم
ثاني يوم ياس طلع اجره البغداد
واني طلعت العصر حتى اروح الاختي تروح وياي للسوك
حتى اجيب البيوت الي عاجباتني
من طلعت من البيت شمرن جان جاي من الدوام
صار بوجهي وولد شاب يخبل عندا جاذبيه مو معقوله
شكله كلش حلو ومرتب
انيق بشكل نضراته تخبل
بقا يباوع عليه من طلعت من البيت
من وصل يمي كال مساء الخير
نيران...مساء النور
جمانه السعيدي
هو دخل بلمشتمل واني طلعت كبل
رحت الاختي اخذتها ورحنا للسوك جبت البتوت واجيت حضرت العشى
وبقيت منتضره ياس يجي
بدلت وتمكيجت وشسورت شعري لبست ثوب احمر
حلو عليه ياس حيل يحب هذا الثوب
يكول يخبل عليج
لبست البتوت وتعطرت
منتضره ياس يجي وافاجئه
اتصلت على ياس كال جاي شويه وواوصل
بديت احضر بلاكل وعطرت البيت
اندكت الباب
ركضت حتى افتح الباب الياس واشوف نضرت الإعجاب بعيونه
فتحت الباب وصحت هلو حبي
باوعت شمران واكف كبالي لابس تشريت ابيض وشورت
اسود للركبه
اني جمدت من المفاجئه وهو مانزل عينه عني
راسا طبكت الباب
شمران....اسف بس ماعدنا مي ردت تشكلين الصونده نسحب منكم مي لان التانكي خلص
نيران....توقعت ياس فتحت الباب كبل
شمران....بس اني دكيت الباب
نيران....هسه اشغل الماطور وانطيك الصوندا
طبكت الباب وشغلت الماطور ومديت الصوندا من جوا الباب
شمران....شكرا واسف على الازعاج
سحب الصوندا
شويه واجا ياس دك الباب
نيران.. منو
ياس...اني اني
شعجب طابكه الباب من اكلج جاي تعوفين الباب مفتوح شنو هاي الصوزدا
نيران...فتحت الباب هلو حبيبي جيرانه ماعدهم مي
شغلت الماطور وانطيتهم الصوندا
ياس...الله الله شنو هذا الجمال شطالعه اليوم
كمر لابس احمر واحلى من الكمر
نيران....اشتريت شوف مديت ايدي
اخذ ايدي باسها
ياس بلعافيه تستاهلين
نيران...لكيت اسماء حلوه اسماء من ذهب بس اسمي مالكيته
ياس....خلي الصايغ يشتغل اسمج واني ادفعلج فلوسه
نيران...حبيبي الله يحفظك اليه
جمانه السعيدي
كنت احجي وياا ياس بس الشيطان زرع صورت شمران
بعقلي الصوره تنعاد بثباتيه
وكانما انحشرت بعقلي
شويه ورجع دك الباب طلع ياس
شمران...شكرا ازعجناكم
ياس...ماكو اي ازعاج
دخل ياس للبيت ودخل الصوندا
ياس.....عندج مخضر فواكه اريد انطيهم خطيه طلاب
والمصرف على الكد
نيران...اي عندي جبت سله وترسته طماطه وبتيته
وجزر وتفاح وبرتقال اخذها ياس دزها الهم
ثاني يوم كان جمعه ياس طلع للسوك
سمعت ذوله الولد الي بلمشتمل يسولفون ويضحون
ويرتبون بغراضهم
بقيت كاعده على الكرويته الي بلهول يم بابهم
اقصد الباب الداخلي الي بيتنا
اسمع سوالفهم وضحكهم وتحشيشهم
بعدين سمعت واحد يغني صوته حلو
واحد كال ولك شمران انت صير مطرب احسلك
شمران...بس يسمعك ابوي يجرم بيك
اني هلست اهلي
السنه تهلس بلمصرف
وهسه اروح اكول اصير مطرب حتى ابوي ينتحر
سمعت ياس رجع كمت من مكاني
جايب كباب سوك كعدنا ناكل وبعدين ياس رجع نام
واني سمعت شمران يغسل ملابس
فتحت البرده شويه وكمت اباوع علي
لابس بس شورت يغسل بملابسه ويغني
ساعه يركص ساعه يكمز
راسا رفع عينه وباوع على الشباك يمكن شافني
ولله عيب
كمت من مكاني عيب شيكول تجسس عليه
صار عندي هوس مو طبيعي اسمعهم اذا يحجون
لو يضحكون
اعوف كلشي واكتد اسمعهم
بعد مانزلو باربع ايام
سمعتهم يحجون بلطبخ
علي...ماتدنا بهارات شلون
حسن....هسه منو اله خلك يروح يشتري اصلا اني بس هذا الشهر ارجع للقسم
اهلي مايكدرون على هاي المصاريف
هسه قابل راح اصير دكتور
حتى تعيينات ماكو
علي....شبيك يولي دكيت اليتيمه هسه ربك يفرجها
شمران...اني راح اجيب بهارات من جيرانه
بعد شجيب منهم
حسن....بلكت ينطونك سلة مخضر مثل ذاك اليوم
شمران....عيب قابل عايفين مسواكنا عدهم
حسن....مبين عدهم خير من الله شكو بيها اذا ينطونا
احنا طلاب فقره
شكرا لزيارتكم عالم روايات سكيرهوم
