رواية مازلت عذراء الفصل السادس بقلم جمانه السعيدي
هبه....بعدها بيومين كان عندي امتحان بنفس الماده الي يجينا بيه استاذ علي
اجيت اقرا بس ماعندي اي واهس للقرايه
لان مامقتنعه بوضعي والضروف الي جاي امر بيه
معقوله اني هلكد رخيصه عد اهلي
فتحت الملزمه الي طلبه مني ميثم جاي اكلب بيه
شفت مرسوم قلب احمر زغير وبصفه حرف H
استغربت اني ابد مااكتب لو ارسم على الملازم والكتب
بعدين ركزت هاي الملزمه الي طلبه مني ميثم
اكيد هو الي كتب
شنو قصده ياترى قلب احمر واول حرف من اسمي
ولله قصده واضح اكيد يحبني
ميثم خوش ولد بس اني وياا مستحيل نرهم واحد للثاني
اكيد اذا يسمع قصتي راح يعوفني
معقوله يصدكني
اذا امي امي الي هي المفروض اقرب وحده اليه ماتقبل
تصدكني
اكيد بس يسمع عني هيج اخبار راح يعوفني
ليش اني متعبه نفسي
اصده من البدايه حتى يبتعد عني لا اعذبه ولا يعذبني
مااتحمل احبه واتعلق بي وبعدين بس يسمع عني حجي
يعوفني
اني لازم اكون عاقله اهلي مستحيل راح يقبلون بي
وهو مستحيل راح يكمل وياي
اختصر الطريق على نفسي من البدايه وابتعد
جمانه السعيدي
ليش اني مو منحقي ارتبط حالي حال باقي البنات
احب وانحب مثلهن
اكيد اني مو مثل باقي البنات لان عندي أهل متخلفين
يردون بس يخلصون مني بااي طريقه لان اني بلنسبه الهم عار ولا زم يخلصون منه
بقيت فاتحه الملزمه بس ماقريت مااكدر اقرا جاي امر بااصعب مرحله بحياتي
بسبب اهلي وبسبب امي الي ماتقبل اتصدكني
ابد ماكدرت اقرا
ثاني يوم ماكدرت اجاوب بلامتحان
اما ميثم بعد ماقرب عليه بس مابطل يباوع عليه من بعيد ويركز بتصرفاتي
واني احاول مااركز ويااا ماريد اتعب واتعبه وياي
الحد مااطلعت نتيجة الامتحان والأستاذ سلم اوراق الامتحان الميثم لان هو اكثر واحد متفوق
ومااخذ اعلى درجه بلامتحان
بعد المحاضره بدا ميثم يسلم الأوراق للطلبة
اني كاعده بمكاني وحتى مامركزه
ماحسيت اله ميثم واكف على راسي
ميثم...هبه هبه
هبه انتبهت نعم
ميثم...ورقتج
اخذته باوعت راسبه
ميثم...انت ماقريت للامتحان
هبه....اي عندي مشاكل بلبيت ومااكدر اقرا
ميثم....ممكن تسمحيلي اساعدج
هبه...بشنو تساعدني مشاكلي مالهن حل
ميثم....اقصد اساعدج بلمواد واذا حابه تحجيلي شنو المشكله يمكن بكون عندي حل
هبه....اتحسرت من كل كلبي
ميثم....هيج مشكلتج صعبه وماله حل
هبه....فوك ماتتصور
ميثم....الله يساعدج
هبه... من رخصتك
ميثم....اكدر اساعدج اذا اكو شي مافاهمته
هبه....شكرا
كمت من مكاني وطلعت
والمحاضره الي بعدها مادخلت احس نفسي تعبانه
وشايله حمل فوك طاقتي
جمانه السعيدي
بس خلصت المحاضره اجا ميثم يدور عليه وبيده عصير
ميثم...تفضلي
هبه...شكرا مااريد
ميثم...شنو ماتردين اني بعد جبته لازم تاخذي
هبه...مااكدر اعذرني
ميثم....ولله اله تاخذي معقوله هاي اول مره اقدملج عصير
وترجعي باايدي
حسيت نفسي محرجه اخذته من ابدا
كعد كبالي وكال ولو فضول مني بس كل بيت بي مشاكل وماكو عائله عراقيه ماعدها مشاكل
بس البيت شي والكليه شي ثاني
ممكن تعوفين المشاكل بلبيت وتنتبهين الدراستج لان بيه مستقبلج
ايجوز انتي اذا نجحتي تكدرين بهذا النجاح تتخلصين من
مشاكلج
هبه...حقك ماتعرف شنو مشكلتي ولا بيوم تتخليه
مشكله غريبه عجيبه وماله حل
هاي المشكله جاي تاخذني الاسوء مصير وكلما اقرب من نهايته اضيع الحلول اكثر
ميثم....هيج مشكلتج صعبه
هبه...فوك ماتتخيل
ميثم... زين اكو بيت شعر يكول
ضاقت فلما استحكمت حلقاتها
فرجت وكنت اضنها لا تفرجو
ممكن تكتبينه بداية كل ملزمه وكتاب حتى تقري كل يوم
بلكت تتفائلين شويه
هبه.... ابتسمت رديت علي صار
ميثم....الله حلوه وسكت راد يكول ابتسامتج
اسف اني مااعرف ليش وياج انسى حدودي
هبه...شكرا لاهتمامك ولأن سمعتني
ميثم....اني موجود بكل وقت واي شي تحتاجي حاضر
بس عندي طلب زغيرون
اريد تركزين بدراستج اكثر
هبه...انشاء الله
ميثم....المحاضره راح تبدي
هبه...اي اجيت
شكد جنت ضايجه حسيت نفسي ارتاحيت بس حجيت ويااا رغم اني لا حجيتله مشكلتي ولا انطاني حل
بس ارتاحيت للكلام ويااا
عرف عندي مشكله بس مايلح عليه يريد يعرف التفاصيل
عافني على راحتي
اكو شي بداخلي يحب وجوده بحياتي وقربه مني
يمكن لو ماهاي المشكله بحياتي جان اني رحت واعترفتله احبه
بس يكولون الحلو ماايكمل
دخلنا للمحاضرة واني تركيزي صفر عقلي وياا ميثم
هو كاعد بلمقعد الي كدامي
من طلعنا اخر الدوام لكيته منتضرني
ميثم...الامتحان الجاي اخذ من وقتج ساعه حتى افهمج على المواضيع المهمه
بعد ممنوع الدرجات قليله
هبه...ابتسمت وكتله حاضر
راسا ابتسم من شافني ابتسمت
رفع ايده يودعني
جمانه السعيدي
امشي واني مبتسمه ياربي هذا الإنسان الصح كدامي
ليش اعوفه واروح العقيل
يعني ماكو اي مقارنه بينهم
ليش اني مو من المنطقي احب وانحب
رجعت للبيت الوجوه كله مكدره
هبه...شكووو
امي ...تحجي بصوت ناصي اسكتي ابوج وعمج اليوم اتعاركووو عمج مايكدر العقيل
وابوج وجدج يكولون لازم يرجع ويتمم هاي الزواجه
هبه حسيت لهنا وبس اني لازم ادافع عن نفسي
لازم احجي والي يصير خلي يصير
شمرت جنطتي ودخلت على ابوي وجدي
جدي كان متمدد وابوي كاعد يدخن بس مبين علي عصبي
يمكن مو هو هذا الوقت المناسب
بس اني بعد مااكدر اتحمل اكثر
اني كرامتي انهانت شنو عقيل وكاعدين يتوسلون بي حتى يرجع يزوجني وليش اني ادفع ثمن غلطه
غير مقصوده غلطه غلطته من حنت زغيره وماافتهم
دخلت وكعدت كبال ابوي
هبه...اكعد جدي اكو موضوع كلش مهم اريد احجي بي وياكم
كعد جدي وكال احجي وابوي يباوعلي صفح
وكانما يكووول كل هاي المصايب بسببج
جمانه السعيدي
هبه....اريد احجي عن الحادث الي صار قبل بيني وبين عقيل
اني بوقته ماكنت افتهم زين
بس أقسم بلله عقيل ماقرب عليه
صحيح حاول بس اني دافعت عن نفسي وماكدر يحصل مني اي شي والدم العفو من هاي الكلمه الي امي شافته بملابسي الداخليه بيومها
كان دم الحيض مو دم البكاره اقسم بلله هي هاي الحقيقه اني مراح ازوج عقيل لويبقى اخرواحد بلدنيا
كافي تتوسلون بي وتذلوني
ماحسيت اله ابوي شأل النفاضه مال الجكاير الي كدامه وشمرها عليه النفاضه كانت هاي الفرفوري الثقيله المربعه القديمه
شمرها عليه وهو يكووول كومي من كدامي الله لايبارك بيج
خليتي راسنا بلطين وهسه بعد ١٢ سنه جاي تبررين الموقف
تزوجين عقيل وغصبا ماعليج
خليتينا علج بحلوك الناس
اوكفو ماكتلكم النفاضه اجت فوك عيني وشكت كصتي
اني لازمه راسي والدم نازل علي عيوني
وابوي مستمر يغلط عليه
جدي طفر من مكانه وهو يصيح على ابوي
ليش هيج ولك عينه انطفت
امي اجت تركض وجدي نزع الجفيه من راسه
وخلاها على الجرح
جدي...كومي كومي اخذج للمستشفى عينج جدو عينج حاجيني
امي.. ماعدها غير مو كتلج اسكتي لا تحجين
ليش ماتسمعين الكلام
ملابسي صارن قطعه من الدم
طلعنا للشارع اني وجدي وهو لازم الجرح وخال علي الجفيه
وامي وابوي مااجو وياي جدي واخوي الزغير اخذوني للمستشفى
جمانه السعيدي
رغم الجرح وقوة الضربه براسي بس مامتندمه كان لازم احجي وادافع عن نفسي كافي اهلي يرخصون بيه
وصلنا للمستشفى ورفضو يخيطون الجرح اله تقرير
لازم يعرفون شنو سبب الاصابه
جدي سكت بس اني حجيت
هبه...اني وكعت ونجرحت بلبدايه محد صدك بس جدي ضل يلح لمن الدكتور خيط الجرح
من خلص الدكتور كال
غير تنتبهين همزين هاي العيون الحلوه مااتئذت
خيطو الجرح ورجعنا للبيت
اول مادخلنا جدي نزل حجي وغلط على ابوي
الي مااهتم يسئل عن حالتي وكانما مو بنته
العجيب اني من ضربني ابوي وشفت الدم ورحت للمستشفى واني ساكته
صح راسي بوجعني بس ساكته
من رجعت للبيت وشفت اهلي انفجرت بلبجي
رغم اني كنت اريد أبين اني قويه ومايهمني بس ماكدرت اسيطر على مشاعري
شكرا لزيارتكم عالم روايات سكيرهوم
