رواية رغبة ملوثة الفصل السادس بقلم دلال عماد
فتحـت عيوني شـفت روحـي على نفـس گعـدتي صفنت دقايـق واتذكـرت كـلشي دمعت عيوني وبالي يم بابا شلـون صـار هسـا خـفت انـزل لا يشـوفوني وهم يضربوني رحـت فتحت الباب شـوي وحـاولت اتنصت على صوتهم سمعت نـورا وماما يحچون
نـورا: ماما اسامة خابـر گال بابا صـار احسـن شوية وراح يطلعونه
ايات بفرحة: صددك
نـورا: اي الحمدلله گال الجلطة كلش خفيفة الحمدلله وعدت
ايات: الف الحمدلله ياربيي
سليل: فرحت كلش من سمعـت بابا صـار احـسن واليـوم يطلع ان شاء الله صحته تتحسـن يا رب
اسمـع امـي ونـورا ينظفـون ويرتـبوون مكان بابا انقهـرت ڪلش اتمنـيت انـي ارتـب مڪان بابا بيـدي بـَس ما باليـد حيلة
للعصـر واني گاعدة بغرفتي بالزاويـة لا اڪـل ولا اشـرب بـس استاۿـل ڪل الـي يصيـر بـيا، شيفـيد الـندم بعد، شـوي وسمـعت صـوت نـورا تگول
نـورا: ماما اجـوو
فزيـت وگمت بسـرعة بلكـت الـمح بابا واتطـمن على صحتـه فتحت الباب على ڪيف ومديـت ࢪاسـي لمحت اسـامـة وماما لازميـن بابا ويطببوه ؏ الصـالة رجعـت سديت الباب ورحت ركـض گعدت بمكانـي دمعـت عيني مــن شفت بابا ھَيچ اوووفف ربييي كون بـيا ولا بي
گاعـدة واڪل بأظافري وأفكـر شنـوو حيسوولي وشـراح يصيـر بيـا وويـن تاليتـي
بـعـد نـص سـاعـة الباب انفتح رفعـت راسـي بخـووف شفت نـورا اجـت وگالـت
نـورا: أنتِ گومي
سليـل: تحچين وياي؟
نـورا: اكوو غيرچ
سليـل: نـورا احچي عددل اني اكبر منچ
نـورا: لااا بلله فوگ شينچ گـواات عينننچ گومي نظفي غرفتي يلاا
سليـل: توني دارد وبهالأثنـاء طـب اسـامـة
اسـامـة بعصبية: خيـر شبيڪم
نـورا: ۿـي بـدت
سليـل: والله چذب مسويتـلها شي هي طبت عليا تگلي بأستهـزاء انتِ گومي وكتلها احچي عدل تگول فوگ شينچ چوات عينچ، گومي نظفي غرفتي يلا وﭑلله العظيم هيچ گالت
اتقدم اسـامـة على نـورا وكاللها
اسـامـة: صحيح هالحچي؟
نـورا: اي صحيح
اسـامـة: وانتِ شلون تحچين ؏ الأكبر منچ هيچ!
نـورا: لان غلطت ولازم تتعاقب
اسـامـة: لا وﭑلله وانتِ الي راح تعاقبيها مثـلًا؟
نـورا ورب الكعبة اذا شفتچ كررتيها اطيح حظچ فهمتي لو لا؟ غلطت احنا نعاقبها مو انتِ هاي سوالف لا تدخلين بيها خوش! وهسة روحي على غرفتچ ونظفيها بنفسچ ولااطبين بـعــد هنا فاهمة
سليـل: طلعت نـورا ضايجة
واني نزلت دموعي لمن شفت اسـامـة دافع عني ومقبل عليا رغم ڪل الصار اندار دايطلع صحت
"اسـامـة"
وگـف بدون ميندار عليا ولا يحچي گتله
سليـل ببجي: اسفة ياا اخوياا وﭑلله اسفة وربي اني غبية وثـولة مو بقصدي والله ماعرف اصلًا ليش جاوبته الله يخلييكك سامحنيي والله ماعيدها والله
گالي
اسـامـة: حتى لو سامحتچ ثقتي بيچ مراح ترجع مثل قبل
سليـل: گال ھَيج وطلع حسيـت سچينـة وطـبت ببطني انييي شسووويت بروحيي شسوويت
كعدت بالگاع ابچي وادعـي ياربيي ساعدني وخلصني من هالمشكللة يا ررب
بقيـت كاعدة بغرفتي وحدي وصـافنـة لا اكـل ولا شـرب لـو ذابحـة واحـد هم ما اتعاقب هيج
اريد انزل اريـد اروح اشوف ابويا بس اخـاف
اخاف لا يتعصب ويصيرله شي اذا يشوفنـي
بقيت كاعدة وساكتة بغرفتي نص ساعة وانفتح الباب رفعت راسي شفت نورا جايبة اكل وجاية
خلته گدامي وطلعت بدون ماتحچي شفت الأكل جان برياني وسلطـة وببسي اخخ واني جوعانة كلشش صارلي يومين ما ماكلة قضيت ع الأكل كله تعبت شكد ما اكلت وتمددت ع الگاع
...
گعدت ثانـي يـوم شفت روحي نايمة بمكاني ع الگاع ياا هاي شوكت نمت اني .. گـمت وعدلت روحي احـس ظهري مكسور من نومت الكاع والصحـون على حطتـها بالگاع اريد اشيلهم واطلعهـم بـس اخـاف
.. بقيت على هالحـال يومين گاعدة بالغرفة وحدي بس اصفن وصحت بابا اتحسنت صرت اسمع صوته يگوم ويحاچي نورا وماما فرحت كلش لان صحته صارت زينـة
چـنت واگفـة يـم الباب مثل عـادتي اسمع شيگولون وشيحچون عنـي سمعـت بابا واسـامة يحچون ويكولون
مروان: اليوم خابرت على الضابط مرتضى خليته يطلعلي العـنوان مال بيـته لهذا العار وجابلي يا بالأنبـار هـوَ، بـاچر ان شاء الله نطلع من الصـبح اني وانت وعمامـك وولـد عمامك
اسـامة: خوش ان شاء الله
عـزززا يربيي المشـكلة راح تـكبرر هيـچ اهلي راح يهدون عليهم واكيـد هما ماراح يسكـتون وراح تصـير مشكـلة چبيرة بسببي! ياربيييي شسـوييت اني كله بسببي كله، الله ياخذنيي كـون
رجـعت سمـعت اسامة يكول
اسامة: نسـوي گعـدة غيـر
مروان: اي طبـعًا، ااخخخ بـس لو مـا هاي الحيواننة نزلـت راسـي چان الحگ كله ويانا، هسة راح يگولون منو ضربها على أيدها وخلالها تحاچي ابنه
أسامة: ما عاش الي ينـزل راسك يابا، بس سامحهـا سليل مراهقـة وغلطت والإنسان ما معصوم من الغلط واني متأكد بعد الي صار هي ما راح تتجرئ تعيدها
بعصبية: شنو غلططت شنو مرراهقة هي هاي سوايه تسوييها بيـنا
اسامة: يا يابا سليل صغيرة وانضحك عليها بكلمتين هي صح غلطت وغلطها چبير من جاوبته وحاچته بدون علمنا بس تبقى مراهقة ولازم نعلمها ونفهمها حتى ماتكرر الغلطة
مروان: ليش عبالـك اني هسة هينا علي من ما اشوفها يوميًا وحابسينها بالغرفة فوك، اني اذا ماشوف واحد منكم يوميًا واتطمن عليكـم مايرتاح گلبي بس كاعد اعاقبهـا حتى لا تعيد هاي السالفة مـرة ثـانيـة
اسامة: الله كـريم يابا لا تضوج روحك ارتاح هسـا ولباچـر يحلها الف حلال
مروان: الله كريم ابني الله كريم
من بعد ما سمعت كلامهم گعدت بالگاع اشهك وابچي انيي شسوويت بأهلي شسووويت حتى بعد الي سويتته بيههم باقيين يحبونيي ويدافعونن عنيي هماا مايستاهلوون وحدة مثليي مايستاهلووون...
بـقيـت بغرفتي بـس ابچـي هـاي الغرفة شهدت على كل دمعـة نزلت من عيوني وشهـدت على كل شعور حسيت بي واذاني
احس حتى الغرفة ملت مني ومن شووفتي ياربيي اخذنيي وخلصنيي اخذنيي
مـرت السـاعات وانـي خايفـة واحسـب دقيقة دقيقة وثانيـة ثانيـة للصـبح ..
وصـبح الصـبح وريتـه ماصـبح
السـاعـة 8:00 سمـعت صـوت ابـويا واسـامة وعمامـي يحچـون وگاعديـن يتحظرون لان دايطلعون للأنـبـار ع غـفلة سكـتو ومابقـىصـوت عـرفت راحـوو گمت نـزلتت بسـرعة شفـت ماكو احد صـدك باوعـت للمطـبخ شفـت امـي ونـورا كـاعدات بالمطـبخ وشكـلهم خايفين ومتوترين ترددت اطـب بـس بعـدين قـويت روحـي وطبيـت شـافـوني نـورا وماما
امـي گبل دارت وجهـا عنـي ونـورا بقـت سـاكتـة ماحچت شـي اتقدمت بسرعة وگعدت يم رجلين امي لزمتها وصرت ابچي واگول
سليل ببجي: مامااا سامحينيي الله يخلييچ والله غلطتت وندماانة والله
ايات: بعديش ابوچ چان راح يروح من ايدينا بسببچ وهسة رايحين على غيـر محافظـة ومامعلوم شراح يصير وياهم ويجـوز حتصير مشكلة چبيرة بين العشيرتين هاي اذا ماصارت بالسلاح وتأذة أحد منهم
سليل ببجي: والله انيي موو بقصديي والله اني غلطانة واعرف كلش غلطاننة الله يخليچ سامحيني والله ماعيدهاا والله ان شاء الله اموت اذا كررتهـا
كعدت ابچي واترجى منها تسامحني اتقربت حضنتني وگالـت
ايات: اسـم اللـه عليچ لا تحچـين هيـچ احـنا صـح زعلانيـن منـچ بـس مايـهون عليـنا تبقيـن بنتي الحالة، احـنا ردنا نعاقبـچ حتى لا تعيديها بـعـد لان الي سويتي يا ماما غلط والله غلط
سليل بدموع: اسـفة والله سامحيني وداعتچ ماكررها والله
ايات: مسامحتچ حبيبتي مسامحتچ بس اوعديني ماتعيديها
سليل: وعد والله ماعيدها والله
ايات: ان شاء الله
سليل: وبابا واسامة شلوون؟
ايات: اني احاچيهم من يرجعون بخير وسلامـة وتجين تعتذرين منهم خووش
سليل: اي اي خوش
ارتاحيت نوعًا ما من امـي صالحتنـي ورضت عليا ونـورا ماحاچيتها اصـلًا لان تطاولـت عليـا وهي حسيـتها فشـلانة منـي وما اجـت حاچتـني على راحتهـا لا تجي
..
الـساعـة 1:30 دقيـقة
سلـيـل: اتصـل اسـامـة على ماما وگعـدت تحچـي ويـا وچـانت خايـفـة كـلش وتحچـي اخـر شي امي گامت تصرخ وتگول
ايات: يمااا ابننييي اسااامة اساامةة احچيي عفيية اسااامة
سليل بخووف: ماما شكووو عفييية
نـورا ببجي: مامااا
ايات بصياح: ولكمم اخووكم راحح اخووكم
سليل: يمااا شكووو احجيي
ايات:
"فـلاش بـاك"
- ها اسامة حبيبي شصارر وياكم
- يـوم لـو كـاتل لـو مكتول ابريني الـذمـة
- شنوو لا يماااا لا عفيةة لا تعالوو ارجعوو عوفوهم ميحتاااج
صـار صـوت طلق نار بهالأثـناء اسـامـة صـاح اخخخخ وانغلـق الخـط
"الـعـودة للـواقـع"
امـي حچـتلنا واحنـا نبچي ونلـطمم گعدت بالگـاع اصـيح كلها بسببـي كـلهاا، الله ياخذنـي اخـوييا وابـوييا حيرووحونن من ايديـنا بسببي يارربيي
انـي اصـيح وابچـي وامـي ونـورا نفـس الشـي چـانت أصـعب لحـظة مـرت عـلينا فـكرة انـو بابا واسامة يصيرلهم شي دمرتـنا مـو النـوب يتحقق هالتفكير لان همـا سندنا بالحـياة مـن بـعـد اللـه واحـنا بدونهم ولا شيي...
