رواية الشك يلاحقني الفصل الخامس بقلم جمانه السعيدي
همام انتقلنا للشقه الجديده واني افكر شلون راح ارتب اموري بين اهلي وبيتي والدوام والمحل
حولت دوامي خفاره ٣ ايام بلاسبوع علمود اتفرغ بلنهار الامي وللمحل والبيتي صارت المسوليه عليه هواي
وتعبت كلش
ماقبلت مروه تجي للشقه اله اكملها على ٢٤ حبايه يله تجي
سحبت امبيرات
واشتراك نت ورتبت الاثاث ورحت جبتها من بيت اهلها
جمانه السعيدي
همام...مروه اني حولت دوامي ليلي ٣ ايام بلاسبوع
مروه... اي كلش زين اقصد عادي حبيبي تجي امي تبات يمي اذا عندك خفاره
همام...بعد شي ثاني اريد طفل صار اكثر من سنه اريد طفل يملي علينا الدنيا
مروه...اي حبيبي اني هم اريد طفل منك قبل جنت معلكه فوك بيت اهلك بس هسا ماعندي شي
باجر اروح اني وامي اسوي تحاليل وانشاء الله خير
همام...فدوه لحبيبتي الحلوه
مروه...بس ايدك على فلوس خوما الدكتوره والفحص بلاش
همام...تدللين يروحي انتي
جمانه السعيدي
ثاني يوم مروه راحت ويه خالد ما راحت للدكتوره لان هي تبلع حب مانع ماتريد اطفال من همام
همام...ها بشري شكالت الدكتوره
مروه....كل التحاليل سليمه وتكول ماعندج اي مشكله
لاتخاف حبيبي قابل عجزنا هسه نترس البيت اطفال
همام....وين التحاليل اريد اشوفها
مروه....هااا التحاليل نسيتهن ويه امي باجر اخابرها ادزهن اليه
همام....عوفيهن ردت اشوفهن الدكتوره عدنا بلمستشفى
مروه...اي عادي باجر اشوفهن
جمانه السعيدي
ثاني يوم همام سوا تحاليل بلمستشفى جان شاك من عندا السبب لكن تحاليله طلعت سليمه ١٠٠/١٠٠
همام كلش تعب بهاي الفتره لان المسوليه علي هواي وماعندا احد يساعدا
وبيوم اجا يسبح بس المنشفه وصخه فتح الكنتور خانة مروه وسحب منشفه جديده ووكع شريط المانع
همام...مروه مروه وينج
مروه...شكو خبصتنا بلصياح شصار
همام...هذا شنووووو ممكن تفهميني
مروه...خبصتني على هذا عبالي غير شي
اليوم اجت زهراء عليه وبتها نفشت جنطتها نفش وطشرت غراضها ومن طلعت لكيته بمكانها وضميته الها
كالت اني ادز احد ياخذه بعدين
همام...عبالي تاخذين مانع تخبلت
مروه...معقوله هيج اضن بيه اصلا اني اليوم قبل باجر اريد منك طفل على شرط ولد ويشبهك
وتقدمت وحضنت همام
همام...اسف حبيبتي الله لايحرمني منج يله تعاي سبحيني
مروه...بس الجدر على النار روح اسبح وحدك حبيبي
جمانه السعيدي
همام راس الشهر رحت الابو الاسواق القريب علينا اسدد الدين كال اطلبكم ٣٠٠ هواي ٣٠٠ لان اني اتسوك كل يوم
يله ميخالف سددت ورجعت للبيت
همام حبيبتي ابو الاسواق هواي يطلبنا
مروه مرات يجون اهلي وادز على عصير وكيك
لو احتاج شي للبيت وانت ماموجود
همام عادي حبيبتي
امي شويه احسن صحيح هي ماتمشي بس صحته احسن شويه وكلامها اكدر افهمه مو مثل قبل
ام همام...هم هم ييييمه الله ييسا قصده همام الله يساعدك
همام...هله حبيبتي شلونج اليوم
ام همام...فتحت اديها ورفعت راسها للسما الحممممممد الله
همام...عساج دوووم
ام همام...اشرت الرشا حضري الغدا
اخوج يتغدا عدنا
همام...لا يمه مستعجل اجيت اشوفج واروح عندي كومه شغل وابد ما الحك
هاي جبتلكم مسواك واني رايح
بوسته براسها وطلعت
الشهر الثاني اجيت الابو الاسواق اسدد الدين لكيته مسجل ٦٠٠ علينا
همام...شدعوه ٦٠٠
ابو الاسواق...ولله زوجتك تسحب شغلات هواي تريد اوقف الدين
همام...لا لاتوقفه بس خل اتاكد منها
ابو الاسواق...براحتك
رجعت للبيت
همام... هلو حبي
مروه...هلو حبيبي
همام...ابو امجد ابو الاسواق يكول الدين ٦٠٠ شدعوه احنا نفرين واني جاي اتسوك
مروه...مو عيد ميلاد نرجس بت زهراء وتسوكت منه شغلات للعيد ميلاد وكيكه خاصه
همام..بس هواي
مروه....هواي عليه شني نمونه ٦٠٠ بعدين انت عايفني طول النهار وحدي كتلهم تعالو نسوي عيد الميلاد ابيتي حتى اتونس وياهم
همام...يله حضري الغدا مستعجل اريد اطلع
مروه...صار حبيبي تدلل
جمانه السعيدي
الشهر الي بعدا رحت اسدد جان يطلع الحساب ٨٥٠ كتله دقيقه خل افهم وارجعلك
همام...مروه شني القصه الدين جاي يطير اشو ابو امجد يكول ٨٥٠ احنا نفرين يمعوده
مروه...وين الشبكه والبوسه مالتي
بعدين اكعد واني افهمك
همام...كعدت يله فهميني ترا ٨٥٠ مصرف عائله جبيره مو نفرين واني جاي اتسوك يوميه
مروه....امي وزهراء اتسوكن منه وماقبل يسجل يكول ما اعرفهن واني كتله ضيفهن للدين مالتنا
بس يدزلي فلوس اني اسدد لابو امجد يعني مو انت الي تسدد
جمانه السعيدي
يله بدل طابختلك برياني يخبل ودجاج شوي يله اني جوعانه ومنتضرتك
همام...هسه ابدل واجي
كملنا اربع اشهر بهاي الشقه واني اركض وما الحك ابد وبيوم كاعد بلمحل الصبح واجتني رساله على موبايلي
....ناس من برا هله هله والجوه يعلم الله
سكتت كلت يجوز احد يعاكس
ثاني يوم اجتني رساله من رقم ثاني
....الهيئه اسد والحقيقه فاره
بعدين للعصر اجت رساله ثانيه
عمي خيستو المنطقه
شنو قصدهم ليش هيج يكولون
اجتني رساله لاخ
...مو بيت كراج ناس طالعه وناس داخله
لمدت اسبوع الرسايل مابطلت ابد
حسيت مروه متغيره عليه
كلما اقرب عليها اضوج وماتقبل تنطيني حقوقي الزوجيه
وكلساع طالعه بحجه
تعبانه...مريضه....بطني توجعني راسي يوجعني
وبيوم فتحت كنتورها لكيت سيتات النوم اشكال والوان
بقيت منتضره تفاجئني وتلبسهن
بس ماكو بيها وماتبعد عني
بعدين اجتني رساله خلتني اشك
...زوجتك شغلها صاير بلجمله اذا احجز شكد ويوصلني السره
همام الله يطيح حظك
...ليش بفلوسي حال حال هاي الزلم الي تدخل وتطلع
بدا الشك يدخل عقلي بس ما اريد اصدك هاي بت خالتي اني مامتعرف عليها بلشارع
ومااريد اضلمه ابد اني احبه
ايجوز ناس تكرهنا
ولمن الرسايل كثرة
قررت انصب كامرات حتى اتاكد من كلشي ما اريد اضلمها
وما اريد اصدك هاي الشكوك الي دخلت عقلي
جمانه السعيدي
همام حبيبتي باجر ادزج الاهلج النهار كله
مروه...ليش شكو
همام....اتفقت ويه شركة مبيدات تجي ترش بيتنا تعرفين جاي الصيف والحشرات تطلع منا وهيج وهاي المنطقه يكولون حتى عكارب تطلع بيها
مروه....اوكي حبيبي
ثاني يوم اجا الكادر ونصب الكامرات بشكل مخفي وحده بغرفة النوم وحدا بلصاله وحدا بلطرمه وحدا للمطبخ
واكدت عليهم يشكلوهن بشكل مخفي مايبينن
وربطتهن بتليفوني
بليل رحت رجعتها للبيت
ثاني يوم اجتني رساله من نفس الرقم الي يدز رسايل
....شيلو من منطقتنا لان خيستوها مع الاسف على الشوارب الي تلفي ال.ح.ك..ا.ب
الدم كام يفور براسي وضغطي صعد
لازم اشوف بعيني حتى اكدر اتصرف صح
بليل كانت خفارتي بلمستشفى
طلعت من البيت وبس وصلت للمستشفى فتحت التليفون وبديت اراقب بيتي
بلبدايه ماكو شي
الساعه ١١ ونص شفت شي لا على البال والاعلى الخاطر
صدكوني حسيت شعر راسي وكف من الصدمه
ولله عيوني ماتقبل اتصدك الي شفته
اخذت سويج السياره وطلعت للبيت كبل
حتى مااخذت اجازه
ولا استئذنت ابد
