رواية الشك يلاحقني الفصل السادس بقلم جمانه السعيدي
همام راح احجيلكم شنو شفت
وليش طلعت اركض البيتي
بلبدايه شفتها دخلت الغرفة النوم تمكيجت وتعطرت ولبست سيت نوم وخلت كريمات الاديها والرجليها
وبعدين دخلت للصاله حضرت فواكه وكرزات وشغلات وخلتهن على الطبله
وبهاي الاثناء اندكت الباب
وهي راحت تفتحه
همام اني اتفاجئت خالد رجل زهراء
ويا واحد ثاني استقبلتهم ودخلتهم للصاله
وكنما هي جانت تنتظرهم
دخلتهم وشلون ترحب بيهم
بهذا لبسه جسمها شبه عاري وتستقبل خالد ورجال ثاني بيتي
جمانه السعيدي
واني طفرت من مكاني بس شنو ما اشوف من العصبيه والصدمه
صعدت بسيارتي ونطلقت بكل سرعتي
وصلت فتحت الباب على كيف ودخلت ما حسو بيه جانو مشغلين اغاني وضحك وسوالف
باوعت من شباك الصاله شفت هذا الرجال الغريب كاعد وحدا ياكل فواكه
ونازع قميصه وماخذ راحته
باب الاستقبال مسدود جان علي اني قفلته من برا وخليت المفتاح بجيبي
حتى لا يطلع واحاسبه ورا مااحاسبهم ثنيينهم
ودخلت على كيف جان اشوفه هي وخالد بلمطبخ يسولفون
ويحضرون مشروب
وخالد حاضنه ويبوس بيه
وهي منسجمه ويااا اخر انسجام
دخلت عليهم اتفاجئو سحبت المسدس ورميت خالد طلقتين بركبته كل ركبه بيها طلقه وكع وكام يصرخ
هي كامت ترجف وتصرخ
لزمته من شعرها راسا نزلت نفسها للكاع
كمت اصيح ليش ليش ياساقطه
ليش ياحقيره
مروه اوكف اوكف خل افهمك انت فهمت غلط
همام شنو الغلط وانتي لابسه سيت نوم وثنيين زلم بيتي
شكاعدوون تسووون
اكو سجينه على الكاونتر جانو يكسرون بيها ثلج
سحبتها بس اني شني من العصبيه احس كلبي دكاته كامت تنسمع شراييني نطن من العصبيه
سحبت السجينه وذبحته خلاص
جانت لازمه ايدي وتدفع بيها
لمن ضغطت السجينه عليه وذبحته وكعن اديها
شفت الدم يجري وترس الكاع
راسه انفصل عن جسمه
جمانه السعيدي
ذاك الرجال الي حبسته كسر الباب ويصيح شكو افتحولي الباب
كعدت يمها بلكاع واني اباوع عليها شكد حلوه
شلون متمكيجه والسيت الي تلطخ بلدم شكد لايك عليها
وكمت احجي وياها
همام مروه مروه جاي تسمعيني
ليش هيج سويتي اني بيش قصرت وياج
هم طلبتي شي وما نفذته
هم عجبج شي وما جبته
شوفيني شكد حلو وضخم والناس كله تحبني وتحترمني
ولله من ادخل للمستشفى حتى الدكاترا توكف تسلم عليه
تدرين شكد شفت بنات
وشكد مرن عليه حلوات
بس انتي انطبعتي بكلبي وروحي
حتى اهلي عفتهم علمودج
امي مريضه عفته واجيت وياج رغم ماعدها احد غيري
تدرين انتي اكثر انسانه حبيتها بحياتي
حبيتج اكثر من روحي واكثر
جنت اتمنى يصير عدنا اطفال ونربيهم اني وياج
شنو الاختلاف بين وبين ذوله الي جاي تعاشرينهم يوميه
فاتحه بيتي مكوده
يابت خالتي ياعرضي وشرفي
خليتيني اسوي شي بعمري مامتخيله ولامتوقعه
هسه ارتاحيتي
ها مروه ليش هيج ضعتي وضيعتيني وياج
صار اكثر من شهر والناس كله تلمحلي
وكله تكول زوجتك جاي تخونك
بس ما صدكتهم
صدكت كلبي الي جاي يحبج كل يوم أكثر من اليوم الي قبله
حتى وانتي متغيره عليه
وماتقبلين اقربلج هم ماشكيت بيج
ابد كلت ايجوز تعبانه
جمانه السعيدي
طلعت تليفوني وخابرت الشرطه
...الو مركز الشرطه حبيت ابلغ على جريمة قتل اكتب العنوان لو سمحت
ضليت كاعد اباوع عليها وعلى خالد الي يتلوا ويصرخ
شويه واجت الشرطه وفتحت الهم الباب
وشرحتلهم كلشي وخليتهم شافو التسجيل الي على الموبايل
خلو خالد على السديه وشالو
وهي جابو بطانيه من جوا ولفوها وشالوها
واني اخذوني المركز الشرطه
بس خابرت رشا فهمته الي صار ووصيتها على امي وحسن
وخابرت علي الولد العامل بلمحل يسلم الواردمال المحل
للبيت ويسوك الاهلي ويشوف خاف يحتاجون شي
تحولت محكمه
والان عندي كل الادله الي تثبت خيانتها حكمو عليه ست اشهر سجن
من هاي اللحضه الي دخلت بيها السجن
انولد انسان جديد موذاك همام القديم
انسان صعب حزين كئيب انسان ماعنده ثقه باي احد
اصعب ايام مرن عليه ايام السجن
كلش قلق على امي واهلي الي مالهم احد بلدنيا غيري
جنت احسب يوم يوم يمته اطلع
الولد العامل علي جان يزورني بين فتره وفتره ويطمني عليهم
وناقل غراضي الي بلشقه مرجعهن البيت اهلي
والوارد يجمعه يسوك منا للمحل والباقي يدزه الاهلي
مو عبالك ست اشهر عبالك ست سنوات
اليوم ممل وصعب ومايخلص
ودائما من انام تجيني كوابيس
واختنك بلنوم
اكعد واجيبها طول بعرض اريد سبب واحد يدفعها للخيانه ماكو
جمانه السعيدي
تاكل احسن اكل تشرب احسن شرب
تلبس احسن الناس
حتى على اهلي فضلته
محتاجه فلوس وجانت تخوني
مغركه فلوس وماناقصها اي شي
بس حضي الاغبر طيحني بوحده ادبسزز وماعدها اي ضمير
امي شكد عارضة هذا الزواج بس اني صممت
صممت على الفضيحه والعار
خلصن الست اشهر وطلعت للبيت
اول ماشافتني امي كامت تبجي ورشا تبجي وحسن يبجي
دنكت على رجل امي وبستها
كمت ابجي واصرخ سامحيني يمه فدوه سامحيني
اني دمرت هاي العائله جنت اعمى ما اشوف
اوعدج راح اعوضكم على الي صار كله
وقررت بعد ما ابقى بهذا البيت ابد
ولا ابقى بغداد كله
بعت بيتنا وصفيت المحل
وشتريت بيت بلكوت ونتقلنا هناك
ونقلت دوامي للكوت وفتحت محل مفروشات بسوك الكوت
ودعت بغداد وطويت صفحة الخيانه
بس ماكدرت ارجع همام القديم ابد
صرت انسان شكاك فد مره وماعندي ثقه باي بشر
وخصوصا النساء
كلما اشوف وحده تمشي ويه زوجها او حبيبها اتخيلها تخونه
ماكو بعد حب حقيقي بهاي الدنيا ابد
مروه تركت جرح جبير بكلبي
ودرس ما انسا ابد
الي شفته ومريت بي ابد موشي هين
ومستحيل اكدر انسا ابد
