رواية خيانة لا تغتفر الفصل السادس بقلم جمانه السعيدي
نازك كلشي صار قبل كوم والي راح يصير كوم ثاني
اني بغبائي كمت اقرب النار من البانزين
بسام اخذ القرض وفلوس الذهب وبدأ مشروعه الجديد
ويشتغل خير من الله
لان هو عندا خبره بهذا المجال عرف شلون يشتغل صح
ولله رزقنا خير
واني مريم ماتنزل من الساني ليل نهار
خطيه يتيمه
كلشي ماحصلت
خسرت دراسته وضاع مستقبله
انكسرت المسكينه
ضيعت خمس سنوات من عمرها بلاش
شكد غبي زوجها شلون يعوف هذا الجمال
صدك مايفتهم
اني لا زم اساعدها تتخطى هاي الازمه
هذا الكلام كنت اردده ليل نهار على مسامع بسام
وكل يوم اروح عليه لو اكعد ساعه احجي وياها بلتليفون
حسيت من مسوليتي اخفف عنها هذا الالم
واطلعه من حزنه
احاول انطيه قوه وعزيمه
رحت مرتين للسوك اشتريتله ملابس اسود حلوات
وعطور وشغلات بنات
لان هي كل شويه تكول حتى ملابسي ماجبتهن
كنت فعلا ضايجه عليه
الحد ماقنعته تجي يوم علينا للبيت
اجت وكانت لابسه اسود وعلى اخر حبابه
الأسود عليه بخبل
استقبلناها اني والبنات وفرحنه بيه
ودخلته غرفتي تشوفه جمانه السعيدي فتحت الكنتور وكتله اختاري اي لبس يعجبج
كان همي ارجعه مريم القديمه لان كنت احسه حيل حزينه
شويه ودخل علينا بسام راجع من الشغل
راسا حضني وباسني كدامه وكال مشتاقلج
هي بقت اتباوع علينا
نازك...هاي صديقتي واختي مريم الي حجيتلك عنها
باوع عليه وكال اهلا وسهلا
مريم... اهلا
بسام....واخيرا شفت مربم ترا نازك كل النهار بس تحجي بيج
مريم....طبعا غير عشرت عمر
بسام...حبيبي اعزمي مريم تبقى للعشى
نازك...ولله ياريت تقبل
مريم...لا اني مستعجله
نازك...بعد وقت التفتت على بسام حبيبي ليش رجعت
بسام...نسيت شغله وجاي اخذها
فتح الكنتور كدام مريم وطلع الفلوس خلاهن بجنطه زغيره وكال اني اتأخر على العشى لا تنتضريني
رجع حضني وباسني
بسام...اليوم مغيره العطر
نازك...اي هذا جديد
بسام...انتي الي تحلين العطر حبيبتي
نازك...شكرا
بسام... يله مع السلامه فرصه سعيده مربم
مريم...اني الاسعد
نازك...حبيبي مو تتاخر ابقى انتضرك
مريم...شنو يشتغل بسام
نازك...الحمد لله توه فتح مجمع جبير يبيع أجهزة استنياخ
وهاي الشغلات
مريم...زين وياج
نازك...مرات اخاف احجي عنه لا انحسد
يعني يعاملني احسن معامله بلدنيا
ايحبني ومتعلق بيه ومايرفضلي طلب ابد طبعا حب سنتين
مريم...شلون يعني
نازك...بقه سنتين بنتضرني
مريم...هاااا
نازك بليل ماينام اذا ماانام والصبح اخذي على الدلع حتى اكعد وكل شويه يتصل يطمن عليه رغم هو حيل مشغول
رغم عندي راتب خير من الله
بس يجيب الفلوس يخليه بلكنتور ويكول اخذي بكيفج
محترمني ومحترم اهلي
مريم...اهله زينيبن وياج
نازك...شكد ماتصورين يحبوني ويقدروني
مربم....ليش لسه ماكو اطفال
نازك...ولله جاي اراجع كلما اسمع اكو دكتوره زينه اروح عليه
مربم...وبسام شنو موقفه صار ٣ سنوات زواج بدون اطفال
نازك...بعمره ماسعني كلمه علمود الأطفال
يكول انتي عندي تسوين كل اطفال الدنيا
حتلو مايصير عدنا اطفال عادي
مريم...مبين يحبج
نازك....طبعا يحبني واني هم احبه
مربم...هااا زين هم عندا يوم عطله
نازك...لا ماياخذ يوم عطله بس بيوم الجمعه ياخذني الاهلي ويرجع للشغل بيوم الجمعه مايرجع للبيت
ايكول شعندي راجع وانتي ماكو بلبيت
مريم...اي تمام
نازك...ابقي عدنا اليوم
مريم...لا ارجع للبيت لان امي ماعدها خبر ابد
نازك...بس تعاي مره ثانيه غيري جو احسن ماكاعده بلبيت
وفكري بموضوع الدراسه
مريم....اوكي
نازك احب اكللكم اني كنت اكبر غبيه بهذا اليوم
لان خليت مريم تشوف حياتي شلون ماشيه وحجيتله أدق
تفاصيل حياتي
وشافت علاقتي بزوجي شلون ماشيه
وهاي الاشياء غلط لان هي ماعدها زوج حنيبن وحالته الماديه صفر وهذا كان أول غلط غلطته بحق نفسي وحياتي الخاصه
بعدها بيومين جمانه السعيدي اتصلت عليه مريم وكالت اريد اشوفج واحجي وياج بموضوع مهم
نازك...اي تعاي اهلا وسهلا
بقيت انتضرها لمن اجت وحضرت الكيك والعصير
بس دخلت حسيته ضايجه
نازك...شببج مو على بعضج
مريم...ولله مااعرف منيبن ابدي وشلون اسولف
نازك...خوفتني احجي
مريم...تعرفين خواتي كلهن ازوجن حتى هاي الزغيره عمرها ١٦ سنه ابوي زوجها قبل وفاته بشهر
بقو بس الولد
كلهم مزوجبن اني وامي عايشين وياا الجناين وشبعانه ضيم خوب انتي شايفه امي مايحتاج احجيلج عنه
شلون فقيره وحبابه
نازك...اي كملي
مريم...الولد يله شغلهم على كدهم وامي تعبانه واني جايتج أليوم بطلب
نازك...اي من عيوني تردين فلوس اجيبلج من بابا
مريم...لا مااريد فلوس اريد شغل
نازك...شغل شلون يعني شغل بلمستشفى ماعندج شهاده
خوما تردين عامله
مريم...لا مو بلمستشفى اريد بسام يشغلني بلمجمع ويااا
اكيد يحتاج ناس اتساعده
واني مستعده اتعلم اي شي يريده
فدوه اني ماعندي شهاده وتعرفين الناس نفوسه شلونه
واني شابه وحلوه
نازك....اي حقج صار اليوم افتح الموضوع ويااا حتلو مايقبل اني اخلي يقبل
اذا مااخدم صديقة عمري واساعده اساعد منو مثلا
مريم...اي فدوه الكلبج حبيبتي اعرف ماتقصرين ابد
نازك...بس هاي سهله
بليلته بقيت منتضره بسام لمن اجا وعرضت علي ااموضوع
نازك...فدوه اطلبك طلب كول تم
بسام...تم قبل لا أعرف شنو الطلب لان انتي طلباتج أوامر
نازك...صديقتي مريم ضروفها صعبه وتريد شغل
بسام... واني شنو علاقتي بلموضوع
نازك...شغله وياك
بسام .. بس اني مشغل وياي ثنيين ولد يعرفون شغلي
وعندي ثقه بيهم
نازك....الخاطري الله عليك ولله ضروفها صعبه
بسام...بس ماتعرف شغلنا
نازك...تتعلم قابل شغلكم شنو علم الذره
بسام...ميخالف اسبوع اختبره واذا ماعجبني شغله اطرده
خوما ادفع اله راتب وهي كلشي ماتفتهم
نازك...طول بالك شويه خطيه
بسام...الخاطر عيونج الحلوه
نازك...ثاني يوم استلمت راتبي اني مااستلم راتب كامل لان يستقطعونه علمود السلفه الي سحبته البسام
ورحت على مريم
اخذت بيدي فواكه ورحت عليه
دخلت بس سلمت عليه خليت بايده ١٠٠ الف لان اعرف ضروفهم صعبه
مريم. .شكرا يااحلى صديقه
نازك...بسام يكول خل تجي جمانه السعيدي بس اريدج تنتبهين زين يكول اذا ماتعرف شغلنا نستغني عنه
مريم...شوفي شلون راح ابيض وجهج
نازك...اذا تحتاجين شي اتصلي عليه
مريم.. تمام حبيبتي
ثاني يوم رجعت وصيت بسام عليه
رحت للدوام ومن رجعت اتصلت عليه كالت كلشي تمام
من رجع بسام سئلته عليه
بسام...بعدنا ماشفنا منه شي
نازك...شكرا حبيبي ممكن تنطيه راتبه ليكدام لان أمورها صعبه
بسام. .شلون انطيه راتب غير اشوف شغله
نازك...حبيبي الخاطري اعتبره عمل إنساني
بسام...الخاطرج
نازك...اوي حبيبي شكد احبك
بسام...واني اموت عليج
شكرا لزيارتكم عالم روايات سكيرهوم
