رواية علي اليتيم الفصل السادس بقلم جمانه السعيدي
علي....بقيت لازم ايدها وكاعد
هي مغمضه وما تحجي ولا عدها اي ردت فعل
بس النفس يصعد وينزل
طلعن التحاليل الدكتور دز عليه
رحت للغرفه الي بيها الدكتور
علي...نعم دكتور
الدكتور....محتاجين ثنيبن تحاليل من برا باجر لازم
تسويهن هسه الدنيا ليل
على باجر
علي....شبيها امي دكتور طمني
الدكتور من تكمل التحاليل نحجي حاول تكون هادء
ودير بالك عليها
علي....دكتور ليش ما تحجي وياي
الدكتور....اخذت ابره مسكن احتمال إتنام منا للصبح
علي...شكرا دكتور
رجعت الامي لكيت الممرضه يمها تتأكد من المغذي
علي....يحتاج انقلها مكان خاص لان الطوارء هوسه
ناس رايحه وناس جايه
خاف ما تاخذ راحتها
الممرضه...اي انقلها احسن اكو غرفه فوك فارغه مابيها احد
العصر غسلوها وعقموها خل ننقلها الها
واني راح ابقى متابعه حالتها وياك
الممرضه جابت سرير متحرك شلته وخليتها علي
دخلناها المصعد واخذناها للغرفه
الغرفه نضيفه وفارغه خليتها على السرير وقربت السرير الثاني عليها كعدت ولزمت ايدها
الممرضه راحت جابتلنا عشى وماي
علي...شكرا
الممرضه....لا تشكرني امك عزيزه عليه
جمانه السعيدي
بقيت لازم ايدها واقرا ايات هي ماتدري بلدنيا وين
نايمه بس النفس يصعد وينزل
اني كلش تعبان من السفر اليوم ومن البجي والقهر
والهبطه على امي نمت ماكعدت اله الصبح
على صوت الممرضه جايه تطمن على امي
كعدت صليت وبقيت منتضر الدكتور يطمي عليها
الساعه تسعه اجا الدكتور
قاس النبض هي فتحت عيونها
الدكتور. .شلونج اليوم
كوه تحجي زينه
الدكتور....تمام طلع الدكتور
علي...يمه حبيبتي شلون صرتي
التفت عليه قبل لا تحجي نزلت دمعتها
علي...مسحت الدمعه ليش تبجين كله بسببي
اني اسف بعد ما تنعاد ابد
ماحجت اي كلمه استمرت دموعها تنزل وهي ساكته
علي...بست ايدها
لا تبجين فدوه اروح اني العيونج غلطه مايصير واحد يغلط اني غلطت اني اصلا بعد مااريد ازوج
شلي بلزواج اني وياج نكمل عمرنا سوا
امي....لا تزوج اريد اشوف احفادي
علي...بس صيري زينه كلشي تامرين بي يصير بس كومي بالسلامه ترا خوفتني عليج
امي....مابيه شي شوية تعب كل مره من اتعب
ادوس على التعب وارجع اشتغل مااريد اوكع الحد مااكمل رسالتي واشوفك حققت حلمك وستقريت
بس هلمره ماكدرت اقاوم التعب
وكعت الضاهر التعب كدر عليه هلمره
علي....ارتاحي اني مااريدج اتعبين اني شعندي غيرج
اني اصلا مستحيل اعيش من دونج
بعد حتى للشغل لا ترحين اني كلشي مااسوه من دونج
اني عايش علمودج
امي....لا تخاف صير رجال اني مابيه شي
حبيت اريح شويه
علي...اكو تحاليل انتي محتاجتها اروح أخذها من الممرضه
واطلع اخلصها واجي بسرعه
شنو اجيبلج وياي
امي...عليمن تحاليل وتصرف فلوس مابيه شي
علي...لا اني اريد اطمن عليج شنو قيمة الفلوس
هاي فرصه حتى اطمن عليج
جمانه السعيدي
اجت الممرضه سحبت دم
اخذته وطلعت االاقرب مركز تحليل وصيت الممرضه تبقى يمها منا لمن ارجع
لكيت الكادر الي يشتغلون كلهم عرف
موضفين بلمستشفى اخذو العينه وخلوها بالجهاز
ساعه ويطلع التحليل
علما يطلع التحليل رجعت للبيت سبحت وبدلت
ورحت للسوك اشتريت كم حاجه
ورجعت اخذ التحليل انطونيا من باب الاطمئنات
سألتهم على النتيجه حسيت وجوهم انخطفت
علي...شنو طلع التحليل
....الدكتور هو الي يقراها احسن
علي...نسو اني خريج تحليل فتحت الورقه وقريته
اتخشبت بمكاني قريت التحليل عشر مرات
علي...دكتور...شنو هذا
....لازم تكون مومن كلنا معرضين للمرض
علي...انت تحجي صدك اني لازم اعيد هذا التحليل
مو معقول هذا اكيد التحليل غلط
....بكيفك عيده
جمانه السعيدي
طلعت من المركز واني مااعرف وين اروح
امشي وماعرف وين رايح
تقريبا ربع ساعه لكيت نفسي امشي عكس الاتجاه
مو معقول هذا التحليل
اكيد غلط امي بعدها زغيره مو معقول امي بيها
سرطان
اخذت التحليل ورجعت للمستشفي اكو دكتور باطنيه كلش شاطر يداوم يومين بلاسبوع بلمستشفى
عمرا تقريبا بلستين
اخذت التحليل ورحت علي
هو يعرفني ويعرف امي
بس دخلت وسلمت علي حس اكو شي
الدكتور...هااا خير علي
علي...دكتور امي امي
الدكتور...شبيها
علي...هاك شوف
اخذ التحليل وقرا
الدكتور....امك تعرف عدها هذا المرض
علي...مااعتقد
الدكتور...بس الضاهر صار فتره مو قليله شعجب ما تعرف
علي...يعني شنو دكتور امي موزينه
الدكتور...لا تخاف الطب اتقدم واكيد اكو علاج لا تخاف
علي...كلش خايف دكتور امي مالي احد غيرها
الدكتور....لازم تبدي العلاج فورا تعال انروح اني وياك
اشوف حالتها
من الدكتور كال هذا الكلام احس كلبي انقبض
يمكن اني راح افقد امي مستحيل اكدر اعيش من دونها
وصلنا للغرفه
لكيتها كاعده على حيلها والمغذي بايدها
بس شافتني جايب الدكتور وجاي حست اكو شي
عيونها كانت تقرا الحزن على وجهي
امي فاهمتني اكثر من نفسي
الدكتور....شلونها ام علي
امي...الحمد لله زينه علي جابك لا تخاف دكتور مابيه شي بس علي يخاف عليه
الدكتور....اني هم كتله امك بطله لا تخاف عليها
بدا الدكتور يفحصها واني عيني عليها واتخيل
ممكن افتح عيني يوم وما الكه امي موجوده
ممكن يجي هذا اليوم اكون وحيد بهاي الدنيا
الدكتور ...زينه بس محتاجه علاج
راسا رن تليفوني باوعت مهدي ماكدرت ارد علي لان الدكتور جاي يشرحلي الحاله
سكت التليفون رن مره ثانيه باوعت ريحانه
اقسم بلله حتى حجي مااكدر احجي وياا اي احد
اريد اكعد ابجي على حضي المصخم
اخ اخ يايمه شلون بيه اذا حتى انتي تردين تعوفيني
منو اليه من بعدج
يارب لا تخليني اشوف هذا اليوم
طلعت وياا الدكتور برا رجع رن عليه مهدي
سلمت على الدكتور وفتحت خط
مهدي...وينك من امس ماكو مارجعتلي خبر خطبت هاي الحيه ام اربعه واربعين
علي....مهدي اني محتاجك امي موزينه
مهدي...ياستار شبيه
علي...امي طلع عدها سرطان وبمرحله متقدمه
واني هسه بلمستشفى حتى مااكدر اوكف على حيلي
مهدي....اجيتك هسه اجيتك
طبك التليفون واني ماكدرت ارجع للغرفه كعدت بلمرر
وخليت راسي بين رجليه
اريد اصرخ من كد الوجع ليش هيج يصير وياي
امي... امي مريضه ليش اني ماادري
اكيد هي تعرف من زمان بس ماتحجي تخاف عليه
تخاف عليه وما تخاف على نفسها
شويه ووصل مهدي ماكدرت اوكف اسلم علي
هو دنك وحضني
ماصدكت لكيت حضن حتى ابجي
هو يبجي واني ابجي بيه وجع حمل جبال
مااحس اله امي فوك راسي واكفه
امي...ليش تبجووون شصاير اني موزينه
اني مريضه سرطان
اعرف اني مريضه سرطان بس جنت ضامه عليكم
اخاف على علي لا يضوج
كنت اخذ علاج مسكن ومشيت حالي
لا تخاف كلمن يموت بيومه
