رواية دعني احطم غرورك الفصل السادس والستون
رغم اشتياق جانا لعز الدين إلا أنها تذكرت ما فعله معها ، كيف أنه في لحظة غضب حطم حياتهما دون اكتراث لعواقب ما فعل ، كيف أنه اتهمها بأبشع التهم دون التأكد من صحتها أو حتى الاستماع إليها .. لذا قررت أن تتجاهله تماماً وكأنه نكرة ..... ،،،،
-عمر: الجميل سرحان في ايه ؟
-جانا: هه ، ولا حاجة
-عز على مقربة منهم : أهلا بشمهندس طارق
-طارق: ازيك يا بشمهندس ، مبروك ع أخر صفقة ، سمعت انها .....
-عز وهو يركز بنظره على جانا وعمر: اها.. الله..الله يبارك فيك
-طارق: انت عارف يا بشمهندس ان شركــ.........
-عز في نفسه: بيقولها الغتت ده ايه ؟ ماله مريح عليها أوي ، لأ والبت مش تخلي في عينها حصوة ملح وتلم نفسها لأ فاتحة بؤها من الودن دي للودن دي وهاتك يا ضحك ...
-طارق: معايا يا بشمهندس
-عز: هه ، ايوه ..ايوه .. كمل وبعدين
-طارق: بس احنا قولنا بقى نعــ........
-جانا وقد تعمدت الضحك بصوت مرتفع: هههههههههههه you're so funny .. مكونتش أتخيل انك كده
-عمر: ولسه أما تعرفيني أكتر هتلاقي العجب
-جانا: كمان
-عز بضيق: استغفر الله العظيم يا رب
-طارق: مالك يا بشمهندس
-عز: تحس ان الجو قلب كده فجأة
-طارق باستغراب: قلب ازاي ، ده حتى التكييف شغال
-عز: قصدي يعني بقى خانقة ..
-طارق: اها .. مش عارف الصراحة .. أنا شايفه حلو
-عمر: بس قوليلي يا آنسة جانا
-جانا: ايه ؟
-عز: ال آنسة ال
-طارق: أفندم
-عز: متخدش في بالك
-عمر: هو أنا ينفع أقولك جانا على طول من غير ألقاب ده لو مكانش يضايقك
-جانا: اه شور
-عمر: أيوه كده خلي البساط أحمدي
-جانا: So cute
-عز بضيق : اللهم طولك يا روح !
-طارق: لأ انت مش طبيعي يا بشمهندس
-عز: معلش اعذرني... الجو مكتوم والكرفتة خنقاني ع الاخر
-عمر: هو أنا ممكن اقولك حاجة ومتزعليش مني
-جانا: اوك
-عمر: اوعديني متزعليش
-جانا: promise
-عمر: انتي حلوة اوي كده ازاي
-جانا برقة: ثانكس على مجاملتك
-عمر: والله ما بجامل ، انا اللي في قلبي ع لساني ع طول ، عشان كده تلاقيني مدب
-جانا: هههههههههههه اووه ، شيء لطيف
-عز وهو يكور قبضة يده: يا منافق ، صبرني يا رب !!
-طارق: فيه ايه ؟
-عز: يعني المؤتمر طول شوية وأنا خلاص جبت أخري
-طارق: معدتش إلا حاجة بسيطة
-عز: ماهو لو مخلصش الوقتي هاروح أنا بنفسي أخلص عليه ، آآآآ.. قصدي أخلصه
-طارق: هانت يا بشمهندس ، ثواني بس هارد ع الموبايل وأرجع أكلمك
-عز: براحتك
-عمر: بصراحة من ساعة ماشوفتك وانا ..أنا في حاجة كده بتشدني ليكي
-عز من ع بعد: أنا هشدك من زورك لو مقومتش دلوقتي
-جانا: بجد ؟
-عمر: انتي عارفاني صريح
-عز: ده انت كداب كدب الابل
-جانا: ها وايه تاني ؟
-عمر وهو يتأملها: ممممم... عينيكي العسلي دول مالهومش حل
-عز: داك حل وسطك يا بعيد
-ياسين: مالك يا عز شكل وشك كده ليه ؟؟
-عز: مخنوق ياخي ومش قادر أعمل حاجة
-ياسين: قولي يا زيزو ع اللي خانقك بدل ما انت مكتوم كده زي كتمة الفول في القدرة
-عز هو يشير إلى حيث تجلس جانا : ياخي نقي ملافظك معايا شوية ، بص شوف الهانم اللي قلباها مسخرة وفاتحاها ع البحري
-ياسين: مالها ، ماهي زي القمر أهي ومنورة
-عز: اخرس انت التاني ، مش شايف العيل المزز اللي لازقلها
-ياسين: ايه ده !! ده الواد عمر
-عز: انت تعرفه؟
-ياسين: اه واد كده شايف نفسه حبتين تلاتة
-عز بغيظ : الظاهر انه مش هيشوف قريب
-ياسين مكملاً : ده معروف عنه انه واد أمور و بيلف ويدور
-عز بحنق: انت هتمدح فيه قدامي
-ياسين: لأ بقولك يعني بالمختصر المفيد كانوا مسمينوه فلانتينو الكلية
-عز بضيق : هو مشغلك المحامي بتاعه وأنا مش عارف
-ياسين: ياعم أنا بقولك ع اللي اعرفه عنه وبعدين هو عنده حق ، واحد شايف مزة جامدة طحن أعدة لوحدها ليه مايروحش يلزق فيها ، ويثبتها كمان
-عز: انت ناوي اني اخلص عليك النهاردة
-ياسين: هو انت مش قادر ع الحمار فبتتشطر ع البردعة
-عز: بص..بص !!! ده أخد موبايلها
-ياسين: يمكن هياخدوا سيلفي سوا ويحطوها ع الانستجرام بعد ما تتفلتر الصورة
-عز: فلتروك وبسطروك بدري يا زفت
-ياسين ببراءة : ده انا ولا هو ؟
-عز: انتو الاتنين !
-ياسين: الله يعمر بيتك ، الله يكرم أصلك.. دايماً شاملني بأفضالك
-عز وقد وصل لقمة الغيظ : مبدهاش بقى
-ياسين: استنى آعز رايح فين ؟؟ آعـــــــــــز !
-جانا: شور ان شاء الله
-عمر: هستنى منك رنة
-جانا: رنة بس؟
-عمر: رني وأنا مش هفتح عليكي و....
-عز مقاطعاً: اتفتحت دماغك بدري ان شاء الله
-جانا: ايه ده ؟
-عمر: في ايه يا بشمهندس
-عز موجهاً حديثه لعمر: انت بتعمل ايه هنا ؟
-جانا: انت مالك ، امشي !!
-عز لعمر: مش واخد بالك انك طولت هنا كتير
-عمر: وده يخصك في شيء يا بشمهندس
-عز: اه يخصني
-جانا وهي تدير وجه عمر ناحيتها : سيبك منه يا عمر وركز معايا
-عمر: هو في أحلى من كده تركيز
-عز: وانتي يا هانم خلاص عيارك فلت ومحدش عارف يلمك !!!
-جانا: انت.. انت.. ازاي تكلم معايا كده؟
-عمر: في ايه يا بشمهندس مش كده ، اتنين بيتكلموا سوا معتقدش ان ده يديك الحق انك تتكلم معانا وتدخل بينا بالشكل المستفز ده !!!
-ياسين متدخلاً: اهدوا كده يا جماعة ، احنا في المؤتمر ، مينفعش اللي بيحصل ده ، الناس بدأت تتفرج علينا
-جانا: شوف يا ياسين قريبك ده بيعمل ايه
-عز: لا والله ، قريبه !!!
-عمر: تعالي يا جانا نروح مكان تاني بعيد عن الكتمة اللي هنا
-جانا: اه فعلا ، الجو بقى كتمة وخنقة ع الاخر !!!
-ياسين: ايوالله ، هنبقى نقولهم يركبوا مراوح هنا ولا نرش مياه أهي تدي طراوة برضوه
-عمر باستهزاء: هههههه وماله يا خفيف ، com'n Jana
-عز: ده ع اساس اني طرطور واقف
-ياسين: اهدى آعــز مش كده
-جانا: انت مالك .. اما شيء بارد صحيح
-عز: بت انتي لمي لسانك معايا
-جانا: وإن مالمتهوش هتعمل ايه ؟
-ياسين: بالراحة يا جانا ، صلي ع النبي كده
-عمر: خلاص يا بشمهندس مضايقش نفسك هنسيبلك المؤتمر بحاله ونروح حتة تانية
-جانا: اوووف حاجة تفور الدم
-عز: وعلى ايه طب ما أروح أنا أجيبلكم شجرة واتنين لمون تروقوا دمكوا
-ياسين: ياريت تجيبلي معاهم أنا كمان لأحسن عطشان أوي والأكل كابس وعاملي حموضة !!
-عز: اخرس يا زفت
-ياسين: أوامرك يا كبير !
-جانا: انت محروق من ايه ؟؟؟ في ايه اللي مخليك ع نارك كده ؟ هو أنا أقربلك حاجة الوقتي ؟؟ خطيبتك ؟؟ قريبتك ، بنت خالتك ، صاحبتك ، ماشية معاك ؟؟؟؟
-عز: لأ مراتي يا هانم !!!!!!!!!!!!
-عمر بدهشة : نعم ؟؟
-جانا : كنت .... ولا خلاص نسيت
-عمر: ايه ؟
-عز: بس أنا لسه عاوزك
-جانا: ده بعيد عن شنبك
-ياسين مقاطعاً: بس عز مش بيربي شنبه شكله بيبقى وحش عليه ، هو في الدقن بيبقى كيوت شوية
-عز لياسين : اخررررس
-ياسين: حاضر
-عمر باستغراب : مراته !!
-جانا: سوري يا عموري ع الموقف البايخ ده.
-عز: عموري !!!و بتتأسفيله كمان، ان ما عمرك عملتيها معايا حتى !!!
-عمر: طيب عن اذنكو الوقتي .
-جانا: استنى يا عمورة أنا جاية معاك
-عز وهو يجذبها من ذراعها : على فين يا هانم ، انا لسه مخلصتش كلامي !!
-جانا بنظرات نارية: سيب ايدي ... !!
-ياسين: عز أبوس ايدك اهدى وبلاش فضايح
-عمر: لو سمحت يا بشمهندس مافيش داعي لكل ده ، انا مكونتش أعرف أن الآنسة جانا .. قصدي مدام جانا مراتك
-جانا: كنت ، احنا منفصلين ..
-عز متحدياً: هنرجع لبعض تاني يا جانا وقريب أوي كمان ، سواء برضاكي أو غصب عنك
-جانا: آآآه في المشمش .. عارفه ؟
جاء حسين حينما وجد أن الوضع على وشك الانفجـــار ،،،
-حسين: انت بتعمل ايه هنا؟
-عز: مـ.. مافيش ، ازيك يا عمي
-حسين: احنا مش خلاص انتهينا
-عز: عمي أنا أســ....
-جانا مقاطعة: أنكل البني آدم ده بيضايقني
-عز: احترمي نفسك ، ايه بنى آدم ده ، اسمي عز الدين !
-جانا: أنا غصب عنك محترمة ، الدور والباقي عليك
-حسين: بسسسسسس ... اسكتوا انتو الاتنين
-جانا: هو اللي بدأ وضايقني يا أنكل
-حسين: شوف يا بشمهندس انت ، خلاص كان في بينا موضوع وانتهى ، لازمتها ايه نعيده تاني
-عز: بس دي مراتي
-جانا: انت مابتفهمش ، كنت مراتك
-عز : بت ، لمي نفسك بدل ما اجيبك من شعرك
-حسين متدخلاً: ما تحترم نفسك شوية ، مش واقف أنا قصادك ، ايه تجيبها من شعرها دي
-عز: انت مش شايف طريقتها يا عمي
-حسين بعصبية : هي معدتش مراتك ، فتتكلم معاها عدل أحسنلك ، والأفضل مالكش دعوة بيها خالص ، تشوفها في حتة تدور وشك الناحية التانية ياتمشي خالص من المكان وتغور !!
-عز: اسمعني بس يا عمي ، أنا ناوي اني......
-حسين: يالا يا جانا مش ناقصين وجع دماغ وكفاية فضايح لحد كده ، سوري يا بشمهندس آآآ....
-عمر: أنا عمر
-حسين: سوري يا بشمهندس عمر
-عمر : حصل خير يا بشمهندس حسين
-جانا وهي تتعمد اغاظة عز : اشوفك بعدين يا عمورة قصدي يا عمر
-عمر بابتسامة : ان شاء الله يا جانا ، هستنى منك رنة
-جانا بضحكة: شووور
رحلت جانا بصحبة عمها حسين، بينما تسمر كلاً من عمر وعز وياسين في مكانهم ،،،
-عز: عارف لو كلمتها ولا شوفتها ولا فكرت حتى تقرب منها هعمل فيك ايه يا.. يا عموري ؟؟
-عمر: شوف يا بشمهندس عز ، انا ميفرقش معايا هي كانت ايه بالنسبالك ، المهم الوقتي هي هتكون ايه بالنسبالي
-عز: تقصد ايه؟
-عمر: اقصد ان جانا عجبتني ودخلت دماغي كمان
-عز: بتقول ايه ؟ عجبتك .. انت ناسي اني جوزها
-عمر: كنت
-عز: افندم
-عمر: يعني مافيش ما يمنع اني اجرب حظي مع واحدة عندها خبرة وتجارب سابقة فأكييييد هتتجنب أي غلط تاني في علاقاتها الجديدة .. وأنا نويت والنية لله إني أنسيها حتى اسمها .. يالهوي عليها وهي بتقولي يا عموري تهبل .. !!
-عز وقد أمسك عمر من ياقته : انت اتجننت
-عمر وهو يبعد يدي عز: اهدى يا بشمهندس .. انت خدت فرصتك وطلعت out .. سيب بقى غيرك يجرب ، وأكيد هتظبط
-عز: ده بعــ.......
-عمر مقاطعاً: لا مؤاخذة أنا مش فاضي للهرى ده ، ورايا شغل ، سلام يا .. يا هندسة !!
-ياسين: الواد ده معلم ، عرف يثبتها في تكة
-عز وقد احمر وجهه من الحنق : والله ما هسيبه
-ياسين: الصراحة هو يعجب أي واحدة
-عز: خليه بس يقرب منها
-ياسين: ممم.. فعلاً طول وعرض ويهد الأرض
-عز: ده كويس اني مجبتش كرشه
-ياسين: لاعيب فعلاً عرف يبلفها في ثانية
-عز: انت اتجننت ؟؟؟ شغال مدح فيه من الصبح
-ياسين: ايه ياخي مش بقولك الحقيقة .. منافسك الجديد مش سهل ، عموري طلع محترف
-عز: كمان بقى منافسي ومحترف ؟
-ياسين: اومال انت مفكر ايه ، أوعى بس جانا تفلت منك
-عز: تفلت ايه .. أنا ممكن اكون خسرت جولة بس لسه المعركة شغالة
-ياسين بحماس : اشطا جداااا .. عاوزين دم عاوزين الناس تتلم
-عز وهو ينظر لياسين بتوعد : الظاهر ان أول ضحايا المعركة دي هتكون انت يا زفت
-ياسين وهو يجري من أمام عز: ياااااامه
............
-جانا بنرفزة: شوفت يا انكل اللي عمله البيه في المؤتمر
-حسين: اه وأنا مخلصنيش الصراحة ، مش اسلوب خالص
-جانا: هو جاي قاصد انه يحرجني قصاد الناس
-حسين: أها..
-جانا بضيق: أنا كان نفسي اطبق في زومارة رقابته أخنقه بايدي الاتنين ، ولا أنط في كرشه ، أو أحط ايدي ع بقه أكتم نفسه لحد ما أخلص عليه
-حسين: خلاص يا جانا اهدي يا حبيبتي
-جانا: مش قادرة يا انكل عاوزة أولع فيه ، عاوزة آآآ....
-حسين: طب انا عندي حل .. أنا كنت الصراحة مأجله لحد ما أسألك الأول
-جانا: حل ايه ؟
-حسين: الأول قبلها قوليلي انتي .. انتي لسه بتحبيه ؟؟
-جانا بتردد: آآآ.. أنا .. آآآآ.. لأ .. طبعاً لأ
-حسين: يبقى مقدامكيش غير الحل ده ، وهو زي ما المحامي قالي هيكسره وفي نفس الوقت ينتقملك منه
-جانا: ايه هو ؟
-حسين: الحل هو .......... !!!!
