 |
رواية دعني احطم غرورك الفصل السابع والستون بقلم منال سالم
في شركة عز الدين ،،،،،
-ريم : بشمهندس عز
-عز وهو يطالع أحد الملفات : خير يا أ. ريم
-ريم: في.. في مُحضر بره
-عز: نعم مُحضر ؟؟ وده جاي ليه ؟؟؟
-ريم: مش عارفة يا فندم ، كل اللي قاله انه عاوز يقابل حضرتك ضروري عشان شيء يخصك
-عز: طيب دخليه يا أ. ريم
-ريم : حاضر يا فندم
-عز: أه ومتدخليش حد علينا لحد ما أقولك
-ريم: تمام يا فندم
-ريم للمحضر: اتفضل البشمهندس في انتظارك
-المحضر: شكراً يا استاذة
-المحضر لعز: السلام عليكم يا بشمهندس
-عز: وعليكم السلام ، خير
-المحضر: حضرتك البشمهندس عز الدين يوسف الكيلاني
-عز: أكييد يعني ، اومال اللي بيكلمك ده خياله مثلاً ؟؟
-المحضر: أنا بس بتأكد يا فندم عشان أسلمك الورقة دي
-عز: ورقة ايه ؟؟؟
-المحضر: اتفضل حضرتك وقع هنا
-عز: اوقع على ايه ؟
-المحضر: ده اعلان بمعاد جلسة في المحكمة
-عز: جلسة ومحكمة!! ليه ؟؟
-المحضر: في الورقة دي هتلاقي كل التفاصيل
اطلع عز الدين على الاعلان الذي كان عبارة عن اخطار بجلسة في المحكمة بتاريخ ((.../.../....)) وفيه تطالب زوجته السابقة جانا عاصم الدمنهوري طليقها السابق عز الدين يوسف الكيلاني بدفع مؤخر الصداق وقيمته مليون جنية ........
-عز: ايييييييه ياختي ، يا بنت الـ ................ ، بقى بترفعي عليا قضية عشان المؤخر
-المحضر: معلش يا فندم وقعلي بالاستلام هنا
-عز: وقعتك سودة
-المحضر: نعم؟
-عز: لا مؤاخذة مش انت .
-المحضر: ولا يهمك يا فندم .. شكرا ليك
-عز: العفو
-عز لنفسه بعد أن خرج المحضر: هي وصلت للمحاكم والقواضي يا جانا ، طيب ، هنشوووف ، وبعينك لو خدتي مني جنية واحد .. ال مليون جنية أل .. هو أنا ناقص .. الأول سي زفت اللي طالعلي في المقدر جديد ، وكمان أدفع مليون جنية عشان البهوات يتفسحوا ع قفايا
-عز وهو يهاتف والده: الووو ، ايوه يا بابا
-يوسف: خير يا بني
-عز: انت في مكتبك ؟
-يوسف: ايوه .. ليه في حاجة
-عز: لأ مش خير خالص ، انا جايلك حالاً
-يوسف: طب طمني يا بني
-عز: اما هاجي يابابا هاحكيلك ..
-يوسف: طيب يا بني اللي يريحك ،وانا مستنيك
................
في مكتب يوسف الكيلاني ،،،
-يوسف وهو يهاتف حسين: هههههههههههههه الظاهر ان الاعلان جاله
-حسين: ضربة قاضية يا جوو
-يوسف: يا أفكارك يا سحس
-حسين: عشان تعرف يا جوو ، مش قولتلك .. ان ده اللي هيخليه يجي على ملى وشه يقدم فروض الطاعة والولاء
-يوسف: وأنا من ناحيتي هعمل اللي عليا
-حسين: عاوزين نلم الشمل بينهم بس بعد ما نربي عز شوية
-يوسف: ان شاء الله يا سحس
-حسين: طيب يا جوو أسيبك في رعاية الله
-يوسف: ماشي يا سحس ، نكلم بعدين ....
.............
-عز: شوفت يا بابا
-يوسف: أها وهتعمل ايه ؟
-عز: مش عارف ، تفكيري هيقف !! الهانم مش مكفيها انها عمالة تدور من هنا لهنا وتصاحب ده وهيء وميء مع ده ، لأ كمان عاوزة مني مليون جنية
-يوسف: مش حقها
-عز: كسر حقها ، دي ناوية تخرب بيتي
-يوسف: مش انت عملتلي فيها شجيع السيما وكتبت ع نفسك مؤخر بالشكل ده
-عز: يعني انا كنت عارف اني هتنيل واطلق
-يوسف: عشان تعرف نتيجة تسرعك
-عز: يعني مش هتساعدني يابابا
-يوسف: والله يا بني مش عارف أقولك ايه
-عز: انا مليم واحد مش دافع
-يوسف: أصلاً فلوسي ف السوق كلها ، انت ناسي احنا داخلنا كام صفقة جديدة و..
-عز: ما أنا عارف يابابا .. اه لو أشوفك يا جانا ، والله لأفعصك
-يوسف: هو انت معندكش حل تاني غير الضرب يا القتل يا الفعص
-عز: مخنوق ، اعمل ايه بس
-ياسين: مساءكو فل ، متجمعين عند النبي ان شاء الله
-عز: منور يا زفت
-ياسين: يرضيك كده يا بوعز كل شوية يهزءني
-يوسف: ما انت اللي بتسكتله يا سينو
-ياسين: ما أنا مش أده ، انت مش شايفك ابنك حيطة ازاي
-عز: الله اكبر ، انت هتحسدني عيني عينك كده
-ياسين: أل يعني بيجوز فيك
-عز: والله جوازتي باظت بسبب حسدك ده
-ياسين: ده أنا غلبان .. بقولك ايه يا عم يوسف مش هتشوف موضوعي بقى
-يوسف: ششش مش وقتك
-عز: موضوع ايه
-يوسف: متخدش في بالك
-عز: لأ عاوز أعرف في ايه
-ياسين: دايماً حاشر مناخيرك في اللي ملكش فيه
-عز: هتنطق ولا أطلع غلبي كله عليك
-يوسف مقاطعاً: خلاص يا عز ، هو كان عاوز يكلم عمك حسين في خطوبته من جانا
-عز: نعم يا خويا ؟؟ مين ؟؟ جانا
-ياسين: أصلها بقت حلوة اوي آعــز وخسارة تروح مننا
-عز وهو يبحث عن شيء ما: .......
-ياسين : بتدور ع حاجة أعز .. قولي وأنا أساعدك
-عز: كان في بتاعة كده .. حاجة شبه الشومة سايبها مش عارف فين
-ياسين ببراءة : شوفها كده في الدولاب اللي هناك ، بس انت عاوزها ليه؟
-عز: عشان افتح بيها نافوخك
-ياسين وهو يختبيء خلف يوسف: شايف ابنك يا بوعز
-يوسف ضاحكاً: ههههههههههههه خلاص يا عز ، سينو بيهزر معاك
-عز: سيبني يا بابا عليه ، خليني أموته وأرتاح
-يوسف: بس بقى ، هو عاوز يخطب دينا مالوش دعوة بجانا
-ياسين: اه والله آعــز .. ده انا بضحك معااااك كركركر
-عز:برضوه مش سايبك
ظل عز الدين يجري خلف ياسين ووالده يوسف يضحك من طريقتهم ،،
-يوسف: الله يكون في عون اللي هتجوزكم .. ليها الجنة والله .. أنا مش عارف جانا استحملتك ازاي يا عز
-عز وقد أمسك ياسين: مسكت يا زفت ..
-ياسين: الحقوووني هموووت قبل ما أخش دنيا
-عز: ابقى جيب سيرة جانا تاني في جملة مفيدة
-ياسين: لا مفيدة ولا تفيدة ، ياعم أنا غلطان سيب رقبتي
-عز وهو مازال ممسكاً بياسين: أه ، بالحق امضيلي ع طلب نقل الواد ده عندي يابابا.
-ياسين: لأ اوعى يا حاج .. ابوس ايدك ، ده هيطلع عين اللي خلفوني !!
-يوسف: ليه يا عز، ده مريحني ع الأخر وأنا مبسوط من شغله.
-ياسين: الله يخليك يابونسب ، كلك مجدعة وابن بلد بصحيح
-عز بحدة : امضي يا بابا
-يوسف: حاضر يا عز ، هتوحشيني يا سينو
-ياسين: بعتيني يا حاج قبل أول قلم .. أصيل زي ابنك !!!
................
في مكتب رامز وسيلين ،،،،
-سيلين: I don't know
-رامز: يعني ايه مش عارفة
-سيلين: يعني هي رافضة تماماً تتقابل معايا
-رامز: انتي عارفة ده معناه ايه ، ان احنا خلاص broke .. فلسنا !!!
-سيلين: اتصرف بقى يا رامز
-رامز: أتصرف ؟؟ الوقتي أتصرف ، وبس فالحة تقوليلي عندي فلوس زي الرز مالهاش عدد
-سيلين: مكونتش أعرف انا جانا هتكون like her father
-رامز: ما انتي لو كنتي سيبتهالي كنت ظبطتها
-سيلين: اووف بقى
-رامز: لازم أشوف حل وإلا كده احنا ضعنا !
-سيلين: عندي فكرة ، ممكن نشوف حازم و...
-رامز: حازم ايه وزفت ايه .. ده كارثة متحركة
-حازم وقد دخل المكتب : بتجيبوا في سيرة مين ؟
-سيلين: هه ، Nobody
-رامز بقرف: أهلا
-حازم: مالكوا؟؟ زي ما تكونوا شوفتوا بعبع
-سيلين: لأ عادي
-حازم: مش ناوية يا سولي هانم تقوليلي هتجوز جانا امتى
-سيلين: آآآ... يعني لسه شوية
-حازم: مابقاش ياكل معايا الكلام ده
-رامز: اصبر شوية يا حازم
-حازم بضيق: أنا جبت جـــاز معاكو !! بقالكوا فوق الشهر وزيادة بتمطوحوا فيا
-سيلين: انت عارف جانا دماغها ناشفة و...
-حازم: ناشفة طرية ميخصنيش ،أنا عاوز البت
-رامز: اصبر
-حازم: معدتش عندي صبر ، بس قسماً بالله لو أنا اللي اتصرفت ماهتاخدوا مليم واحد منها
-سيلين: قصدك ايه؟
-حازم: أنا كان كل اللي في دماغي جانا وبس ، وعملت اللي عليا وفضيتلكم السكة عشان تاخدوا فلوسها ، لكن الظاهر انكو طلعتوا لامؤاخذة بياعين كلام في الهوا
-رامز: اصبر انا بفكر في حاجة كده و...
-سيلين مقاطعة: هانت يا حازم ، قربت تاخدها خلاص
-رامز: ايوه ناقص بس نظبط لقاء جانا مع سيلين وهي هتفاتحها عنك و...
-حازم وهو ينهض من مكانه : مات الكلام !
-رامز: نعم ؟؟
-حازم: الليلة كلها بقت عندي ، وانتو .. اشربوا بقى
-رامز: قصدك ايه ؟
-حازم: قصدي جانا وفلوسها بقوا يخصوني م السعادي
-رامز: بس ده مكنش اتفاقنا
-سيلين برقة وهي تقترب من حازم : زوما بليز .. انت عارف انـ...
-حازم وهو يبعد يدها: لامؤاخذة أصلي متوضي !! اعملي الشويتين دول ع حد غيري ، انا خلاص هتصرف ومالكوش فيه
-رامز: اسمع بس يا حازم
-حازم: مات الكلام يا عمنا .. سلام .. يا ..يا خواجات !!
-سيلين: هنعمل ايه في المصيبة دي كمان
-رامز بضيق: اوووف بقت عاملة زي الدومينة ، قفلت من كل حتة
-سيلين: يعني ايه ؟
-رامز: يوووووه يا سيلين ، سيبني خليني افكر في حل للبلاوي دي كلها
وفجأة دخل بضع من رجال الشرطة إلى المكتب ،،
-رامز: ايه ده ؟ انتو مين ؟ وازاي تدخلوا المكتب كده من غير استئذان
-سيلين: Who are you ؟
-الضابط: عندنا أمر بالقبض عليك يا استاذ رامز
-رامز: نعم ؟؟؟؟
-الضابط: اه وحضرتك يا مدام !
-سيلين: what ؟
-الضابط لمساعديه : هاتوهم
-رامز: مش قبل ما أعرف ليه
-الضابط: هتعرف في القسم .. يالا بسرررعة هاتوهم وحصلوني ع البوكس
-سيلين: الحقني يا رامز
-رامز: ألحقك ايه ما أنا متنيل معاكي في المصيبة دي ، استنى أما أشوف المحامي
-رامز وهو يهاتف محاميه : ألووو أيوه يا استاذ فوزي ، حصلنا بسرعة ع القسم احنا مقبوض علينا
-فوزي المحامي هاتفياً : بالراحة كده يا رامز باشا وفهمني قسم ايه
-رامز للضابط احنا رايحين قسم ايه ؟؟؟
-الضابط: قسم الـ ((......))
-رامز: ايوه يا استاذ فوزي احنا رايحين قسم الـ ((......))
-فوزي المحامي: ع طوول يا باشا هتلاقيني هناك
-رامز: بسرعة يا فوزي متتأخرش
-فوزي المحامي: حاضر يا باشا !!!!
......
في شركة حسين الدمنهوري ،،،،
-العامل : اتفضلي يا مدام جانا
-جانا: ايه ده؟
-العامل: ده بوكيه ورد جاي باسم حضرتك تحت في الريسبشن والأمن طلب نسلمه لحضرتك
-جانا باستغراب: وده مين اللي بعتلي ورد
-العامل: حضرتك تقدري تقري الكارت وتعرفي مين
-جانا: هه .. شكراً ليك ، اتفضل انت
-العامل: عن اذنك
قامت جانا باستنشاق عبير الورود الحمراء المرسلة إليها
-جانا: ممم.. ريحتها حلوة .. بس يا ترى من مين
فتحت جانا الكارت المرفق مع باقة الورد لتجد بها الكلمات التالية:
(( لأجمل عيون عسلية شافتها عينيا .. صباحك رقيق زيك .. عمر ))
-جانا باستغراب: عمر !!!!
وفجأة وجدت جانا من يقتحم عليها المكتب وفي عينيه الشرر المتطاير .......... !!!!
