رواية دعني احطم غرورك الفصل الثامن والستون
وبينما كانت جانا تتأمل باقة الورد وتقرأ الرسالة وجدت من يقتحم عليها المكتب وفي عينيه شرر متطاير ،،،،
-جانا: انت ايه اللي جابك هنا ؟
-عز: بترفعي عليا قضية يا جانا ، هي حصلت
-جانا وهي تمسك بسماعة الهاتف : امشي اطلع بره وإلا هطلبلك الأمن يرميك في الشارع
-عز: مش طالع ، وادي التليفون !!
قام عز الدين بتحطيم الهاتف وسط فزع جانا ...
-جانا: انت اتجننت
-عز: ايوه اتجننت ، عاوزة مليون جنية ياختي ؟
-جانا: آه حقـــي !
-عز وقد راى باقة الورد : وده ايه ده كمان ان شاء الله
-جانا: وانت مالك
-عز وقد أخذ الباقة وقرأ ما بالكارت: صباحك زفت زي وشك
ألقى عز الدين باقة الورد في القمامة ومزق الكارت إلى قطع صغيرة ،
-عز وقد بدأ يقترب من جانا: عاوزة المليون جنية عشان البيه يا هانم
-جانا: مالكش فيه ، فلوسي وأنا حرة
-عز: لأ مش حرة ، انتي نسيتي انك مراتي
-جانا: ياخي فوق ، أنا مش مراتك ، احنا اتطلقنا
-عز وقد اقترب منها كثيراً : كانت غلطة في ساعة شيطان
-جانا وقد جلست على كرسي مكتبها: غلطة !!!!! اللي عملته فيا كان غلطة ، دمرت حياتي وقتلت ابني ولا بنتي وتقولي غلطة لأ وفي ساعة شيطان
-عز وقد سند مرفقيه على الكرسي الذي تجلس عليه جانا: جانا .. أنا ..أنا لســـ..
-جانا وهي تدفعه: اطلع بره ، انا مش طايقاك ، بكرهك ، بكره كل حاجة فيك ، بكره صوتك وشكلك وريحتك ، وبكره حبي ليك
-عز: جانا ، عشان خاطري اسمعيني
-جانا بصريخ: اطلع بررررررررررررره
وهنا دخل المكتب على أثر صوتها المرتفع عدد من الموظفين
-جانا: طلعوا البني آدم ده بره
-عز: ماشي يا جانا ، أنا طالع ، بس اللي في دماغك ده مش هيحصل انتي فاهمة مش هيحصل حتى لو في خيالك !!!!!!
-جانا بتحدي: هتدفع غصب عنك وهتجوز تاني وأحرق قلبك زي ما حرقت قلبي عليك !!
-عز وقد أمسك به الأمن: على جثتي يا جانا ، سمعاني على جثتي ، انتي ليا أنا وبسسسس .. أوعى كده انت وهو .. أنا ماشي بس هنتقابل تاني !!
-جانا باستهزاء : اه في فرحي ان شاء الله
-عز بغضب شديد : انتي عاوزاني أموتك الوقتي
-جانا للأمن بخوف : امسكوه كويس وطلعوه بره
-حسين من الخارج: ايه اللي بيحصل هنا .. عز !!!!
-عز: سوري يا عمي كنت عاوز أكلم جانا
-حسين: تكلم جانا تقوم تعمل الشوشرة دي كلها ، وبعدين ده مكان شغل ، اتفضل من هنا .. وزي ما قولتلك قبل كده وهافضل أقولك ده ، احنا مافيش بينا كلام ، جوزاة وانتهت ، روح شوف حالك بعيد عننا الله يسهلك !!!!
-عز: أنا أسف يا عمي ، سامحني ، بس مش هاقدر ، أنا حالي مع جانا
-حسين: مع السلامة يا بني ، وصلوه للبوابة تحت
-عز: ماشي يا عمي ، هنتكلم بعدين .. وانتي يا جانا متفكريش هسيبك بالساهل
-جانا: ابقى اتغطى كويس عشان ده مش هيحصل
.............
في قسم الشرطة ،،،،
-رامز: يعني ايه يا فوزي الكلام ده ، انا مش فاهم حاجة !!
-فوزي: يعني حضرتك والهانم هتفضلوا 4 أيام في الحجز ع ذمة التحقيق
-رامز: وسيادتك جاي تعمل ايه هنا ، تقولي الكلمتين دول
-فوزي المحامي: دي بلاغات بالمستندات متقدمة ضدك
-رامز: انا ماليش في الكلا م ده ، انا مينفعش أبات في الحجز
-فوزي المحامي: والله يا باشا موقفك صعب مش عارف أقولك ايه
-رامز: عاوزك تعرفلي مين اللي قدم البلاغات دي ضدي
-سيلين بعد أن انتهى التحقيق معها: يعني ايه ؟؟ انا معايا جنسية how come ؟؟
-فوزي المحامي: اهدي يا هانم هما 4 ايام بس
-سيلين: ولا ثانية واحدة ، I didn't do anything
-رامز: بيقولك في ورق متقدم ومستندات يا هانم
-سيلين: بس .. أنا معملتش حاجة غلط
-رامز: انتي ناسية معظم الصفقات والتوكيلات كانت باسمك
-فوزي المحامي: اهدوا يا جماعة وان شاء الله هتصرف
-سيلين : أنا مش هاروح في داهية لوحدي !! خليك عارف ده كويس
-رامز: سولي بيبي .. اهدي
...........
في شركة عز الدين الكيلاني ،،،
-عز بغضب: بقى أنا واحدة زي دي تقول للأمن يرميني بره
-ياسين وهو يشرب العصير: أها
-عز: لأ والمخفي جايبلها ورد ويتغزل في جمال عينيها
-ياسين: أها ..
-عز: بس تستاهل اني رمتلها الورد في الزبالة ده مكانه زي اللي بعته
-ياسين: اه
-عز: انت معايا يا زفت
-ياسين وهو يتلذذ بالعصير : طبعاً
-عز: طب كنت بقول ايه ؟
-ياسين: آآآآ... اه كنت بتقول يا لذيذ يا رايق
هجم عز الدين على ياسين ،،
-عز: انت هتشلني والله
-ياسين:يعني عاوزني أعملك ايه ، بقالك فوق الساعتين عمال تهري وتنكت في نفسك ، والصراحة أنا تعبت
-عز: بص بقى من هنا ورايح عاوزك تجيبلي كل أخبار جانا
-ياسين: خلاص هبقى اسأل دينا
-عز: لأ يا حلو ، انت تلزقلها زي خيال ضلها
-ياسين: أقصدك اني أشتغل مخبر ؟
-عز: مخبر ، عسكري ، كرومبو ، المهم تجيبلي كل اخبارها لحظة بلحظة
-ياسين: ياعم أنا مش فاضي للهجص بتاعك ده ، انا عندي شغل
-عز: لأ ما أنا عافيتك من مهامك كلها ومش وراك حاجة إلا ده
-ياسين: طب في أوفر تايم ؟
-عز: هبقى أشوفك
-ياسين: ممممم .. سيبني أفكر
-عز بصوت مرتفع : وله !
-ياسين: خلاص ياعم
...............
في مكتب حسين الدمنهوري ،،،،
-حسين هاتفياً : فكرك كده
-يوسف: ده هيديهم فرصة يشوفوا بعض تاني ، وبعدين احنا عاوزين نفرح بقى بالعيال ، الواد حمض من كتر الانتظار
-حسين: يعني يرضيك يكلم البت من ورايا
-يوسف: لأ ميرضنيش ، ومش معقول هتسيب بنتك دينا تخلل جمبك
-حسين: ده أمها هتفرح أوي لما تعرف ده
-يوسف: امها بس ؟
-حسين: لأ ودينا أكيد
-يوسف: على بركة الله ، بلغهم بقى بميعاد الخطوبة وكتب الكتاب كمان اسبوع
-حسين: مش بدري يا جوو
-يوسف: بدري ايه بس يا سحس ؟؟ دي متأجلة بقالها فترة ، يدوب بس يعيدوا ترتيب الحاجة
-حسين: الله المستعان
................
في منزل حسين الدمنهوري ،،،
-سهير هاتفياً: بجد يا حاج ، انت بتكلم جد ؟
-حسين: وأنا من أمتى بهزر في الحاجات دي
-سهير: لووووولووووولي .. ربنا يكملهم ع خير يا رب ، هاروح أفرح البت
-حسين: ماشي يا سهير ، سلام الوقتي
-سهير: مع ألف سلامة يا حاج
-سهير بفرحة : دودي حبيبة قلب ماما.
-دينا: ييس مامي.
-سهير: ابوكي وافق ع خطوبتك من ياسين
-دينا بعدم تصديق: لأ مش ممكن .. اكيد بتهزري صح ؟؟
-سهير: لا والله ، لسه قافل معايا الخط .. الخطوبة وكتب الكتاب كمان اسبوع
-دينا وهي تقبل والدتها: لاف يو مامي .. اخيراااااااااا .. أما أبلغ سينو .. آآآآ... قصدي جانا
-سهير: اتقلي يا بت كده ، خلي ابوكي هو اللي يبلغه
-دينا: ع رأيك يا مامي .. خليني تقيلة ..أنا فرحاااااااااااانة أوي
-سهير: ربنا يفرح قلبك دايماً ويسعدك لووووولوووووووولي
...........
في شركة عمر ،،،،،
-وائل: سيبك م البت دي
-عمر: تؤ
-وائل: والله ماهيجي من وراها غير وجع الدماغ
-عمر: هي دخلت دماغي خلاص
-وائل: يا بني دي متجوزة
-عمر: لأ منفصلة
-وائل: أنا نصحتك وبقولك تاني جانا الدمنهوري مش هتجيبلك غير مشاكل انت مش أدها ، واحنا لسه بنقف ع رجلنا في السوق
-عمر: يوووه يا وائل متحبطنيش يا جدع
-وائل: انا بنبهك لحاجات ممكن تكون فيتاك
-عمر: ربك يسهلها من عنده
..............
في منزل حازم ،،،،
-فؤاد: اتفقنا
-حازم: خلصلي المصلحة دي وهتاخد حسابك
-فؤاد: اشطا يا زوما
-حازم: ومحدش يعرف حاجة فاهمني ؟
-فؤاد: عيب عليك .. هي دي أول مرة
-حازم: حبيبي آفؤش وأنا من ناحيتي هشوفــ.....
-دارين مقاطعة: هاي
-حازم: انتي .. انتي دخلتي ازاي ؟
-دارين: you forgot .. أنا معايا لسه المفتاح
-حازم: طب هاتيه بقى يا حلوة
-دارين: ليه ؟
-حازم: أصل ميصحش واحدة لا مؤاخذة يعني تخش شقة شباب عُذاب ، وخصوصاً إني داخل ع جواز
-دارين : نعم ؟؟ جواز ؟؟
-حازم: طبعااااا
-دارين : طب مش هتساعدني في المشكلة اللي أنا واقعة فيها
-حازم: ماليش فيه ، رامز يخلصك منها .. ولا هو يوسخ وأنا لا مؤاخذة أنضف مكانه !!!
-دارين: انت انسان قذر !
-حازم بحدة: لأ يا قطة ، احترمي نفسك معايا بدل ما ادفنك مطرحك
-دارين: كلكم زي بعض ، كلاب
-فؤاد: بالراحة شوية يا زوما ، دي برضوه دونا حبيبة القلب
-حازم: لأ كان في وخلص !!!
-دارين بتوعد: بكرة تندم يا حازم
-فؤاد: استني يا دونا ، متمشيش وانتي كده ، انا جاي أوصلك
-حازم: خد ياض أنا لسه مخلصتش كلامي معاك
-فؤاد بغمزة : ياعم فكك مني الوقتي ، أنا عاوز أعطف وألطف .. سلام
...........
عودة مرة أخرى لقسم الشرطة ،،،،
-رامز: عاوزك تسمع بالحرف الواحد اللي هاقولك عليه يا فوزي وتنفذه
-فوزي المحامي : خير يا رامز باشا.
-رامز: عاوزك تلبس الليلة كلها للهانم !
-فوزي المحامي: تقصد مدام سيلين .
-رامز: ايوه
-فوزي المحامي: بس.. بس
-رامز: أنا عامل حسابي ، ده مفتاح الخزنة اللي في المكتب ، وده الرقم السري بتاعها ، هتروح المكتب تفتحه وتاخد الورق م الخزنة والباقي عليك.
-فوزي المحامي: خلاص يا رامز باشا ، أنا هشوف الورق وأرد عليك.
-رامز: الورق ده يأمني ويحميني وهيطلعني زي الشعرة من العجينة ، ويلبس المحروسة القواضي كلها
-فوزي المحامي: طالما ده اللي عاوزه يبقى خلاص يا رامز باشا
-رامز: المهم ، عاوزك تنيم المدام وتقولها موقفها سليم لحد ما أطلع أنا وهي تلبس
-فوزي المحامي: أوامرك يا باشا
...................
في شركة يوسف الكيلاني ،،،،،
-ياسين بعدم تصديق : وربنا ؟؟؟
-يوسف: اه والله ، انا مش بكدب عليك
-ياسين وهو يقبل يوسف: الله عليك يا حبيب والديك ، ايووووه بقى ، ويا ولاد بلدنا يوم الخميس هكتب كتابي وأبقى عريس ♫
-يوسف: اعقل يا سينو
-ياسين: هو انا بقى فيا عقل خلاص .. هو الخميس مش بكرة يبقى أنا المفروض اكون اتجوزت ؟
-يوسف: الله يكون في عونها البنت ، اهدى بقى خليني اكمل كلامي
-ياسين: هو في مفاجأت تاني ؟
-يوسف باستغراب : لأ .. بس .. بس هو انت لابس كده ليه ؟؟؟
كان ياسين يرتدي ( قميص برتقالي مشجر ، وشورت أبيض وقبعة صفراء ونظارة سوداء )
-ياسين: أصلي متنكر
-يوسف: نعم ؟؟ مـ... ايه ؟؟؟
-ياسين: متنكر يا بوعز ، أصلي بلا فخر بقيت شغال مخبر
-يوسف: أكييييد عز ابني ورا الموضوع ده
-ياسين: طبعاً هو مين جايبلي البهدلة وقلة القيمة والكلام غير ابنك
-عز وقد دخل المكتب: انت.. انت عامل كده ليه ؟
-ياسين: ايه رأيك في النيولوك الاحترافي ده ؟
-عز: زفت
-ياسين: مش عاجبك ؟ ده أنا معرفتنيش ؟
-عز: ده انت لو قاصد انها تعرف انك بتراقبها مش هتلبس لبس البلياتشو ده
-ياسين: يووه عليك
-يوسف: انا مش فاهم حاجة ما تفهومني بدل ما أنا عامل زي الأطرش في الزفة !
-ياسين بكل ثقة وفخر : أصلي هراقب جانا
-يوسف: ليه ؟
-عز: كده يا بابا عاوز أشوف بتعمل ايه من ورايا
-يوسف: أها
-ياسين هامساً ليوسف: اوعى تقوله ..
-يوسف: ايييه ، بتقول ايه ؟
-ياسين: ششش ، هياخد باله
-عز: بتقولوا ايه لبعض ؟
-ياسين: مافيش ده أنا بهش الناموس
-عز: في ايه ؟
-ياسين: يالا بس لأحسن هتأخر ع المراقبة
-عز: في ايه يا بابا؟
-يوسف: أصل .. أصل
-ياسين: أبوعز !!
-يوسف: ماهو كده كده هيعرف
-عز: أعرف ايه
-يوسف: أصل سينو خلاص هيخطب دينا
-عز بدهشة: دينا مين ؟
-يوسف: بنت حسين الدمنهوري
-ياسين: ليه قولتله يا بوعز
-عز: وانت ماكونتش عاوزني أعرف ليه ؟
-ياسين: لأحسن تزعل !
-عز: أنا ؟؟ ليه يا سينو ، ده انت حبيبي
-ياسين: يعني الخبر مضايقكش
-عز وهو يقبل ياسين : أبداً والله ، ربنا يباركلك يا عم وأشوفك عريس في البدلة السودة الميتلك
-ياسين هامساً: ولو اني متوجس خيفة منك
-عز: انت بتقول ايه ؟
-ياسين: الله يبارك فيك .. مش مطمنلك
-عز: لأ عيب .. ده أنا أخوك
-ياسين: آآآآآه .. طالما قولت كده يبقى ربنا يستر .. عديها ع خير يا رب ، ونجيني من عينين عز الصافية اللي مخلتش فيا عافية
-عز: بقى كده ؟
-ياسين وهو يجري من أمام عز : أنا أجازة بقى لحد ما أتأهل
-عز: والمراقبة ؟؟؟
-ياسين وهو يخرج من المكتب : طلعت مبهوأة عليا .. لبسها لحد غيري ، سلام آعــز
-عز: وله .. خد ياض هنا
-يوسف ضاحكاً: الله يحظك يا سينو .. ههههههههههههههه
-عز هو يفكر : وماله .. أهي مصايب قوم عند قوم فوائد
-يوسف: تقصد ايه يا عز؟
-عز: هه .. ولا حاجة !!!!!!!!!!
.........................
بدأت الاستعدادات لحفل كتب الكتاب وشراء المتطلبات ، أخذت جانا أجازة من عملها لتتفرغ مع دينا في شراء مستلزمات العرس .. ،،،
-دينا: لسه ناقصني آآآآ...
-جانا مقاطعة: كل ده وناقصك حاجات ، يا بنتي أنا رجلي ورمت من كتر اللف ، حرام عليكي ، ارحميني شوية
-دينا: الله بقى يا جوجو ، مش أنا الـ bride .. لازم تكون كل حاجة perfect
-جانا: ربنا يسهلهالك ونخلص بقى
-دينا: جوجو حبيبتي .. هو..هو انتي لسه معاكي آآآآ.. money ؟
-جانا: لأ .. خلاص كله finished
-دينا: اووف بقى طب أنا هجيب الناقص منين
-جانا: بكرة بقى
-دينا وقد جاءتها فكرة: جوجو حبيبتي ، ايه رأيك نعدي ع دادي في الشغل وناخد منه money
-جانا: طب ما تخليها بكرة
-دينا متوسلة : بليز جوجو .. بليز
-جانا: ما أنا مش هخلص ، اوك ، let's go
-دينا في نفسها: أما أبعت رسالة لسينو يجيلي هناك عند دادي أشوفه عقبال ما جوجو تجيبلي الـ money منه .. واو ..هتبقى Good Idea
وكان يحوم حول مقر شركة حسين الدمنهوري في نفس الوقت تقريباً المهندس عمر .. مما أثار شكوك صديقه وائل ،،
-عمر: بقالها يومين مش بتروح المكتب
-وائل: وانت عرفت منين ؟ اوعى تكون بتراقبها
-عمر: هه ، يعني مش أوي
-وائل: برضوه انت مصمم ع اللي في دماغك
-عمر: م الأخر أنا واخد الموضوع ده تحدي مع اللي اسمه عز
-وائل: انت مش أده يا عمر
-عمر: بتقول ايه ، مش أده؟؟ يبقى متعرفنيش ، أنا فلانتينو عصري ، وهوقع البت دي في حبي
-وائل: مبروك عليك الخسارى آصاحبي
عمر: بص .. أهي جت أهي ، ودي مين اللي معاها كمان
-عمر وقد ترجل من سيارته: أنا هاروح أسلم عليها
-وائل: استنى يا عمر .. هتودينا في داهية
-عمر: ششش .. بس بقى
-عمر: مساء الجمال على احلى جانا
-جانا : هه . اووه ، عمر ، هاي
-عمر: أنا كنت ماشي بالصدفة فشوفتك جاية فقولت لنفسي ميصحش اشوف جميلة الجميلات جانا ومسلمش
-جانا: ثانكس ع مجاملتك
-دينا مقاطعة: who is he ؟ مش تعرفينا جوجو
-جانا: اوه سوري ، دي دينا my cousin وده المهندس عمر
-دينا: هاي
-عمر: أهلا يا آنسة دينا .. مش آنسة برضوه
-ياسين مقاطعاً: لمدة يومين بس ، وبعد كده هتبقى المدام
-جانا: هاي سينو ؟ ايه اللي جابك ؟ قصدي بتعمل ايه هنا
-ياسين: جاي أشوف المدام
-دينا: هاي سينو .. صدفة حلوة
-جانا هامسة لدينا: صدفة برضوه
-دينا: ييس
-عمر: منور يا بشمهندس
-ياسين: طول عمري .. هنفضل واقفين كده كتير
-عمر: هه ، أنا ممكن اعزمكم عــ....
-ياسين: لامؤاخذة الكلام مش ليك .. الكلام للبنات
-عمر: اها
-جانا: انا هطلع اجيب فلوس من أنكل ونازلة يالا يا دينا
-دينا: لأ أنا هستنى مع سينو لحد ما تنزلي
-جانا: قولي كده بقى
-عمر: تحبي أوصلك
-ياسين: متشكرين ع خدماتك يا أخ .. هما مش واقفين مع سوسن
-عمر: أها .. طيب عن اذنكو .. اشوفكوا بعدين
-جانا: اوك عمر ، ثانكس ع تعبك
-عمر: أنا معملتش حاجة ، باي باي الوقتي
-جانا: باي .. أنا طالعة ، استنوني
-دينا : اوك
-ياسين: أنا متبت هنا
وبعد أن رحل عمر ، وصعدت جانا إلى داخل شركة عمها ،،،،
-دينا: اوووف سينو ، أنت احرجته
-ياسين: لا والله ، يعني عاجبك الواد ده
-دينا: مش قاصدة ، يعني كان ممكن نظبطه مع جوجو وكده، انت عارف ان مخها مقفل وصعب أي حد تقتنع بيه
-ياسين: لأ مالكيش صالح .. جانا أنا عارف مين اللي معاه مفتاحها
-دينا: تقصد ايه ؟
-ياسين: هه .... تعالي بس أقولك كلمتين قبل ما ألاقي أبوكي ناططلي زي زبايدر مان م الشباك
-دينا: what ؟
-ياسين: زبايدر مان أخو زوبر مان وابن عم شاروخان
-دينا: انت ع فكرة لخبطت الدنيا خالص وبتنطق غلط
-ياسين: مش كل واحد وعلامه !!!!
-دينا: انت محتاج تاخد كورسات
-ياسين: مش أنا بقولك عاوز دروس تقوية ، يالا بقى .. تعالي نشرب قصب من عند صبري شاليموه وتقويني
-دينا: قصب ؟ I don't like it .. أنا عاوزة كوكتيل فواكه
-ياسين: أحبوووش
-دينا: نعم ؟؟
-ياسين: تعالي أما نشوف هو عنده ايه ونشربه ........
.................................
صعدت جانا إلى داخل شركة عمها ،،،
-حسين بدهشة: جانا ؟؟ ايه اللي جايبك الوقتي ؟؟ في حاجة حصلت لا قدر الله ؟؟ دينا كويسة و...
-جانا مقاطعة: اطمن يا آنكل ، مافيش أي حاجة حصلت الحمدلله
-حسين: اومال جاية هنا ليه ؟
-جانا: أصل يا آنكل دينا عاوزة تشتري شوية حاجات نقصانها ، وبصراحة احنا الاتنين معدتش معانا فلوس
-حسين: أها .. قولتيلي .. دينا أصلاً مبطلتش شرى حاجات من يومين
-جانا: عروسة بقى يا آنكل وبتدلع عليك
-حسين: لأ هتفلسني قريب
-جانا: ربنا يخليك لينا يا آنكل
-حسين: عقبال ما أفرح بيكي انتي كمان يا جوجو
-جانا بحزن: خلاص يا عمي أنا جربت حظي خلاص
-حسين:لأ متقوليش كده ، انتي لسه بتبتدي حياتك وان شاء الله هتتعدل
-جانا: مش فارقة .. ها يا آنكل هتديني الفلوس ولا ايه النظام ؟
-حسين وهو يعطيها النقود: بس الساعة 8 الوقتي ، يعني هتلفوا وتدورا وتلحقوا ترجعوا قبل الساعة 10
-جانا: اطمن يا آنكل هنكون قبل الساعة 10 في البيت
-حسين: خليكي ع اتصال معايا ، دينا مطيورة بس انتي العاقلة هه ؟
-جانا: اوك يا أنكل .. ربنا يخليك لينا .. سلام بقى
-حسين مؤكداً : جانا متتأخروش بره ، ماشي ؟
-جانا: تمام يا بوص
وضعت جانا النقود في حقيبتها وتوجهت ناحية المصعد ، ضغط الزر ثم أخرجت هاتفها المحمول لتطلب دينا وتخبرها بأمر اعطاء عمها النقود وفجــــــــــأة .................... !!!
