رواية دعني احطم غرورك الفصل التاسع والستون
وضعت جانا النقود في حقيبتها وتوجهت ناحية المصعد ، ضغط الزر ثم أخرجت هاتفها المحمول لتطلب دينا وتخبرها بأمر اعطاء عمها النقود وفجــــــــــأة وجدت من يجذبها إلى داخل المصعد فسقط هاتفها المحمول أرضاً وتحطمت شاشته ،ثم أغلق الشخص باب المصعد وضغط زر الطواريء ليعلق المصعد ،،،
-جانا: انت اتجننت ؟؟؟؟؟
-حازم: انا بحبك يا جانا
-جانا بصريخ: ابعد عني يا مجنون ، حب ايه وكلام فارغ ايه
-حازم: أنا مش عارف أتكلم خالص معاكي وانتي مش مدياني فرصة اعبرلك فيها عن مشاعري
-جانا: يبقى تفهم اني مش عاوزاك
-حازم: انتي لسه متعرفنيش
-جانا: ولا عاوزة أعرفك
-حازم وهو يقترب منها :حبيبتي جانا ، انا مستعد أموت الدنيا كلها عشانك
-جانا بعصبية : ياخي انت ليه مش عاوز تفهم ، أنا مش بحبك ومش عاوزاك
-حازم: اهدي بس عشان نتفاهم
-جانا: لأ مش ههدى !!
أخذت جانا تضرب باب المصعد بشكل هيستيري ، وحازم يحاول تهدئتها فضربته بحقبيتها على رأسه ، وأيضاً بركبتها في منطقة أسفل البطن
-حازم متآالماً: آآآآه ... ليه كده بس يا جانا .. كده انتي هتزعليني منك ، وأنا زعلي وحش
-جانا: الحقووووووني
-حازم وهو يصفعها : اسكتي بقى
-جانا: انت بتمد ايدك عليا يا كلب
-حازم وهو يصفعها مرات متتالية بشدة: شششش أما أقولك كلمة تسمعيها
سقطت جانا مغشية عليها من شدة الصفعات ،
-حازم وهو ينظر لجانا: انتي اللي خليتني اعمل كده يا جانا ، انا مكنتش حابب أمد ايدي عليكي ، بس متقلقيش أنا هصالحك وهتسامحيني .. عارفة ليه ؟؟ عشان أنا بحبك واللي بيحب بيسامح !
.....................
Flash Back لما حدث قبل قليل ،،،
◘◘◘ -دينا وقد جاءتها فكرة: جوجو حبيبتي ، ايه رأيك نعدي ع دادي في الشغل وناخد منه money
-جانا: طب ما تخليها بكرة
-دينا متوسلة : بليز جوجو .. بليز
-جانا: ما أنا مش هخلص ، اوك ، let's go
-دينا في نفسها: أما أبعت رسالة لسينو يجيلي هناك عند دادي أشوفه عقبال ما جوجو تجيبلي الـ money منه .. واو ..هتبقى Good Idea
قامت دينا بارسال رسالة نصية لياسين :
(( انا وجوجو بره جمب شركة دادي لو فاضي تعالى شوفني هناك ))
فأرسل ياسين رداً لها بعد لحظات :
(( حمامة .. انا جمبك بصي ع شمالك أو يمينك هتلاقيني في قفاكي ... ))
-دينا وهي تضحك: ههههههههههههه crazy
-جانا: مالك بتضحكي ليه كده
-دينا: nothing جوجو
-جانا: طب يالا بسرعة عاوزين ننجز عشان الوقت بدأ يتأخر
-دينا: شوور
◘◘◘ وفي نفس الوقت هاتف ياسين عز الدين ليخبره بأمر جانا ودينا ،،
-ياسين: ايه رأيك ؟ أخبار طازة وع الفرازة ، ياتلحق يا متلحقش
-عز: مسافة السكة وهاكون هناك
-ياسين: عشان تعرف بس بفكر فيك
-عز: مردودالك يا سينو
-ياسين: يارب بس تفتكر ده
-عز: اطمن
-ياسين: اهو أنا مش بخاف غير م الكلمة دي .. بحس ان بعدها هتشد الفتيل ويفرقع اللغم
-عز: خليك متفائل
-ياسين: معاك انت وجانا ... لأ !!!
-عز: متقفلهاش بس في وشي ، أنا هاعرف أزاي اوصل تاني لقلبها
-ياسين: أنا اشك ... اذن أنا دبوس
-عز: وله بطل ثقاله .. وعينك عليها لحد ما أجيلك
-ياسين: بكرة تعرف أنك مشيت في سكة مسدودة
-عز: هتسلك ع ايدي ان شاء الله
-ياسين: وماله .. قالوا الجمل طالع النخلة أدي الجمل وأدي النخلة .. اطلع بقى يا حلو
-عز: اطلع بس انت منها وهي تعمر
-ياسين: أنا كده كده طالع
-عز: طب اقفل ، انا دقيقة وهاكون عندك ..
-ياسين: سلام آعزووو
.............
◘◘◘ عند محل صبري شاليموه للعصائر ،،،،
-ياسين وهو يعطي دينا كوب العصير : خدي آدودي شووب قصب إنما ايييييه مفتخر
-دينا: اووف ، قولتلك مش بحب القصب ، ده كله sugar وأنا كده هتخن
-ياسين: ياااا ريت تتخني كده وتبألظي
-دينا: يوووه ، ما أنا كده مش هدخل في الـ dress
-ياسين: مش مشكلة ، أبقى أدخلك أنا
-دينا ازاي يعني ؟
-ياسين: هفتحلك الباب بالطفاشة
-دينا: أنا بقولك dress يعني فستان ، انت مهندس ازاي ومش معاك لغة ؟؟؟
-ياسين: ههههههه تعليم حكومي يااوختشي
-دينا: مش فاهمة !
-ياسين: يعني كله فيه بيعدي ، وبعدين احنا كان نظامنا نام وارتاح يجيلك النجاح
-دينا: OMG وع كده نجحت ؟؟
-ياسين: ده انا طلعت من أوائل الدفعة
-دينا: ع كده انت نمت كتير اوي
-ياسين: يووووووه ، ده انا كانوا بيصحوني ع الامتحان
-عز مقاطعاً: فينها ؟
-دينا متفاجئة : عز ؟؟؟
-ياسين وهو يشير بأصبعه لأعلى : فوووق
-دينا: انت .. انت بتعمل ايه هنا ؟
-عز: فوق فين؟
-ياسين وهو يشير لدينا: عند ابوها الحاج
-عز : طيب أنا هستناها لحد أما تخلص وتنزل ..
-دينا: مردتش عليا يا عز
-عز: ازيك يا دينا ، عاوز بس اشوف جانا
-دينا: أها ....
-ياسين: اشربي القصب يالا وربنا هيسهلك
-دينا: مش بحبه
-ياسين: طب أجيبلك خروب ولا عرقسوس
-دينا: يوووه ، انا مش بحب الحاجات دي
-عز وهو ينظر في ساعته: هي بقالها كتير فوق
-ياسين: يعني ، زمانتها نازلة .. آرّبَع انت بس القصب
-عز: آ.. ايييه ياخويا ؟ عليك كلام .. الله يعينك يا دينا ع ما بلاكي
-دينا: أنا بقول كده برضوه
-ياسين وهو ينتهي من كوب العصير: هيييييييييح . فخر الصناعة المحلية .. والنبي آحــاج صبري واحد شووب تاني لأحسن لسه عشطان.
-دينا: اسمها عطشان
-ياسين: عشطان
-دينا: no ، عطشان
-ياسين: لأ عشطان
-دينا: عطشان
-عز وقد طفح الكيل لديه : بسسسسسسسس .. ارحموني مش فايقلكم .. أنا رايح أقعد في العربية لحد ما الهانم تنزل
-ياسين: أحسن برضوه بدل ما انت طابق ع مراوحي
-عز: بتقول حاجة ؟
-ياسين بخوف : لأ بدعيلك
........
◘◘◘ في نفس الوقت خارج الشركة ،،،
-وائل: ما تمشي بقى
-عمر: لأ
-وائل: بقالك ساعتين مستني الهانم تنزل
-عمر: ولو حتى 10 ساعات
-وائل: ياعم أنا زهقت
-عمر: خلاص روح بقى
-وائل: طيب انت أعد ليه ؟؟
-عمر: قريبها الغتت خلع مع البت بتاعته ، يعني هي أكيد هتنزل لوحدها ، وأنا بقى هاكون موجود عشان أوصلها .. فهمت يا وائل
-وائل: أها .. ودوري أنا بقى ايه في الليلة دي كلها .. متفرج ؟
-عمر: لأ يعني أنت أعد معايا
-وائل: لأ محبش أكون عزول ، أنا خالع من هنا
-عمر: استنى بس
-وائل: استنى ايه ، أما تخلص ابقى كلمني طمني عليك
-عمر: يعجبني فيك ذكائك
-وائل : ياشيخ ، طيب سلام يا عمورة
-عمر: سلام آصديقي ! ◘◘◘
...............
عودة للوقت الحالي ،،،،،
بداخل المصعد ،،،
-حازم: أنا أسف يا جانا .. بس مكنش قدامي غير كده ، ماهو انتي مش عاوزة تسمعيني خالص .. أنا للأسف مضطر أخدك معايا
أعاد حازم تشغيل المصعد مرة أخرى وبالفعل هبط للطابق الأرضي ، فتح الباب ليتأكد من عدم وجود أحد ، ولكن لسوء حظه كان يتواجد أمن الشركة بالاضافة إلى بضعة موظفين في الاستقبال
-حازم: يادي الحظ الفقر ، طب هاخدك أنا الوقتي ازاي ؟؟؟ فلتي المرة دي يا جانا ، بس أوعدك المرة الجاية هتكوني .. هتكوني في حضني وللأبد ... !!
خرج حازم من المصعد وتوجه ناحية الاستقبال ،،،
-حازم هاتفاً للجميع: الحقوا ، الحقوا يا جماعة في باين آنسة ولا مدام مغمى عليها في الأصانصير
-أحد الموظفين: ايه ؟؟
-موظف أخر: فين
-أحد رجال الأمن : تعالى معايا
-حازم: أنا .. أنا جاي وراك اهوو
توجه عدد من الموظفين ورجلي أمن من حراسة الشركة إلى حيث أشار حازم مما أدى لحدوث هرج ومرج في الاستقبال ،،،
لاحظ عمر اضطراب الحركة داخل شركة حسين الدمنهوري ،،
-عمر لنفسه: ايه اللي بيحصل جوه ، في حاجة مش طبيعية ، فجأة الكل بقى بيجري لجوا .. أنا لازم أنزل اشوف في ايه .. طب ماهو يمكن يطلع حاجة عادية ساعتها هتبقى حجتي ايه ؟؟ أه .. ممكن اقول جاي أخد ميعاد مع المهندس حسين.. هتصرف ، بس لازم أعرف ايه اللي بيحصل جوا
وكما كان الوضع مع عمر كان الحال نفسه مع عز الدين الذي كان يستند بجوار سيارته في الجهة المقابلة للشركة ،،،
-عز : ايييه ده ؟ لأ الوضع ميتسكتش عليه ، أنا داخل اشوف اللي بيحصل
دخل كلاً من عز الدين وعمر الشركة ، بينما استغل حازم فرصة انشغال الجميع بما يحدث وهرب ،،،
-أحد الموظفين: دي مدام جانا
-موظف أخر: وسعوا شوية خليها تاخد نفسها
-موظف ثالث: أنا طلبت الاسعاف وهو جاي في الطريق
-عمر: في ايه اللي بيحصل؟
-رجل الأمن: الظاهر ان المدام جانا مغمى عليها في الأصانصير
-عمر: بتقول ايييييييييييه ؟؟
-عز: جانا !!!!!!!!!!!!
وما إن سمع عز الدين اسم جانا حتى دفع الجميع ووصل إليها ، وكذلك فعل عمر ،،،،
-عز وهو يحتضن جانا : جانا حبيبتي ، فوقي ايه اللي حصلك
-عمر وهو يجذب جانا ناحيته : جانا .. سمعاني ، أنا عمورة
-عز: انت ايه اللي جابك هنا ، غور ياله بدل ما أعورك
-عمر: ملكش فيه .. جانا هتبقى خطيبتي ومن حقي أطمن عليها
-عز: متجننيش ياض انت بدل ما أعملك كفتة الوقتي ، وأهو بدل ما الاسعاف يشيل واحد نخليهم اتنين
-عمر: أنا مش فاضيلك .. اوعى خليني أشوف جانا
-عز: ابعد بقى ياخي ، يخربيت غلاستك
-عمر: جانا .. سمعاني يا قلبي فوقي
-عز وهو يلكم عمر في وجهه: لأ بقى أنا مش هستحمل ، خـــــــــــد
-عمر: آآآآآآه .. يخربيتك ، ايدك طرشة
-عز وقد حمل جانا: ابقى المس تاني حاجة متخصكش . وسعوا كده
-أحد الموظفين: رايح فين يا استاذ
-عز: دي مراتي يا أخ .. هوديها المستشفى
حمل عز الدين جانا وحاول أن يتوجه بها ناحية بوابة الشركة ، ولكن أوقفه صوت المهندس حسين ،،،
-حسين: ايه اللي بيحصل هنا ؟
-عمر: الكابتن اللي هناك ده ضربني يا بشمهندس عشان بفوق جانا وأخدها وعاوز يهرب
-عز لعمر : انت عبيط ولا بتستعبط
-حسين: سيب جانا يا عز ، واخدها ورايح ع فين؟
-عز: مش وقته يا عمي ، نطمن ع جانا الأول وبعد كده نتعاتب .. آآآه وخلي البتاع اللي جمبك ده يمشي بدل ما أخلي الشاش لافف ع وشه !!
-عمر: شايف يا بشمهندس ؟
-حسين: لأ يا عز أنا أسف مش هسمحلك تاخد جانا ولو ع رقبتي !!!!!!!!!!
منع حسين عز الدين من أن يأخذ جانا ، فاضطر أسفاً أن يضعها على الأريكة في الاستقبال ، وحاول حسين إفاقتها بالمياه وإحدى زجاجات العطر ،،،
-جانا وقد بدأت تستفيق: آآآآ...مم... أأأ
-حسين: جانا.. جانا سمعاني يا حبيبتي ؟ جانا
-عمر: جانا .. أنا عمر .. سمعاني
-عز: وسع كده ، احنا عيلة في بعضنا ايه اللي حاشرك في وسطنا
-عمر: اللي بلغني ان حضرتك طلعت ع الدكة ... فــ لامؤاخذة وسع انت
-حسين: اخرسوا انتو الاتنين
-جانا وهي تتحس خدودها : آآآه .. حـ..ا.. آآآه
-حسين: جانا .. انتي كويسة يا بنتي؟
-جانا وقد فتحت عينيها: آه .. انـ..ا.. أنا فين؟
-عمر: انتي كويسة يا حبيبتي ؟
-عز بضيق : حبك برص وعشرة خرص .. ال حبيبتك أل
-حسين: جانا ! اطمني يا بنتي أنا جمبك، ايه اللي حصل؟
-جانا: أنا.. أنا كويسة ..
-حسين: تقدري تقومي
-جانا: آه.. أ..أقدر
-عز لعمر وهو يدفعه بعيداً : وسع كده عشان النفس .. النفس .. اوعى بقى !
حاولت جانا أن تقف على قدميها مرة أخرى واستندت على يد عمها حسين لكي تنهض ، ولكن اختل توازنها مرة أخرى وأمسكها عز ،،
-عز: جانا ، انتي مش قادرة تُقفي خليني أساعدك
-جانا بصوت ضعيف: انت.. انت.. بتعـ..بتعمل ايـ.....
فقدت جانا الوعي بين يدي عز الدين الذي حملها فوراً وقرر أن يأخذها للمستشفى في الحال ،،،،
-عز مندفعاً للخارج : مش هينفع نستنى الاسعاف وهي كده ، هي تروح المستشفى ومعايا الوقتي
-حسين: استنى يا عز
-عز مهدداً : سامحني يا عمي ، بس أنا اللي هوديها حتى لو رفضت وأي حد هيمعني هيحصلها ع المستشفى بس متكسر !!!!!!!!!!!!!
-عمر: انت هتسيبوه ياخدها معاه يا بشمهندس
-حسين: انت مش شايف شكله
-عمر: انت خايف منه يا بشمهندس
-حسين: لأ مش خايف ، بس انا عارفه متهور وعصبي وأنا اللي يهمني الوقتي جانا
-عمر: طب أنا رايح معاه ومش هسيبها معاه لوحدها
-حسين: لأ استنى انت تتوكل على الله الوقتي وشكراً لحد كده .. الله بس فين دينا ؟؟؟
-عمر: دينا مين ؟
-حسين: بنتي التانية كانت مع جانا
-عمر: أها ، البنت الرفيعة السفيفة دي
-حسين: اه هي فعلاً سفيفة .. بس انت عرفت ازاي
-عمر: ماهي كانت واقفة مع خطيبها بره وبعدين مشيوا
-حسين بخضة : بتقول ايييييييه ؟؟؟ وقعتهم سودة !!!!!!!!!
-عمر في نفسه: احسسسسن
-ثم أضاف عمر: عن اذنك يا بشمهندس الوقتي
أسرع عمر خلف عز الدين الذي وضع جانا في المقعد الخلفي وأراح رأسها حتى لا ترتطم بالزجاج ، ثم توجه للمقعد الأمامي ليركب بجوار عجلة القيادة ، فوجد من يفتح الباب الأخر ويجلس بجواره
-عز: جاي ليه ؟؟؟
-عمر: مالكش فيه
-عز: امشي ياض بره العربية بدل ما أحطك تحت العجل وأسويك بالأسفلت
-عمر: لأ انا جاي معاك وبأوامر مباشرة من المهندس حسين ، ما أنا مش هسيب الملاك ده مع ذئب متوحش زيك
-عز وهو يضرب عجلة القيادة بيده: صبرني يا رب
-عمر: سوق ولا مابتعرفش ؟
-عز: انت تسكت خالص ومتفتحش بؤك ، وكلمة زيادة هتلاقي نفسك محدوف بره العربية !!
-عمر: طيب ، دوس بنزين
توجه الاثنان بجانا نحو أقرب مستشفى ، في حين طلب حسين دينا ليعرف مكانها ،،،،
-دينا: ييس دادي
-حسين: انتي فين
-دينا: أنا.. أنا
-حسين: اوعي تكدبي
-دينا: أنا ..انا
-حسين: تعاليلي ع الشركة مع البيه اللي معاكي فوراً
-دينا بخجل: اوك
وجدت دينا والدها حسين يقف خارج الشركة ،،
-ياسين: أنا.. شوفت .. ازيك الأول يا بشمهندس
-حسين بحدة: حسابنا بعدين يا ياسين .. يالا يا دينا نلحق جانا
-دينا: جانا ؟ but why ؟؟؟
-حسين: ما انتي مش دريانة باللي حصل وواقفة مع البيه تتسايروا
-ياسين: والله يا بشمهندس أنـ....
-حسين: ششش .. يالا مش هنضيع وقت ، أه واطلبيلي عز شوف راح بجانا ع فين
-دينا وياسين معاً: مين ؟؟؟
-حسين: مش وقته ، اركبوا خلينا نلحقهم !!!
..............
وصل عز الدين وعمر إلى المستشفى ،،،،
-عز: حد يلحقنا بسرعة
-عمر: مافيش حد هنا ولا ايه ؟
-الممرضة: ايه اللي حصل
-عز بحدة: انتي لسه هترغي ، شوفيلنا دكتور بسرعة
-ممرضة أخرى: حطها هنا
-الطبيب: بعد اذنكو بره الوقتي ، واحنا هنشوفها
-عز: أنا مش ماشي ، دي مراتي ولازم أفضل جمبها
-عمر مقاطعاً: لأ مش مراتك
-عز: انت ايه حاشرك .. امشي بقى
-عمر: لأ .. أنا أعد ع قلبك
قام الطبيب بالكشف عن جانا وافاقتها ثم خرج ليتحدث معهم ،،،،
-الطبيب: حضراتكو قرايب المدام
-عز: ايوه ما انا لسه قايلك اني جوزها
-عمر: لأ طلقيها
-الطبيب: أها ، مافيش مشكلة
-عمر: خير يا دكتور ؟؟ عندها ايه ؟ مالها ؟ طمني
-الطبيب: مافيش حاجة يدوب اغماءة بسيطة نتيجة خبطة ع الوش بصورة مفاجأة
-عز: خبطة من ايه ؟
-عمر: طب أقدر أشوفها
-عز: اياك تفكر تخطي برجلك جوا الأوضة عندها هكسرهالك
-عمر: طب جرب كده
-حسين مقاطعاً: خير يا دكتور بنتي مالها
-الطبيب: لسه كنت بقولهم هي فاقت جوا وبخير
-حسين: الحمدلله
-ياسين: الحمدلله
-دينا: نقدر نشوفها يا دكتور
-الطبيب: أه .. بس لحظة
-ياسين لعز : ايه اللي جاب الأخ ده هنا
-عز: بلوى سودة
-عمر: حمدلله ع سلامة جانا يا بشمهندس حسين
-حسين: الله يسلمك ، هو انت لسه مروحتش؟
-عمر: مايصحش يابشمهندس اسيب جانا وهي كده مع حد غريب
-عز لياسين : شايف بيقول ايه ؟
-ياسين: متحطش في بالك الوقتي ، امسك اعصابك أبوس ايدك
-الممرضة: اتفضلوا يا جماعة تقدروا تقابلوا المدام الوقتي
-حسين: ماشي يا بنتي ، يالا يا دينا .. وشكراً ليكو ع تعبكم كلكم .. بس كفاية لحد كده
-دينا: اوك يا دادي
-عمر: متقولش كده يا بشمهندس احنا معملناش حاجة
-حسين: كتر خيرك يا بني ، عن اذنك ...
-عز: انت لسه واقف ، ماهو قالك امشي بقى
-عمر: لأ مش ماشي ، اتوكل انت على الله وشوفلك سكة
-عز: سكة !! لأ انت اللي تهوينا بدل ما ايدي تطول عليك
-ياسين: خلاص انتو الاتنين ، احنا في مستشفى مش في حضانة ارحمونا بقى .. تعالوا نشوف حساب المستشفى !!
-عز: أنا اللي هدفع
-عمر: لأ أنا
-ياسين: عليا الطلاق ماحد دافع إلا عز !!
-عمر: أنا رايح أجيب حاجة اشربها وراجع !
-عز: خليك وراه لأحسن يعمل حركة غدر
-ياسين: تقصد ايه
-عز: امشي ياض وراه
-ياسين: أجيبلك أتره يعني
-عز: هات أي نيلة بس حصله
-ياسين: اعتبره حصل يا كبير
.....
في داخل الحجرة ،،،،،
-جانا: آنكل حسين .. دينا
-حسين: انتي كويسة الوقتي يا جانا
-جانا: الحمدلله ، انا أحسن
-دينا: what happened ؟
-حسين: طمنينا عليكي ، انتي مش كنتي ماشية من عندي كويسة
-دينا: انا طلبتك بس كان موبايلك unavailable
-جانا: كل اللي فكراه اني خرجت من مكتبك يا أنكل ولاقيت اللي اسمه حازم ده بيتعرضلي
-حسين: مين ؟ حازم !!!!
-دينا: المجنون بتاع النادي ؟؟؟؟
-جانا: اه هو
-حسين مستفهماً: مين حازم ده ماتفهومني
-جانا: ده يا آنكل الـ .....................................
حكت جانا لحسين ما حدث بينها وبين حازم من قبل في النادي وفي داخل المصعد ، وتكونت لدى حسين صورة كاملة الآن لما حدث بين عز وجانا !!!
-حسين: بقى كل ده يحصل ومتقوليليش ؟؟؟؟
-جانا: كنت فاكرة ان ده عادي
-حسين: عادي ازاي ... انتي .. اانتي متعرفيش حاجة
-جانا: أعرف ايه
-حسين: هه .. مافيش .. بس من هنا ورايح مافيش نزول لأي واحدة فيكو لوحدها
-دينا: بس دادي أنا ناقصني شوية stuff عاوزة أشتريه !
-حسين: اسكتي انتي كمان ، حسابك معايا لما نروح البيت ، بتقابلي ياسين من ورايا
-دينا بتردد: no .. دادي . اللي حصــ.....
-حسين: شششش مش وقته ولا دهحتى المكان اللي ينفع نتكلم فيه .. لينا بيت .. هاروح أدفع حساب المستشفى وراجعلكم .. محدش يتحرك من هنا
-جانا: استلقي وعدك يا دودي
-دينا: اوف بقى
-جانا: بس آنكل يُشكر ع انه جابني ع المستشفى
-دينا: لأ مش دادي هو اللي جابك
-جانا: قصدك ايه ؟
-دينا بخبث: عرسان الهنا
-جانا: نعم
-دينا: عز وعمر
-جانا بدهشة: بتقولي مين ؟؟؟
-دينا: عز و عمر !!!!!!
-جانا: طب ازاي ؟؟؟؟
-عمر وقد أطل برأسه داخل حجرة جانا: الجميل عامل ايه الوقتي ؟
-جانا: هه .. عمر .. أنا تمام .. ثانكس
-عمر: خضيتني عليكي .. انتي كويسة ، حاسة بايه؟
-جانا: أنا تمام صدقني
-عمر: ياااااااااا رب دايما ، يارتني كنت أنا
-عز مقاطعاً: ان شاء الله أمييييييين
-جانا: انت بتعمل ايه ؟
-عز: جاي أطمن عليكي
-جانا: خلاص اطمنت ؟ اتفضل بقى
-دينا: بالراحة يا جوجو
-عمر وهو يدفع عز للخارج : يالا بقى يا كابتن طريقك صحراوي
-عز وقد أمسك يد عمر: ولو كسرتهالك الوقتي
-عمر: آآآآه .. خلاص يا كابتن
-جانا: سيب عمورة يا عز
-عز: نعم ياختي
-جانا: بقولك سيبوه .. ايه مش سامع
-عز بقرف: عمورة !! عاجبك فيه ايه الواد السنكوح ده
-عمر: متقولش واد .. أنا راجل
-عز باستهزاء : راجل .. هأو
-دينا: بليز يا جماعة .. calm down !
-عز: ما انتي مش شايفة طريقتهم يا دينا
-جانا: مالها طريقتي ، مضيقاك في ايه ؟؟ أنا واحدة حرة وأعمل اللي أنا عاوزاه
-عز: لأ مش حرة يا هانم
-عمر: بتحط نفسك في مواقف بايخة
-عز: أنت لسه واقف ، والله لأخليك تبات في المستشفى النهاردة
-عمر بسهوكة : طب يا ريت حتى أبقى جمب جوجو القمر
-عز: متستفزنيش ياض انت بدل ما آ.......
-ياسين مقاطعاً: صوتكوا جايب التايهين .. يالا بقى لأحسن تحصل كبسة من حمايا ، وهو already مش طايقني خلقة !!!!!!!!
-عز: لسه كلامنا مخلصش يا جانا
-جانا: هه ..
-عمر وهو يضع يده على قلبه : باي يا جوجو .. وسلامتك من الآه
-جانا بحب: الله يسلمك يا عمورة
-عز: وجع في قلبك منك ليها
-ياسين: يالا بقى .. خلي بالك من نفسك أدينا ، سلام يا جانا
-جانا: أه بالحق يا عمورة ، انت معزوم ع كتب كتاب دينا
-عمر: بجد .. والله مافيش داعي
-عز: ياريت ماتجيش ، مش عاوزين نشوف خلقتك فيه
-جانا: وانت مالك ياباي ؟؟؟ ده كتب كتاب بنتي عمي ، ايه اللي حشرك أعزم مين وماعزمش مين ؟؟؟
-عز: ده ع اساس ان العريس جاي من موزبيق .. ماهو المتنيل ياسين ، وأنا أقول مين يجي ومين مايجيش
-ياسين: الله يكرمك دايماً مشرفني .. بس عدم اللامؤاخذة دي ليلتي
-جانا وعز معاً : اسكت !!!
-ياسين: حاضر
-جانا بتحدي: هتيجي يا عمورة صح ؟
-عمر : طالما ده يريحك هاجي
-عز: مش هيجي
-جانا: أه يريحني يا عمورة
-عمر: بالعند في الكابتن ده .. جــــــــاي !!!
-عز: هيبقى أخر يوم في عمرك
-جانا لعز : انت فاكر نفسك مين عشان تتحكم في غيرك
-عمر: سيبك منه أنا جاي
-عز: هنشوف يا جانا
-ياسين: أبوس ايدكم كفاية بقى ، انا مش عاوز حد يجي الفرح إلا المأذون .. ارتاحوا بقى ، الجوازة مش ناقصة عطلة أكتر من كده
-عمر: مبروك يا عريس ، ومتقلقش هتعدي
-عز: هو صاحبك عشان تباركله
-ياسين: يالا آعز .. يا يا أخ عامر
-عمر: اسمي عمر
-ياسين وهو يدفع كلاً من عز وعمر لخارج الغرفة: مفرقتش ، امشوا بقى عم حسين زمنته جاي وهيطبق في زومارة رقبتي وده أصلاً بيتلكك للجوازة ..
وبالفعل خرج الجميع من الغرفة ،،
-دينا: جوجو اللي بتعمليه ده أوفر ع كده
-عز وقد أطل برأسه لداخل الغرفة: قوليلها والنبي آدينا
-جانا: برررره
-عز: ليكي يوم ... وهو قرب
-جانا وهي تقذفه بالكوب البلاستيك: اطلع برررره
-عز: طالع .. بس راجعلك تاني !
-جانا: شايفة عمايله
-دينا: هو لسه بيحبك
-جانا: وأنا بكرهه .. !!!
-دينا: عليا برضوه ؟
-جانا: يوووه
.........
ذهب حسين لدفع فاتورة المستشفى ولكنه وجد أن عز الدين قام بدفع الحساب مسبقاً ، فطلب يوسف لكي يخبره بآخر التطورات التي عرفها من جانا ،،،
-يوسف باستغراب: كل ده حصل وجانا مقالتش عنه
-حسين: ده يدوب بتحيكلي بالصدفة النهاردة
-يوسف: معنى كده ان الواد حازم ده مش ناوي يسيب جانا في حالها
-حسين: ايوه ، وده قلقني عليها اوي
-يوسف: يبقى لازم نعجل بالجزء الجديد من الخطة
-حسين: طب ازاي وامتى ؟
-يوسف: في يوم كتب الكتاب
-حسين: بس ده هيحصل ازاي؟؟؟
-يوسف : أنا هاقولك بص ................. !!!!
