رواية دعني احطم غرورك الفصل السبعون
مرت الأيام دون جديد يذكر إلا فقط .....،،،،
خارج قسم الشرطة ،،
-رامز: اخيراااااااااااا
-فوزي المحامي : كله تمام يا باشا
-رامز: برافو يا فوزي
-فوزي المحامي : توجيهات سيادتك يا باشا
-رامز: كده سيلين هتلبس الليلة كلها وش
-فوزي المحامي: احنا في السليم يا باشا
-رامز: طب يالا بينا بقى لأحسن هاموت م التعب ، نومة البورش دي جابتلي براغيت
-فوزي المحامي: اتفضل يا باشا.. العربية هناك
.......
-سيلين: يعني ايه ؟
-وكيل النيابة : يعني حضرتك هتشرفينا كمان 15 يوم .. اكتب يا نبيل ، أمرنا نحن المستشار ((..........)) وكيل نيابة (( ........ )) بحبس المتهمة 15 يوماً ويراعى التجديد في الميعاد
-سيلين: بس أنا معملتش حاجة ، انا بريئة
-وكيل النيابة : يا مدام الأوراق اللي قدامي بتقول غير كده
-سيلين: أنا بريئة
-وكيل النيابة: خدها يا عسكري ونزلها الحجز تاني !!!!
...................
في فيلا يوسف الكيلاني ،،،،
-عايدة: على فين يا عز؟
-عز: رايح للعريس
-عايدة: من بدري اوي كده
-عز: يدوب عشان نلحق ننجز
-عايدة: ربنا يعينكو ، احنا هنجهز ع اخر النهار ونطلع ع القاعة ع طول
-عز: اوك يا ماما .. اومال بابا فين ؟
-عايدة: فوق
-عز: طيب سلميلي عليه ، اشوفكم في القاعة ان شاء الله
-عايدة: مش هوصيك يا عز .. عاوزين الليلة تعدي ع خير .. هه ، فاهمني ؟
-عز: ان شاء الله خير .. سلام !
..............
في كوافير الرجــــال ،،،،
-ياسين: عاوزك تخفلي الجانبين وتعملي الفورمة دي
-الكوافير: تمام يا سينو
-ياسين: سنجفني بقى مش هوصيك .. أه ومتنساش تحطلي البتاع اللي بيلمع ده ، اللي شبه الترتر
-الكوافير: تقصد الجليتر ؟
-ياسين: ايوووه هو ده عاوز أنووور في الفرح
-الكوافير: سيبلي نفسك بس وملكش دعوة هظبطك
-ياسين: ما أنا سايب أهوو ، اتوكل على الله
-عز وقد دخل إلى محل الكوافير : الليلة ليلتك يا قطة
-ياسين: بس بقى لأحسن بتكسف
-عز: يا راجل
-ياسين: انت مش شايف وداني احمروا ازاي م الحياء
-عز: هما من ناحية احمروا فهم احمروا بس..بس مش م الحياء
-ياسين بخضة: اومال من ايه ؟؟ هه من ايه ؟؟؟
-عز وهو يقرص أُذني ياسين : من قرصي ليك
-ياسين متآلماً: ياعم اعتقني بقى ، ده النهاردة فرحي
-عز ضاحكاً: خلاص يا سينو نويت
-ياسين: الحمدلله
-عز: نصيحة من أخوك بلاش
-ياسين: ليه؟
-عز: يمكن تطلع الجوازة مبهوأة عليك
-ياسين: هبقى أخدها غرزتين من الجنب وهي تضيق .. ادعيلي انت بس
-عز: ربنا يكرمك أحبيبي وأفرح فيك
-ياسين: يااااااااا رب ، وعديها ع خير ، استرها معايا يااااا رب ده انا غلبان
.......
في مركز التجميل ،،،،،
-سهير: لوووولووووولي
-دينا: خلاص بقى يا مامي
-سهير: بسم الله ماشاء الله زي القمر .. حصوة في العين اللي ما يصلي ع النبي
-جانا: عليه الصلاة والسلام
-سهير: لوووولوووولي .. لوووولوووووولي
-جانا: مبروك يا دودي
-دينا: ثانكس جوجو .. عقبالك يا جميل
-جانا: No way
-سهير: متقوليش كده يا جوجو .. ان شاء الله ربنا هيعوضك بالأحسن
-دينا: قوليلها يا مامي وبعدين في ....
-جانا مقاطعة: خلاص يا دودي .. اسكتي بقى لأحسن الميك أب هيبوظ
-دينا: ايه ده بجد؟
-جانا ضاحكة : ههههههههههههههه أه لو اتكلمتي كتير هيبوظ
-سهير: يالا البسي يا جوجو عشان الوقت ميسرقناش
-جانا: اوك
-سهير: انا كده اطمنت عليكي يا دودي .. هسبق أنا ع القاعة عشان أستقبل الضيوف
-دينا: اوك يا مامي
-سهير: مش عاوزة حاجة يا حبيبتي
-دينا: no, mom .. ثانكس
-سهير: لووووووولوووووولي .. لوووووولوووولي .. ربنا يفرحكم ويسعد كل البنات
.........
حل المساء وكان الجميع قد انتهى من استعداده لمراسم عقد القران ،،
في القاعة ،،،،
-حسين: أهلا وسهلا ، اتفضلوا
-أحد المدعوين: مبروووك يا بشمهندس
-حسين: الله يبارك فيك ، اتفضل
-يوسف: حبيبي آسحس ، مبروك يا خويا
-حسين: الله يبارك فيك يا جوو
-يوسف: ايه الاخبار ؟ العرايس فين ؟
-حسين: تقريباً خلصوا ، زمانتهم في الطريق
-يوسف: يوصلوا بالسلامة، واخبار الموضوع التاني ايه؟
-حسين: تمام .. أهووو .. ياريتنا جبنا في سيرة مليون جنية ، منور يا صفوت
-صفوت المحامي : الف الف مبرووووك حسين بيه ، يوسف باشا أهلا بيك
-حسين: الله يبارك فيك يا صفوت
-يوسف: يا أهلا بالغالي .. وحشني والله آصفوت
-صفوت: انت اكتر والله يا جوو .. لازم يعني يكون في فرح عشان اعرف اشوفك
-يوسف: هههههههههه يا سيدي ربنا يكتر في الأفراح وهتلاقينا موجودين ع طول في وشك
-صفوت: أهم حاجة هتأكلنا يا سحس ولا الفرح ناشف
-حسين: عيب عليك !
-صفوت: واحشتني والله أعدتكم من زمان
-يوسف: اخبار شغلك ايه ؟؟
-صفوت: الحمدلله ، المكتب شغال كويس والله أنا مابفضى حتى أهرش
-حسين: مايحسد المال إلا أصحابه
-صفوت ضاحكاً : هههههههههههههه ع رأيك
-يوسف: ها سحس قالك ع اللي عاوزينه منك ؟
-صفوت: دي حاجة زي ما بيقولوا كده piece of cake ..
-حسين: ورينا شطارتك بقى
-صفوت: متقلقش
-يوسف: طب اتفضل يا صفوت جوا ، انت صاحب فرح
-صفوت: انت بتقول فيها
-حسين: براحتك الفرح فرحك يا صفوت
-صفوت: تسلم ياخويا .. أنا هشوف نفسي جوا
-يوسف: عيش
..............
في مركز التجميل ،،،،
كانت الفتاتين قد انتهيتا من استعدادهما ، كانت دينا في غاية الرقة والجمال بفستانها الأبيض المزدان بالفصوص البيضاء اللامعة والنقوشات الرقيقة والطرحة الطويلة الرائعة ، بينما ارتدت جانا فستاناً طويلاً لونه أسود وصففت شعرها بطريقة جذابة وزينته بتاج صغير جعلها كملكة متوجة ...
-دينا بقلق: أنا مش عارفة هو اتأخر ليه
-جانا: يا بنتي عادي ، اهدي بس
-دينا: كان المفروض يجي من نص ساعة
-جانا: بس بقى عشان كده الميك أب هيبوظ
-دينا: اوك يا سينو .. أنا مش طالعة
-جانا ضاحكة : ههههههههههههه ده بجد
-دينا: ييس
سُمع صوت أبواق سيارات خارج مركز التجميل تعلن عن وصول العريس ليستقبل عروسته ،،،
-الكوافيرة: الظاهر ان العريس جه بره
-دينا: سوري أنا مش طالعة
-جانا: خلاص أنا هخرج أقوله كده
-دينا: لألألألأ استني شوية
-جانا: انتي مجنونة
-دينا: أعمل ايه بس يا جوجو I love him ..
-جانا: وماله يا حبيبتي .. حبيه براحتك
-الكوافيرة: ها يا عروسة ندخل العريس؟
-دينا بخجل: اوك .. أه بس نزلي الطرحة ع وشي مش عاوزاه يشوفني
-جانا: ليه ماهو عارف شكلك
-دينا: Not now
-جانا: براحتك
وبالفعل دخل ياسين إلى مركز التجميل لكي يصطحب عروسته إلى القاعة حيث مراسم الخطوبة وعقد قرانهما ،،،،
-ياسين: هي فين دينا ؟
-جانا وهي تشير إلى دينا : ماهي قدامك أهي.
-ياسين مبدياً استغرابه : اللي أعدة جوا الخيمة دي !!
-دينا: انت بارد
-ياسين: اه تصدقي ، ده صوتها
-دينا: في حد يقول للـ bride بتاعته كده !
-ياسين: بهزر معاكي يا دودي عشان تفكي كده
-جانا: الف مبروك .. هتسوق انت يا سينو ؟
-ياسين: لأ .. انا العريس ، طب بذمتك هركز ازاي في السواقة وانا معايا القمر
-دينا بخجل: اوووه .. ثانكس
-ياسين: مش انتي أنا أقصد جانا
-دينا: يووووه !!!
-جانا: خلاص بقى يا سينو خف ع دودي لأحسن تطفش
-ياسين: تطفش ايه ، ده انا مصدقت
رفع ياسين الطرحة عن وجه دينا وتفاجيء بملامحها الرقيقة الجميلة والتي ازدادت جمالاً باللمسات الرقيقة التي وضعتها خبيرة التجميل ،،،
-ياسين: اللهم صلي على كامل النور ، هو في كده يا ناس ؟
-دينا بخجل: عليه الصلاة والسلام
-جانا مقاطعة : اه يا سينو في كده سادة وفي بفيونكات
-ياسين: لأ انا عاوز من ده يا حزومبل ، أنا عاوز من ده
-دينا بخجل : مش يالا
-ياسين: امووووووت أنا في السريع
توجه الجميع إلى خارج مركز التجميل ليتفاجئوا بالسيارة المزينة بأروع الزينات ،، ،،،
-دينا بانبهار: واو .. It's so amazing
-ياسين: ايه رأيك ؟
-دينا: روعة أوي .. بجد مش عارفة أقول ايه
-جانا باستغراب : مش دي عربية آآآ...
-عز مقاطعاً: ايوه هي ... !عربيتي
-جانا: انت ؟
-عز: ايه الحلاوة دي
-جانا: انت جاي هنا ليه ؟
-عز: الله مش فرح سينو ولا نسيتي ؟
-جانا: لأ مانستش ، انت مكانك مش هنا .. مكانك في القاعة
-عز لياسين: هو انت مقولتلهاش ؟؟
-جانا: يقولي ايه ؟
-ياسين: احم.. لامؤاخذة .. ملحقتش ... ماهو.. أصل.. أصل
-جانا: أصل ايه ؟
-ياسين بسرعة: عز هو السواق
-عز: احترم نفسك
-جانا: قصدك ايه؟
-ياسين بتوتر: قصدي ان عز .. ان دي عربية عز .. يعني .. هو اللي هيوصلنا للفرح
-جانا بضيق : أنا استحالة اركب معاه العربية
-عز: ليه ياختي ؟؟
-جانا: أنا مش طايقاه ، أقوم أركب معاه العربية
-ياسين بسذاجة : لأ وكمـــــان قدام .. شوفتي بقى حاجة وصاية !!!
-جانا بنرفزة : كمان .. متعصبونيش
-دينا: بليز جوجو .. أنا تعبت م الوقفة ، الـ dress تقيل وانا عاوزة أركب العربية بقى
-جانا: لا يمكن
-دينا: why ؟
-جانا وهي تعقد ساعديها أمام صدرها: مش هيحصل
-ياسين: والنبي يا شيخة الهي يا رب أفرح بعيالك خلي اليوم يعدي ع خير .. اعتبريه تاكسي ، توك توك او حتى مُكروباز .. أي حاجة بس نركب خلينا نوصل القاعة
-دينا: اسمه ميكروباص
-ياسين: مش وقتك خالص آدينا
-عز: ها يا جانا هتركبي ولا هنقضيها كده كتير
-جانا بضيق: وسع كده
-عز وهو يفتح لها الباب: شِرس .. أموت أنا
-جانا: اووف
-دينا: ايه مش هتفتحلي الباب يا سينو ؟
-ياسين: ليه يعني
-دينا: الله مش أنا الـ bride
-ياسين وهو يفتح لها الباب : متزهنقيش .. اتفضلي ..
-دينا: حاسب بس الجيبونة
-ياسين: ايه ده كله ؟؟ انتي شيلاه ازاي لوحدك
-دينا وهي تعتدل داخل السيارة : اووف بقى ، اعدل وانت ساكت ! خلاص اقفل الباب
-ياسين: يا مهون يا رب ، عديها ع خير وميحصلش كارثة ، يااااا رب نوصل الفرح سالمين .. يا خوفي من بابورين الجاز اللي أعدين قدام ينفجروا ويهبوا في وشي أنا والبونية المحشورة في الفستان دي .. استرها يااا رب
-عز: يالا يا زفت ، مش هنستناك كتير
-ياسين: عديها ع خير يا رب .. طيب جاي
انطلق عز الدين بسيارته نحو القاعة وبين الحين والأخر ظل يلتف إلى جانا ،،،
-جانا: انت هتبصلي كتير .. بص قدامك
-عز: مين قالك اني ببصلك أصلاً ، انا ببص ع المراية اللي في الجنب
-جانا: لا والله
-عز: أه يا ماما ، أل أبصلك أل ..
-جانا: اووف
-ياسين: ما تشغلنا اغنية حلوة كده ده النهاردة فرحي أجدعان
-عز: ممم .. طيب استنى اما أشوف
-ياسين: أيوه كده أهندسة ظبطتني
-ياسين لدينا: هتسمعي أحلى كلام الوقتي آعرووسة
-دينا بخجل: اوك
وضع عز الدين أحد الاسطوانات في مشغل الأغاني ،،
(( سبت فراغ كبير .. لعمرو دياب ... ))
{ سبت فراغ كبير ، عندي والله حبيبي حبيبي ، وانت هناك بعيد ، مش بعيد عني حبيبي ، قولي ازاي أعيش ♫ }
فأغلقت جانا الأغنية ووضعت بدلاً منها اسطوانة أخرى
(( والنبي لو جاني ... شيرين عبد الوهاب ))
{ والنبي لو جاني ، باس ايدي كده واترجاني ، أنا عمري ما هرجع تاني ، مابقتش أقبل أعذار ، حدالله مابيني ، وبين واحد قلبه ناسيني ، اتهزت صورته في عيني ، مابقاش في بينا عمـــار ♫ }
أغلقها عز الدين ووضع أغنية أخرى ،
(( طمني عليك ... محمد فؤاد ))
{ من يوم بعدك وأنا قلبي ، مكسور وحزين ، محتار مش عارف ، الدنيا وخداني لفين ، صعبان على قلبي فراقك ، طب هاعمل ايه ، جوايا حنين علشانك ، ازاي أدرايه .... طمني عليك ، وقول فين ألاقيك .. مشتاق لعينيك ، وبموت من شوقي ليك .. وازاي انا أعيش لو مش وياك .. مش قادر أنساك ♫ }
قامت جانا بايقاف الأغنية وتشغيل أخرى بدلاً منها ،
(( جربت في مرة .. اليسا ))
{ جربت في مرة تقرب من انسان مجروح ، ضايع مهزوم محروم من طعم الفرح ، ساعة ما اتألم اتكلم بحلاوة روح ، راجع مجروح مش قادر يهرب م الجرح ... اطمن حس بدفى في ايديك ، حبيته لاقيته في حضنك طفل بريء ، طيبت جراحه ايديته عينيك ، اديتوه مشاعرك ، مشيتوا طريق ، عرفته ازاي مكان الفرح يسكن مطرح كل الأحزان ، وزرعت أمان ولاقيت الطرح فجأة بيدبل على ايد انسان .. جربت يخونك ويسيبك في السكة حزييين مش طايق حتى يحس بجرحك ، جربت عيونك تناديله تستنجد بيييييه ولاقيته ع دمعك واقف يضحك .. ولاقيته ع دمعك واقف يضحك ♫ }
-دينا: هو أحنا هنفضل نسمع الـ sad songs دي كتير .. أنا قربت أعيط
-ياسين: والله ما أنا عارف هيفضلوا كده لحد امتى !
-دينا: ياخوفي تقلب بعد كده
-ياسين: اوووبا ، والاتنين مجانين لأ بناقص
-ياسين من الخلف : ابوس ايديكو مش وقت ما يطلبوه المستمعون ، أنا مش عاوز أغاني خلاص .. كله كده نكد وعذاب وفراق ، مافيش دوقوا المزاهر يالا ويا أهل البيت تعالوا ، ولا أغنية طالعة من بيت أبوها رايحة ع بيت ياسين
-عز: لأ معنديش
-ياسين: خلاص شغلوا قرآن ..
-جانا: احسن برضوه
-عز: أهو يطرد الشيطان اللي راكب دماغ ناس
-جانا: تقصد مين؟
-ياسين:ابعد يا شيطان ، الله يحرقه ، شغل قرآن بقى واحرق أمه ابوس ايدك .. أنا عارف هو يوم مش هيعدي بالساهل
-دينا: ييس بليز
وكان أفضل شيء تم تشغيله بالفعل هو آيات القرآن الكريم حيث صمت الجميع واستمعوا له ،،،
-ياسين: يا سلاااااام .. الواحد كده يدخل القاعة وهو بيشع نور
-دينا: شور
-عز: ربنا يقوي ايمانك .. ويهدي ناس
-جانا: لأ ياخد ناس
-عز: تقصدي مين؟
-ياسين من الخلف: تقصد الشيطان اللي مش راحم نفسه ونازل نفخ ووسوسة في العربية من بدري ، أنا مش عارف هو ليه مش بيتحرق ويريحنا ولا الظاهر انه راكبه ghost
-عز: اها
-ياسين: خلوا ليلتي تعدي عشان خاطري .. حياة ابوك يا عز خليك cool
-عز: ربنا يسهل
-دينا: يالا يا سينو .. الزفة فين ؟
-ياسين: تلاقيهم طفشوا
-عز: أه .. جايز برضوه أما عرفوا انك العريس
-ياسين وهو يبحث عن فرقة الزفة بعينيه : استرها يا رب ، راحوا فين دول
-دينا: ها شوفتهم ؟
-ياسين: استني أما أكلمهم اشوف واقفين فين ، ولا يمكن مش دي القاعة أصلاً .. انا الظاهر جالي زهايمر
-عز: لأ اطمن هي القاعة
حاولت جانا أن تفتح باب السيارة لتنزل منها ،ولكنها وجدت أن قفل السيارة مغلق اوتوماتيكياً
-جانا: افتح الـ lock خليني أنزل
-عز بقرف : مش فاتح إلا لما تيجي الزفة هتقفي في الشارع لوحدك بمنظرك ده ؟
-جانا وهي تنظر لنفسها: ماله منظري ؟؟ وبعدين انت مالك أصلاً
-عز: ماله .. ايه مش شايفة نفسك في المراية ، يخربيت حلاوتك الزايدة .. حاجة كده استغفر الله العظيم تخلي نفس الواحد آآآآ...
-جانا: تخلي نفسك ايه ؟؟؟؟
-عز برومانسية : تتفتح ع الجواز !!
-جانا: اوف
-عز: لا تكوني مفكرة اني بعاكسك لا سمح الله، لأ انا بس بقول رأيي
-جانا: مش عاوزة اعرفه
-عز: أنا بكلم نفسي
-جانا: ليه مجنون
-عز: وهو في حد يعرفك ويبقى عاقل
-ياسين وقد رأى الفرقة من على بعد : اشهد أن لا اله الا الله ، اخيرااااااااااا الزفة جت .. افتح ياعم الأبواب خلينا نبدأ .. يالا يا عروسة
وبالفعل جاءت الزفة ونزل الجميع من السيارة وتم الترحيب بالعروسين والتف الجميع حولهما ثم صعدا إلى القاعة حيث تمت مراسم عقد القران على خير
-عز: الف مبرووووووك يا عريس
-ياسين: الله يبارك فيك ، والنعمة ما أنا مصدق ، اقرصني كده لأحسن أكون بحلم
-عز وهو يقرصه: ماشي
-ياسين متآلماً : آآآآآآآآآآآآآآآه .. مش اوي كده
-عز: عشان تصدق
-ياسين: انت كده ورمتني ، العروسة تقول ايه اما تشوفني
-عز: قولها اصابة عمل
-ياسين: اوعى بقى أما أبارك لعروستي
-يوسف: الف الف مبروك يا حسين
-حسين: الله يبارك فيك يا يوسف
-يوسف: عقبال أما نبارك رجوع العيال لبعض
-حسين: ايدي ع كتفك
-يوسف: ان شاء الله خير
-حسين لياسين وهو يحتضنه: مبروك يا ياسين ، مش هوصيك ع دينا ، تحطها في عينيك ، واياك في يوم تجي تشتكيني منك
-ياسين: اخيراااااااا ياعمي افتكرتني من غير ما تقولي انت مين
-حسين: يا واد كنت بهزر معاك
-ياسين: ده انت نشفت ريقي
-حسين: بتقول حاجة
-ياسين: الله يخليك وتطلع عيني
-حسين ضاحكاً: ههههههههههههههه ماشي يا عريس .. الدخلة ان شاء الله زي ما اتفقنا كمان شهر
-ياسين: لو ينفع النهاردة أنا جاهز
-حسين: عييييب يا ولد
-ياسين: هو أنا بسرق دي بقت مراتي خلاص
-يوسف وهو يحتضن ياسين : كبرنا واتجوزنا يا سينو
-ياسين: حبيبي أبوعز
-يوسف: ربنا يسعدك يابني ويهنيك
-ياسين: اللهم امييين
-سهير: مبرووووووووك يا دودي .. لوووولووووولي
-دينا: ثانكس يا مامي
-عايدة: ألف مبروك يا أحلى bride
-دينا: ثانكس أنطي ديلة
-جانا: مبرووووك يا دودي .. وعقبال الليلة الكبيرة
-دينا: ان شاء الله
-سهير: لووووووولووووولي
-ياسين: وسعوا بقى خلوني أقعد جمب عروستي
-جانا: هنياله يا سينو ، مبروووك
-ياسين: الله يبارك فيكي يا جانا
-مسئول القاعة : الف الف مبروك للعروسين ، وبنطلب منهم يتوجهوا للبست عشان يفتتحوا الحفلة
وبالفعل رقص ياسين مع دينا رقصة الـ (( slow ))
-ياسين: يااااااااااااه يا عبد الصمد ، اخيراً بقيتي مراتي
-دينا: Are you happy ؟ مبسوط
-ياسين: اه جداااااااااااا .. ده انا طلع أيماني عشان أوصل لهذه اللحظة التاريخية الفاصلة في تاريخ الأمة العربية المتحدة
-دينا: يا سلام ..كل ده ؟؟
-ياسين: اه والله .. بس كله يهون عشانك آجميييييل
......
وقفت جانا تتأمل ياسين ودينا وهما يرقصان سوياً وتتذكر ليلة فرحها كيف كانت أيضاً ، وكيف كانت حياتها مع عز الدين ، لكنها شردت في الذكريات الآليمة التي تسببت في انهيار أحلامها ،،،،،
-عمر : الجميل سرحان في ايه ؟
-جانا: عمر مش معقول .. انت جيت؟
-عمر: لأ لسه ! طبعاً جيت وهو أنا أقدر ارفض اول حاجة تطلبيها مني
-جانا: بجد so kind of you انك حضرت
-عمر: بس سؤال نفسي اعرفله اجابة ؟
-جانا: ايه هو ؟
-عمر: أنا ع طول دايماً كده ألاقيكي سرحانة
-جانا: لأ عادي
-عز من على بعد : وده ايه اللي جابه الفرح !!!!
-يوسف: مالك يا بني؟
-عز: مافيش يا بابا .. !
-يوسف: الله اومال وشك اتاخد كده ليه
-عز: هه .. ثواني كده بس وراجع
-يوسف: وماله ..
-عز لياسين في الكوشة : بص يا زفت هناك كده
-ياسين: ياعم ما تفكك مني وتسيبني اترزع مع عروستي شوية ، اعتقني لوجه الله في يوم زي ده ، والله ما بيتكرر كتير
-عز: ياض بص هناك بدل ما أنكد عليك
-ياسين: خلصني فين
-عز: اهوو
-ياسين: الله مش ده ضرتك ؟
-عز وهو يلكز ياسين في كتفه: لم نفسك
-ياسين متآلماً: ااااه .. هريت كتفي سيبني أروح سليم
-عز: شايف الواد لزقلها ازاي ، وعامل في نفسه ايه ؟؟؟؟؟
-ياسين: أه شايف .. ربنا يكفيك شر المعفن أما ينضف !!!
-عز وهو يبتعد عن ياسين : تصدق صح ... هو فعلا معفن !
-ياسين مستفهماً : انت رايح فين ؟
-عز: رايح أنضف الحتة اللي هناك دي
-ياسين: خد يا عز .. استنى .. آعـــــــــــــــز !!!!
