رواية الهاويه الفصل السابع بقلم جمانه السعيدي
نور...كل المحاولات بينا جاي تفشل ضجت حيل من وضعنا ماكو اي تقدم بينا
سولفت البنات صديقاتي بلدوام ووصفولي شيخ يعرف باامو السحر
رحنا اني وخالد حتى نشوف شنو المشكله
شرحنا وضعنا من يوم زواجنا لليوم
بس اخذ خيره كال انتم مسحورين سحر صد وتفرقه
اني متأكده اخته الي سوت النا السحر بيوم عرسنا
محد غيره يسوي هاي المصيبه
من رجعنا للبيت
نور...اني متأكده هاي اختك ماكو غيرها هي الي صممت على العشى بيوم عرسنا
خالد....شنو اختي ليش تسويلنا سحر
نور...مااعرف
خالد...لا مو اختي ايجوز امج
نور...امي ماتعول تخلص مني ماتسوي سحر
ماكو غير اختك
خالد...سدي الموضوع رجاء لا ادوخين راسي
بقينا على وضعنا هذا ماكو اي تقدم بينا وخالد ابد ماحاول يحل هذا الموضوع كان عندا عادي وطبيعي
وضعنا واحنا عايشين مثل الاخوان
اما زوجته السابقه اتقدمله واحد شاب اعزب يخبل شكله كلش حلووو ابيض وشعرا اشكر
خطبها
بعد زواجنا بفتره قصيره
بس شرط عليه مااريد ابنج ومااتحمل مسوليته
نور اني ماكنت اعرف بلشغله بس شفت خالد كاعد وضايج
نور...شكووو
خالد...ايمان ازوجت
نور..ايمان طليقتك
خالد...اي وزوجها مايريد كيان يمكن اجيبه يعيش ويانا هنا
نور...اي عادي جيبه بيت ابو أولى بي
خالد...باجر اروح اشوفه ويجوز اجيبه وياي
نور..اهلا وسهلا بي
ثاني بوم راح خالد على اساس يجيب ابنه واني رحت اشتريتله ملابس والعاب
فرحت على خبر جيت ابنه يعيش ويانه على الاقل يخف التوتر والروتين بينا
بس بيبته ام امه ماقبلت تنطي الخالد كالت اني متعلمه علي اريده يبقى يمي
بلقانون اذا الام ازوجت تنتقل الحضانه الامه
ماكدر خالد يجيبه
بس كل اسبوع يجيبه يوم يبقى عدنا
كلش حبيته بس هو ابد مايحبني وكلما اشتريله
ملابس واللعاب من ياخذه خالد البيت جده
يرجعوهن عليه
مايقبلون اشتريله اي شي
يكرهوني يعتبروني اني سبب خراب بيت بيتهم
جمانه السعيدي
المصيبه الي أصعب من كل هاي المصايب
كلما استلم الراتب خالد يوكفلي وكفه جيبي مصرف البيت
نور...ليش اني ادفع مصرف البيت عليه قسط الغراض الي اشتريتهن
خالد...ومنيبن اجيبلج عيوني
ترا بسببج راتبي كله ضاع
نور...شنو تقصد
خالد...بسببج طلكت زوجتي وبسببج راتبي طار على النفقه واهلي مايردوني
تدفعين وانتي ساكته هم محسوب عليه مره
واني محسوب مزوج مالت عليه شلون زواجه
وهذا الفلم يتكرر كلما استلم الراتب بوكف على راسي لمن ياخذه كله
واني مااكدر احجي اي شي
ومحد يعرف بوضعي كلما بابا يسئلني اكول كلشي تمام
جمانه السعيدي
لمن مرن ٣ سنوات على زواجنا واني بعدني بنيه
٣ سنوات ماحسيت بيهن بطعم الراحه ابد
كلهن مشاكل وبعد بيني وبين خالد
وخالد تغيرت معاملته وياي
يدخل ويطلع يخلق مشاكل بينا
كلما اشوف وحده عدها طفل زغير اكوم ابجي
إلى متى اني راح ابقى هيج
مزوجه ومامزوجه اريد طفل يملي عليه حياتي
خالد طول النهار بره
واني وحدي بلبيت
بيوم رحت للدوام واني روحي طايره مني
ودمعتي بطرف عيني
لان اشوف خالد ابد ماهمه وضعنا ولا يحاول يشوف شنو المشكله ويحله
وكانما المشكله مو مشكلته
اجتمعن البنات عليه ويسئلني شبيج شصاير
بعد ماكدرت اسكت انفجرت ابجي يردن يسكتني ماكوووو
كوه سكتت وحجيتلهن الي صار وياي
ويانا مدرسه جبيره بلعمر كالت اني عندي الحل
نور...دخيلج الحكيلي شنو
...اكو بنيه اعرفه ازوجت وبقت ٣ اشهر زوجها ماقرب عليه
راحت للدكتوره وهي ساعدته وهسه حامل
راح انطيج عنوانه ترحين وهي تفتح غشاء البكاره لان السحر متوقف هنا
اذا هي فتحت الغشاء راح يروح السحر منج
ويكدر زوجج يقرب عليج
كان كلامه منطقي بلنسبه اليه
واني كنت اريد اي حل ينقذني من وضعي التعيس هذا
اريد اي امل اتعلق بي حتى اخلص
رجعت للبيت وبقيت اقنع بخالد وهو قافل مايقبل
يومين اتلاثه منا لمن اقتنع
وكال يله امشينا
اتصلت حجزت يم الدكتوره
طبعا مستشفى اهلي
دخلت عليه وشرحتله وضعي
نور...دكتوره صار ٣ سنوات زواج وهو مايكدر يقرب عليه
اريدج تساعديني
الدكتوره...هاي العمليه خطره احتاج موافقة زوجج وعقد زواجكم وثنيين شهود
لازم يوقع حتى اخلي مسوليتي من هاي العمليه
نور...تمام دكتوره
طلعت وكتله تريدك الدكتوره
خالد...السلام عليكم دكتوره
دكتوره...اهلا وسهلا توقع على عملية فض غشاء البكاره
حتى اخلي مسوليتي
خالد...تمام دكتوره
نور...ماكدرت اخطي هاي الخطوه بدون علم اهلي
لازم يعرفون كلشي يصير
رحت للبيت وحجيت كلشي الام وخواتي
ثاني بوم راحن وياي للمستشفى
وقع خالد والدكتوره كالت ادخلي بلغرفه هسه اجي وراج
دخلت جوا واجت الدكتوره وراي
الحمد لله عمليتي ماطولت بسرعه خلصت وطلعت
بعد هاي العمليه كدر خالد يقرب عليه
بعد ٣ سنوات زواج هسه يله صرت مزوجه
المهم شهرين وحبلت
وكانت فرحتي ماله مثيل واخيرا راح اصير ام
بس خالد تخبل مني كام يكرهني كره العمى
يدخل وبطلع يغلط عليه وحتى يضربني يغار مني
مااعرف شصار بي
كام يغيب عن البيت ومااعرف وين يروح
بلبدايه يغيب يوم لو يومين
بعدين كام يغيب شهر ويتركني وحدي
ومايجي اله وياا جيت الراتب
من يحتاج مصرف يذكرني عشت أصعب ايام حياتي
حامل واداوم ووحدي
كل هذا واني بعدني متمسكه بي واحبه
ااكول فتره وراح يرجع مثل قبل هو يحبني بس اموره
تعبانه
