رواية مازلت عذراء الفصل السابع بقلم جمانه السعيدي
هبه...صعدت الغرفتي وكمت ابجي
جدي وامي اجو وراي
امي...حيل تستاهلين مو كتلج اسكتي اسكتي اني اكبر منج واعرف اكثر منج
كتلج اسكتي لا تحجين ارضي بكلشي الي كتبه رب العالمين الج واسكتي
هبه...احجي وابجي خانكتني العبره حاشا لله يكون كاتب ضلم للعبد احنا البشر بيناتنا نحقد واحد على الثاني
نضلم ونجذب ونكره
بينما رب العالمين هو العدل الرحمن الرحيم
اني جاي اكللكم ماقربلي ولا لمسني
انتم مصممين اذلوني وذلون نفسكم الواحد حتى نعال مايسوه
افهمو ياناس ياعالم اني بعدني بنيه وعقيل ماكدر يقرب عليه جمانه السعيدي
حتى هو جاي يكول اني ماقربت عليه بعد شتريدون اكثر
جدي...اسكتي بابا الجرح بكصتج توهم خيطو لا يرجع ينزف مره ثانيه بسبب الانفعال
هبه... جدو افهمني اني بنيه ابوس ايدك ساعدني
زين اخذوني للفحص
اني قابله حتى تتأكدون من كلامي
ولله حرام عليكم تردون ضيعون مستقبلي
جدي....اسكتي بابا لا تبجين هذا الحجي بعد فات وكته
صار ١٢ سنه الناس تحجي بي
وهسه نكول لا جنا غلطانين طلعت بنيه
منو راح يصدك بينا البنيه اذا طلعت عليه سمعه بعد خلاص مثل الجام الي ينكسر
الجام اذا انكسر يرجع يتصلح
هبه...انتم تقدمون كلام الناس على سعادتي
ترضون الناس على حساب حياتي
اني شعليه بلناس الناس راح يعاشرون عقيل لو اني
الناس راح يعيشون وياا لو اني
خل الناس يحجون هم الناس شعدهم غير الحجي
الناس حتى على رب العالمين تحجي
فكرو بيه وبحياتي لا تفكرون بحجي الناس
جمانه السعيدي
طبعا احجي واناشغ بلكوه تطلع الكلمه مني
عافني جدي ونزل
وامي هم نزلت ورجعت جابتلي اكل
هبه...مااربد اطلعي وسدي الباب وراج كلشي مااريد منكم
طبعا الدكتور ضربني ابره حتى تهدي الوجع
لان راسي حيل بوجعني
نمت ماادري بنفسي امي رجعت تكعدني للعشى واني على نفس النومه
الي كسر خاطري ابوي ماصعد يطمن عليه
ولا حتى اجا يشوف الجرح لو يسئلني شلون صرتي
يمكن هو يكرهني مايحبني
حتى من ضربني ضربني بحقد ومافكر هاي الضربه ممكن اطير عبني
ثاني يوم كعدت على صوت المنبه الساعه بلسبعه الصبح
اني متعوده اكعد هيج وكت علمود الدوام
كوه كمت من مكاني
رحت اباوع بلمرايه اشوف شكلي احس راسي يوجعني
حيل
قربت كصتي مورمه والورم نازل على عيني اليسره
استغفر الله شلون راح اداوم
رجعت تمددت وتغطيت مااروح للجامعه اليوم خل الورم ينزل واروح
الساعه بثمانيه صعدت امي تطمن عليه وجايبتلي ريوك
امي...صباح الخير شلونج اليوم
هبه...شوفي شكلي حتى مااكدر اروح للدوام
امي ...تريكي اليوم لا ترحين للدوام
هبه....اريد كمادات بلكت الورم ينزل
امي...اي تريكي واني هسه اجيبلج كمادات
تريكت وخليت كمادات ورجعت تمددت
للعصر صديقاتي اتصلن عليه
كتلهن مريضه بعد استحي اكول ابوي ضربني وكصتي مورمه
ثاني يوم هم بعدا الورم وعيني دايرها صاير ازرك بس الورم خف شويه راسي مايوجعني بس مكان الضربه يوجعني
هذا ثاني يوم وابوي ابد ماصعد يطمن عليه
بس جدي كل شوبه وجايني شلون صرتي
جابلي علاكه شكبرها حلويات وعصاير يحاول يطيب خاطري ونطاني ٢٥ الف
ثاني يوم بليل اجاني مسج على الواتساب
ميثم...السلام عليكم اسف اذا دخلت خاص اني ميثم وسمعت مريضه اريد اطمن عليج
شكد جنت مقهور فرحت قريت الرساله عشر مرات قبل لا ارد علي
هبه...اهلا وسهلا
ميثم....سلامتج الف سلامه
هبه....شكرا منيبن جبت الرقم
ميثم...ليش هلاحراج اني جبته بطريقتي الخاصه ولا تسئليني
هبه...تمام
ميثم...من شنو تشكين
هبه....ازمه عائليه خلتني افقد التركيز
ميثم....الله يستر وهسه اكدر اساعدج بشي
هبه...تسلم اذا تساعدني تحفضلي المحاضرات الي تفوتني
ميثم... صار من عيوني الاثنين تجين باجر مكانج خالي
هبه...مااعرف خل اشوف الضروف
ميثم...مااحب ادخل بخصوصياتج بس اذا اكدر اساعدج بشي اني حاضر
هبه....ياريت اكو احد يكدر يساعدني محد يكدر يساعدني غير رب العالمين
ميثم....الله يفرج همج انشاء الله
هبه....شكرا لان تسئل عني
ميثم...احجيلج الصدك
هبه...اي احجي
ميثم....ترددت الف مره قبل لا ادز الرساله خفت تصديني او تفهمين الموضوع غلط
هبه....بلعكس انت انسان محترم ردودك وتصرفاتك كله محترمه
ميثم....الله يحفظج اسف مره ثانيه اذا اخذت من وقتج
تصبحين على خير
هبه...وانت من اهل الخير
ثالث يوم شويه احسن خف الورم شلت الضماد الجبير
وخليت ضماد زغير شويه باقي زراك على عيني
دخلت سبحت وبدلت جففت شعري ورفعته
خليت باودر وضل اسود على عيني حتى اخفي الزراك
بدلت لبست بنطرون قماش اسود وستره اسود
وقميص كريمي وشال كريمي
جنطه وحذاء احمر
نزلت بس شافتني امي
امي...هااا اداومين اليوم
هبه...اي فاتتني محاضرات هواي ومليت من البيت
امي...اي اطلعي شوفي صديقاتي احسن من كعدت البيت
جمانه السعيدي
طلعت للكليه اول ماوصلت صديقاتي اجن عليه
هاي شبيج ليش هيج كصدتج شصاير
هبه...وكعت ونفتحت كصتي واخذوني للمستشفى ضمدوها
كانت وارمه وعيني زركه وماكدرت اجي
بعدني احجي ويااهن وسمعت صوت ميثم من وراي
ميثم...صباح الخير
هبه..التفتت بس شفته ابتسمت بين عليه فرحانه بوجوده
...صباح الخير
باوع على الضماد الي بكصتي وكال
ميثم...الحمد لله على السلامه
هبه...الله يسلمك
ميثم...جبتلج كل المحاضرات
هبه..بس انت شلون عرفت اني اليوم اجي
ميثم...كلبي كلي
هبه...من سمعت هاي الكلمه رجعت ابتسمت
اشرلي تعاي
هبه...من رخصتكم بنات
جمانه السعيدي
ابتعدنا عنهن
ميثم...ماادري الحرب بيتكم واصله الهلدرجه شكووو
هبه...ماكو شي عدت سلامات
حرب خاسره وداعتك كلشي مايفيد بيه لا سياسه ولا هدنه ولا سقوط جرحى
حرب فاشله ماله اي معنى بس مستمره
ميثم....لا تشيلين هم لا زم تنتهي بيوم من الايام ماكو حرب تستمر طول العمر
هبه.. هو اني صابره ومنتضره النهايه
ميثم...لازم تفرغين نفسج حتى اشرحلج ذني المحاضرتين لان كلش مهمات
حتلو باجر لان مبين راسج يوجعج
هبه...لا اليوم انشاء الله
هاي قصة شرح المحاضرات كانت حجه من ميثم حتى يكون قريب مني اكثر اني فهمت قصده وقررت انطي فرصه
وانطي نفسي فرصه ويااا
اكو مقوله للأمام علي ع يكول تفائلو بلخير تجدوه
اريد اتفائل هلمره بلكت يجيني الخير
فعلا كعدنا اني وياا برا وبدا يشرحلي بكل ذمه وضمير
طبعا فهمت منه أكثر ماافهم من الاساتذه
جمانه السعيدي
هسه اجا دوري اعرفكم على نفسي
اني ميثم شاب مثابر من اني زغير احب الدراسه
واحب اكون من المتفوقين
عائلتي تتكون من اخت ازغر مني وأخ ازغر واحد
امي موضفه بلتربيه وابوي رجال كاسب
وضعنا المادي متوسط
اما بلنسبه بعلاقتي بهبه
اني احبه قبل سنه كنت اراقب تصرفاته من بعيد
عجبتني شخصيته التزماها ترتيبه محدودة العلاقات
تروح وترجع بطريقه
السنه الي فاتت ضاعت مني واني خجلان افاتحه بحبي
بس السنه قررت لا لا زم احجي وياها واحدد موقفي منه
كنت كلش خايف لا تصدني
لان اني كلش احبه ومتعلق بيه
هبه علاقتي بميثم اطورت اكثر كل لحظه تفوت اتعلق بي اكثر واكثر
وهو مايفوت فرصه الي يبيني هو شكد معجب بيه ويحبني
اعرف اني خلفت بلوعد الي وعدته بيني وبين نفسي ابتعد عنه
بس الحب مابي تحكم يجي فجئه بدون موعد
ميثم....تعرفين اني شكد صار احبج
هبه...اي شكد اعترف
ميثم...من العام كنت اراقب تصرفاتج وكلما اشوفج
مااكدر ابعد عيوني عنج
هبه..وليش ماحجيت
ميثم...خفت تصديني لو تفشليني لان حسيتج كلش عمليه ترحين وترجعين بطريقج
وماعندج علاقات من اي نوع
بس السنه قررت خلاص لازم انطي النفسي فرصه
هبه...وهسه
ميثم...هسه احبج ومستعد اتحمل واصبر على كلشي علمودج
هبه...شورطك اهلي صعبين
ميثم...مستعد اتحمل كلشي لان كلبي كلما يشوفج
يكول هاي الاختيار الصح
هبه....راح تتعب
ميثم...تعبج راحه بس انتي اوكفي وياي ولا تعوفيني من اول اختبار
هبه...لا مااعوفك ساعته اذكرت مشكلتي الي ماله حل
وفكرت احجيله كلشي
بعدين ترددت كلت خاف يفهمني غلط
خليه للضروف احسن
هلكد ماحبيته وتعلقت بي كنت متردده احجيله كلشي عني خاف يعوفني
واني ماصدكت لكيته
خلصت هاي السنه ونحجت بمساعدة ميثم
بقينا على تو اصل بلتيلفون وبس لان اني مامسموحلي اطلع ابد
انتضر تخلص العطله بفارغ الصبر
حتى ارجع اشوفه
السنه مرحله رابعه الاخيره ومااعرف اذا خلصت راح نبقى سوا اني ويااا لو نفترق
ياترى راح يسمعني ويصدكني
لو بس يعرف قصتي يبتعد عني
كلش خايفه من المواجهه
بدا الدوام واول يوم جنت كلش متحمسه واريد بس اوصل
لكيته منتضرني برا
بس شافني ابتسم
ميثم..واخيرا اخيرا انشلع كلبي
هبه...ياحبيبي انت
ميثم...على هاي الكلمه الحلوه راحت الضوجه والانتضار
والحزن كله
هبه...الله لا يحرمني منك
ميثم...ولا يحرمني منج ابد
شكرا لزيارتكم عالم روايات سكيرهوم
