رواية خيانة لا تغتفر الفصل السابع بقلم جمانه السعيدي
نازك...بعد اربع ايام من دوام مريم وياا بسام طلعت من الدوام ورحت عليهم حبيت افاجئهم
دخلت وكان بسام على مكتبه ومريم هم كاعده على صفحه
والولد عدهم طلبيه يجهزون
نازك...صباح الخير
بسام بس شافني كام من مكانه وفتح اديه يمشي ويكول
بسام.. هله هله حبيتي شنو هلمفاجئه الحلوه
حضني كدامهم كلهم وباسني
بسام..تو نور المكان شعجب اليوم
نازك...اشتاقيتلكم بعدين انت اخذت صديقتي مني قبل اكدر اشوفه هسه مشغوله وياك
كامت هي من مكانه واجت سلمت عليه سلام كلش بارد
يمكن لو اني بمكانه وواحد مشغلني ومنطيني راتبي ليكدام
حتى اشيله مو بس اسلم علي
بس هي كان سلامه بارد
اني مااخذت ابالي كلت ايجوز تعبانه لو محرجه من الولد
كعدت شويه بسام طلبلي عصير شربت بعدين رحت على مريم وكتله خاف محتاجه شي مايردج اله السانج
مريم...شكرا
صمم بسام يوصلني للبيت جمانه السعيدي بس صعدنا بلسياره كال ليش نرجع للبيت تعاي اني عازمك نتغدا برا
فعلا رحنا للمطعم تغدينا ووصلني للبيت ورجع للشغل
بعدها قلت الاتصالات بيني وبين مريم كلما اتصل عليه لو ماترد لوتكول تعبانه
فعلا هي كانت تطلع الصبح وتبقى بلشغل لليل يله ترجع
كنت مقدره وضعها
بس اني احب اطمن عليه
بهذا الوقت وصفولي دكتوره تصنع المعجزات على حجيهم
قررت احجز واروح افحص واشوف اكول حل الحالتي لو لا
الدكتوره طمنتني اكو حل الحالتي بما ان الطب اطور
واكو علاجات مطوره داخله جديده
بديت اراجع يمها بس بدون مايعرف بسام
لان حسيته بهاي الفتره حيل مشغول عني بلعمل يطلع الصبح ومايرجع اله بليل
واني هم مااريد اضغط علي خلي يكون نفسه
ومثل ماكتلكم المكالمات اني ومربم شبه انعدمت ماكو اتصال بينا اله كل اسبوعين
اطمن عليه وهاي هي
ست اشهر واني اراجع يم هاي الدكتوره والعلاج كله بلورق
كنت اذا احتاج فلوس اخذ من بابا
مااريد اضغط على بسام
هو صحيح كال اني اسدد القسط مال الراتب بس ماانطاني شي لان يحتاج يجيب بضاعه كل فتره
والفلوس جاي يشتغل بيه
هو صحيح كال اذا تحتاجين فلوس اخذي بس اني ماأخذ منه أي شي
اهلي يعرفون اني جاي اراجع علمود الاطفال وكانو يساعدوني دائما ومامقصرين وياي ابد
الشهر السابع الدكتوره كالت هذا اخر شهر تاخذين العلاج
الشهر الأخ راح يكون اكو حمل بإذن الله
مامصدكه ودي اطير من الفرح
كوه لزمت نفسي ماحجيت اي شي البسام
وهو هم حيل مشغول بحيث يجي متأخر بليل وكبل ينام
كمت مااشوفه ولا احجي ويااا الصبح اني اطلع قبله للدوام وهو يبقى نايم
ومن ارجع مالكا بلبيت ولا يجي طول النهار
وبليل اتعب وانام وهو بعدا مجاي
واذا عطله عندي وابقه منتضرته يجي تعبان
يسبح وكبل ينام الكلام بينا قل وأصبح مشغول طول النهار
الصراحه تندمت لان شجعته يكبر مشروعه
لان قبل احسن نطلع نتونس وياخذني البيت اهلي
يتصل عليه اكثر من مره
هسه حتلو اتصل علي يكول مشغول
مره او مرتين نحجي بلتليفون بليوم
بينما قبل توصل حتى عشر مكالمات
خلص هذا الشهر وماكو حمل انهاريت فد مره يعني شنو اني مراح يصير عندي اطفال
ضجت حيل اهلي يعرفون كل التفاصيل اول بااول
بابا كال نطلع سفره وتجين ويانه نغير جو
عوفي بسام لان مشغول وتعاي ويانه
نازك....حبيبي اهلي يردون يطلعون سفره اروح وياهم
بسام.... اي روحي براحتج
نازك...احتمال اسبوع اواكثر
بسام...ماكو مشكله غيري جو اخذي المبلغ الي يكيفج
جمعت ملابسي وشغلاتي الي احتاجه واخذني بسام وصلني البيت اهلي
طلعنا ثاني يوم للشمال الأجواء تخبل
بس اني بقيت ضايجه فكرت الحمل والأطفال ماتطلع من
راسي
بابا...حبيبتي لا اضوجين انتي العليج سويتي خلاص الباقي على رب العالمين
نازك... يعني اني راح ابقى بدون اطفال
بابا...لا تكولين هيج هذا رزق ومتعرفين يمته يجي
اتوكلي على رب العالمين
نازك...والنعم بلله بس تعبت هاي اربع سنوات من ازوجت
بابا...وشنو يعني بعدج زغيره
نازك...انت تشوف هيج
بابا...انتي بعيني بعدج طفله زغيره
نازك...ههه تسلم ياحبيب كلبي
كل يوم بسام يتصل يطمن عليه
هو يتصل مره واني اتصل علي مرتين بليوم
من رجعنا من السفر بقيت يومين بيت اهلي رحت للصالون غيرت لون وكصت شعري واشتريت كم قطعه ملابس جديده وملابس نوم وعطور
واتصلت بسام حتى يجي ياخذني
اعتذر وكال اليوم كلش مشغول حبيبتي
نازك...يعني مامشتاقلي
بسام...لا شلون مامشتاقلج زين ساعه واجيج
ساعه ونص يله اجا شكد فرحت من شفته عبالك صار سنتين ماشايفته
بسام...الله شنو هلجمال طالعه تخبلين
نازك... هذا التغير على مودك
بسام....الله هذا كله علمودي
نازك...لان مشتاقتلك يمكن اليوم اخطفك من الشغل
اريد يوم بس اليه كافي شغل الخاطري
بسام....صار باقي هذا اليوم بس الج
رجعنا للبيت الكل كان مشتاقلي وايات فرحت برجعتي وحتى خالتي وجنات وعمي
ايات...همزين رجعتي لان من سافرتي كمنا منشوف بسام
التفتت علي مستغربه من كلام ايات
بسام....حبيبتي إذا انتي ماكو بلبيت شعدني راج
ام بسام....هااا هيج الحجي
بسام....لا حبيبتي انت الاصل بس مشغول
الله ياخذج ايات اسكتي اله تسوين مشاكل
اول مادخلنا للغرفه حضني وكال اذا انتي ماكووو
مااكدر ابقه بلبيت دقيقه وحده انتي ماتعرفين شكد احبج
دخلنا للغرفه وبعد ماطلعنا اله لليل بس تليفون بسام مابطل يرن والرسائل وحده ورا الثانيه
نازك...شنو هاي تليفونك مايسكت
بسام...حبيبتي الشغل تلكينهم هسه مخبوصين خبص
نازك...ولو اليوم انت اليه
بسام...اي الج حبيبتي انتي اصلا ماتعرفين شكد مشتاقلج
ثاني يوم من كعدت الصبح للدوام مالكيت بسام طالع
بس هو مو من عوايده يطلع قبل السبعه الصبح
لان همه الساعه بلعشره يبدي شغلهم
كلت ايجوز جايته طلبيه
اتصلت علي .. اول مارد على التليفون سمعته كال اش
بسام...هلو حبيبتي
نازك...اليوم طالع من وكت شعجب اكو شي
بسام...لا ماكو شي بس عندي طلبيه ورحت استلمه
نازك...تمام
بسام....حبيبتي اموت عليج
نازك...واني هم اموت عليك
بهاي الفتره قررت اعوف العلاج اعوف كلشي على رب العالمين هو الي يدبر امري جمانه السعيدي
واذا مقسوملي يصير عندي اطفال راح يصيرون اكيد
ا
بعد مارجعت بأسبوع واحد من سفرتي
بليل حسيت بسام عندا موضوع يريد يحجي وياي بي
بسام...حبيبي اريد اطلب منج طلب
نازك....عيوني
بسام...اكو ولد صديقي ازوج قبل فتره وهسه عندا مشاكل وياا اهله ويريد يطلع
نازك...اي
بسام...تقبلين تنطين مفتاح بيتج يكعد بي فتره الحد مايحصل سكن
نازك...اي عادي ماعندي مانع باجر اجيبلك المفتاح من بابا
بسام...عفيه حبيبتي عرفت مراحل تفشليني
نازك...لا عادي بمكان ما باقي فارغ
ثاني يوم رحت جبت المفتاح وانطيته البسام
نازك...هذا المفتاح
بسام...اي حبيبتي يمكن اليوم بليل مااجي لان اريد اساعده ينقل غراضه للبيت
نازك....اذا تحتاجون مساعده اني اجي وياكم
اخذ ايدي وباسه وكال لا ميحتاج اني وياا والولد الي يشتغلون وياي نتقل غراضه ونساعده
ماتعرفين هذا صديقي من زمان
نازك...بس اني ماسمعتك تسولف بعرس صديقك
بسام...ازوج بسرعه بدون عرس
نازك....بلعافيه
بليل مارجع بسام اتصلت علي كال مشغول مااجي
بعد هاي المره تكرر غياب بسام بليل مايجي للبيت
وكل مره شغله شكل
لو يكول عدنا طلبيه واتاخر
لو جماعتي عازمين نطلع سفره
لو صديقي تعبان اريد اخذه للمستشفى
لو اليوم نكعد نرتب اجتنا شغلات جديده
اني عندي ثقه بي ومااركز بهاي الشغلات
بلعكس جنت شايله همه اكول خطيه حيل جاي يتعب بلشغل
لو باقي على قبل احسن
شكرا لزيارتكم عالم روايات سكيرهوم
