رواية خواطر رجل الفصل السابع بقلم جمانه السعيدي
ياسر... رجعت للشغل بس ابد مااحس نفسي مرتاح
قالقني وضع مرام
ليش ماتقبل أقرب عليه جبيره وتفتهم بنات ازغر منه مزوجات وعدهم اطفال
مااعرف إلى متى راح اصبر عليه
بهذا اليوم اجتني قضيه كلبت كياني كلب
وخلتني اتهور وارتكب اكبر غلطه بحياتي
اجاني شاب مزوج صار اسبوع واحد
وجاي يرفع قضيه طلاك على زوجته
ياسر....ممكن تهدء وتفهمني شنو المشكله بعدك عريس
ليش تريد اطلك
....استاذ صار اسبوع من ازوجت ومتتقبل أقرب عليه
ولا المسه كلما أقرب عليه تبجي وبحجة اخاف
تبقى ترجف كله والدموع تجري
بلبدايه كسرة خاطري كلت ايجوز تخاف صدك وهاي التجربه صعبه عليه
حجيت وي امي حتى تفهمه وتشرحله بس هي قافله
ماتقبل ابد
صار اسبوع واني صابر ومستحمل
جمانه السعيدي
الحد ماالبارحه دخلت تسبح ونست تليفونه
هذا التليفون اني جبته اله واني الي خليت الرمز بس الخط
مو جديد خطه القديم
هي ماقبلت تغيره تكول بي أرقام اهلي وصديقاتي
المهم اني فتحت التليفون
وجان اشوف المصيبه
الهانم الي مسويه نفسه تستحي ولا تقرب عليه اخاف
طلعت لاعبه لعب
عدها علاقه سابقه ويااا ابن الجوارين بليل يطفر عليهم من
ينامون اهله وداك وياها الناقصه
معتدي عليه وبعدين ماقبل يزوجه ويسترها
اجيت اني الغشيم وخطبته وزوجته
البارحه دزله رساله من تجين بيت اهلج انتضرج على السطح بليل نريد نعيد الايام الحلوه
وداز صوره وهو حاضنه وبايسه
اني قريته وتخبلت لزمته موتته تموت وطردته الاهله
هذا تليفونه عندي وبي الرساله
اريد اطلكه واطالبه ترجعلي كل فلس صرفته على العرس
تضحك عليه بت القندره
عباله غشيم ويعبرن عليه ذني السوالف
مسويه نفسه ماكو منه ابد
جمانه السعيدي
ياسر.. اني سمعت الحد هاي الكلمه وعقلي كام يجيب ويودي الأفكار كامت تزاحم بعقلي
راسا ربطت هاي القصه بمرام
ليش لا مهند جان شبه ساكن عدهم
وبقه خاطبه كذا شهر وعاقدين
ايجوز اعتدا عليه اي اكيد اعتدى عليه ليش خايفه
أقرب عليه
مسويه نفسه الشريفه العفيفه براسي
بشرفي اذا الي ابالي صاير اله اذبحه خلاص
اني ياسر وحده مثل هاي تضحك عليه
واني الغشيم اكول ميخالف خليه تتعود عليه
سمعت اذان المغرب اذن
انتبهت هذا الولد بعدا يحجي
...هااا استاذ شكلت اجيك باجر للمحكمه نرفع قضيه عليه
اريد كل فلس صرفته بهذا العرس
ياسر. اي ميخالف تعال باجر ويصير خير
الولد طلع واني كلت الاحمد اقفل المكتب اني اذكرت عندي شغله كلش مهمه
صعدت السياره وشغلته من كد ما فكري مشغول
ابد مااذكر شلون وصلت للبيت
مااذكر اي شي صادفني على الطريق
وصلت دخلت وكمت اصيح بصوت عالي
ياسر. ...مرام ..مرام وينج
طلعت من الحمام لافه شعرها بمنشفه ولا بسه تراك ستن
بنفسجي فاتح
مرام...هلو ياسر. خير شكو ليش عصبي
تقدمت وسحبته من ايدها بقوه ودخلته غرفة النوم
مرام...اي وجعتني ليش هيج تسحبني
ياسر.. هسه تحجين الحقيقه والا قسما عضما راح يكون هذا اليوم اخر يوم بحياتج فهمتي لو لا
مرام. اي حقيقه هاي شبيك
ياسر ...حقيقه الي صار بينج وبين مهند
مرام...تفاجئت من سؤاله اي مهند شذكرك بمهند اليوم
ياسر. فقدت اعصابي ولزمته من شعرها
احجي الحقيقه شصار بينج وبين مهند
مرام...اي عوف شعري هاي شبيك اليوم تخبلت
ياسر. لا عقلت وفتهمت الحقيفه اكيد مهند معتدي عليج
ولهذا السبب ماتقبلين أقرب عليج
تستغلين حبي وعطفي عليج
تضحكين عليه عبالج تعبر عليه هاي السوالف
يوميه مطلعه حجه شكل
مامتعوده عليك مامستعده
احجي لا اكسر البيت على راسج
جمانه السعيدي
مرام... عوفني انت ماتفتهم شنو جاي تحجي عوفني اروح الاهلي وهمه يتفاهمون وياك
ياسر. لا ماكو هيج لعبه ترا اني محامي وماره عليه هاي السوالف ماكو روحه الاهلج فبل لا اثبت حقي
تردين تنهزمين
مرام.. عوفني حيوان عوف شعري انت جاي تخربط
ماتعرف نفسك شجاي تحجي
ياسر.. حيوان مو اي حيوان لان صدكت وحده مثلح
هسه ترحين للفحص لازم اتأكد انتي بنيه لو لا
كمت اسحبه بقوه واضربه وهي رافضه تروح وياي للمستشفى موتته تموت ضربت بيه ضرب
الحد ماصارت رزكه
كلما تقاوم اكثر عقلي ياكدلي فكرت ان هي مو بنيه
وجاي تقاوم حتى لا اكشفه
وازيد ضرب بيه اضربه بدون وعي
وكانما جاي انتقم منه
كل شياطين الأرض صارت كدامي وتحرضني عليه
الحد ما بطلت تقاوم من كد ماضربته
تعبت ووكعت وبعد ماتكدر تقاوم ابد
بس شنو وجه صار خارطه وجسمه مابقه بي مكان صاحي
كومته بلقوه وسحبته
وهي تسحل بنفسه سحل دخلته للسياره
صعدت وقفلت البيباب مال السياره ومشيت الأقرب مستشفى
جمانه السعيدي
هنا هي كامت تبجي وتحجي بصوت ضعيف
مرام...اريد اهلي اريد احمد
حرام عليك تتهمني بشرفي
ياسر.. اش ولا كلمه هسه نعرف ياست الشريفه
هسه نعرف الحقيقه
احس كلبي يوجعني فحطت هلكد ماصرت عصبي
هلكد ما انفعلت هلكد ماضربته
وصلنا للمستشفى وهي حالته يرثى الها
شعرها كفشه ووجها ازرك من الضرب وتسحب بنفسه سحل
وتبجي
واني اسحب بيه بقوه
مااعرف هاي القسوه منيين اجتني
شكد مااحبه شكد ماقسيت عليه
اخذته القسم الولاده لان متأكد راح الكه بي دكتوره نسائيه
كل الي بلمستسفى يباوعون علينا
دخلت على الدكتوره واني لازمه بقوه
ياسر.. دكتوره اريد تفحصين زوجتي
الدكتوره بس شافت حالته عرفت القصه
طبعا مرام واكفه وترجف كله وتبجي
مرام...دكتوره فدوه راح اموت الحكي عليه
دكتوره.. انت شنو من بشر هاي شمسوي بلبنبه
ياسر.. هسه تفحصيه كدامي ولا احملج المسوليه كامله
اني محامي وراح ادخلج بقضايا ماله نهايه
جمانه السعيدي
دكتوره....اطلع برا ماتخوفني واذا محامي تعتدي على بنات الناس المفروض انت اكثر واحد تعرف حقوق الناس
ياسر...لا مااطلع وتتفقين انتي وياها اريد الفحص يصير كدامي اليوم اذا طلعت مو بنيه اذبحه خلاص
مرام...دكتوره فدوه خلصيني اني راح اموت جسمي كله بوجعني فدوه دكتوره
دكتوره.. خلاص اني راح افحصه كدامك بس اني اكلك هاي البنيه بريئه لان اني ماره عليه هواي حالات
واعرف البنيه من الي مو بنيه
اكعد ارتاح وانتي مامه اصعدي على السديه افحصج
مرام .. مجاي اكدر اصعد كل عضامي توجعني
دكتوره تعاي ساعديني
كالت ذني الكلمتين ورجعت تبجي تبجي بطريقه تقطع الكلب
ياسر...اني حاولت اجاهله من جه ضايج عليه
ومن جه اريد اموته تموت
الدكتوره ساعدته تصعد وسحبت البرده على النص
وبدت تفحص واني كمت وكفت بصف البرده
كلما الدكتوره تحركه تصيح اخ
الدكتوره...شبيج مامه ترجفين
مرام....استحي دكتوره بعمري مامتخيله اكون بهيج موقف ابد الله ينتقم من الي كان السبب
شويه والدكتوره غطته وكالتله كلشي تمام
البنيه محد مقرب عليه وبعدها بنيه ومستعده اكتب تقرير
بهذا الشي واختمه بختم المستشفى
واني مسؤله عن كلامي
ياسر.. بعد ماكدرت اوكف سحبت الكرسي وكعدت
مرام....دكتوره اهي اهي فدوه اتصلي باخوي يجي ياخذني ردت رقم احمد للدكتوره
وبقت نايمه بمكانه مانزلت ابد
جمانه السعيدي
الدكتوره.. وجودك يوتره ويوترني ممكن تطلع برا
بعد عرفت الحقيقه شتريد اطلع برا
طلعت برا الغرفه واني مااعرف شسويت بحالي
وشلون ممكن اصحح هذا الموقف
ربع ساعه واجه احمد
يركض ويصيح شكووو شبيه مرام
اشرتله على الغرفه راسا دخل وبقت الباب مفتوحه
بس شافته مرام كامت تبجي بصوت عالي
مرام... احمد اهي اهي الحكلي ياسر يشكك بشرفي
وجابني للدكتوره تفحصني
راسا احمد تقدم عليه ومسح دموعه وحضنه
بس حضنه صاحت اخ جسمي يوجعني ماكو مكان ماضربني بي
شاله بحضنه وطلع من الغرفه بس شافني خنزر عليه
احمد....لو ماصديقي وعزيز عليه ماتطلع من المستشفى عدل اخليهم هسه يوقعون شهادة وفاتك
اخذها وطلع واني بقيت واكف بمكاني مااعرف شسوي
ضيعت حب عمري بلحظة غضب
شكرا لزيارتكم عالم روايات سكيرهوم
