رواية جارتي الفصل السادس بقلم جمانه السعيدي
رنده....حيل اخذت على خاطري وزعلت على احمد
احس كبر الموضوع عبالك يدور حجه حتى يخلق مشكله
صارت الساعه ١٢ بليل يله رجع للبيت
اني ماطلعت من الغرفه امي نايمه حتى الجهال نايمين
دخل بغرفة النوم
مالكانا بلغرفه الاولى لا اني ولا الجهال
اجا للغرفه الثانيه اني غطيت راسي على اساس نايمه
قرب باوع على الجهال وطلع من الغرفه
حيل متغير احمد مو مثل قبل عبالك واحد ثاني
قبل مايهون علي زعلي حتى الجهال شكد جان فرحان بيهم
خلصت الاجازه ورجع للدوام وهو زعلان واني زعلانه
حتى من امي رجعت البيتها ماحاول يصالحني
كاعد ويانا بلبيت بس عقله بغير مكان
بس رجع للدوام اجت امي بقت وياي يومين
اجت حنيين تساعدني على الاطفال
حنيين...شبيج ضايجه اكو شي
رنده...احمد حيل متغير يتعارك وياي على الجبيره والزغيره
ابد ماكان هيج
حنيين....اني الصراحه شاكه بلموضوع من البدايه
كل الي يشتغلون بهذا المجال أصحاب علاقات
واحد يعلم الثاني وزوجج حلو وشخصيه وفلوس
اكيد عنده منا منا
رنده....لا مااصدك معقوله احمد يعرف عليه نسوان
يمكن صدك لان قبل مايهون علي زعلي
وهلمره زعلني وكام يعيط عليه وبعدين رجع للدوام حتى ماطيب خاطري بكلمه
حنيين...شوفي انتي طيبه بزياده تتقشمرين بكلمتين
وزوجج هذا مااضن خالي
انتبهي لا تنطينه ثقه بزياده خليج حريصه
جمانه السعيدي
جاي نحجي ورن تليفون باوعت احمد يتصل عليه
رنده....مارديت علي
دزلي مسج هلو رنده شلونج الجهال شلونهم
....مارديت علي
احمد....طمنيني عليكم خاف محتاجين شي
خلي خالتي تبقى وياج بلبيت لا تبقين وحدج
اخاف عليج وعلى الجهال
لا تفتحين الباب الاي احد ما تعرفي
رنده...من قريت الرساله حسيت اكو شي
شنو يعني لا تفتحين الباب اكو شي
اتصلت علي
احمد...هلو رنده
رنده...شكووو خير شنو الا تفتحين الباب
ممكن تفهمني
احمد....لا ماكو شي بس سوي الشي الي اكولج علي
رنده...لغز خوما لغز فهمني ترا اني جبيره وافتهم واكدر احافظ على نفسي
احمد...مااريدج تخافين
رنده....اخاف ليش اخاف
احمد...اكو واحد جاي يهددني بلاطفال
رنده...هههه ضحكتني
احمد...لا تستهزئين واحد بيني وبينه قضيه قديمه
وجاي يهددني بلاطفال
اني خايف عليهم
لا تفتحين الباب الاي احد ما تعرفي فهمتي لو لا
تردين ترجعين بيت اهلج ارجعي
رنده...لا مااكدر ارجع هي بس غرفة امي
وابوي طلع ينام برا بعدين عندي شغلات وملابس للجهال
تريد بيت وحدها
صدكني هذا يريد يخوفك وبس
احمد....شوفي لا تبقين وحدج لو امج لو حنيين تبقى وياج
رنده.... لاتخاف ماكو شي
احمد...اني من ارجع اخلي كامره بلباب
وراح ادور سكن قريب بيت اهلج حتى اطمن عليج اكثر
منو يمج هسه
رنده...حنيين
احمد...تمام خليها وياج بلبيت
رنده....صار
جمانه السعيدي
حنيين...شكووو
رنده...يكول لا تفتحين الباب الاي احد اكو واحد مهدده
حنيين...ههههه ههههههه صدك
رنده...اي ولله يحجي وصوته عبالك واحد خايف
حنيين....عمي هم اطفال زغار الي ياخذهم شنو
مبطل من نفسه شكد يحتاجون رعايه واهتمام
رنده...اذا واحد يريد يحرك كلب احمد مايهمه حتلو زغار
حنيين...يمعوده رجلج مكبر الموضوع
لو يريد ينتقم أسهل علي يكتل احمد او على الاقل يضربه طلقه يشل حركته
رنده...يمه اسم الله لا تكولين هيج اسم الله علي
حنيين.. احس رجلج مكبر الموضوع حيل
رنده...بليل اجت امي تنام وياي وحجيتلها عن احمد
كالت لا تخافين اتصل على حازم يجي ينام ويانا
فعلا امي اتصلت على حازم اجا حتى يبقى ويانا بلبيت
اني مااكدر ارجع بيت اهلي البيت بي جناين ثنيين وسبع جهال وبيت اهلي مو جبير
جنت كاعده بغرفة امي بيتي احسن مرتاحه اكثر
رنده...ثاني يوم كعدت الصبح جاني مسج من رقم غريب
بلبداية توقعت احمد
بس شفته رقم غريب
دزلي محادثه بين احمد وحده مكتوب بي
هلو حبيبي شلونك مشتاقتلك لاتكون ازوجت ونسيتني
اني حبيبتك القديمه
وأم ابنك ابنك الي نكرته بس اني بقيت محافظه علي
لان بي ريحه منك صار جبير تعرف يشبهك نسخه منك
لا تصدك راح تعيش سعيد بعد ما تخليت عنه
ابنك الي نكرته
احمد....انتي شتريدين بلضبط لان اني تعبت منج
...اريدك تعترف بابنك ويعيش حاله حال باقي الاطفال
احمد....كتلج مو ابني
....اذا ارفع عليك دعوه اكدر اثبت هو ابنك
تحليل بسيط راح يكشف كلشي
احمد...شكد انطيج وتعوفنيي بحالي
...اني مااريد فلوس اريدك تعترف بابنك
على فكره هو كل يوم يسئلني عنك يكول وين بابا
اهتم بي شويه ربع اهتمامك بجهالك
علي وووابراهيم مسكينه رنده ماتعرف حقيقتك
لا تخليني اكلب عليك وراح تتندم
رنده ...جنت اقرا واني مدده كعدت على حيلي ورجعت اقرا
من جديد
راسا دموعي نزلن كلام حنيين صحيح
احمد عنده علاقه سابقه ايجوز مو وحده ايجوز اكثر
واني على بالي هو ملاك ومايعرف طريق الغلط
جمانه السعيدي
كعدت امي شافتني ابجي راسا مسحت دموعي
امي...ليش تبجين شكوو
رنده...ماكو شي
امي....ترا كل الأمهات هيج يتعبن بلبدايه
رنده....اعرف بس اني مجاي اكدر اتحمل
امي...ليش ياستار هسه يكبرون وترتاحين
رنده...ماكدرت اسيطر على نفسي كمت ابجي بصوت عالي
امي...ياا صدك اسم الله ليش تبجين
اذا تعبتي منهم اخذهم وياي للبيت اني اربيهم
رنده....اهيييي اهيييي
كامت امي واجت قربت عليه خلت ايدها اليمنى فوك راسي
امي....بسم الله الرحمن الرحيم قل اعوذ برب الفلق من شر ماخلق من شر غاسق اذا وقب من الشر النفاذات في العقد
من شر حاسد إذا حسد
رجعت قرأت سورة الكرسي والتوحيد
رنده...مسحت دموعي اني مو ابجي من الجهال
اني ابجي من احمد
امي...احمد شبي احمد
رنده...عنده حبيبه وعنده طفل منها بعد بلحرام بلحلال
الله اعلم
امي....منو كالج شلون عرفتي
رنده...هاج شوفي هذا مسج بينه وبينها
ويكوللها انطيج فلوس واسكتي
امي...يمه هاي ناس تخرب ايجوز جذب هاي وحده تريد تخرب بيتج
بعدين انتي تكولين قبل لا يعرفني وهو ولد وشاب
ماكو ولد هسه ماعنده علاقات
رنده....ايجوز مامزوجها ايجوز معاشرها بلحرام
احمد ضحك عليه احمد متغير هواي
اكيد يخاف منها على الجهال وكل شويه يكول لا تفتحين الباب ناس مهددني
وهو خايف من الماضي
امي...لا تحركين اعصابج بعدج نفسه موزين عليج
خل يجي زوجج
وتفاهمي ويااا بس بهدوء بدون عصبيه
انتي مالج الحق تحاسبي على الماضي لاتخربين بيتج
بايدج
رنده...بعد يوم ويجي احمد جمانه السعيدي
كلما يتصل عليه ماارد علي كلشي مقهوره منه
معقوله عنده ولد شكد عمره ليش مايعترف بي
اذا جانت حبيبته وواصل وياها الهاي الدرجه
ليش اتخلى عنها ليش ماازوجها
كلما يتصل عليه مارد
حنيين...تليفونج ردي
رنده.. ماارد
حنيين...ليش هذا احمد يتصل عليج
رنده...قفلت التليفون عوفي
حنيين...براحتج
رنده...كلش مالي خلك حتى الجهال مالي خلكهم
اتصلت امي على حنيين
حنيين.. هلو خاله
ام رنده...وين رنده احمد يتصل عليها
حنيين....هاج رنده امج
امي....هلو رنده احمد يتصل ويكول تليفونها مغلق
رنده....اي اني غلقته
امي.. ليش يمه زوجج خايف عليج وعلى الجهال
رنده...مااكدر احجي ويااا
امي.. اني راح اطمنه عليج اليله مااكدر اجي انام يمج
ابوج فلونزا ومااكدر اعوفه حرارته مرتفعه
خل حنيين تنام يمج
رنده...اي عادي
امي.. لا تفتحن الباب الاي احد
رنده....طلع يخاف من حبيبته مو واحد يهدده
امي.. من يجي احجي ويااا بس بهدوء مو عصبيه
رنده...اي فهمت
سديت التليفون
حنيين...شنو يخاف من حبيبته بسلا احمد طلعت عنده حبيبه
رنده....بعدين اني احجيلج اليوم راسي يوجعني من القهر
حنيبن...براحتج
